تازه خبرونه
په لوګر ولایت کې پر زدکوونکیو د جنسي ځورونې ادعا د کډوالۍ لپاره وه-ملي امنیت
د ملي امنیت عمومي ریاست ویلي، چې په لوګر ولایت کې پر زدکوونکیو د جنسي ځورونې ادعا د کډوالۍ لپاره وه.
د ملي امنیت ریاست د سې شنبې پر ورځ(د لیندۍ ۵) په ډاګه کړې، چې د لوګر ولایت په ښوونځیو کې پر زدکوونکیو د جنسي ځورونې د ګزارش له کبله د ( محمد موسی محمودي) او همکارانو ژوند یې له ګواښ سره مخ و او له همدې کبله دغه ریاست خوندي ځای ته لیږدولي وه.
د یاد ریاست په خبرپاڼه کې راغلي؛ د محمد موسی محمودي له خبرو په ډاګه شوې، چې نوموړی د خپلې ادعا لپاره ثبوت او اسناد نلري او په ناپوهۍ یې دغه ډرامه جوړه کړې، چې د خپلې کورنۍ لپاره بهر ته د تګ او کډوالۍ غوښتنلیک وړاندې کړي.
محمد موسی محمودي او احسان الله حمیدي په لوګر کې د زدکوونکیو د جنسي ځورونې په اړه څېړنې کړي او دا ستونزه یې رسنیو ته وړاندې کړې وه.
اوس موسی محمودي په یوه انځوریزه وینا کې ویلي، چې دا څېړنه مو ناسمه وه، بشپړه او وروستۍ نه وه… ما له رسنیو سره مرکه کړې او دا یوه تېروتنه ده. زه له خپلو خلکو، حکومت او له ټولو هغو کسانو، چې دا یې په رسنیو کې لیدلي، اوریدلي او اندېښمن شوي؛ بښنه غواړم. د ملي امنیت خبر پاڼې زیاته کړې، چې د موسی محمودي دغه ادعا بې بنسټه او بې اسنادو وه او د یو شمېر زدکوونکیو ژوند یې له یو لړ ګواښونو سره مخ کړی دی.
کورني او بهرني مدني بنسټونه دوی د بشر حقونو مدافع بولي او ویلي یې دي، چې موسی محمودي او احسان الله حمیدي د لوګر د مدني ټولنې غړي او د پکتیا پوهنې ریاست غړیتوب لري. دوی له ګارډین ورځپاڼې سره په خبرو کې د ماشومانو د جنسي ځورونو خبرې کړي او په هیڅ راز باید په بند کې ونه ساتل شي.
د بریتانیا ګاردین ورځپاڼې د لړم پر ۲۳ د نومبر پر ۱۴ په خپل یو راپور کې څرګنده کړې وه، چې په لوګر ولایت کې له ۵۰۰ ډېر زدکوونکي د ښوونکیو، سرښوونکیو او سیمه ییزو چارواکو لخوا له جنسي ځورونې سره مخ شوي دي.
دا په داسې حال کې ده، چې تېره ورځ د بښنې نړیوال سازمان ویلي وه، چې ملي امنیت د لوګر ولایت د بشرحقونو ساتونکي هر یو موسی محمودي او احسان الله حمیدي د نومبر پر ۲۱ چې د لړم له ۳۰ سره سمون خوري هغه مهال پخپل سر نیولي، چې دوی غوښتل په کابل کې د اروپا اتحادیې له سفیر سره وویني.
تازه خبرونه
د داعش خراسانی مشر د پاکستان په بلوچستان کې دی – رویټرز
رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.
د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.
رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.
رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.
د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.
له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.
د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.
ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.
تازه خبرونه
د رښتر پر کچه ۵ اعشاریه ۲ درجې زلزلې افغانستان ولړزاوه
د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.
دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.
دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.
تر اوسه د دې پېښې د ځاني او مالي زیان په اړه څه ندي ویل شوي.
تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.
تازه خبرونه
د بیات بنیاد د روژې مرسته د بلخ ولایت اړمنو ته ورسېده
بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.
د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.
نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.
هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.
بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.
-
تازه خبرونه3 days ago
په پاکستان کې ځانمرګي د ۵ چینايي انجینرانو په ګډون ۶ کسان ووژل
-
سوداگري4 days ago
افغانستان ته د پاکستان راغلی پلاوی پر اقتصادي همکاریو خبرې کوې
-
تازه خبرونه5 days ago
په هرات کې له ۵۰۰ ډېر لرغوني آثار موزیم او آرشیف ته سپارل شوي
-
تازه خبرونه4 days ago
بیات بنیاد په ننګرهار کې اړمنو کورنیو ته د روژې مرستې ووېشلې
-
تازه خبرونه2 days ago
په کابل کې سلګونه اړمنې کورنۍ د بیات بنیاد د روژې له مرستو برخمنې شوې
-
تازه خبرونه4 days ago
د پاکستان په تورخم کې سرحدۍ ځواکونو د فډرالي څېړنو ادارې ۶ کارکوونکي وهلي
-
سوداگري3 days ago
د افغانستان او پاکستان د سوداګرۍ استازیو پر ننګونو خبرې وکړې
-
سیمه ییز خبرونه3 days ago
په بلوچستان کې د پاکستان د بحري ځواک پر هوايي اډه وسلوال برید وشو