Connect with us

تازه خبرونه

په هېواد کې د ښوونې او روزنې بهیر د اندېښنې وړ دی- ولسمشر غني

Avatar

خپور شوی

 په

(Last Updated On: وری ۵, ۱۳۹۸)

ولسمشر غني  او لومړۍ میرمن له درې ورځني ځنډ وروسته د دوشنبې پر ورځ( د وري ۵) په کابل کې د پوهنې زنګ وکړنګاوه او څرګنده یې کړه؛ د پوهنې ټیټ کیفیت د دې لامل شوی، چې فارغان بې برخلیکه پاتې شي.

په هېواد کې د پوهنې بهیر د کمیت له پلوه ښه پر مخ روان دی؛ خو کیفیت یې ان د ولسمشر اندېښنه را پارولې ده.

د ښاغلي ولسمشر اشرف غني د څرګندونو له مخې؛ د پوهنې په بهیر کې ژورو او جدي اصلاحاتو او بدلونونو ته اړتیا ده.

ولسمشر اشرف غني وایي، چې د پوهنې کیفیت مو تر دې دمه ښه شوی ندی. په خواشینۍ، چې د پوهنې فارغان مو بیکاره پاتې کیږي؛ ځکه، نو د روان وضعیت د بدلون لپاره باید یوه له نوښت ډکه طرح وړاندې شي.

ولسمشر ټينګار وکړ، چې له ښوونکیو او زدکوونکیو سره تاوتریخوالی نور د زغم وړ ندی او باید دغه حالت واوړي.

ولسمشر غني زیاتوي؛ زدکوونکي باید په ښوونځیو کې ځان خوندي احساس کړي؛ په ښوونځیو کې د مدیر او ښوونکي لخوا د زدکوونکيو ګواښل باید پای ته ورسیږي او دا ما ته د منلو وړ کار ندی. د زدکوونکیو ګواښل زما(ولسمشر) ګواښل دي.

د پوهنې وزارت سرپرست وايي، چې د پوهنې لسیزه تېر کال پیل شوې، چې په کې به د پوهنې ټولې ستونزې اوارې شي.

دغه راز د پوهنې وزارت سرپرست میرویس بلخي د ښوونکیو لپاره د امتیازونو د لوړولو وړاندیز وکړ او وایي؛ ښوونکي له تاسې څخه په یوه غږ غواړي، چې د معاشونو لوړولو ته یې پاملرنه راواړوئ، ځکه له ذهني پلوه اندېښمن دي.

ولسمشر اشرف غني په ډاګه کړه، چې په راتلونکیو درې میاشتو کې د ښوونکیو پر استوګنځیو کار کیږي او ښکاره ډاډ به تر لاسه کړئ. د تنخواوو او معاشاتو مسله به هم تر څېړنو لاندې ونیول شي.

هغه دا ډاډ هم وړندې کړ، چې په روان کال کې به دوه زره اووه سوه ښوونځي جوړ کړي.

 په ځينوناامنو سیمو کې یوشمېر ښوونځي سوځول شوي او حکومت یې پړه پر وسلوالو طالبانو وراچوي؛ خو وسلوالو طالبانو د یوې اعلامیې په خپرولو له خلکو غوښتي، چې خپل ماشومان ښوونځيو ته ولیږي.

خبریال: خالد نیکزاد

تازه خبرونه

په افغانستان کې پر کرونا ویروس د اخته کسانو شمېر ۱۸۰۵۴ ته رسیدلی دی

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

په تېرو ۲۴ ګړیو کې د کرونا ویروس ۷۸۷ مثبتې پېښې ثبت شوي، چې له دې سره په ټول هېواد کې پر دې ویروس د اخته کسانو شمېر ۱۸۰۵۴ ته پورته شوی دی.

د عامې روغتیا وزارت د څرګندونو له مخې؛ له تېرې یوې شپې او ورځې راپدیخوا په کابل کې ۳۲۳، هرات کې ۱۱۰، کندهار کې ۳۴، بلخ کې ۳۶، پکتیا کې ۵۴، ننګرهار کې ۴۸، بادغیس کې ۴۰، خوست کې ۳۲، پکتیکا کې۱۸، نیمروز کې ۱۵، کونړ کې ۸، تخار کې۲، بامیان کې یوه، لوګر کې یوه او پروان کې یوه مثبتې پېښې ثبت شوې دي.

د دغه وزارت د څرګندونو له مخې؛ په همدې تېر شوي وخت کې ۶ کسان مړه شوي او ۶۳ نور له روغیدو وروسته کورونو ته رخصت شوي دي.

په افغانستان کې تر دې دمه له کرونا ویروسه ۳۰۰ کسان مړه شوي او ۱۵۸۵ نور رغیدلي دي.

دا په داسې حال کې ده، چې تېره ورځ د کندوز ولایت دوه سیمه ییز چارواکي هر یو د قلعه ذال ولسوال فهیم قرلیق او د دې ولایت امنیه قومندان رشید بشیرهم له کرونا ناروغې مړه شوي دي.

Continue Reading

تازه خبرونه

د کرونا په اړه حکومتي لوړپوړي چارواکي ټولنیز واټن او روغتیایي سپارښتنې بابیزه ګڼي

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د یو شمېر لوړ پوړیو حکومتي چارواکو لخوا ټولنیزو واټن ته نه پاملرنه او روغتیایي سپارښتنې بابیزه ګڼل له نیوکو سره مخ شوي.

هېوادوال یو شمېر حکومتي لوړپوړي چارواکي د کرونا ویروس پر وړاندې په بې پروایي تورنوي او وایي؛ چلند یې ښیي، چې حکومت د کوویډ -۱۹ ناروغۍ پر وړاندې بې تفاوته دی.

تازه د پخلاینې ملي شورا مشر او یو شمېر نور چارواکي په یوه غونډ‌ه کې لیدل شوي، چې روغتیایي سپارښتنې او کړنې نه رعایتوي.

د سالم ایزیار او ور سره ملګرو په یاد غونډه کې د پخلاینې ملي شورا مشر او نور چارواکي لیدل کیږي، چې روغتیایي سپارښتنې یې له پامه غورزولي او تر منځ یې ټولنیز واټن هم نشته.

دا په داې حال کې ده، چې د کورنیو چارو وزارت چارسمبالی هم په بغلان کې د ټولنیز واټن د نه رعایت پر مهال څرګند شوی، چې پخپله د کرونا ضد مبارزې یو کلیدي لوبغاړی دی.

دا هغه موارد دي، چې د کرونا غوا په کې لنګیږي.

Continue Reading

تازه خبرونه

د ډاکټر ایاز نیازي وژنې، پوښتنې راپورته کړي

Avatar

خپور شوی

په

توسط

(Last Updated On: غبرګولى ۱۴, ۱۳۹۹)

د دکتور ایاز نیازي د وژنې قضیې یو لړ پوښتنې او اندېښنې را ولاړې کړي دي.

ډاکټر ایاز نیازی پرون ماښام د وزیر محمد خان په جومات کې د ځای پر ځای شوي ماین د چاودنې هغه مهال ښکار شو کله چې هغه د ماښام لمانځه لپاره چمتووالی نیول.

هغه په مرګوني ټپونو روغتون کې مړ شو.

د پوځي چارو یو شمیر کارپوهان دغه پیښه یوه سیاسي ترهګریز برید بولي او په امنیتي ادارو یې پړه اچولې چې په کابل کې د ورته بریدونو مخه نه نیسي.

د استخباراتو کارپوهان بیا په استخباراتي ادارو کې ضعف ګڼي چې د دا ډول وحشي بریدونو لامل کیږي.

ولسمشر غني د ایاز نیازي د مړي درناوي ته ورغی، او د دې پېښې د څېړلو امر یې وکړ خو خلک حکومت د  خلکو په ساتنه او د دغه راز بریدونو په مخنیوي کې ناکام بولي.

همداراز د کورنیو چارو وزارت یو هیئت چمتو کړې چې دغې پېښې اړوند څېړنې وکړي او عاملان په سزا ورسوي.

د ډاکټر ایاز د ژوند لنډه کيسه؛

دکتور محمد ایاز نیازی ۵۶ کلن و، د بدخشان یمګان ولسوالۍ کې زیږیدلی. دوولس کلن و چې د قرآن کریم حافظ شو او د ښوونځي دورې له بشپړولو وروسته د مصر الازهر پوهنتون کې شامل شو، د لسانس او ماستري په کچه زدکړې یې د اسلامي اقتصاد په برخه کې وکړې. د اسلامي فقې له نظره یې د نړیوالو اړیکو په برخه کې د الازهر پوهنتون کې تر دکتورا زدکړې وکړې. نوموړی د کابل پوهنتون شرعیاتو پوهنځي کې استاد و، او دا راز یې د وزیر محمد اکبرخان جومات امامت هم پر غاړه درلود.

Continue Reading

Trending