تازه خبرونه
له نړۍ سره مې د طالبانو خبرو ته زمینه برابره کړه- اشرف غني
ولسمشر غني څرګنده کړې، چې له نړۍ سره یې د طالبانو خبرو ته زمینه برابره کړې، که نه؛ نو د ده په وینا څوک حاضر نه ول، چې لدې ډلې سره خبرې وکړې.
ولسمشر اشرف غني د پنجشنبې پر ورځ( د کب ۹) له غرمې مخکې د”جنګ بس دی” تر سرلیک لاندې د سولې لپاره د افغان ښځو د ملي اجماع په غونډه کې، چې د لویې جرګې په تالار کې جوړه شوې وه ګډونوالو ته خپلې ناویلې خبرې د امریکا او طالبانو د مذاکراتو په تړاو وړاندې کړې او دا یې په ډاګه کړه، چې ده خپله د سولې خبرو لپاره زمینه برابره کړې؛ که نه د ده په خبره هیڅ هېواد حاضر نه و، چې له طالبانو سره د یوه میز تر شا کیني.
په قطر کې د امریکا او طالبانو استازیو د سولې مسودې په تړاو خبرې وکړې؛ خو په کابل کې ولسمشر وایي، د سولې خبرو مالکیت باید د مشروع حکومت په غاړه وي او نړیوال دې یوازې د سولې هوکړې په تړاو د تضمین کوونکي رول ولري نه بل څه.
ولسمشر د سولې مشورتي جرګې په تړاو د تیاریو خبره کوي، چې د هغه په باور به له طالبانو سره د سولې خبرو زیږه اړخونه روښانه کړي.
ولسمشر په دې باور دی، چې له طالبانو سره د سولې حدود به افغانان ټاکي او حکومت به هیڅکله تحمیلي سوله ونه مني.
ولسمشر له طالبانو سره د سولې د هوکړې څرنګوالی د راتلوونکي حکومت واک بولي او وایي؛ راتلونکی حکومت به له ولسي صلاحیت سره وکولی شي، چې څنګه سوله وکړي، له چا سره سوله ومني او تلپاتې سوله رامنځته کړي.
د افغانستان د ښځو اجماع هم په یوه پرېکړه لیک کې له طالبانو وغوښتل، چې د سولې له هوکړې وروسته باید د ښځو رول له پامه ونه غورزیږي.
د ولسمشر غني میرمن رولا غني وایي: د سولې بهیر ډېر شنلی او ګډوډ دی؛ خو سوله باید یوازې د افغانانو تر منځ رامنځته شي.
که څه هم حکومت خپل ځان د سولې خبرو واک دار ګڼي؛ خو په دوحه کې طالب استازیو د مسکو ناستې ګډون والو ته په نغوته کې ویلي، چې له افغان حکومت سره د سولې پر خبرو به کله هم ونه غږیږي او د خبرو لوری به یې د افغانستان خلک وي.
خبریال: باعث حیات
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
تازه خبرونه21 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه2 days ago
د ایران ولسمشر پر درې ورځني سفر پاکستان ته ولاړ
-
نړۍ20 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی20 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ