Connect with us

تازه خبرونه

په ننګرهار کې پر سرحدي سرتېرې برید کوونکی طالب ژوندی ونیول شو

Avatar

خپور شوی

 په

(Last Updated On: تله ۷, ۱۳۹۷)

د ننګرهار ولایت د رسنیو دفتر په ډاګه کړې، چې د دغه ولایت د غني خېلو ولسوالۍ په مارکو بازار سیمه کې د وسلوالو طالبانو  یو سرګروپ قدرت الله نومي، چې غوښتل یې د تفنګچې په وسیله د سرحدي ځواکونو پر یوه سرتېرې ډزې وکړې؛ د ګډو ځواکونو له لوري ژوندی ونیول شو.

د غني خېلو ولسوال حاجي غالب مجاهد وایي، له یاد وسلوال طالب سره یو میل هغه تفنګچه هم نیول شوې،چې د مارکو په بازار کې یې د سرحدي ځواکونو پر سرتېرې ډزې وکړې.

 د نوموړي وسلوال طالب په ترسره شوي برید کې چاته زیان نه دی اوښتی.

دغه راز د ننګرهار والي وياند عطاالله خوږياڼى ويلي؛ نن سهار په ننګرهار کې د درې ښوونځيو مخې ته درې پرله پسې چاودنې رامنځته شوې دي.

د نوموړي د څرګندونو له مخې؛ لومړۍ چاودنه د سهار پر شاوخوا اووه بجې د سره رود ولسوالۍ د چار باغ صفا لیسي مخې ته شوې، چې يو ملازم په کې ټپي شوى.

هغه زیاتوي، دوه یمه چاودنه شاوخوا اووه نيمې بجې د سره رود ولسوالۍ د پيرسيداحمد ګيلاني د لیسې مخې شوې؛ خو زيان يې نه دى اړولى.

 خوږياڼي دا هم ويلي؛ درېيمه چاودنه اووه بجې او څلوېښت دقيقې د جلاآباد ښار د دوه يمې ناحيې   د عربانو د لیسې مخې ته شوې، چې د لیسي ودانۍ يې لږ څه زيانمنه کړې، خو د سرزيان يې نه دى اړولى.

په درې واړه ښوونځيو کې په بېلابېلو وختونو کې هلکان او نجونې زدکړې کوي.

 د درې واړه چاودنو مسووليت چا پرغاړه نه دى اخیستی؛ خو مخکې داعش د ننګرهار پر ښوونځيو د بريدونو ګواښ کړى و.

تازه خبرونه

په افغانستان کې له تېرو ۲۴ ګړیو راپدیخوا کرونا ویروس ۹ کسان مړه کړي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د عامې روغتیا وزارت ویلي؛ په هېواد کې له کرونا ویروسه درې کسان په بلخ، ډوه ـ دوه په هرات، سمنګان او کندوز ولایتونو کې مړه شوي او ۱۷۸ نور د هېواد له بېلابېلو روغتونونو کورونو ته رخصت شوي دي.

د دوی د څرګندونو له مخې؛ له تېرو څلیریشت ګړیو راپدیخوا په هېواد کې  ۹۱۵ نوې مثبتې پېښې ثبت شوي، چې ۴۲۳  یې د کابل، ۲۰۱ د هرات، ۱۱۶ د بلخ، ۲۹ د کندوز، ۲۳ د کونړ، ۲۱ د کندهار، ۲۱ د فراه، ۲۱ د سرپل، ۲۰ د هلمند، ۱۵ د سمنګان، ۱۱ د پکتیا، ۷ د ننګرهار، ۴ د میدان وردک او ۳ نور د لغمان ولایتونو دي.

له دې سره په ټول هېواد کې پر کرونا ویروس د اخته کسانو شمېر ۱۸۹۶۹ ته پورته شو.

د وروستیو څرګندونو له مخې؛ په هېواد کې له کرونا ویروسه ۳۰۹ کسان مړه شوي او ۱۷۶۳ نور رغیدلي دي.

Continue Reading

تازه خبرونه

فیسبوک د حکومتونو ترڅارنې لاندې رسنۍ په نښه کوي

Avatar

خپور شوی

په

توسط

(Last Updated On: غبرګولى ۱۶, ۱۳۹۹)

د فیسبوک نړیوالې شبکې په ډاګه کړې، چې د حکومتونو تر څارنې لاندې ټولو رسنیزو شبکو ته ځانګړې نښې جوړوي.

فیسبوک ټولنیز شرکت غواړي یو شمېر رسنیزې پاڼې لکه د روسیې سپوتنیک، د ایران پریس ټي وي او د چین سیهنووا خبري آژانس د منفی او دولتي تبلیغاتو د مخنیوي لپاره ځانګړې نښې وکاروي.

له دې کاره موخه د خلکو پوهول ښودل شوي، چې دا رسنۍ نا دولتي ندي، بلکې د دولت لخوا څارل کیږي.

فیسبوک تېره ورځ  په یوه اعلامیه کې په ډاګه کړې، چې په سږني دوبي کې به د امریکا له ولسمشریزو ټاکنو مخکې د دغو رسنیو ټولې خبرتیاوي او تبلیغات دلته بند شي.

فیسبوک څرګندوې: مونږ دغو خپرونکیو ته د روڼتیا زمینه برابروو؛ ځکه، چې دوی د رسنیو له لارې دولتي ستراتیزیکې موخې پالي او مونږ باید خلک او اوریدونکي وپوهوو، چې څه اوري او ګوري له دولتي اغېزه برخمن دي.

دې بنسټ دا هم په داګه کړې، چې ناپېیلې او نادولتي رسنۍ به په نښه نشي.

فیسبوک په بشپړ ټینګار څرګنده کړې، چې د امریکا په ولسمشریزوټاکنو کې د بهرنيو لاسوهنو د مخنیوي لپاره  یې دا پرېکړه کړې ده.

فیسبوک شرکت په دې وروستیو کې د خپلو کارکوونکیو له نیوکو سره مخ شوی، چې ولې یې د ټول هېواد په کچه د روان تاوتریخوالي په اړه د ولسمشر ډونالډ ټرمپ د ګواښونو مخنیوی ندی کړی.

Continue Reading

تازه خبرونه

د  دیني عالم ډاکټر ایاز نیازي مړی پر ځانګړیو مراسمو خاورو ته وسپارل شو

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د  افغانستان د وتلي دیني عالم ډاکټر ایاز نیازي مړی نن پر ځانګړیو مراسمو د وزیر محمد اکبرخان لوی جومات په انګړ کې، چې خطیب یې هم و؛ خاورو ته وسپارل شو.

 ایاز نیازی وړم ماښام په وزیر محمد اکبر خان جامع جومات کې دننه په یوه چاودنه کې لومړی سخت ټپي او بیا یې په روغتون کې ساه ورکړه.

هو! هغه رسا غږ، نور د تل لپاره دغلته تر خاورو لاندې شو.

ایاز نیازی، چې د مصر په الازهر کې یې  دوه ماسترۍ او یوه ډاکټري تر لاسه کړې وې؛ نه یوازې یې په تلویزیوني بحثونو کې دیني لارښوونې کولې، بلکې د مرګ تر ګړۍ یې له ولسونه خبله پوه نه ده سپمولې.

د ارشاد، حج او اوقاقو وزارت چارسمبالی عبدالحکیم منیب دا پېښه د نورو دیني عالمانو لپاره د عطف ټکی بولي او وایي؛ دا پېښه په هر اړخیز ډول څېړل کیږي او د حقیقت موندنې د پلاوي مشري به هم زه پخپله کوم.

طالبانو دا پېښه غندلې او  لوی جنایت یې بولي.

د ولسمشر لومړي مرستیال امرالله صالح تازه پخپلې فیسبوک پاڼې څرګنده کړې، چې طالبان نشي کولی په لنډو جملو کې له دا راز پېښو ځان سپین ثابت کړي.

نوموړي زیاته کړې؛ زیاتره هغه عالمان په افغانستان کې پر نښه کیږي، چې له پاکستان پرته نورو هېوادونو کې یې زدکړې کړې وي.

Continue Reading

Trending