Connect with us

تازه خبرونه

په هېواد کې لسګونه میلیون افغانۍ هره ورځ شخصي جیبونو ته لویږي

خپور شوی

د

(Last Updated On: لړم ۲, ۱۴۰۱)

د هېواد د ترانسپورت سرتاسري ټولنې مسوولین وايي، چې د هېواد په هرو ۲۴ ساعتونو کې په لسګونه میلیون افغانۍ له ترانسپورترانو اخستل کیږي او بیا شخصی جیبونو ته لویږي.

د هېواد د ترانسپورت سرتاسري  ټولنې غړي د دې لپاره راټول شول، چې د غیرقانوني اخاذیو مخنیوی وشي؛ ځکه، چې د دوۍ په وینا په هرو ۲۴ ساعتونو کې لسګونه میلیون افغانۍ شخصي جیبونو ته لویږي.

دوی دا هم په ډاګه کړې، چې په دغه فساد کې د ټولګټو وزارت ترڅنګ د

ځنو نوروسکتوري وزارتونو مرستیالان هم برخه لري.

دغه راز له اړوند ادارو غوښتنه شوې، چي که ستونزې یې حل نشي؛ نو د روانې میاشتې پر لسمه نېټه به د مدني حرکت په توګه د هېوا د په کچه خپل باربری فعالیتونه ودروي.

د ترانسپورت سرتاسری ټولنې رییس طلا محمد اتمانزی وایي؛ مونږ له ټولګټو وزارت او نورو سکتوري وزارتو غوښتنه کوو، چې دغه ستونزه حل کړي او که داسې ونشي؛ نو مونږ به خپلې باربري هڅې د ټول هېواد په کچه بندې کړو.

د ټولګټو وزارت مسوولین بیا تر ډېره بریده د ترانسپورت د سرتاسري ټولنې ادعاوې نه مني او وايي، مونږ قانوني هڅې تر سره کوو.

د ټولګټو وزارت مرستیال عبد الرحمان صلاحي وایي؛ مونږ د قانون له مخې حق لرو، چي اسناد واخلو، خو په تله کي د پیسو اخستل د قانون خلاف عمل دی.

د سوداګرۍ د نړیوالي خونې مسوولین هم په تله کې د فساد له موضوع څخه اندېښنه لري او زیاتوي، چي حکومت باید دغې ستونزې ته لاسرسی ومومي.

د افغانستان د سوداګرۍ د نړیوالې خونې غړی اعتبارخان ځدراڼ څرګنده کړې، چې حکومت باید په بیړه د باروړونکیو ترانسپورترانو دغه ستونزه حل کړي او که باروړونکی ترانسپورت بند شي؛ په مارکیت کې به له ستونزو سره مخ شوو.

د اقتصادي چارو کارپوهان هم د ترانسپورت ټولنې دغه خبرداری خطرناک بولي او له حکومته غوښتنه کوي، چې مخکې له ټاکلې موخې باید شته ستونزې پای ومومي، چې د ترافیکي بهیر د بندیدو لامل نشي.

خبریال: اسلم حجاب

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!