Connect with us

تازه خبرونه

په منځني توګه هره میاشت زر افغان سرتېري ژوند له لاسه ورکوي

Ariana News

خپور شوی

 په

(Last Updated On: تله ۲, ۱۳۹۷)

 د افغانستان په روانه جګړه کې په منځني توګه هره میاشت زر افغان سرتېري ژوند له لاسه ورکوي.

دوه اوونۍ مخکې ولسمشر اشرف غني هم منلې وه، چې د حکومت د تېروتنو له کبله د افغان سرتېرو تلفات لوړ شوي دي.

ملي دفاع وزیر طارق شاه بهرامي تېره ورځ د ولسي جرګې عمومي ناستې ته منلې، چې په تېره یوه میاشت کې د پوځ پېنځه سوه سرتېري وژل شوي.

کورنیو چارو وزیر هم ویلي، چې هره ورځ په منځني توګه دېرش افغان سرتېري په جګړو کې وژل کیږي.

دغو شمېرو ته په کتو ښکاري، چې هره میاشت شاوخوا زر افغان سرتېري ژوند له لاسه ورکوي.

دا، چې ولسمشر، کورنیو چارو او دفاع وزیران دغه غونی ځیږوونکي ځاني زیانونه مني؛ نو پوښتنه دا راپورته کیږي، چې ولې یې مخنیوي ته پاملرنه نه کیږي؟

پخوانی پوځي محمد اګل مجاهد وايي؛ د ولسمشر غني او امنیتي چارواکو دغه اعتراف د کمزوري مدیریت زیږنده دی او نړیوال همکاران هم امنیتي ځواکونو ته د ډاډ وړ امکانات نه ورکوي.

د راپورونو له مخې؛ په دوه زره شپاړسم کال کې هره ورځ شاوخوا دوه ویشت افغان سرتېري په جګړو کې وژل کیدل؛ خو اوس دغه شمېر دېرش سرتېرو ته لوړ شوی دی.

له دې ټولو سره سره د پوځ مسوولین وايي، چې په جلب او جذب کې کمی نه دی راغلی.

د ملي دفاع وزارت ویاند غفور جاوید ویلي، چې اردو ته د جذب چارې ښې پر مخ روانې دي او په جګړه کې د سرتېرو د کمي مخه نیول شوې ده.

هغه زیاته کړې، چې زمونږ جلب او جذب له سل سلنې هم ډېر دی او امنیتي ځواکونه هم په لوړه روحیه د دښمن پر ضد جنګیږي.

دا په داسې حال کې ده، چې جګړه او تاوتریخوالی د هرې ورځې پر تېریدو زور اخلي؛ خو دا، چې افغان چارواکي د تلفاتو او ژوبلې د کچې د ټيټولو لپاره څه پلان لري، تر اوسه معلومه نده.

تازه خبرونه

د جمعیت اسلامي د رهبري شورا ۴۷ غړیو رباني له مشرتابه ګوښه کړ

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د جمعیت اسلامي د رهبري شورا ۴۷ غړیو صلاح الدین رباني د دې ګوند له مشرتابه ګوښه او د کانګرې تر جوړیدو پورې یې د جمعیت د لنډمهالي مشر په توګه عنایت الله شاداب ټاکلی دی.

داسې ښکاري، چې حزب جمعیت دوه ټوټې شوی؛ د دې ګوند د مشرتابه شورا اووه څلوېښت غړیو د صلاح الدین رباني خلاف رایه و کاروله او هغه يې له مشرتابه لیرې کړ. په دوی کې عطا محمد نور، یونس قانوني، بسم الله محمدي، حفیظ منصور، اسماعیل خان او ستار مراد استازیتوب لري.

د مشرتابه له ۶۲ غړیو ۴۷ یې عنایت الله شاداب، چې د دې ګوند له بنسټګرو دی؛ د مشرتابه شورا لنډمهالی مشر ونوماوه، چې له کلونو وروسته د ګوند د عمومي اسامبلې لپاره لومړني ګامونه واخلي.

د حزب جمعیت د مشرتابه شورا ځینو غړيو ویلي؛ صلاح الدین رباني خپلسري کوله او لیدلوری یې د حکومت په وړاندې د اپوزیسیون جوړول ول. په داسې حال کې، چې جمعیت اوس په قدرت کې دی او له حکومت ملاتړ کوي.

 د حزب جمعیت مرستیال احمد ضیا مسعود ویلي؛ صلاح الدین رباني اوس هم د ګوند مشر دی او انشعابي څېرې نشي کولی د ګوند په اړه کورنۍ پرېکړه وکړي.

هغه حکومت تورنوي، چې د دې ګوند د مشرتابه شورا له ځينو غړیو سره يې له لنډو خبرو وروسته د حزب جمعیت اسلامي افغانستان د پاشلو زمینه برابره کړله.

صلاح الدین رباني نه غوښتل په مشارکتي حکومت کې شریک وي؛ خو د مشرتابه شورا ۴۷ غړیو ځان په حکومت کې د عبدالله له پتې شریک ګاڼه او دوی وايي، چې د سولې په بهیر کې به د عبدالله تر څنګ د پام وړ رول ولوبوي.

د مشرتابه شورا یوې سترې برخې صلاح الدین رباني پخپل ځای پرېښی، ښاغلي رباني دوه اوونۍ مخکې د حزب جمعیت اسلامي ځيني غړي پر معاملو تورن کړي وه.

د افغانستان زیاتره ګوندونه په دا تېرو دوه لسیزو کې بې نظمه او څو ټوټې او له داخله وراسته او شړېدلي دي او ندې توانیدلي، چې په سیاسي معادلو کې د یوه واحد ارګان په توګه عمل وکړي. له همدې کبله انګیرنه دا ده، چې زیاتره ګوندونه د وروستیو دوه لسیزو په بدلونونو کې کمزوي ثابت شوي دي.

Continue Reading

تازه خبرونه

طالبان اوس هم د القاعده له څانګو سره همکار دي – پنتاګون

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د امریکا دفاع وزارت په یوه راپور کې، چې د افغانستان امنیت په تړاو کانګریس ته لیږل شوی؛ طالبان  د القاعده له هغې څانګې سره په همکارۍ تورنوي، چې د هند ټاپو وزمې لپاره کار کوي.

طالبان د پنتاګون په تازه راپور کې تورن شوي، چې د القاعده شبکې له هغې څانګې سره همکاري کوي، چې د هند ټاپووزمې پر ضد هڅې تر سره کوي.

د پنتاګون د تازه راپو له مخې؛ د القاعدې دا څانګه له ټیټ پوړیو طالبانو سره اړیکې پالي او موخه یې د افغان دولت کمزوري کول دي.

د پنتاګون په دې راپور په ډاګه شوې، چې القاعده پورې تړلې سیمه ییزې ډلې له طالبانو سره نږدې اړیکې ټینګوي او پر امریکایي او د نورو هېوادونو پر سرتېرو په بریدونو کې خپلې تلپاتې ګټې ویني.

پنتاگون دا هم ویلي؛ د سولې په بهیر کې شویو پرمختګونو ته په کتو د القاعدې او طالبانو نږدې اړیکې خطرناکې دي او ممکن دوام وکړي.

پنتاګون ښيي؛ روسیه له طالبانو او نورو ډلو سره فعالانه کار کوي، چې له افغانستان څخه د بهرنیو ځواکونو د وتلو بهیر چټک شي. دا هغه څه دي، چې د امریکا د بهرنیو چارو وزیر له خپل روسي سیال سره په اړیکه کې پرې خبرې کړي دي.

د امریکا د بهرنیو چارو وزیر مایک پمپیو څرګنده کړې؛ هغوی په افغانستان کې مات شول، موخه یې هلته د ترهګرۍ د خطر کمی دی،  ما مې له خپل روسي سیال سره پدې تړاو خبرې کړي دي. هغوی باید په دې موضوع کې ځان شریک نکړي.

د ولسمشر ویاند صدیق صدیقي ویلي؛ طالبان له امریکا سره په دوحه کې شوې هوکړې ته ژمن ندي او د افغانستان د امنیتي بنسټونو راپورونه ښیي، چې طالبان د القاعده شبکې په ګډون له څو ترهګرو ډلو سره همکاري کوي.

د پنتاګون د راپور له مخې؛ ایران له طالبانو سره د حساب وړ اړیکو له لارې غواړي له افغان دولت سره هم پیاوړې اړیکې تعقیب کړي.

Continue Reading

تازه خبرونه

خلیلزاد په افغانستان کې سوله د مرکزي آسیا په ګټه بولي

Ariana News

خپور شوی

په

توسط

(Last Updated On: چنګاښ ۱۳, ۱۳۹۹)

د افغانستان د سولې لپاره د امریکا ځانګړی استازی زلمی خلیلزاد په دې هېواد کې د سولې او ثبات خوندي کیدل د مرکزي آسیا لپاره هم ګټور او اړین بولي.

نوموړي د خپلو سفرونو په لړ کې تېره ورځ د مرکزي آسیا له بهرنیو چارو وزیرانو سره د افغانستان د سولې د سیمې د نښلیدو او د یو سیمه ییز صندوق د جوړیدو په اړه خبرې اترې کړې دي.

زلمي خلیلزاد په خپلو یو لړ تویتونو کې په ډاګه کړې، چې: شکند  ته په سفر کې مو د ازبکستان د بهرنیو چارو وزیر کاملوف او ځانګړي‌ استازي ارګاشف په ګډون د تاجکستان، ترکمنستان، قزاقستان، قیرغیز جمهوریت  بهرنیو چارو وزیرانو د سمې د  دوې او پراختیا په اړه خبرې کړې دي.

د امریکا د سولې استازي دغه راز څرګنده کړې: یو باثباته او سوکاله افغانستان په منځنۍ آسیا کې د سیمیزې سولې، امنیت او سوکالې لپاره اړین دی. همدارنګه یوه منځنۍ آسیا، چې له ځواکمنو او خپلواکو دولتونو جوړه وي او له افغانستان سره په ګډه د سویلیزې آسیا د نښلولو لپاره کار وکړ؛ د سیمې سوداګریزې اړیکې ورسره پراختیا کوي او دا به د ټولو لپاره ګټوره وي.

نوموړي زیاته کړې؛ دغه راز مونږ په هر هېواد کې د پانګه ونې او د پولو پر شاوخوا د اړینو فرصتونو په اړه وغږیدو. مونږ دغه راز پدې هم غور وکړ، چې د سیمې د ودې او پانګونې لپاره یو ګډ صندوق ته اړتیا ده او مونږ یې پانګونې ته چمتو یو.

زلمي خلیلزاد له مرکزي آسیا سره ګډه همکاري ستایلې او وایي: مونږ اړتیا لرو، چې د افغانانو له خپلمنځي خبرو وروسته د سیاسي همغږۍ د هڅونې لپاره ګډ کار وکړو. اوس د ګډ اقتصادي لوري، د سیمې نښلولو او یووالي لپاره کار پیلیږي.

هغه ټینګار کړی، چې یو باثباته او هوسا افغانستان د مرکزي آسیا د سولې، امنیت او هوساینې لپاره اړین دی. دغه راز یوه ځواکمنه، خپلواکه او د یووالي لرونکې مرکزي اسیا، چې له افغانستان سره په ګډه د سویلي آسیا د نښلولو لپاره کاروکړي نه یوازې د سیمي، بلکې د امریکا لپاره هم ګټه لري.

هغه د سفر په دې پړاو کې د سولې او ثبات لپاره د سیمه ییزې اجماع د را څرګندولو لپاره هڅې پیل کړې او د افغانستان د سولې په اړه یې له پاکستانیو مرانو سره خبرې کړي او تمه ده، چې له افغان چارواکو سره ويدیوي خبرې ولري.

Continue Reading

Trending