Connect with us

تازه خبرونه

په ننګرهار کې د جلات خان په مشرۍ۱۱ طالب جنګیالي تسلیم شوي

خپور شوی

د

(Last Updated On: لړم ۲, ۱۴۰۱)

سیمه ییزو چارواکو ویلي، چې په ننګرهار کې یوولیس طالب جنګیالي د سولې له بهیر سره یوځای شوي او یوولس میله وسله یې حکومت ته تسلیم کړې ده.

د یوځای شویو طالب جنګیالیو قومندان جلات خان وايي،  که ولسمشر غني غواړي په دې هېواد کې جګړه پای ته ورسوي ؛ باید په پاکستان کې میشت افغانان خپل هېواد ته راوغواړي.

نوموړي زیاته کړې؛ کله، چې افغانان خپل هېواد ته راغلل، په هماغه ورځ به له شره خلاصیږو.

ده دا هم ویلي، چې طالبانو ته د جګړې امکانات پاکستان ورکوي.

د ننګرهار والي ویاند عطاالله خوږیاڼی وايي، دې طالب جنګیالیو په خوږیاڼو او سره رود ولسوالۍ کې له تېرو شاوخوا اووه کالونو راپدیخوا د حکومت ضد فعالیتونه کول.

هغه زیاتوي، چې دوی یوولس میله کلشینکوفونه، یوه تمانچه او یو راکت د ملي امنیت کارکوونکیو ته وسپارل .

هغه دا هم وویل، چې ټولو طالبانو ته د حکومت د سولې دروازه خلاصه ده.

د ننګرهار د ولایتي شورا غړی محمدناصرخان کاموال وايي، د کوچنیو ډلو تسلیمیدل، روان بحران نه شي حلولی؛ ترهغې، چې عمومي سوله ونشي.

دا په داسې حال کې ده، چې تېره ورځ د داعش دوه مهم جنګیالي هم د خپلو کورنیو سره حکومت ته تسلیم شوي وه.

 د ننګرهار چارواکي وايي، په تېرو څو کالونو کې دغلته له زر ډېر جنګیالي د سولې له بهیر سره یوځای شوي، چې ځینو ته یې حکومت د روزګار زمینه هم برابره کړې؛ خو جګړه کمه شوې نه ده.

خبریال: رحمت الله زیارمل

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!