Connect with us

تازه خبرونه

په لومړي ځل د هرات انګور نړیوال بازار ته لیږل کیږي

Ariana News

خپور شوی

 په

(Last Updated On: زمری ۱۸, ۱۳۹۷)

مسوولین وايي، چې په هرات کې انګور په پخیدو دي؛ سږ کال به هند، پاکستان او نورو هېوادونو ته د دې ولایت د انګورو یو سل و شل زره ټنه محصول راټول او په راتلونکیو څو ورځو کې به یوازې پاکستان ته اووه زره پېنځه سوه ټنه انګور صادر شي.

مسوولین تمه لري، چې سږ کابل به د هرات بڼوال او سوداګر د دغه ولایت په انګورو کې ښه ګټه وټه وکړي.

د کرنې او مالدارۍ وزارت ویاند اکبر رستمي وایي، سږ کال به یو سل و شل زره ټنه محصول راټول او په راتلونکیو څو ورځو کې به یوازې پاکستان ته اووه زره پېنځه سوه ټنه انګور صادر شي.

 په تېرو کلونو کې د هرات انګور په کور د ننه په بازارونو کې پلورل کیدل او بهر ته د لیږد زمینه یې نه وه برابره.

مسوولین وايي؛ هڅه کوو، چې د هرات انګور د هوايي دهلیزونو له لارې هم نورو هېوادونو ته واستوو.

د سوداګرۍ خونې مرستیال خان جان الکوزی وایي؛ اوس هره ورځ د چمن اووېش له لارې پاکستان ته دغه انګور روان دي او د واګه بندر له لارې به هند ته د هرات انګور هم ولیږو.

د نوموړي د څرګندونو له مخې؛ د هوایي دهلیزونو د جوړولو هڅې کوو، چې له هرات ولایته انګور نورو هېوادونو ته ورسوو.

اقتصادي کارپوه سید مسعود وایي؛ دا ښه کار دی؛ دولت دې هڅه وکړي، چې په دې اړه الوتنې ډېرې کړي او هند، پاکستان او نورو هېوادونو ته دې د هرات انګور ولیږل شي.

له هېوادونو سره د افغانستان د هوايي دهلیزونو د پرانیستل کیدو او ترانزیت په برخه کې د آسانتیاوو د رامنځته کیدو له کبله سږ کال د افغانستان زیاتره میوې صادرې شوې. د افغانستان میوې او نور صادراتي توکي د کیفیت له کبله خورا ښه شهرت لري؛ خو د بسته بندۍ او تړلو په برخه کې ستونزې شته، چې د دغو توکو بیې اغېزمنوي.

خبریال: اسلم حجاب

تازه خبرونه

افغانستان د کرونا ۳۴۱۹۴ پېښې او ۹۷۱ مړي لري

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

عامې روغتیا وزارت ویلي، چې په افغانستان کې پر کرونا ویروس د اخته کسانو شمېر ۳۴۱۹۴ رسیدلی او له همې ناروغئ ۹۷۱ ناروغان مړه شوي دي.

د دغه وزا رت د څرګندونو له مخې؛ په تېرو څلیریشت ګړیو کې د دې ویرړس ۲۸۶ مثبتې پېښې ثبت شوي، چې۸۳ يې د کابل، ۸۱ د هرات، ۹ د بلخ،  ۳ د ننګرهار، ۳۰ د بامیان، ۵ د تخا، ۳ د بغلان، ۳۰ د بادغیس، ۲ د لوګر، ۵ د کندوز، ۲ د پروان، ۱۶ د دایکندي، ۳ د میدان وردګ،  ۱ د لغمان، ۲ د پنجشېر او ۱۳ د غور ولایتونو دي.

دغه راز په تېرو ۲۴ ګړیو کې پر کرونا اخته ۱۲ ناروغان مړه شوي، چې ۱۰ په کابل او یو، یو په میدان وردګ او تخار ولایتونو کې دي.

یاد وزارت دا هم ویلي، چې په تېره یوه شپه او ورځ کې له کرونا ۴۱ کسان رغیدلي او له روغتونونو څخه کورونو ته رخصت شوی او په ټول هېواد کې ۲۰۸۸۲ زوغ شوي دي.

، چې د نړیوال بانک مدیره پلاوي نن په افغانستان کې د کوويد-۱۹ وبا د اقتصادي او ټولنیزو اغېزو سره د مقابلې، زیانمنونکیو خلکو ته د آسانتیاوو برابرولو او له خصوصي تشبثاتو څخه د ملاتړ په موخه د ۲۰۰ میلیون امريکايي دالرو پر ارزښت د وړیا مالي مرستې یوه بسته تصویب کړه.

په اعلامیه کې راغلي؛ دغه وړیا مالي مرسته، چې ( په افغانستان کې د کوويد-۱۹ ناورين ته د ځواب وینې لپاره د پاليسيو د پراختيا پروګرام ) په چوکاټ کې لګول کیږي ۱۰۰ میلیون امريکايي دالر يې د نړیوالې پراختيا ادارې، چې تر ټولو بېوزله هېوادونو ته د نړیوال بانک د مالي مرستو برابروونکی اداره ده او ۱۰۰ میلیون نور يې د افغانستان د بیارغونې صندوق ته، چې مدیریت یې د ۳۴ هېوادونو او نړيوالو مرستندویو ټولنو په استازولۍ نړیوال بانک پر غاړه لري؛ لخوا ورکول کېږي.

Continue Reading

تازه خبرونه

امنیتي ځواکونو په غزني کې د طالبانو برید پر شاتمبو وتمباوه

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

دفاع وزارت په غزني کې د یوولس وسلوالو طالبانو له مرګ و ژوبلې خبر ورکوي.

دغه وزرات په یوه خبرپاڼه کې ویلي، چې طالبانو تېره ورځ د مرکز غزني د شالیز او عاشقوال له اړوند سیمو څخه پر ملي امنیتي او دفاعي ځواکونو وسلوال بریدونه تر سره کړي وه.

دوی زیاته کړې، چې له ملي ، دفاعي او امنیتې ځواکونو سره په نښته کې ۸ وسلوال جنګیالي وژل شوي او ۳ نور ټپیان دي.

دفاع وزارت د ملي، امنیتي او دفاعي ځواکونو د ځاني زیان په اړه څه ندي ویلي او همدا رنګه طالبانو هم د اوښتي ځاني زیان په اړه تر دې دمه څه ندي ویلي.

دا په داسې حال کې ده، چې له امریکا سره د سولې هوکړې له مخې د ولایتونو او ښاري سیمو پر مرکزونو بریدونه بند شوي؛ خو وسلوالو جنګیالیو له تېرو څو ورځو راپدیخوا د یو شمېر ولایتونو او ولسوالیو پر مرکزي سیمو هم بریدونه پیل کړي دي.

د یادونې ده، چې دوه ورځې مخکې طالبانو د دهیک ولسوالۍ امنیه قومندان حبیب الله نومی د سړک غاړې پر ماین چاودنه وواژه او د کندهار ولایت د شاولیکوټ پر امنیه قومندانۍ یې موتر بم چاودنه تر سره کړه او ۱۸ کسانو ته یې مرګ و ژوبله واړوله.

Continue Reading

تازه خبرونه

نړیوال بانک له افغانستان سره د ۲۰۰ میلیون دالرو مرسته کوي

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

نړیوال بانک د خلکو د خونديتوب او په افغانستان کې د خصوصي سکتور د پیاوړي کولو په موخه، ۲۰۰ میلیون امريکايي دالره نوې مالي مرسته تصویب کړه.

د دغه بانک په اعلامیه کې راغلي، چې د نړیوال بانک مدیره پلاوي نن په افغانستان کې د کوويد-۱۹ وبا د اقتصادي او ټولنیزو اغېزو سره د مقابلې، زیانمنونکیو خلکو ته د آسانتیاوو برابرولو او له خصوصي تشبثاتو څخه د ملاتړ په موخه د ۲۰۰ میلیون امريکايي دالرو پر ارزښت د وړیا مالي مرستې یوه بسته تصویب کړه.

په اعلامیه کې راغلي؛ دغه وړیا مالي مرسته، چې ( په افغانستان کې د کوويد-۱۹ ناورين ته د ځواب وینې لپاره د پاليسيو د پراختيا پروګرام ) په چوکاټ کې لګول کیږي ۱۰۰ میلیون امريکايي دالر يې د نړیوالې پراختيا ادارې، چې تر ټولو بېوزله هېوادونو ته د نړیوال بانک د مالي مرستو برابروونکی اداره ده او ۱۰۰ میلیون نور يې د افغانستان د بیارغونې صندوق ته، چې مدیریت یې د ۳۴ هېوادونو او نړيوالو مرستندویو ټولنو په استازولۍ نړیوال بانک پر غاړه لري؛ لخوا ورکول کېږي.

د دې مالي بستې له برابرولو سره تمه دا ده، چې د افغانستان دولت د اقتصادي او ټولنیز وضعیت د ژر ښه کېدو په موخه یو شمېر اغېزمنې پاليسۍپلې کړي او څه بېخبناوو د پیاوړتیا لپاره لکه د برښنا انرژۍ د تامينولو، د څښاک اوبو ته لاسرسی او مخابراتي خدمتونو په برخه کې آسانتیاوې رامنځته کړي.

په افغانستان کې د نړیوال بانک ګروپ د دفتر مشر هینري کرالي، وايي: په داسې حال کې، چې د کوويد- ۱۹ویروس خپرېدل د اقتصادي ودې او د افغانستان د ملي عوايدو د کمېدو لامل شوی؛ دغه پروګرام افغانستان ته د دې وبا د ناوړه اغېزو د مدیریت لپاره مالي سرچينې برابروي. تمه کېږي، چې د دې پروګرام له پلي کېدو سره پر زیانمنونکیو کورنيو د دغه بحران منفي اغېزې له منځه لاړې شي او د چټکې اقتصادي ودې لپاره اساسي ګامونه اوچت شي. نړیوال بانک د تېر په څېر ژمن دی، چې په دې سختو شرایطو کې د افغان ولس ترڅنګ ودرېږي.

کوويډ-۱۹ ناورین پر ټولو سکتورونو لکه د روغتيا، اقتصادي او ټولنیزو سکتورو بشپړ منفي اغېز کړی دی، چې په پایله کې د اقتصادي ودې او د هېواد د ملي عوايدو د کمېدو لامل شوی دی. ټاکل شوې، چې د دې وړیا مالي مرستې له برابرولو سره، په قوانینو او مقرراتو کې د اړینو تعدیلاتو له لارې پورونو او مالي سرچينو ته د وړو او منځنيو خصوصي تشبثاتو لاسرسی زیات شي.همدارنګه په پام کې ده، چې د روغتيايي کارکوونکیو د خونديتوب په موخه او په ښوونځيو کې د جنسیت پر بنسټ د تاوتريخوالي په اړه د عامه پوهاوي د لوړولو لپاره مشخص پروګرامونه طرح او عملي شي. له بلې خوا د دې مالي مرستې له لارې به هڅه وشي، چې د ښوونځيو له خلاصېدو وروسته ټول زدکوونکي وهڅول شي، چې بېرته ښوونځيو ته ورشي.

Continue Reading

Trending