Connect with us

تازه خبرونه

په چین کې کورونا ویروس په ټولیزه توګه کنټرول شوی- چینایي چارواکي

Ariana News

خپور شوی

 په

(Last Updated On: February 15, 2020)

د چین بهرنیو چارو وزارت څرګنده کړې، چې په دې هېواد کې د کورونا ویروس په ټولیزه توګه کنټرول شوی دی.

د دې هېواد د بهرنیو چارو وزیر وانګ يي ويلي، له هوبي ولایت څخه بهر په کورونا ویروس د اخته کسانو شمېر له ۱۱ ورځو راپدیخوا په پرلپسې ډول کم شوی دی.

وانګ یي په ډاګه کړې، چې له ناروغۍ څخه د رغیدلو کسانو شمېر هم د پام وړ لوړ شوی دی.

دوی منلې، چې له ۲۵۰۰ ډېر کسان پر کرونا ویروس اخته شوي تر دې دمه يې د مړو شویو شمېر ۱۵۰۰ ته رسیدلی دی.

د روغتیا نړیوال سازمان ویلي؛ له چین څخه بهر پر یاد ویروس د اخته کسانو شمېر ډېر ندی تر سترګو شوی.

د روغتیا نړیوال سازمان ویلي؛ په چین کې یې د دې ویروس د خپریدو په اړه خپلې څېړنې پیل کړي دي.

د دغه سازمان کارپوهان او څېړونکي له امریکايي څانګوالو او متخصصانو سره چین ته تللي، چې د دې ویروس د خپراوي پر څرنګوالي څېړنې وکړي.

چین امر کړی، چې د دې هېواد پلازمېنې بیجینګ ته ورتلوونکي کسان به لومړی ۱۴ ورځې قرنطین کېږي او له دې پرېکړې سرغړونکیو ته یې د سزا ګواښ هم کړی دی.

د چین دولت دا تدبیرونه د کورونا ویروس د خپریدو د مخنیوي په پار له هغې وروسته نیولي، چې تر اوسه يې هلته نژدې ۱۴۰۰ کسان وژلي دي.

کورونا ویروس لومړی ځل د چین پلازمېنې ترڅنګ د هوبي ولایت له ووهان ښاره خپور شوی دی.

دا په داسې حال کې ده، چې د فرانسې په پلازمېنه پاریس کې پر کرونا ویروس اخته یو اتیا کلن چینایي سیاح ، چې د جنوري له ۲۵ څخه راپدیخوا تر درملنې لاندې و؛ ساه ورکړې ده.

تازه خبرونه

دوستم له طالبانو سره د جګړې ډګر ته بیا ستون شو

Ariana News

خپور شوی

په

توسط

(Last Updated On: January 19, 2021)

د ولسمشر اشرف غني پخوانی مرستیال مارشال عبدالرشید دوستم د جګړې ډګر ته ستون شوی او د فاریاب ولایت په قرمقل ولسوالۍ کې له طالب جنګیالیو سره د جګړې لپاره د خپلو جنګیالیومشري کوي.

ویل کیږي، چې د نوموړي پر ​​مشرۍ د ۱۲ ګړیو په عملیاتو کې د ولسوالۍ ځینې برخې له وسلوالو طالبانو پاکې شوې دي.

مارشال عبدالرشید دوستم خپلو جنګیالیو ته داسې سپارښتنه کوي: د لیوانو په څېر کورونو ته ننوځئ، د کورونو پلټنه وکړئ، دیوالونه یې سوري کړئ او وګورئ؛ خو له ځانه هم خبر اوسئ. د طالبانو قومندانان حتماً همدلته دي. دا ټول ووهئ او خپله یوه ګولۍ هم باید له لاسه ورنکړئ.

د دوستم په مشرۍ د عملیاتو لامل د طالب وسلوالو پر وړاندې په مبارزه کې د دولتي ځواکونو ملاتړ ښودل شوی دی.

د اردو یو قومندان محب الله ویلي؛ د هغه (دوستم) په مرسته مونږ وکولی شول هغه کلي بېرته ونیسو، چې د دښمن تر څارنې لاندې ول.

دا لومړۍ جګړه نده، چې دوستم یې مشري کوي؛ د کلونو په اوږدو کې هغه په ​​بېلابېلو وختونو کې له طالبانو سره د جګړې لپاره د جنګیالي رهبري کړي او که څه هم هغه په ​​رسمي ډول د دولت لخوا نه دی ګومارل شوی؛ خو بیا هم د اړتیا په وخت کې د دندې غوښتنې ته پام کوي. هغه د طالبانو ضد لوی شخصیت هم ګڼل کیږي.

دوستم له۲۰۱۴ څخه تر ۲۰۲۰ پورې د افغانستان د ولسمشر اشرف غني د مرستیال په توګه دنده ترسره کړې او ځان یې تر مارشالۍ ورساوه.

د یادونې ده، چې په ۲۰۰۱ کې هغه د امریکا د ځانګړیو ځواکونو او سي آی اې کليدي ملګری و، چې د طالبانو د رژیم د سقوط لپاره یې ورسره ملګرتیا روانه وساتله.

Continue Reading

تازه خبرونه

طالبانو د خپلې اجنډا د سپارلو لپاره وخت غوښتی – سرچینې

Ariana News

خپور شوی

په

توسط

(Last Updated On: January 18, 2021)

د افغانستان د حکومتي پلاوي سرچینو منلې، چې د طالبانو مرکچي پلاوي د خپلې اجنډا د وروستي کولو لپاره د افغانستان له جمهوریت پلوي مرکچي پلاوي څو ورځې وخت غوښتی او دا غوښتنه د مرکچي پلاوي د مشرانو او ځینو غړیو د تېرې شپې په ناسته کې رامنځته شوې؛ خو جمهوریت پلوي پلاوي خپله اجنډا له ترتیبولو وروسته طالبانو ته سپارلې ده.

له څو ورځو دمې وروسته دا دی د دوشنبې پر شپه د جمهوریت او امارت د مرکچي پلاوو مشرانو او ځینو غړیو پر اجنډا خبرې له سره پیل کړې. په دوحه کې د جمهوریت پلوي مرکچي پلاوي اړوندو سرچینو ویلي؛ د دوی لخوا د سولې خبرو لپاره اجنډا بشپړه شوې او د طالبانو مرکچي پلاوي ته سپارل شوې ده.

د دې سرچینو د څرګندونو له مخې، طالبانو جمهوریت غوښتونکي پلاوي ته د خپلې اجنډا د سپارلو لپاره څو ورځې وخت غوښتی دی.

د سولې په چارو کې د دولت وزارت ویانده ناجیه انوري وایي: په پرونۍ ناسته کې د اجنډا پر موضوعاتو او راټولولو او د پرمختګونو پر څرنګوالي خبرې وشوې. د نن ورځې د ناستې په اړه تر دې دمه پرېکړه نده شوې.  

طالبانو په دې اړه تر دې دمه څه ندي ویلي.         

دغه راز د آسټرالیا لومړي وزیر له ولسمشر غني سره په ټیلیفوني خبرو کې له طالبانو غوښتي، چې اوربند ومني.

د ناټو سرمنشي بیا له ولسمشر غني سره په خبرو کې ویلي؛ د افغانستان په اړه د ناټو دریځ بدل شوی ندی او د پوځیانو حضور به یې د افغانستان د شرایطو پر بنسټ وي.

د ولسي جرګې مشر میر رحمان رحماني ویلي؛ د خبرو پېچلتیا، د اجنډا په جوړولو کې ځنډ، د طالب پلاوي نه لیوالتیا، په هېواد کې دننه د سیاسي اجماع نشتون، د ملي پخلاینې د رهبرۍ په شورا کې د همغږۍ نشتوالي هوکړې ته رسیدل ستونزمن کړي دي.          

د امریکا مرستیال ولسمشر مایک پېنس په افغانستان کې دوه نیم زرو ته د سرتېرو د شمېر له رسولو وروسته ټینګار کړی، چې که له طالبانو سره د واشنګټن د هوکړه لیک شرایط پلي شي؛ نور سرتېري به هم له افغانستان څخه ووځي.

مایک پینس زیاته کړې؛ هغه ورځ به را ورسیږي، چې په افغانستان کې جګړه پای ته ورسیږي. په افغانستان کې ستاسو ماموریت د امریکا د امنیت لپاره حیاتي و.

دا په داسې حال کې ده، چې نن د ملي پخلاینې عالي شورا مشر او پخواني ولسمشر حامد کرزي  ترمنځ په لیدنه کې د تاوتریخوالي پر بیړني کمښت ټینګار شوی.

Continue Reading

تازه خبرونه

کابل ښاریان په یوه ورځ کې درې چاودنو اندېښمن کړل

Ariana News

خپور شوی

په

توسط

(Last Updated On: January 19, 2021)

کابل ښاریان نن (دوشنبه د مرغومي ۲۹) د ښار په ۳، ۶ او ۱۱ ناحیو کې د نښلیدونکیو ماینونو درې چاودنو اندېښمن کړي دي.

یو نښلیدونکی ماین د کابل په درېیمه امنیتې حوزه کې د اترا د کارمندانو پر موټر چاودېدلی، چې ورپسې د ولسمشر لومړی مرستیال ته نږدې د ابراهیم عاصم پر موټر د کابل د یوولسمې حوزې په اړوند سیمه کې وچاږدېد اودغه راز له غرمې وروسته هم پر یو کرولا موټر د چار کلا په اړوند سړک کې ماین چاودنه وشوه ، چې له کبله یې یو کس مړ او یو شمېر نور ټپیان شول.

د کابل په درېیمه ناحیه کې د ملي شورا پر سړک لومړی برید د اترا پر کارمندانو وشو، چې ځانتي زیان یې نه درلود.

د پېښې شاهد محمد سرور ویلي؛ هره ورځ وژنې دی، دا چارواکي له وخت تېرولو پرته نور څه کوي؟

د کابل بل اوسیدونکي فهیم توخي ویلي: زه دلته په کراچۍ سوپ پلورم. کله، چې نښلیدونکی ماین وچاودید؛ ورسره زما دغه سوپ پلورنځی هم ویجاړ شو.

دوه یمه چاودنه د کابل د خیر خانې په اړوند سیمه کې رامنځته شوه؛ د ولسي جرګې د غړي زلمي نوري د ورور او د ولسمشر د لومړی مرستیال امرالله صالح د نږدې کس ابراهیم عاصم پر موټر د یوولسمې   حوزې اړوند په نهضت کوڅه کې رامنځته شوې، چې ځاني زیان یې نه درلودل.

درېیمه چاودنه له غرمې وروسته ۴:۳۵ د چادهي د چار کلا په سړک کې پر یو شخصي کرولا موټر رامنځته شوې، چې یو کس یې وژلی او بل یې ټپي کړی دی.

په پلازمېنه او نورو لویو ښارونو کې د ډېریدونکيو ناامنیو، چاودنو او وژنو سره همهاله د پاسپورټ د ترلاسه کولو او افغانستان پریښودو لپاره یو ځل بیا اوږدې لیکې او قطارونه جوړ شوي دي.

د پکتیا اوسیدونکی مومن نومی وایي: امنیت او کاروبار نشته؛ هره ورځ وژنې دي او غواړم بهرنیو هیوادونو ته ولاړ شم.

د کابل اوسيدونکې ثريا هم له امنیتي وضعیته اندېښمنه ده او څرګندوي: ناامني زياته شوې ده. زما کورنۍ ډېره اندېښمنه ​​ده او مونږ هم پوهنتون ته ځو؛ خو وېرېږو، چې پر پوهنتون به بيا بريد وشي.

د موخه ییزو وژنو د ډېریدو په غبرګون کې د ولسمشر لومړي مرستیال او د کابل امنیتي مسوول امرالله صالح ویلي؛ نیول شوي طالبان باید اعدام شي، چې طالبانو ته درس ورکړشي؛ خو طالبانو د نوموړي د څرګندونو په ځواب کې ويلي؛ که طالب بندیان اعدام شي، غبرګون به مو بیا بل ډول وي.

که څه هم د ولسمشر د لومړي مرستیال امرالله صالح د سهار د شپږنیمو بجو د ناستو بهیر د کابل د امنیت خوندي کولو لپاره هره ورځ روانې دي؛ خو کابل ښاریانو ويلي، چې امنیتي چارواکي باید ژر تر ژره په کابل کې د خرابېدونکي امنیتي وضعیت د څارنې لپاره عملي کړنې تر سره کړي.

Continue Reading

Trending

آریانا نیوز. کلیه حقوق محفوظ است