بلخ @ps
په کندوز کې د خپلې کورنۍ د ۷ غړویو قاتل ونیول شو
(Last Updated On: )
د کندوز امنیه قومندانۍ ویاند هجرت الله اکبري ویلي، چې دا پېښه پرون د امام صاحب ولسوالۍ په کنم کلي کې رامنځته شوې ده.
هغه زیاتوي؛ د کنم کلي یوه اوسیدونکي پر ډزو خپل ورور، ورینداره او پېنځه وریرونه وژلي او دوه نور یې ټپیان کړي دي.
د نوموړي د څرګندونو له مخې؛ مړه شوي کسان ۴ نرینه او درې ښځینه دي او د دې کورنۍ دوه ماشومان ټپیان شوی دي.
اکبري وایي، چې په دې پېښه کې له ۴ څخه تر ۱۲ کلونو پورې ماشومان هم وژل شوي دي.
نوموړي زیاته کړې، چې له نیول شوي کس سره یو کلاشینکوف او یوه تومانچه هم پولیسو تر لاسه کړي دي.
د سیمې اوسیدونکي وايي، چې دا پېښه د ځمکې پر سر د لانجې له کبله رامنځته شوې ده.
