تازه خبرونه
په ګمرکونو کې د ټولو ترانزیتي او سوداګریزو توکو پلټل پیل شوي
د سوداګرۍ او پانګونې خونې مسوولین وايي، د مالیې وزارت په ګمرکونو کې د ټولو ترانزیتي او سوداګریزو توکو پلټل پیل کړي دي.
د سوداګرۍ او پانګونې خونې غړی خانجان الکوزی وايي؛ ماليې وزارت ته، چې هرڅوک نوی راشي له ځان سره نوي قوانین رامنځته کوي.
نوموړی زیاتوي، چې له دې وړاندي د پاکستان له لارې ترانزیت کیدونکي توکي به د یوه پروسیجر او وزن د ټاکل کیدو له مخې د پنځوس زره څخه تر شپږ سوه زره افغانیو پورې محصول کیدل او نور توکي به له تشریح وروسته محصول کیدل.
هغه دا هم ویلي؛ اوس د ماليې وزارت پرته له دي، چې له خصوصي سکتور سره یا همغږي وشي او یا يي هم خپل ظرفیتونه لوړ کړي وایی ټول وارداتي توکي دانه دانه پلټل کیږي، چې له کبله يي زرګونه موترونه دریدلي وي.
ښاغلي خانجان الکوزی وایي، اوس دلته هر څوک له ځانه قوانین راباسي. که د ماليي وزارت دغه کار کاوه؛ نو لومړی به يې خصوصي سکتور په جریان کې کړی و او یا به يې خپل ظرفیتونه لوړ کړي وه. اوس، خو دا په زرګونه موترو تاوان ټول خصوصي سکتور ته رسیږي.
د ماليي وزارت مسوولین بیا د خصوصي سکتور دغه ادعاوې بې بنسټه بولي او زیاتوي، چې د ماليي وزارت خپل ټول پروګرامونه له خصوصي سکتور سره په همغږۍ کې پیل کړي دي.
دوی دا هم ويلي، چې د ګمرکاتو د قانون له مخې باید ټول واردیدونکي توکې وپلټل شي.
د ماليې وزارت ویاند شمروز خان مسجدي وایي؛ مونږ د ټولو قوانینو له مخې دغه کار په ګمرکاتو کي پیل کړی او مونږ به دا لړۍ همداسې روانه وساتو. دا کار مو د عوایدو د ډېریدو لپاره تر سره کړ او دا چاره به په ټول هېواد کې روانه ساتو.
د ماليي وزارت مسوولین وايي، دغه پلټنې کولی شي، چې د عوایدو په زیاتوالي او د فساد په مخنیوي کې مثبت رول ولوبوي؛ خو خصوصي سکتور بیا وايي، که دا چاره روانه وي؛ ښايي په ګمرکونو کې د فساد زیاتوالي او د عوایدو د فرار لامل شي.
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ