Connect with us

تازه خبرونه

په ولسي جرګه کې د رییس د پلویانو او مخالفانو تر منځ بیا ناندرې تودې شوې

Avatar

خپور شوی

 په

(Last Updated On: غویی ۲۹, ۱۳۹۸)

په ولسي جرګه کې د نوي نومول شوي رییس میر رحمان رحماني د پلویانو او مخالفانو تر منځ ناندرې د یکشنبې پر ورځ( د غویی پر ۲۹) هم روانې وساتل شوې.

ټاکل شوې وه، چې د ولسي جرګې عمومي غونډه جوړه شي؛ خو د ریاست د څوکۍ پر سر د را ولاړو شویو شخړو او ناندرو له کبله جوړه نه شوه.

د ولسي جرګې د ریاست لپاره په دوه یم پړاو ټاکنو کې، چې د شنبې پر ورځ( د غویی ۲۸) تر سره شوې؛ ښاغلی رحماني او کمال ناصر اصولي د دغه مقام د خپلولو لپاره سیالي تر سره کړه، چې د رایو په پای کې د جرګې لنډمهاله رییس د  ۱۲۳ رایو پخپلولو ښاغلی رحماني ګټونکی اعلام کړ.

ښاغلي اصولي په دې ټاکنو کې د دغه مقام لپاره  ۵۵ رایې ترلاسه کړې؛ خو د ټاکنو لدغه بهیر سره یې مخالفت څرګند کړ او نه یوازې یې نوي ټاکل شوي رییس ته د خبرو کولو اجازه ورنکړه، بلکې له پلویانو سره یې مخالفت هم روان وساته.

اټکل داسې وه، چې د یکشنبې پر ورځ به د ولسي جرګې عمومي غونډه جوړه شي؛ خو د جرګې د ریاست څوکۍ د یو شمېر غړیو لخوا کلا بنده شوه او میر رحمان رحماني ته د ریاست کولو اجازه ورنکړ شوه.

په دغه لړ کې د ځینو غړو تر منځ فزیکي شخړه هم وشوه.

په ولسي جرګه کې د کابل استازی رمضان بشردوست وایي: ولسي جرګه د لانجو او شخړو پر کور اوښتې او دوه کسان، چې غواړي ریاست ته ورسیږي لکه وږي لیوان د ریاست د څوکۍ خواته یې خپله څوکۍ ایښي، چې خپلې برخې ته ورسیږي. دا؛ نو په جرګه کې دننه څه حال دی!

د ولسي جرګې یو شمېر غړیو وړاندیز وکړ، چې د جرګې د ادارې لپاره باید موقت اداري پلاوی جوړ شي.

په ولسي جرګه کې د هرات استازی غلام فاروق مجروح وایي: ولسي جرګه ګروګان نیول شوې ده او دواړو خواوو د یو او بل پر وړاندې لانجې جوړې کړې دي. باید قوانینو ته وکتل شي، چې رامنځته شوې ستونزه حل شي. پرته لدې جرګه نشي کولی کار وکړي.

سره لدې، چې رسنیو ته له جرګې څخه د انځور اخیستنې اجازه نده ورکړ شوې؛ خو د ولسي جرګې د غړیو لخوا اخیستل شوي انځورونه ښیي، چې په کې دننه شخړې او ناندرې راپورته شوې دي.  د را ولاړې شوې لانجې د حل لپاره پېنځلس کسیز پلاوي کار پیل کړی؛ خو د جرګې یو شمېر غړي وايي، چې د میر رحمان رحماني او کمال ناصر اصولي ترمنځ د ریاست د څوکۍ پر سر را ولاړه شوې ستونزه باید ژر تر ژره حل شي.

خان اغا رضايي، همایون هریرود، اجمل رحماني، میرداد نجرابي، او ناهید فرید د میر رحمان رحماني د پلویانو له ډلې او خان محمد وردګ، جاوید ساپی، سید احمد خادم، راضیه منګل او عبدالرشید عزیزي د کمال ناصر اصولي له پلویانو څخه په کمیسیون کې راټول شوي دي. دغه راز عرفان الله عرفان، عبدالقیوم سجادي، احمد عثماني، فریدون مهمند او احمد الله بتاش د بې پرې غړیو په توګه په کمیسیون کې پر دنده ګومارل شوي دي.

ولیدل چې دغه کمیسیون به د راولاړې شوې لانجې د حل لپاره کومې لارې وړاندیز کړي تر څو وکولی شي، دغه حالت ته پای ورکړي.

د یادونې ده، چې په ولسي جرګه کې د ښاغلي اصولي پلویانو تېره ورځ ګواښ کړی و، چې رحماني ته به د کار پیلولو اجازه ورنګړي او د ولسي جرګې د ریاست لپاره دې ټاکنې بیا تر سره شي؛ خو یو شمېر تصویرونه ښيي، چې ښاغلی رحماني په پوځي بدرګه د جرګې تالار ته وردننه شو او نانرو زور واخیست.

تازه خبرونه

د پریمیر لیګ لوبغاړو ډله ییزې فزیکی روزنې تصویب شوې

Avatar

خپور شوی

په

توسط

(Last Updated On: غبرګولى ۷, ۱۳۹۹)

د سکای سپورټ د راپور په وینا، د پریمیر لیګ لوبډلو ډله ییزې فزیکی روزنې د دغه بنسټ له خوا تصویب شو، چې دا کار د سیالیو د بیا پیل کولو لپاره یو بل مهم ګام په نښه کوي.

د پریمیر لیګ لوبغاړو تیره اونۍ دمخه، د ټولنیز واټن ساتلو په پام کې نیولو سره، په کوچني ډلو کې روزنه له سره پیل کړې وه، خو اوس دغه بنسټ ډله ییزې روزنې هم تصویب کړې.

پریمیر لیګ په یوه خبروینا کې ویلي: “د پریمیر لیګ شریکانو نن د لوبغاړو د روزنې بیا پیلولو لپاره په متفقه توګه رایه ورکړه، چې د پریمیر لیګ سیالۍ بیا پیل کولو په لور بل ګام په نښه کیږي.”

په خبروینا کې زیاته شوې: “ټرینران اوس ددې وړتیا لري چې د یوې ډلې په توګه روزنه ورکړي پداسې حال کې چې غیر ضروري نږدې اړیکې کمې کړي.”

د پریمیر لیګ ټینګار وکړ چې د دوی لومړیتوب د ټولو برخه اخیستونکو روغتیا او هوساینه ده.

همداراز ویل شوي: “سخت طبي پروتوکول شتون لري ترڅو ډاډ ترلاسه شي چې د روزنې ډګر ترټولو خوندي چاپیریال دی او لوبغاړي او کارمندان به یې په اونۍ کې دوه ځله د کوویډ-۱۹ لپاره معایناتو ته دوام ورکړي.”

په ورته وخت کې، په پریمیر لیګ کې د کروناویروس ازموینو لومړي دوه پړاوونو کې؛ له ۱۷۴۴ بېلکو څخه اته مثبتې قضیې راپور شوې. د مثبت ازموینې اخیستونکي د اوو ورځو لپاره ځانته قرنطین شوي.

ویل کیږي چې د کروناویروس د دریم پړاو ازموینې پایلې به د چهارشنبې پر ماسپخین څرګندې شي.

د یادونې وړ ده چې د پریمیر لیګ لوبې د جون پر لومړې نېټه بیا پیل کیږي.

Continue Reading

تازه خبرونه

عبدالله د پخلاینې عالي شورا د غړو د ټاکلو په هڅه کې دی

Avatar

خپور شوی

په

توسط

(Last Updated On: غبرګولى ۷, ۱۳۹۹)

عبدالله ته نږدې سرچینې وایي چې دی غواړي د پخلاینې عالي شورا په جوړښټ کې اغیزناکې څېرې راټولې کړي.

 د جوړجاړي د هوکړې تر لاسلیک او عبدالله ته د پخلاینې عالي شورا د مشرۍ تر سپارلو لس ورځې تیریږي، خو د دغې هوکړې لومړی پرېکړه لاهم نه دی عملي شوې؛ تراوسه د مصالحې شورا د تشکیل او برنامو په اړه خبر نشته او عبدالله هم په دې اړه څه نه دي ویلي.

عبدالله قرلق، د جنبش ګوند مرستیال، وایي چې عبدالله نن سبا د یادې شورا د جوړښت په هڅو کې بوخت دې او غواړي چې اثرلرونکې څېرې دغه بنسټ ته وټاکي.

د هوکړې بله برخه په کابینه کې د اشرف غني او عبدالله پنځوس سلنه ونډه ده، په دې برخه کې هم دواړو لورو خپل کارونه نه دي ټکني کړي.

سیاسي شنونکی شهزاده مسعود ویلي چې د اختریزو رخصتیو وروسته باید ټول ګډونه کابینه جوړه شي.

ولسمشرۍ او د عبدالله دفتر نه غواړی د مصالحې شورا د جوړښت او د کابینې د غړو په اړه څه ووایي.

د پخلاینې عالي شورا خپلواکه بودجه او تشکیل لري، ترڅو د سولې په برخه کې ټولې برنامې مدیریت کړي، د مرکچي پلاوي کاري کرښې وټاکي او د سولې په اړه برنامه چمتو کړي. خو دا چې د سولې بهیر یو حساس پړاو ته داخل شوې، د پخلاینې عالي شورا په جوړېدو کې ځنډ د خلکو له نیوکو سره مخ دی.

Continue Reading

تازه خبرونه

د محرقې خوریدا چې کرونا رنځ ته ورته نښې لري اندیښنې راپارولي

Avatar

خپور شوی

په

توسط

(Last Updated On: غبرګولى ۷, ۱۳۹۹)

 د محرقې په نوم یوه موسمي ناروغۍ چې کرونا ته ورته نښې لري د خلکو او د روغتیايي چارواکو د اندیښنې لامل ګرځیدلې.

په داسې حال کې چې کووید-۱۹ ناروغي په چټکتیا سره خپریدو په حال کې ده، خلک یوې بلې ناروغۍ اندیښمن کړي چې د کرونا په شڅیر نښې نښانې لري او په یو شمېر ولایتونو کې په خلکو کې خپره شوې ده.

په ننګرهار کې د آریانا نیوز خبریال وایي دا ناروغي د ډاکټرانو په وینا له محرقې سره ډېر ورته والی لري او ښایي یوه داسې ناروغي وي چې په اوړي کې ډېره شي.

 ویل کیږي په کابل او هلمند کې هم محرقه په خلکو کې خپره شوې ده، خو په هلمند کې ډاکټران وایي دا محرقه نه بلکې هماغه د کرونا ویروس دی.

د دی ترڅنګ، د عامې روغتیا وزارت د  نورو موسمي ناروغیو د خپریدو په اړه هم اندیښنه لري چې کرونا ته ورته نښې لري. وحید مجروح، د عامې روغتیا وزارت مرستیال، وایي ننګرهار ته یې پلاوی استولی چې دا موضوع له نیژدې وڅيړي.

د روغتیا نړیوال سازمان هم له دې مخکې خبرداری ورکړی و چې په کرونا ویروس ډېر تمرکز به د یو شمېر نورو ناروغیو د ودې لامل و ګرځي.

Continue Reading

Trending