Connect with us

تازه خبرونه

له پاکستان څخه د سوداګریزو توکو له رارسیدو سره به بیې راولویږي

Ariana News

خپور شوی

 په

(Last Updated On: April 11, 2020)

پاکستان د تورخم او سپین بولدک بندرونه د افغان سوداګرو د مالونو رالیږدولو لپاره بېرته پرانیستل او ډېر ژر به د هېواد اړوند ماکیټونو ته راورسیږي.

د سوداګرۍ او پانګونې خونې مسوولین وايي، له دې سره به په مارکیټونو کې بیې را ولویږي؛ ځکه په خوراکي توکو بار موټر را رسیدونکي دي.

د سوداګرۍ اوپانګونې خونې غړی خان جان الکوزی وایي: زمونږ د نويو سوداګریزو توکو له رسیدو سره به په مارکیټ کې بیې هم راټیټې او دا لړۍ روانه ده او مارکیټونوته به د اړتیا وړ توکي راورسیږي.

د کابل هټیوال بیا وايي؛ تر اوسه  په قیمتو نو کې کوم  بدلون ندی راغلی او هیله ده ، چې بیې به ژر راولویږي.

د کابل منډوي هټیوال ظفرخان ویلي: تر اوسه؛ خو بیې پخپل ځای دي اوړه اوریجې، لوبیا،غوړي ټول د پخوا په څیر روان دي.

د کابل ښار ځینې او سیدونکي اوس هم شکایت لري او وایي؛ نږدې ۲۲ ورځې وشوې، چې وزګار دي او بیې هم لوړې شوي.

سخې داد نومی کاریګر وایي: مونږ له بې کارۍ غرق یو؛ خو حکومت مرسته نکوي خلک به له لوږې مړه شي.

نور الله نومي بل کاریګر ویلي؛ مونږ کار له لاسه ورکړی، خو آیا حکومت شته، چې زمونږ پوښتنه وکړي؟!

اقتصادي کارپوه  سید قیاس سعیدي بیا له حکومته غواړي، چې پر مارکیټ څارنه ډېره او د احتکار کوونکیو مخه ونیسي.

د یادونې ده، چې د مارکیټ د څارنې د څرنګوالي په تړاو د صنعت او سوداګرۍ وزارت مسوولینو تر دې دمه په دې اړه څه نه وایي.

تازه خبرونه

چین او تاجکستان له افغانستان سره په پوله پوځي خوزښتونه لري

Ariana News

خپور شوی

په

توسط

(Last Updated On: January 25, 2021)

په بدخشان کې افغان پوله ساتي ځواکونه په داګه کوي، چې چین او تاکجستان هېوادونه د سولې له احتمالي هوکړې وروسته د داعش ډلې پر پیاوړتیا اندېښمن شوي دي.

د ملي اردو په چورلکه کې، چې د بدخشان واخان سیمې ته ولاړو او له چین او تاجکستان سره مو پوله ولېده؛ معلومه شوه، چې تاجکستان له افغانستان سره په سرحدي سیمه کې خپلې پوستې ډېرې کړې دي.

دا موضوع امنیتي سرچینو هم منلې ده.

په بدخشان کې د پوله ساتو ځواکونو سرتېری اسامه وردوجي ویلي؛ له خپلو څلور سوه همکارانو سره د اوږدې پولې د امنیت ساتنې مسوولیت لري؛ خو افغان ځواکونه د پوځي تجهیزاتو له کمي سره مخ دي او تشکیل یې هم لږ دی.

په همدې توګه چین، چې له افغانستان سره یې پر ګډه بوله د غرنۍ لوا د جوړېدو غوښتنه کړې وه؛ د امنیتي سرچینو پر وینا، د امریکا د مخالفت له کبله دا کار ندی شوی.

د بدخشان والي ذکریا سودا هم په دې ولایت کې د بهرنیو جنګیالیو پر ځانګړې توګه د تاجکستان د انصارالله ډلې پر شتون اندېښنه لري.

دا مهال چین، افغانستان او تاجکستان د ۱۵۰ ځواکونو په شتون کې ګډه قومنداني لري، چې مالي لګښت یې چین پر غاړه اخیستی او دوی د سرحدي ګواښونو په کابو کولو کې په ګډه کار کوي.

Continue Reading

تازه خبرونه

طالب مشران د سولې په خبرو کې خپلواکي نلري ـ د ملي امنیت سلاکار

Ariana News

خپور شوی

په

توسط

(Last Updated On: January 24, 2021)

 د افغانستان د ملي امنیت سلاکار حمدالله محب ویلي، چې طالب مشران په خپلو پرېکړو کې خپلواکي نلري او له همدې کبله له وخت سره لوبې کوي.

د هېواد لوړپوړي دفاعي او امنیتي چارواکي د هوایي ځواکونو په قول اردو کې راټول شوي؛ د سولې او جګړې پر بحث سربېره یې د پولیسو، ملي امنیت او ملي اردو له ځانګړیو ځواکونو راټول شوی ځواک یې هم جوړ کړ.

د ملي امنیت شورا سلاکار ويلي طالبان سوله نه غواړي او پلاوی یې هم د پرېکړو واک نلري.

 د ملي امنیت سلاکار حمدالله محب څرګنده کړې، چې استخباراتي معلومات ښیي، چې طالبان په را روان پسرلي کې جګړې ته چمتوالی نیسي.

دغه راز د ملي دفاع وزارت لومړي مرستیال شاه محمود میاخېل ویلي؛ طالبانو د سولې  پر ځای جګړه ټاکلې او دوي اړ دي، چې د طالبانو د بریدونو په وړاندې له خلکو دفاع وکړي.

د کورنیو چارو وزیر مسعود اندرابي ، د وسلوال پوځ لوی درستیز او د ملي امنیت لوی مشر خبرداری ورکوي، چې که د سولې خبرې نتیجه ورنکړي؛ په ټول هېواد کې جګړې ته بشپړ چمتوالی لري.

په امریکا کې د نوي ولسمشر له راتلو سره تمې دا دي، چې د سولې خبرې به یوې مطلوبې پایلې ته ورسیږي؛ خو افغان ځواکونه وایي، چې که دا خبرې بې پایلې پاتې شي، جګړې ته چمتو دي.

Continue Reading

تازه خبرونه

د جمهوریت تر چتر لاندې ټول افغانان برابر دي – اشرف غني

Ariana News

خپور شوی

په

توسط

(Last Updated On: January 24, 2021)

د افغانستان ولسمشر اشرف غني د یکشنبې پر ورځ د اهل تشیع علماوو شورا له غړیو سره په ارګ کې د لیدنې پر مهال څرګنده کړې، چې د جمهوري ریاست په سیسټم کې لاسومنه به د هېواد لپاره ستره بیه ولري؛ ځکه، چې دمګړۍ یې تر چتر لاندې ټول افغانانو خوندي او برابر دي.

ولسمشرۍ ماڼۍ په ډاګه کړې؛ ولسمشر غني د شیعه عالمانو د شورا له غړیو سره په خبرو کې ویلي: جمهوریت یو چتر او بستر دی، چې د ټولو افغانانو مساوات په کې تامین دي.

غني زیاته کړې: زمونږ امنیتي او دفاعي ځواکونو په جګړه کې بر لاسي دي او د افغانستان اسلامي جمهوریت بشپړ نړیوال مشروعیت لري او امریکا د افغان حکومت او زمونږ د امنیتي او دفاعي ځواکونو ملګرې ده.

ارګ په ډاګه کړې: په دې کتنه کې، چې د جمهوري ریاست دوه یم مرستیال سرور دانش او په امنیتي او سیاسي چارو کې د ولسمشر ستر سلاکار محمد محقق هم حضور درلود.

غني دا هم وویل: له نړۍ او سیمې سره د سولې د اهدافو په ټاکلو کې د یوه خپلواک افغانستان ډاډ ترلاسه کول دي، چې ملي حاکمیت، ډیموکراسي او ملي یووالي څخه برخمن وي.

نوموړي ټینګار څرګند کړ، چې مونږ عذر او تسلیمۍ ته حاضر نه یو او دا ډول سوله غواړو، چې بقا، هوساینه او ملي یووالی په کې وي.

د دغې شورا مرستیال محمد اکبري څرګنده کړې؛ دغه شورا د اسلامي ورورولۍ او ملي یووالي د پیاوړتیا لپاره کار کوي، په هېواد کې د سولې د تامین او جګړې دپای ته رسېدو غوښتونکې ده، د اساسي قانون او د افغانستان اسلامي جمهوري نظام له ساتنې خپل ملاتړ څرګندوي.

د یادونې ده، چې د اهل تشیع علماوو شورا جوړښت د عمومي مجمع، اجرائیه شورا او د مرکزي کمیسیونونو او ولایتي شوراګانو څخه جوړه او شمېر یې ۶۵ کسانو ته رسېږي.

Continue Reading

Trending

Copyright © 2021 Ariana News. All rights reserved!