Connect with us

تازه خبرونه

په مرکز او ولایتونو کې د رایو بیا شمېرنه پیل او ډېر ژر به پای ومومي- ټاکنو کمیسیون

Ariana News

خپور شوی

 په

(Last Updated On: November 17, 2019)

 

د ټاکنو خپلواک کمیسیون ویلي، چې د کمیسیون د مشرتابه د پرېکړې له مخې په مرکز او ولایتونو کې د رایو بیا شمېرنه پیل شوې او ډېر ژر به پای ومومي. دا په داسې حال کې ده، چې اوس هم د یو شمېر ټاکنیزو ډلو لخوا د رایو د بیا شمېرنې له بهیر سره پریکون روان ساتل شوی.

په مرکز او ولایتونو کې د مشکوکو محلونو د رایو بیا شمېرنه د یو شمېر ټاکنیزو ډلو د اعتراضونو له کبله ځنډول شوې وه؛ خو نن( د لړم ۲۶) په ځینو ولایتونو کې بیا پیل شوه.

د ځینو ټاکنیزو ډلو اعتراض دا دی، چې درې سوه زره مشکوکې رایې باید په بیا شمېرنه کې شاملې نشي؛ خو کمیسیون تېر ماښام څرګنده کړه، چې دا رایې به بیا شمېرل کیږي.

د ټاکنو خپلواک کمیسیون د دارالانشا ريیس حبيب الرحمان ننګ ویلي، چې په ټولو ولایتونو کې د رایو بیا شمېرنه روانه ده. هڅه کوو، چې مرکز ته د رایو د فورم له رارسیدو سره سم دا بهیر پای ته ورسیږي.

په کابل کې هم له درې ورځني ځنډ وروسته د مشکوکو محلونو د رایو بیا شمېرنه پیل شوې، چې له یو زر و یو سل و دوه دېرش(۱۱۳۲) محلونو څخه د څلور سوه محلونو رایې بیا شمېرل شوې دي.

هغه ټاکنیزې ډلې، چې مخکې یې له دې بهیر سره مخالفت کړی اوس هم په بیا شمېرنه کې حضور نلري.

د کابل د ټاکنو کمیسیون د بهرنیو اړیکو مسوول ميرويس يوسفزی وایي، چې مونږ د ټاکنیزو ډلو له ټولو څارونکیو څخه د ګډون غوښتنه کړې او ښاغلي نواندېش په دې اړه د پرېکړې کولو ډاډ ښکاره کړې دی.  

په همدې وخت کې د کندوز، تخار، پروان او بغلان څخه داسې راپورونه تر لاسه شوي، چې د یکشنبې پر ورځ هم د ځينو نوماندانو د پلویانو لخوا د رایو بیا شمېرنې بهیر ګډوډ شوی دی.

د مشکوکو محلونو د رایو د بیا شمېرنې په لومړي پړاو کې هم د یو شمېر ټاکنیزو ډلو پلویانو د دغه بهیر مخه نیولې ده او داسې ښکاري، چې دا ستونزه اوس هم پرځای ده.

د ثبات او همپالنې ټاکنیزې ډلې مشرعبدالله عبدالله په کندوز کې د خپل یو څارونکي د وژل کیدو په اړه ګواښ کړی او وایي، چې: شرم دې هغه ولسمشر ته، چې یو ځل د درغليو له مخې پر ګدۍ کښیناست او نن د همغه واک تر چتر لاندې ځان اعلی سر قومندان بولي؛ خو یو څارونکی د حق او د غیر قانوني کړنو د مخنیوی لپاره په کې وژل کیږي.  

دا په داسې حال کې ده، چې د پخواني ولسمشر حامد کرزي دفتر هم په ډاګه کړې، چې په کندوز او یو شمېر نورو ولایتونو کې د رایو د بیا شمېرنې پر وړاندې پر خلکو او لاریونوالو ډزې او مرګ و ژبله اړول د اندېښې وړ دي؛ ځکه د سیاسي او شخصي موخو لپاره امنیتي ځواکونه کارول ولس ته د منلو ندي.

تازه خبرونه

په دوحه کې د سولې خبرو پر ګړندي کیدو عبدالله خپل ټینګار څرګند کړ

Ariana News

خپور شوی

په

توسط

(Last Updated On: January 17, 2021)

د ملي پخلاینې عالي شورا مشر ډاکټرعبدالله عبدالله په دوحه کې د سولې خبرو د ګړندي کولو پر اړتیا ټینګار وکړ.

عبدالله عبدالله ویلي، چې د افغانستان د خپلمنځي خبرو جمهوریت پلوی پلاوي  هوډمن او واک لرونکی دی، له اجنډا سره سم پر ېلابېلو مسایلو له طالبانو سره خبرې وکړي.

عبدالله زیاته کړې: یو له هغه مقرراتو څخه، چې زمونږ د خبرو اترو ډله پرې ټینګار کوي؛ هغه د خبرو د ګړندي کولو لپاره د هرڅه ترسره کول دي.

د ملي پخلاینې عالي شورا مشر اوربند له طالبانو سره د جمهوريت پلوي پلاوي د خبرو لومړۍ بحث بولي.

د نوموړي د څرګندونو له مخې، د افغانستان بهرني متحدین هم د دې نظر پلویان دي.

هغه ټینګار کوي: تر کومه ځایه، چې مونږ پورې اړه لري؛ هر اړخیزې سولې ته رسېدل، د تېرو۲۰ کلونو لاسته راوړنې زمونږ د خلکو د سرښندنو پایله ده او همدا اصل زمونږ د خبرو اترو د ډلې لارښوونه کوي.

عبدالله عبدالله په دې اند دی، چې سیمه ییزه او نړیواله اجماع د سولې لپاره د افغانستان یوه اړتیا ده؛ ځکه ، نو د سیمه ییزې او نړیوالې همکارۍ راجلبولو لپاره هڅې روانې دي.

که څه هم د دوحې د خبرو له پیل څخه دوه اوونۍ تېریږي، خو جمهوريت غوښتونکیو او طالب استازیو تر دې دمه د خبرو لپاره پر ګډه اجنډا هوکړه نده کړې.

Continue Reading

تازه خبرونه

سیکهـ هېوادوالو د هېوادنۍ سولې غوښتنه وکړه

Ariana News

خپور شوی

په

توسط

(Last Updated On: January 18, 2021)

په افغانستان کې د هندوانو او سیکهانو له زرګونه کورنیو یوازې دوه سوه پنځوس کسان پاتې دي او نور له هېواده وتلې دي.

افغان سیکهان او هندوان څرګندوي، چې په وروستیو پېنځه کلونو کې دوی هم نورو هېوادوالو ته ورته له مرګونو بریدونو سره مخ شوي او ځاني او مالي زیانونه یې ولیدل؛ نو، ځکه د دوی ډېرې کورنۍ له هېواده بهر کډوالې شوې.

د هندوانو او سیکهانو د شورا مشر ويلي، چې په کابل کې د سکهانو پر درمسال له برید وروسته پېنځه سوه هندوان او سیکهان هند ته کډه شول.

په افغانستان کې د هندو او سیکهـ مذهبه لږکيو شمېر په افغانستان کې دوه سوه زرو ته رسیده؛ خو اوس یوازې دوه سوه پنځوس کسان پاتې دي، چې یو سل و شل یې په کابل او پاتې نور په ولایتونو کې ژوند کوي.

هندوان او سیکهان وايي، چې ډېر شمېر کورنۍ په وروستیو پېنځه کلونو کې د افغانستان پریښودو ته اړې شوې.

د افغانستان د سیکهانو او هندوانو د ګذر وکیل سوندر سینګهـ ویلي: باید یوه تلپاتې سوله رامنځته شي. ۴۰ کله جګړه مو لیدلې: نتور جنګ بس دی. وضعیت نور هم خراب شوی. که دا حالت روان وي، پاتې سرداران به هم له هېواده کډه کولو ته اړ شي.

هندوان او سیکان وايي، چې له یوې خوا یې ژوند په خطر کې دی او له بلې خوا یې ځمکې او ملکیتونه غصب شوي او په ټولنه کې ځورول کیږي.

دوی اوس د کابل په یوه درمسال کې را غونډ شوي او ټول یو ځای ژوند کوي.

څه موده مخکې د کابل د شور بازار پر درمسال وسلوال برید وشو، چې لسګونه کسانو ته یې مرګ و ژوبله واړوله. له دې برید وروسته پېنځه سوه کسان هندوستان ته ولاړل.

د افغانستان سیکهان او هندوان وايي، چې له خپل هېواد سره یې مینه نه شلیدونکې ده او که د ژوند شرایط برابر شول، ټول به بېرته راستنیږي.

Continue Reading

تازه خبرونه

په کابل کې له نرینه وو پیسې اخیستونکې نجونې ونیول شوې

Ariana News

خپور شوی

په

توسط

(Last Updated On: January 17, 2021)

په کابل کې پولیسو له نرینه وو څخه د پیسو د اخیستو پر تور دوه نجونې نیولې دي.

د ولسمشر لومړي مرستیال امرالله صالح ویلي، چې دغه دوه نجونې د سهارنیو شپږ نیمو د ناستو پر سپارښتنه نیول شوې دي.

امرالله صالح زیاته کړې، چې دغو دوه نجونو له خپلو ښکلیو جامو سره د نامه له خاوندانو او پېژندل شویو څېرو د پیسو غوښتنه کوله.

د ولسمشر لومړي مرستیال څرګنده کړې؛ دې دوه نجونې هرې یوې حسنا او شیما نرینه وو ته ګواښونه کول، چې که پیسې رانکړئ؛ نو مونږ به له تاسو څخه ستاسې کورنیو او بشري حقونو ته شکایتونه وکړو، چې پر مونږ مو تېری کړی دی.

امرالله صالح دا هم په ډاګه کړې، چې یو شمېر نرینه د خپل پت او حیا د خوندي کولو لپاره پیسو ورکولو ته اړ شوي او د نورې لانجې مخنیوی یې پرې کړی دی.

هغه ویلي: له کلونو راپدیخوا په هېواد کې دا ستونزه حل شوې نده.

امرالله صالح له بشپړ ټینګار سره څرګنده کړې؛ زمونږ له لویو ستونزو څخه یوه هم دا ده، چې په قضا او همدارنګه د پولیسو په لیکو کې مو د ښځو شمېر لږ دی.

د نوموړي د څرګندونو له مخې: د توازن دې نشتوالي د جرمي او قانوني مسلو په پلټنه او څېړنه کې نیمه ټولنه له پامه غورزولې او د حکومت لاسرسی یې محدود کړی؛ ځکه په ډېرو برخو کې یې بشپړ مخنیوی هم ناشونی کړی دی.

Continue Reading

Trending

آریانا نیوز. کلیه حقوق محفوظ است