Connect with us

تازه خبرونه

که ټاکنې د سولې د خبرو د پیل لپاره وځنډیږي؛ نو ترې ملاتړ کوو- سیاسي بهیرونه

Avatar

خپور شوی

 په

(Last Updated On: ليندۍ ۵, ۱۳۹۷)

یو شمېر سیاسي بهیرونه د ولسمشریزو ټاکنو له ځنډيدو پدې شرط ملاتړ کوي، چې له ټاکنو مخکې باید د سولې خبرې پیل شي.

داسې ښکاري، چې د ټاکنو خپلواک کمیسیون د پخوا په څیر پر ټاکلې نېټه د ولسمشریزو ټاکنو په ترسره کیدو ټینګار نکوي.

د ټاکنو خپلواک کمیسیون وايي، چې ښايي د یوې طرحې له مخې ولسمشریزې ټاکنې درې میاشتې وځنډوي.

د کمیسیون دغې طرحې د سیاسي بهیرونو غبرګونونه له ځان سره درلودل.

د جمعیت اسلامي لوړپوړی غړی محمد اسماعیل خان ويلي، که ټاکنې د سولې د خبرو د پیلیدو لپاره وځنډیږي، دوی یې ملاتړ کوي؛ خو که د ناکارۍ له کبله ځنډيږي،د منلو نده.

د نوموړي د څرګندونو له مخې؛ که ټاکنې د سولې د خبرو لپاره وځنډیږي؛ ستونزه نه رامنځته کوي او مونږ غواړو، چې د سولې بهیر ښه او ډاډمن ترسره شي.

د سیاسي ډلو رهبرانو څرګنده کړې؛ دوی د سولې په خبرو کې روښانه ونډه غواړي او ټينګار کوي، چې هر څومره ژر باید د سولې خبرې په لنډ وخت کې یوې پایلې ته ورسیږي.

د افغانستان د نوې ملي جبهې رییس انوارالحق احدي وایي: د سولې خبرې باید په دوه یا درې میاشتو کې تر سره شي او ټاکنې دې تر پوښتنې لاندې نه راځي.

د حزب اسلامي رييس عبدالهادي ارغندیوال بیا په ډاګه کړې، چې که ټاکنې ځنډیږي؛ نو کمیسیون باید په دغه موده کې ژور اصلاحات رامنځته کړي.

نوموړی زیاتوي: کمیسیون باید د ولسمشریزو ټاکنو د ترسره کولو په فکر کې وي او په کمیسیون کې پر اصلاحاتو ډېر کار وکړي.

د افغانستان د اساسي قانون له مخې؛ د ولسمشر دنده د پېنځم کال د غبرګولي پر لومړۍ نېټه پای ته رسیږي او د دېرش یا شپته ورځو په دننه کې ولسمشریزې ټاکنې تر سره کیږي.

که څه هم کمیسیون د ولسمشریزو ټاکنو نېټه د را روان کال د وري دېرشمه ښودلې؛ خو اوس یې ویلي، چې د دغو ټاکنو نېټه به په راتلونکې اوونۍ کې اعلان کړي.

خبریال: علی اصغري

تازه خبرونه

افغانستان بانک په نا خالصه ذخایرو کې لوړوالی رامنځته شوی

Avatar

خپور شوی

په

توسط

(Last Updated On: غبرګولى ۱۱, ۱۳۹۹)

د افغانستان بانک وایي، د هېواد په تاریخ کې د لومړي ځل لپاره توانیدلي، چې د بانک د ناخالصو ذخایرو کچه له نهه میلیارد ډالرو څخه لوړه کړي.

دافغانستان بانک مسوولین وایي، سره له دې چې له افغانستان سره د نړیوالو مرستې کمې شوي خو د افغانستان بانک بیا هم وتوانید چې د ناخالصو ذخایرو کچه له نهه میلیارد ډالرو لوړه کړي.

دوی وایي د هیواد په کچه د بانک په تاریخ کې په لومړي ځل توانیدلي چې د هیواد ناخالص مالي ذخایر له نهه میلیارد ډالرو لوړه کړي.

هغوی زیاتوي چې تیر کال هم  توانیدلي وو چې د افغانستان بانک د هغو مالي ذخایرو له لارې چې په بهرنیو مالي بنسټونو کې  یی پانګونه کړې؛ شاوخوا ۲۲ میلیارده افغانۍ عواید را ټول او د دولت خزانې ته یې ورکړي۔

د یاد بانک مسوولین وایی چې د افغانستان بانک د مالي قدرت د لوړولو لپاره به خپلې هڅې پراخې کړي.

د دوی په وینا، که څه هم په دیری هیوادونو کې د کرونا ویرس او نورو ستونزو له امله افغانیو د ډالرو پروړاندې خپل ارزښت له لاسه ورکړی؛ خو دافغانستان بانک وایی د افغانۍ ارزښت ساتلو لپاره یې ډېر کار کړی او زیاتوي چې، دافغانۍ د ثبات لپاره نوې برنامې تر لاس لاندې لري.

بل خوا، د اقتصادي چارو کارپوهان د افغانستان بانک د ناخالصو ذخایرو د لوړیدو هرکلی کوي او زیاتوي چې د افغانستان بانک ځوانه رهبرۍ توانیدلي چې د افغانستان بانک پيسو مدیریت په معیاري ډول برابر کړي.

 

Continue Reading

تازه خبرونه

افغانستان کې د کرونا رنځ چټکې خپریدا اندېښنې راپارولي

Avatar

خپور شوی

په

توسط

(Last Updated On: غبرګولى ۱۱, ۱۳۹۹)

د عامې روغتیا وزارت ویلي؛ د کرونا ویروس پراخې لمنې په افغانستان کې یو لوی ناورین رامنځته کړی او په اړه یې  روغتیایي هڅې هم بسنه نکوي.

د عامې روغتیا وزارت ويلي، چې د کرونا ویروس ۶۸۰ نوې مثبتې پېښې ثبت شوي، چې له دی سره په هېواد کې د دغه ویروس پر ناروغۍ د اخته کسانو شمېر ۱۵۲۰۵ ته ورسید.

د دغه وزارت د چارواکو د څرګندونو له مخې؛ د کرونا ویروس ټولو ناروغانو ته د لاسرسي لپاره پوره وسایل نشته او دې ته ورته هر ډول غفلت به ناوړې پایلې ولري.

د عامې روغتیا وزارت مرستیال وحیدالله مجروح وایي: تر دې دمه په تېرو څلیریشت ګړیو کې ۱۱۱۲ بېلګې کتل شوي، چې له هغې څخه شپږ سوه اتیا مثبتې ختلي او په همدې موده کې اته کسان مړه شوي هم دي.

هغه زیاته کړې: له بده مرغه، د کرونا لمن پراخه شوې او ناورین رامنځته شوی؛ زمونږ یوازنۍ هیله له خلکو همکاري ده او که دوی همکاري وکړي، مونږ وضعیت اداره کولی شو. یوازې د اکسیجن لګښت په یوه ورځ او شپه کې خورا لوړ تمامیږي. په داې حال کې، چې تولید یې لږ دی.

سره له دې هم روغتیا وزارت ټینګار کوي، چې روغتیایي کارکوونکي په هر حال کې د خلکو په چوپړ کې دي او د کرونا رنځ پروړاندې به د شته امکاناتو له مخې مبارزه روانه ساتو.

دا په داسې حال کې ده، چې د هرات د حج او اوقافو ریاست ویلي؛ د دې ولایت د جوماتونو ملاامامان دې د لمانځه د ادا کولو پر مهال خلکو ته اړینې روغتیایي سپارښتنې وکړي او که نه نو، دوی به له خپلو دندو ګوښه کړ شي.

Continue Reading

تازه خبرونه

الاقصا جومات یو ځل بیا لمونځ کوونکیو ته پرانستل شو- بیت المقدس

Avatar

خپور شوی

په

توسط

(Last Updated On: غبرګولى ۱۱, ۱۳۹۹)

په بیت المقدس کې د الااقصا جومات، چې د کرونا ویروس د خوریدو له وېرې تړل شوی و؛ نن له دوه میاشتني ځنډ وروسته یو ځل بیا د لمونځ کوونکیو لپاره پرانستل شو.

نړیوالو خبري سرچینو په ډاګه کړې، چې د کروناویروس له پڅې ودې وروسته د اسلامي وقف شورا، چې له اسلامي مقدساتو څارنه لري؛ پر دې سپیڅلي ځای بندیزونه لیرې کړل.

دغه راز یادې شورا د مسلمانانو په دې سپیځلي درېیم مقام کې د کرونا ویروس د مخنیوي لپاره د یو لړ هڅو له تر سره کولو هم یادونه کړې ده.

د دغو هڅو له مخې؛ لمونځ کوونکي اړ دي، چې په جومات کې دننه او یا ترې بهر د لمانځه ادا کولو لپاره ماسک او خپل لمونخ مخی ولري.

دغه جومات او حرم شریف د معبد د غره پر لوړه برخه جوړ شوی، چې د بیا پرانستې لپاره یې لسګونه کسان د دغه مقدس مقام د لرګینو دروازو مخې ته ودریدل او د الله اکبر له ویلو سره یې پخپل ځان او روح د دغه جومات د ساتنې او پالنې غږونه پورته کړل.

دا په داسې حال کې ده، چې مسلمانانو سږنۍ روژه، اختر او خپلې رخصتۍ پرته له دې، چې الاقصا جومات ته نږدې شي ترسره کړې دي.

Continue Reading

Trending