Connect with us

بلخ @ps

په پروان ولایت کې د ۵۰ زره چرګوړو د روزنې فارم پرانستل شو

Ariana News

خپور شوی

 په

(Last Updated On: وږی ۱۱, ۱۳۹۷)

د کرنې اوبو لګولو او مالدارۍ وزارت په پروان ولایت کې د چرګانو د روزنې یو فارم پرانیست، چې همهاله د پنځوس زره چرګوړو د روزنې وړتیا لري.

دغه فارم په پروان ولایت کې د یوه خصوصي سکتور لخوا جوړ شوی، چې پرې شپېته میلیون افغانۍ لګښت راغلی، چې کولي شي په څلوېښت ورځو کې ۵۰ زره چرګوړي وروزي او په یوه کال کې د چرګانو ۵۳ زره ټنه غوښه تولید کړي.

د کرني اوبو لګولواو مالدارۍ وزیر نصیر احمد درانی ويلي؛ هغه پانګوال، چې د کرني په سکتور کې د پانګونې هیله من شوي؛ دوي ورسره همکاري ته چمتو دي.

د کرنې اوبولګولو او مالدارۍ وزیر نصیر احمد درانی وایي: مونږ هڅه کوو، چي هېواد مو په کرنیز سکتور کې پر ځان بسیا او هم صادرات ولرو؛ خو په دې کې خصوصي سکتور بنسټیزه همکاري کولی شي.

د پروان والي ویلي، په دې ولایت کې د دغه فارم له جوړیدو سره سلګونه کسانو ته په مستقیم او نامستقم  ډول د کار زمینه برابریږي.

د پروان والي فضل الدین عیار وایي: د پروان خلک د داسې پروژو هر کلی کوي، چې د هر چا له خوا پلې کیږي؛ خو مونږ په پروژو کې د شفافیت غوښتونکي یو.

ملي سوداګرو څرګنده کړې، چې که له پروژو ملاتړ وشي؛ د کرنې په سکتور کې پانګونه کوي.

ملي سوداګر محمد نعیم عطارد وایي: ژمنه موکړې، چي هېواد به مو له سنتی کرنیز نظام څخه صنعتي او ماشیني هغه ته تبدیلوو؛ خو په دې اړه د حکومت همکاريو ته اړتیا ده.

د نوموړي په وینا؛ دغه فارم له ټولو تخنیکي او روغتیایي معیارو برخمن دی او هڅه کیږي، چې په دې اړه نوره پاملرنه هم ورته راواړول شي.

د یادونې ده، چې خلک له ورته پروژو پیلولو هرکلی کوي او غواړي، چې حکومت باید امنیتي ډاډ ورکړي.

خبریال: اسلم حجاب

بلخ @ps

د آسیا پراختیایي بانک د مزارشریف ګازي برښنا پروژې ته پور ور کوي

Ariana News

خپور شوی

په

توسط

(Last Updated On: غبرګولى ۳۰, ۱۳۹۹)

د آسیا پراختیايي بانک او د افغان برښنا تولیدي شرکت(غضنفر ګروپ) تر منځ د ۱۰ میلیون ډالرو پر ارزښت د پور ورکړه لاسلیک شوه.

د آسیا پراختیايي بانک د څرګندونو له مخې؛ دغه لس میلیون ډالر د پور هغه برخه ده، چې د مزارشریف ګازي برښنا پروژې لپاره د مالي مرستې په توګه په پام کې نیول شوې، چې د کورنیو سرچینو له لارې د دایمي انرژۍ د ترلاسه کولو لپاره وکارول شي.

دا بانک وایي، د افغانستان په خصوصي سکتور کې دا د ګازي برښنا لومړنۍ پروژه ده، چې بودجه یې د مالي پراختیا موسساتو لخوا برابریږي.

د آسیا پراختیايي بانک څرګندوي؛ دا تر ۲۰۳۰ کال پورې د ستراتیژۍ په نوم د بانک د اوږدې مودې بېخبنایي ستراتیژي ده، چې د افغانستان په جنګي حالاتو کې د خصوصي سکتور له لارې ترې ملاتړ کیږي.

دوی په ډاګه کړې: د آسیا پراختیایي بانک ۱۰ میلیون ډالره نوره قرضه، چې خصوصي بېخبنایي صندوق چمتو کړې هم دې پروژې ته منظوروي. دغه اوږدمهاله پور د افغانستان د مزارشریف په اړوند سیمه کې د۵۸.۵۶ میګاولټه ګازي برښنا د باوري کولو لپاره برابریږي.

د دې بانک د اعلامیې له مخې؛ دا پروژه سره له دې، چې طبعیي ګاز کاروي؛ خو ۸۹ میلیون ډالره لګښت پرې راځي، چې د کال ۴۰۴ میګاولټه ګړۍ انرژي به رامنځته کړي.

د آسیا پراختیایي بانک د بېخبنایي چارو مالي مدیرچکربورټي وایي: دا پروژه مونږ ته ډاډ راکوي، چې له طبیعي ګازو څخه د برښنا تولید به نه یوازې په افغانستان کې د وارداتي برښنا کچه راټيټه کړي، بلکې د انرژۍ امنیت هم ورسره خوندي کیږي.

هفه زیاته کړې؛ د دې هېواد بریالي کیدل بازار ته یو اړین پیغام رسوي، چې د افغانستان د برښنا صنعت اوس په خصوصي سکتور کې د پانګې جذبولو ته چمتو شوی دي.

 د افغان برښنا تولیدي شرکت( غضنفرګروپ) مشر اسماعیل غضنفر وایي: دا د غضنفر ګروپ په پلان کې لومړنی ګام دی، چې له نړیوالو پراختیایي بانکونو، سیمه ییزو، نړیوالو شرکتونو او افغان حکومت سره د همکارۍ له لارې په افغانستان کې د ۵۰۰۰ میګا ولټه انرژۍ د تولیدي تاسیساتو په جوړولو کې مرسته کوي.

ویل کیږي، چې افغانستان لږ تر لږه ۷۵ سلنه د اړتیا وړ برښنا انرژي له بهره واردوي.

Continue Reading

بلخ @ps

نږدې ۱۰۰۰ کوترې د دانې کموالي له کبله مړې شوي دي – بلخ

Ariana News

خپور شوی

په

توسط

(Last Updated On: غبرګولى ۲۰, ۱۳۹۹)

د مزار شریف ښار کې د روضې په زیارت کې نږدې زر کوترې د دانې کموالي له کبله تلف شوي دي.

کرونا وبا نه یواځې چې د انسانانو ژوند له ګواښ سره مخ کړی، بلکې مزار شریف ښار کې یې د روضې  کوترو دانه هم پرې کمه کړې، ځکه چې خلک دې ځای ته نه ورځي.

سپینې کوترې چې د آزادي پیبغام رسوي، په مزار شریف ښار کې د هر چا سترګې پرې لګیږي. له کرونا مخکې هره ورځ روضې ته زرګونه کسان ورتلل، او له کوترو یې د لیدنې تر څنګ کوترو ته دانې اچولې.

درې میاشتې کیږي چې د کرونا وبا پراختیا دې ځای ته ورتګ بند کړی دی. همدې چارې د کوترو ژوند له ګواښ سره مخخ کړی، ځکه کوترې دانې نه لري.

د مزار شریف ځینې اوسېدونکي د کرونا وبا له پیلېدو سره سم پر ورځ درې بورۍ غنم او جوار کوترو ته اچوي، وایي، که نور خلک او حکومت دې برخه کې پام ونه کړي، د کوترو حالت به نور هم خراب شي.

د زیارت مسوولین وایي، د روان حالت په اړه یې له سیمه ییزو چارواکو او د ارشا، حج او اوقافو وزارت له مسوولینو سره خبره شریکه کړې، خو تر اوسه یې څېړنه نه ده شوې.

دوي له سوداګرو او خلکو غواړي چې د نورو کوترو د تلف کېدو مخنیوی وکړي.

د کوترو کره شمېره نشته، خو مسوولین وایي، شمېر یې له لس زرو ډېر دی.

Continue Reading

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Ariana News

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading
Advertisement

Trending