Connect with us

تازه خبرونه

له وسلوالو مخالفینو سره خبرو اترو ته زمینه برابره شوې

خپور شوی

د

(Last Updated On: لړم ۲, ۱۴۰۱)

د سولې عالي شورا مرستیاله وایي، له وسلوالو مخالفینو سره خبرو اترو ته زمینه برابره شوې او په دې اړه  زمونږ نوې تګلاره تر کار لاندې ده، چې په درې پړاوونو کې به تر سره شي.

د سولې لپاره څو کلنې هڅې تر اوسه یوې پایلې ته نه دي رسیدلي او ورځ تر بلې  جګړه زور اخلي؛ پېچلې کیږي او د حکومت هر غوراوی بې پایلې پاتې دی. اوس د سولې عالي شورا په کوربتوب د اروپایي ټولنې د سفیر په ګډون د څو هېوادونو استازي را ټول شوي، چې سولې ته یوه لار پیدا کړي.

د سولې عالي شورا مرستیاله حبیبه سرابي وایي، مونږ سولې ته د رسیدو لپاره درې مهمې موخې لرو او دا تګلاره به له مونږ سره مرسته وکړي، چې له ښکېلو خواوو سره لومړی خبرې پیل کړو؛ په دوه یم پړاو کې د سولې شورا به ملي بحثونه کوي او بیا له ښکېلو خواوو سره سیاسي خبرو څارنه ده، چې په ۲۰۱۸ کال کې به د سولې لپاره ډېرې او ډاډکنې هڅې تر سره شي.

د اروپایی ټولنې سفیر بیا باور لري؛ د دولت د سولې په هڅو کې نیمګړتیاوې شته، له همدې کبله ده، چې د سولې نوې لارې له خلکو سره د مشورو په ګډون وړاندې کوو.

په افغانستان کې د اروپایی ټولنې سفیر پیري مایودون وایي، نن مونږ په کوم ځای او کوم موقعیت کې مو؛ غوښتل مو، چې په دې شپږ لومړیو میاشتو کې ښې لاسته راوړنې ولرو؛ خو دا، چې د افغانستان د سولې په بهیر کې پرمختګ وکړو، نویو تګلارو ته اړتیا ده. دا هغه موارد دي، چې تر اوسه نه دي تر سره شوي او باید پرې وپوهیږو او له خلکو مشورې واخلو.

سیاسي شنونکي پاکستان ته د هغه هېواد خطاب کوي، چې د سولې بهیر یې له ستونزو او نورو پیچلتیاوو سره مخ کړی دی.

د کابل پوهنتون رییس حمیدالله فاروقي ویلي، افغانستان د جګړو ځاله او یا د ترهګرو خوندي ځای نه دی. دلته د سولې کور دی او مونږ غوره بولو؛ هغه ګاونډ هېوادونه، چې  پر ترهګرۍ او د ترهګرو پر ملاتړ باور لري دا درک کړي.

د سولې عالي شورا په افغانستان کې د سولې د تامین لپاره نوې تګلاره تر کار لاندې نیولې، چې د ښځو په مرسته به له لیرې پرتو سیمو پیل شي.

خبریال: علی اصغري

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!