تازه خبرونه
له فساد سره د مبارزې ملي تګلاره تصویب شوه- مرتضوي
د قانون د عالي شورا په ناسته کې له فساد سره د مبارزې ملي تګلاره تصویب شوه.
د عدلي او قضایي بنسټونو لخوا د ملي تګلارې غټ ټکي د فساد په وړاندې د مجرمینو څارل، د مالي سرچینو سم مدیریت، سالمه مشرتابه، اداري سمونونه او حکومتي بنسټونو کې روڼتیا ده.
د ولسمشر د ویاند د دفتر سرپرست شاه حسین مرتضوي وایي، دغه بشپړه تګلاره د فساد په وړاندې د مبارزې لپاره د یو عدلي او قضایي مرکز هڅونه ده. مونږ د مدني او نړیوالو بنسټونو په شتون کې پرې کار کړی، چې دادی او یې کار پای ته ورسید.
د افغانستان د روڼتیا څار بنسټ دغه تګلاره نیمګړې بولي او ټینګار کوي، چې د ملي وحدت حکومت د فساد ختمولو اارده نه لري.
د افغانستان د روڼتیا څار بنسټ اجرایی رییس سید اکرام افضلي وایي؛ د تګلارې اعلامول د دې لپاره دي، چې حکومت نړیوالې ټولنې ته خپله اراده وښيي. په داسې حال کې، چې حکومت اراده نلري. حکومت سیاسي عمل کوياو ناسته یې له مونږ او نړیوالې ټولنې سره یوه تش په نوم ناسته وه.
ځینې حقوق پوهان حکومت له اداري فساد سره په مبارزه کې ناکام بولي.
د افغانستان د حقوق پوهانو ټولنې مرستیال ګل احمد مددزی وایي، هغه کسان، چې د حکومت پر څوکیو ناست دی؛ ځانونه باداران بولي. په داسې حال کې، د فساد په وړاندې د مبارزې اراده نلري او سیاسي عمل کوي.
ولسمشرۍ ماڼۍ که څه هم په حکومتي بنسټونو کې فساد نه ردوي؛ خو ټینګار کوي، چې له فساد سره مبارزه د حکومت لومړیتوب دی.
خبریاله ا:فسون محمدی
تازه خبرونه
د ازبکستان بشري مرستې بلخ ته راورسېدې
نن پنجشنبه ( د غویي شپږمه ) له ازبکستان څخه د بشري مرستو یوه ټولګه د بلخ په سوداګریز بندر حیرتان کې د دې ولایت سیمهییزو چارواکو ته وسپارل شوه.
د سیمهییزو چارواکو د څرګندونو له مخې؛ په دغو مرستو کې ۶۰ ټنه خوراکي توکي( اوړه، غوړي، غنم، بوره او غوښه ) شته، چې د ازبکستان د سرخاندریا د والي لهخوا د بلخ چارسمبالي والي ته سپارل شوې ده.
د سرخاندریا والي د دغو مرستو موخه د افغانستان له خلکو ملاتړ یاد او د دواړو هېوادونو ترمنځ يې د ښو اړيکو پر پراختيا ټينګار څرګند کړ.
په تېرو دوه کلونو کې دا څووم ځل دی، چې ازبکستان افغانستان ته دا ډول مرستې را لیږي.
کابل او تاشکند دا مهال ښې اقتصادي او سیاسي اړیکي لري او دا دواړه هېوادونه په پام کې لري، چې په روان کال کې د افغان ټرانس د اوسپنې پټلۍ کار هم پیل کړي.
تازه خبرونه
په سیمه او هېواد کې امنیتي پېښې وارداتي دي – امیر خان متقي
نن پنجشنبه ( د غویی شپږمه ) د اسلامي امارت بهرنیو چارو وزارت چارسمبالي امیرخان متقي د افغان-قزاق نندارتون د پرانیستې په مراسمو کې د افغانستان او سیمې امنیتي پېښې وارداتي یادې کړې دي.
نوموړي په دې اړه په خپلو خبرو کې ویلي: متاسفانه زمونږ درې ګاونډي هېوادونه په نوبت سره؛ په یوه هېواد کې د داعش لپاره بشري قوه او افراد تیاریږي؛ مونږ او تاسې ولیدل، چې د نړۍ په بېلابېلو برخو کې یې پېښې تر سره کړې.
بل هېواد د هغې لارې پر سر پروت دی، چې امن خرابوونکي افراد ترې راتېریږي.
او بل هېواد بیا په خپله خاوره کې دوی ته د مرکزیت، د تمویل او پلان جوړونې مراکز ورکړي دي. که دا درې هېوادونه خپل مسوولیت ادا کړي؛ په افغانستان او سیمه کې هیڅ مشکل نشته.
ویل کیږي، چې بد امني پر ګډه همکارۍ او همغږۍ له منځه وړل کیږي.
تازه خبرونه
له اسلامي امارت سره نړیوالې اړیکې ورځ تر بلې پراخیږي – ذبیح الله مجاهد
د اسلامي امارت ویاند ذبیح الله مجاهد افغانستان ته د ګڼشمېر ډیپلوماټیکو استازو راتګ او نورو هېوادونو ته د افغان لوړ پوړیو چارواکو سفرونو ته په نغوته کې ويلي، چې اسلامي امارت په پراخه کچه منل شوی؛ اړیکې ورسره خوندي او لیدنې یې روانې دي.
ذبیح الله مجاهد زیاته کړې؛ له اسلامي امارت سره د نړۍ د هېوادونو اړیکې ورځ تر بلې پراخېږي او اغېزمنتیا یې مخ پر ډېرېدو ده.
د اسلامي امارت ویاند ټینګار کړی: د ځینو خلکو او کړیو دا تصور، چې افغانستان انزوا ته تلی او اقتصاد یې مخ پر خرابېدو دی او له نورو هېوادونو سره یې اړیکې نشي خوندي کېدی؛ ټول دروغ ثابت شول.
د نوموړي د څرګندونو له مخې؛ اوس څرګنده شوه، چې افغانستان له سیاسي او اقتصادي پلوه د ودې او پراختیا پر لوري چټک ګامونه اخلي او دا هڅې به نورې هم ګړندۍ شي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
تازه خبرونه2 days ago
راشد خان د افغان بیسیم سوداګریز سفیر شو
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ