Connect with us

تازه خبرونه

په قطر کې د طالبانو او امریکایانو استازیو د سولې خبرې بیا پیل کړې- سرچینې

Ariana News

خپور شوی

 په

(Last Updated On: مرغومی ۱۶, ۱۳۹۸)

طالبانو ته نږدې سرچینې وايي، چې زلمي خلیلزاد په قطر کې له ملا عبدالغني برادر سره کتلي دي او د سولې خبرې یې له سره پیل کړي دي.

 په دا ځل خبرو کې به د سولې د هوکړې لپاره د تاوتریخوالي پر کمولو خبرې وشې.

له شاوخوا یوې میاشتې ځنډ وروسته په قطر کې د طالب استازیو او د افغانستان د سولې لپاره د امریکا د ځانګړي استازي زلمي خلیلزاد په مشرۍ د امریکايي پلاوي تر منځ خبرې بیا پیل شوې.

پخوانی طالب څارنوال جلال الدین شینواري ویلي؛ طالب رهبران پر اوربند ندي سلا شوي؛ خوغواړي په لویو ښارونو کې خپل بریدونه او تاوتریخوالی را کم کړي. زلمي خلیلزاد له طالبانو غوښتي وه، چې د سولې له هوکړې مخکې په کار ده، چې لنډ مهالی اوربند وکړي.

د پګواش بنسټ پخوانی مسوول خلیل ساپی وایي، چې ټاکل شوې د تاوتریخوالي پر میکانیزم او د دغو خبرو پر څارنې راوڅرخي او هوکړه هم لاسلیک کړي.

حکومت هم د قطر له خبرو هیلې لري.

د اجرائيه ریاست ویاند مجیب الرحمان رحیمي ويلي، چې افغان حکومت د طالبانو لخوا د تاوتریخوالي د کمولو، د سولې هوکړې ته د هغوی د ژمنتیا او د افغانانو د خپلمنځي خبرو د پیلیدو په اړه د نظر یووالی لري.

سیاسي شنونکی عمر صمد ويلي؛ دا ځل د قطر له خبرو تمه دا ده، چې دواړه خواوې پر اوربند سلا شي او د سولې هوکړه لاسلیک کړي.

د امریکا د بهرنیو چارو وزارت، زلمي خلیلزاد او د طالبانو سیاسي دفتر د خبرو د بیا پیلیدو په اړه څه ندي ویلي.

د یادونې ده، چې په قطر کې د امریکا او طالبانو د سولې خبرې پر بګرام د وسلوالو طالبانو له برید وروسته و ځنډیدې.

تازه خبرونه

په دایکندي ولایت کې ماین چاودنې د ۵ ماشومانو په ګډون ۱۴ کسان وژلي

Ariana News

خپور شوی

په

توسط

(Last Updated On: تله ۸, ۱۳۹۹)

کورنیو چارو وزارت څرګنده کړې، چې پېښه نن سهار ۹:۰۰ د دایکندي ولایت د کجران ولسوالۍ د دشت سلیمان آباد په اړوند سیمه کې پر یو فلاینکوچ موتر د سړک غاړې ماین چاودنه تر سره شوې.

د دغه وزارت د څرګندونو له مخې؛ ماین د طالبانو لخوا ځای پر ځای شوی و.

دې وزارت زیاته کړې، چې په دغه موتر کې ۱۷ مسافر سپاره ول، چې په کې ۱۴ کسان مړه او درې نور ټپیان شوي دي.

یاد وزارت وايي، په مړو کې اووه ښځې، پېنځه ماشومان او دوه سړي شامل دي.

په ټول هېواد کې له تېرو دوه میاشتو راپدیخوا تاوتریخوالی ډېر شوی؛ په ځانګړي توګه د عامه سړکونو په اوږدو کې د ماینونو ښخول، چې د پوځيانو په پرتله یې ډېر ملکي وګړي وژلي دي.

Continue Reading

تازه خبرونه

له اوسنۍ تاریخي شېبې پرته به وضعیت نور هم بحراني شي – عبدالله عبدالله

Ariana News

خپور شوی

په

توسط

(Last Updated On: تله ۷, ۱۳۹۹)

د ملي پخلاینې عالي شورا مشر عبدالله عبدالله پاکستان ته د خپل درې ورځني سفر پر مهال ویلي؛ که د سولې له روانې تاریخي شېبې ګټه پورته نشي؛ وضعیت به نور هم ورسره بحراني شي.

نوموړي په خپل دغه کاري سفر کې د پاکستان د بهرنیو چارو له وزیر سره خبرې کړي دي.

عبدالله عبدالله له پاکستانيو چارواکو مننه کړې، چې طالبان یې د سولې خبرو ته هڅولي دي.

هغه دا غوښتنه هم کړې، چې له خپلمنځي خبرو کلک ملاتړ وکړي.

هغه ویلي، چې د تاوتریخوالي زیاتوالی به د سولې پر روانو هڅو ناوړه اغېزه وکړي.

د پاکستان د بهرنیو چارو وزیر له عبدالله عبدالله سره په کتنه کې ویلي، چې هېواد یې د افغانستان په چارو کې لاسوهنه نکوي؛ خو د افغانستان د سولې له بهیره ملاتړ کوي.

ټاکل شوې، چې عبدالله عبدالله به په دې درې ورځني سفر کې د پاکستان له لومړي وزیر عمران خان او د پوځ له لوی درستیز سره هم وګوري.

په اسلام آباد کې د افغان پلاوي لپاره ځانګړي تدابیر نیول شوي دي.

د پخلاینې عالي شورا مسوولینو ويلي، چې دا سفر به د افغانستان او پاکستان په اړیکو کې نوی څپرکی پرانیزي.

په دغه سفر کې د پاکستان لپاره د ولسمشر ځانګړی استازی عمر داوودزی هم ملګری دی.

د نوموړي وینا؛ په کار ده، چې پاکستان خبرو ته د طالبانو هڅول روان وساتي.

د افغانستان په سوله او جګړه کې د پاکستان ونډه مهمه ګڼل کیږي.

اوس نظر دا دی، چې پاکستان د افغانستان لپاره په خپلو پالسیو کې یو څه بدلون راوستی او غواړي، چې د سولې له بهیر ملاتړ وکړي.

Continue Reading

تازه خبرونه

په امریکا کې تیک تاک لنډمهاله فعال پاتې کیږي

Ariana News

خپور شوی

په

توسط

(Last Updated On: تله ۷, ۱۳۹۹)

که څه هم د امریکا ولسمشر پر تیک تاک پروګرام بندیز لګولی و؛ خو سره له دې هم په دې هېواد کې د لاسرسي وړ دی.

که د سپینې ماڼۍ غوښتنه منل شوې وای؛ په امریکا کې به نویو کاروونکیو ته د دغه زړه راکښونکي پروګرام  دانلود بند شوی و.

تیک تاک د امریکا او چین تر منځ هغه وخت د لانجې یو بل ټکی شو، چې کیدی شي چین د امریکایي کاروونکيو معلومات وکاروي.

د امریکا حکومت د څو اوونیو لپاره د تیک تاک د امریکایي برخې د پلورلو هڅه وکړه او مایکروسافت هم چمتو شو، چې ویې پېري.

په هرحال داسې ښکاري، چې اوراکل او والمارت یې اوس د خپلولو لیواله شوی دی.

د یکشنبې پر ورځ، د امریکا قاضي د دې هېواد آنلاین پلورنځیو څخه د تیک تاک پروګرامونو په ترلاسه کولو کې د بندیز د لنډمهاله لرې کولو امر کړی.

نوموړي قاضي پرې پراخ بندیز ونه لګاوه؛ ځکه، چې هغه به د نومبر پر ۱۲ نېټه پلي شي او دا پروګرام په امریکا کې بې ګټې دی.

تیک تاک په ډاګه کړې: مونږ خوښ یو، چې محکمې زمونږ له قانوني دلیلونو سره هوکړه وکړه او امر یې وکړ، چې د تیک تاک پر پروګرام لګیدلی بندیز دې لرې شي.

دغه راز ویل شويو چې مونږ به د خپلې ټولنې او خپلو کارمندانو په ګټه د خپلو حقونو دفاع روانه ساتو.

Continue Reading
Advertisement

Trending