Connect with us

تازه خبرونه

په قطر کې د امریکایانو او طالبانو دریدلې خبرې بیا پیل شوې

Ariana News

خپور شوی

 په

(Last Updated On: ليندۍ ۱۶, ۱۳۹۸)

د قطر په دوحه کې د طالب او امریکایانو ترمنځ د سولې خبرې له درې میاشتني ځنډ وروسته د شنبې پر ورځ( د لیندۍ ۱۶ د دسمبر ۷) بیا پیل شوې.

درې میاشتې مخکې د سپتمبر پر اوومه د امریکا ولسمشر دونالد ترمپ له نهه پړاوه خبرو اترو وروسته دا لړۍ پخپل یوه تویت وځنډوله؛ له دې اوږده خنډ وروسته د افغانستان د سولې لپاره د امریکا ځانګړي استازي زلمي خلیلزاد کابل ته له لنډ سفر وروسته دوحې ته ولاړ او له طالبانو سره یې خبرې بیا پیل کړې؛ خو دا پړاو خبرې اترې د تاوتریخوالي د جچې پر راتیتولو او اوربند راڅرخي.

د امریکایي سرچینو د څرګندونو له مخې؛ دواړه خواوې په دې خبرو کې پر تاوتریخوالي، د افغان حکومت او طالب استازیو پر خبرو او د اوربند پر ټینګښت بحث کوي.

په قطر کې د طالبانو د سیاسي دفتر غړي او ویاند سهیل شاهین په خپل یوه تویت کې هم په ډاګه کړې، چې د امریکایانو او طالبانو تر منځ خبرې نن بیا پیل شوې او سبا به هم روانې وي.

نوموړي زیاته کړې، چې انس حقاني هم په خبرو کې برخه اخیستې او د خبرو د ډلې غړیتوب ور په برخه دی.

له دې خبرو با خبره سرچینو ویلي، چې په لسم پړاو خبرو اترو کې د سولې هوکړه لیک لاسلیک ته لار اواره شوې ده.

د طالبانو پخوانی غړی سید اکبر آغا ویلي، چې دغه روانې خبرې به یوه یا یوه نیمه اوونۍ وخت ونیسي اودا خبرې د سولې د هوکړې پر لاسلیک راڅرخي.

دوی زیاتوي؛ له امریکا سره خبرې له صفره نه پیلیږي، بلکې له هغه ځایه پیلیږي، چې دریثدلې وې. طالبانو دا ټینګار هم کړی، چې لومړی باید هوکړه لیک لاسلیک شي او وروسته به د افغانانو تر منځ خبرو او د تاوتریخوالي کمیدو ته لار پخپله اواره شي.

دا په داسې حال کې ده، چې امریکا اتر دې دمه نه دي ویلي، چې خبرې یې له کوم ځایه پیل کړې دي.

د سیاسي چارو مخکښ احمدالله علیزي ویلي؛ د هغې هوکړې پر لاسلیک، چې امریکایانو او طالبانو خبرې کړي، بحث کیږي او په دې توګه به خپلمنځي خبرو ته زمینه برابره شي.

د ولسمشرۍ د ویاند مرستیالې درانۍ وزیرۍ د دې پرمختګ په غبرګون کې ویلي، ګې د سولې هڅې باید اوربند رامنځته کړي.

د نوموړې د څرګندونو له مخې: که طالبان په رښتیا سولې ته ژمن وي؛ باید اوربند وکړي او خپلې اړیکې له ترهګرو سره پرې کړي.

د نړیوالو ځواکونو د وتو لپاره د مهالوېش ټاکنه او دا، چې افغانستان به نور د ترهګرو مرکز نه وي؛ په دې اړه ډاډ د طالبانو او امریکایانو ترمنځ په تېرو خبرو اترو کې د بحث وړ ټکي وه او خبرې هم وروستۍ شوې وې.

په افغانستان کې د نړیوالو ځواکونو پخوانی قومندان جان نیکلسون څرګنده کړې؛ زه باور نلرم، چې د بهرنیو ځواکونو له وتو سره تلپاتې سوله راشي. تر هغې، چې د سولې خبرې پر ټولنیز پرمختګونو را ونه څرخي.

د امریکا د بهرنیو چارو وزارت وایي، زلمی خلیلزاد ماموریت لري، چې په دې پړاو خبرو کې د افغانانو خپلمنځي خبرو او اوربند ته لار اواره کړي؛ خو د افغانستان د بهرنیو چارو وزارت ویلي، چې زلمی خلیلزاد په کابل او دوحه کې یوازې سولې او اوربند ته د زمینې برابرولو هڅې کوي؛ خو د افغانستان په سیاسي ډګر کې له طالبانو سره د خبرو لېاره سیاسي اجماع نه تر سترګو کیږي.

تازه خبرونه

پر ننګرهار زندان د برید سمبالوونکی په کونړ کې ونیول شو

Ariana News

خپور شوی

په

توسط

(Last Updated On: زمری ۱۵, ۱۳۹۹)

د افغانستان دفاع وزارت په ډاګه کړې، چې ځانګړیو افغان ځواکونو تېره شپه په کونړ کې د ننګرهار پر مرکزي زندان د برید سمبالوونکی او هېواد ته له بهره د بهرنیو داعش جنګیالیو د رالیږدولو مسوول نیولی دی.

د یاد وزارت په اعلامیه کې راغلي، چې د هېواد کماندو ځواکونو تېره شپه په کونړ ولایت کې د داعش جنګیالیو یوه اړین قومندان محمد سعید د محمد افضل زوی نیولی دی.

د دغې سرچینې د څرګندونو له مخې؛ هغه د بهرنیو داعشیانو کورنۍ افغانستان ته رادننه کولې او هم یې په جلال آباد ښار کې د وروستي برید مشري پر غاړه لرله.

داعش ویلي؛ د یکشنبې پر ماښام د دوی یوولس جنګیالیو د ۴ تاجکانو، درې هندیانو، درې افغانانو او یو پاکستاني په ګدون پر ننګرهار زندان ډله ییز برید تر سره کړ، چې په کې ۳۰ کسان ووژل شول او ۵۰ نور ټپیان دي.

د دغه برید پر مهال، چې ۱۸ ګړۍ روان وساتل شو؛ د زندان له ۱۷۰۰ بندیانو څخه سلګونه یې پر تېښته بریالي شول.

تېره ورځ د افغانستان د ولسي جرګې غړي عبدالکریم کریمي منلې، چې د ننګرهار له زندانه ۸۰۰ بندیان تښتیدلي دي.

هغه زیاته کړې، چې د جګړې په بهیر کې د زندان له  ۱۷۰۰ بندیانو څخه یوازې ۵۰۰ پاتې دي؛ نور ټول له ندندانه ووتل، چې یوازې ۴۰۰ یې بېرته نیول شوی دي.

د نوموړي د څرګندوړنو له مخې؛ په ۸۰۰ تښتیدلیو بندیانو کې د داعش او طالب په ګډون جنایي مجرمان هم ول.

د چارواکو په وینا؛ په دې زندان کې پرسیاسي او جنایي بندیانو سربېره  طالب او داعش غړي هم ساتل کیدل.

Continue Reading

تازه خبرونه

په افغانستان کې پر کرونا ۱۰ میلیون کسان اخته شوي- روغتیا وزارت

Ariana News

خپور شوی

په

توسط

(Last Updated On: زمری ۱۵, ۱۳۹۹)

د عامې روغتیا وزارت د موندنو له مخې؛ په ټول افغانستان کې پر کرونا ویروس لس میلیون کسان اخته شوي دي.

د عامې روغتیا وزارت ویلي؛ د ولسمشر د لارښوونې له مخې په هېواد کې یې پر کرونا ویروس د اخته کسانو د شمېر پیداکولو په موخه سروې ترسره کړه، چې ښیي د هېواد ۳۱ اعشاریه پېنځه سلنه اوسیدونکي پر کرونا اخته شوي دي.

د عامې روغتیا وزارت چارسمبالي زیاته کړې؛ په دې سروې کې د هېواد څلور دېرش ولایتونه پر نهه زونونو وېشل شوي، چې په دې کې د کابل ۵۳ سلنه اوسیدونکي، د ختیځو ولایتونو ۴۲،۹ سلنه، په مرکزي ولایتونو کې ۳۶،۳ سلنه، په لودیځو ولایتونو کې ۳۴،۱ سلنه او په شمال ختیځو ولایتونو کې ۳۲،۴ سلنه اوسیدونکي پر کرونا ویروس اخته شوي دي.

د عامې روغتیا وزارت چارسمبالي ویلي، چې دا سروې په ۹ زونونو او څلور دېرش ولایتونو کې پر ۱۱ زره او ۵۰۰ کسانو شوې، چې ښیي د هېواد یو دېرش اعشاریه پېنځه سلنه اوسیدونکي پر دغه ویروس اخته شوي دي.

د عامې روغتیا وزارت د څرګندونو له مخې؛ په ښارونو کې پر کرونا ویروس د اخته کسانو سلنه اووه  دېرش او په کلیو کې اووه ویشت ده.

په دې کې ۳۲ سلنه ښځې او ۲۹ سلنه نرینه دي.

 د عامې روغتیا وزارت چارسمبالی احمد جواد عثماني وایي: ترسره شوې سروې د منګ او عمر له مخې په دوه برخو کې شوې، چې په لومړۍ برخه کې پر له ۵ تر ۱۷ کلنو ماشومانو آزموینه شوې او په دوه یمه برخه کې له ۱۸ کلونو پر پورته عمر لرونکیو کسانو، چې پر کرونا د ټولو اخته کسانو له ډلې ۳۵،۲ سلنه د لوړ عمر کسان  او ۲۵،۳ سلنه ماشومان دي. همدا راز د خپرو شویو معلوماتو له مخې په لویانو کې ۳۳،۹ سلنه نرینه او ۳۷،۲ سلنه ښځې پر کرونا اخته شوې دي او په ماشومانو کې ۲۴،۲ سلنه هلکان او ۲۶،۸ سلنه نجونې پر کرونا ویروس اخته شوې دي.

نوموړي زیاته کړې؛ د نړیوالو معیارونو له مخې که د یوه هېواد ۴۲ سلنه وګړي دا ناروغي تېره کړي کتلوي معافیت رامنځته کیږي، چې افغانستان دغه معیار ته ندی رسیدلی او جدي اړتیا ده، چې خلک روغتیایي سپارښتنې په پام کې ونیسي، چې د کرونا ویروس دوه یمه څپه په هېواد کې خپره نشي.

Continue Reading

تازه خبرونه

د ننګرهار پر محبس د موتربم بریدګر هندي داکتر و

Ariana News

خپور شوی

په

توسط

(Last Updated On: زمری ۱۵, ۱۳۹۹)

هندي چارواکو ویلي؛ د یکشنبې پر ورځ د ننګرهار ولایت پر مرکزي محبس د موتربم برید پر ترسره کولو درې هندیان تورن پېژندل شوي، چې یو یې داکتر و.

هندي رسنیو د هندي استخباراتو د څرګندونو له مخې په ډاګه کړې، چې دغه داکتر د ننګرهار زندان ته د ننوتلو پرمهال له چاودیدونکیو توکو ډک موتر ته چاودنه ورکړې ده.

هندوستان تایمز څرګنده کړې، چې داکتر ایجاس کلوکیتیا پوراییل د داعش ډلې یوغړی و، چې د هند د ملي تحقیقاتو ادارې (این آی ای) تر څارنې لاندې هم و.

پوراییل له هغې وروسته په برید کې د لاس لرونکي په توګه وپیژندل شو، چې داعش د ننګرهار پر زندان د ۱۱ بریدګرو انځورونه خپاره کړل.

د راپورونو له مخې؛ پوراییل په برید کوونکیو کې یوازنی هندي تبعه دی، چې مخ یې د داعش لخوا په خپرو شویو انځورونو کې پېژندل کیږي. دوه نور هندي اتباع ماسکونه لري.

د هند ملي څېړنو ادارې پوراییل یو تښتیدونکی تر څارنې لاندې نومولی دی.

پوراییل په ۲۰۱۶ کال کې د جنايي دسیسو، ناقانونه هڅو او د داعش د غړیتوب او ملاتړ په تور تر څارنې لاندې و.

اغلې رفیله پوراییل هم په ۲۰۱۶ کال کې له خپل کوچني ماشوم سره د داعش غړې شوه او هند یې د ننګرار په نیت پریښود.

ویل کیږي، چې میرمن رفیله اوس مهال د خپل پېنځه کلن زوی او یو ماشوم سره د کابل په محبس کې ده.

هندوستان تایمز راپور ورکوي، چې میرمن رافیله د تېر کال په نومبر کې له ۲۴ نورو هنديانو سره نیول شوې ده.

د ننګرهار محبس له خونړي برید وروسته داعش په ډاګه کړه؛ دغه برید ۱۱ کسانو تر سره کړ، چې په کې څلور تاجکان، درې هنديان، درې افغانان او یو پاکستاني ونډه لرله.

دغه برید د یکشنبې پر ماښام د ننګرهار محبس په دروازه کې د یو موتربم پر چاودنه پیل او ۱۸ ګړۍ روان پاتې شو، په کې د برید کوونکیو په ګډون ۴۱ کسان ووژل شول او د ولسي جرګې د یوه غړي د څرګندونو له مخې ۸۰۰ بندیان ترې په تېښته بریالي ووتل.

د ولسي جرګې غړي عبدالکریم کریمي د څرګندونو له مخې: د برید پرمهال په زندان کې ۱۷۰۰ بندیان ول، چې ټولو د تېښتې هڅه کړې وه. ۵۰۰ بندیان په زندان کې پاتې دي، ۸۰۰ نور د طالب، داعش او مجرمینو په ګډون تښتیدلي او پاتې نور نیول شوي دي.

Continue Reading

Trending