Connect with us

تازه خبرونه

په قطر کې د امریکایانو او طالبانو دریدلې خبرې بیا پیل شوې

Ariana News

خپور شوی

 په

(Last Updated On: ليندۍ ۱۶, ۱۳۹۸)

د قطر په دوحه کې د طالب او امریکایانو ترمنځ د سولې خبرې له درې میاشتني ځنډ وروسته د شنبې پر ورځ( د لیندۍ ۱۶ د دسمبر ۷) بیا پیل شوې.

درې میاشتې مخکې د سپتمبر پر اوومه د امریکا ولسمشر دونالد ترمپ له نهه پړاوه خبرو اترو وروسته دا لړۍ پخپل یوه تویت وځنډوله؛ له دې اوږده خنډ وروسته د افغانستان د سولې لپاره د امریکا ځانګړي استازي زلمي خلیلزاد کابل ته له لنډ سفر وروسته دوحې ته ولاړ او له طالبانو سره یې خبرې بیا پیل کړې؛ خو دا پړاو خبرې اترې د تاوتریخوالي د جچې پر راتیتولو او اوربند راڅرخي.

د امریکایي سرچینو د څرګندونو له مخې؛ دواړه خواوې په دې خبرو کې پر تاوتریخوالي، د افغان حکومت او طالب استازیو پر خبرو او د اوربند پر ټینګښت بحث کوي.

په قطر کې د طالبانو د سیاسي دفتر غړي او ویاند سهیل شاهین په خپل یوه تویت کې هم په ډاګه کړې، چې د امریکایانو او طالبانو تر منځ خبرې نن بیا پیل شوې او سبا به هم روانې وي.

نوموړي زیاته کړې، چې انس حقاني هم په خبرو کې برخه اخیستې او د خبرو د ډلې غړیتوب ور په برخه دی.

له دې خبرو با خبره سرچینو ویلي، چې په لسم پړاو خبرو اترو کې د سولې هوکړه لیک لاسلیک ته لار اواره شوې ده.

د طالبانو پخوانی غړی سید اکبر آغا ویلي، چې دغه روانې خبرې به یوه یا یوه نیمه اوونۍ وخت ونیسي اودا خبرې د سولې د هوکړې پر لاسلیک راڅرخي.       

دوی زیاتوي؛ له امریکا سره خبرې له صفره نه پیلیږي، بلکې له هغه ځایه پیلیږي، چې دریثدلې وې. طالبانو دا ټینګار هم کړی، چې لومړی باید هوکړه لیک لاسلیک شي او وروسته به د افغانانو تر منځ خبرو او د تاوتریخوالي کمیدو ته لار پخپله اواره شي.

دا په داسې حال کې ده، چې امریکا اتر دې دمه نه دي ویلي، چې خبرې یې له کوم ځایه پیل کړې دي.

د سیاسي چارو مخکښ احمدالله علیزي ویلي؛ د هغې هوکړې پر لاسلیک، چې امریکایانو او طالبانو خبرې کړي، بحث کیږي او په دې توګه به خپلمنځي خبرو ته زمینه برابره شي.          

د ولسمشرۍ د ویاند مرستیالې درانۍ وزیرۍ د دې پرمختګ په غبرګون کې ویلي، ګې د سولې هڅې باید اوربند رامنځته کړي.

د نوموړې د څرګندونو له مخې: که طالبان په رښتیا سولې ته ژمن وي؛ باید اوربند وکړي او خپلې اړیکې له ترهګرو سره پرې کړي.

د نړیوالو ځواکونو د وتو لپاره د مهالوېش ټاکنه او دا، چې افغانستان به نور د ترهګرو مرکز نه وي؛ په دې اړه ډاډ د طالبانو او امریکایانو ترمنځ په تېرو خبرو اترو کې د بحث وړ ټکي وه او خبرې هم وروستۍ شوې وې. 

په افغانستان کې د نړیوالو ځواکونو پخوانی قومندان جان نیکلسون څرګنده کړې؛ زه باور نلرم، چې د بهرنیو ځواکونو له وتو سره تلپاتې سوله راشي. تر هغې، چې د سولې خبرې پر ټولنیز پرمختګونو را ونه څرخي.

د امریکا د بهرنیو چارو وزارت وایي، زلمی خلیلزاد ماموریت لري، چې په دې پړاو خبرو کې د افغانانو خپلمنځي خبرو او اوربند ته لار اواره کړي؛ خو د افغانستان د بهرنیو چارو وزارت ویلي، چې زلمی خلیلزاد په کابل او دوحه کې یوازې سولې او اوربند ته د زمینې برابرولو هڅې کوي؛ خو د افغانستان په سیاسي ډګر کې له طالبانو سره د خبرو لېاره سیاسي اجماع نه تر سترګو کیږي.

تازه خبرونه

مارشال دوستم د طالبانو پر وړاندې پوځي عملیات پیلوي

Ariana News

خپور شوی

په

توسط

(Last Updated On: زمری ۱۴, ۱۴۰۰)

مارشال عبدالرشید دوستم کابل ته له را رسېدو سره سم ویلی، چې طالبانو پخپل ټول ځواک پر هرات، تخار، جوزجان، کندهار او هلمند ولایتونو بریدونه وکړل او هڅه یې دا وه، چې یو ولایت ترې ونیسي.

د افغانستان مارشال له دوه میاشتو لریوالي وروسته هېواد ته راستون او په کابل کې له پوځي جامو سره څرګند شو.

مارشال وایي، چې جنګي حالت د هرې ورځې پر تېرېدو د خرابې لوري ته ځي او په وینا یې د طالبانو د دا ډول خوزښتونو مخه باید ونیول شي.

هغه وایي؛ اوسني حالت دی اړ کړی، چې هېواد ته بېرته را ستون شي او د روان حالت په اړه له سیاسي او جهادي مشرانو سره مشورې وکړي.

د افغانستان د ملي جنبش ګوند مشر  مارشال عبدالرشید دوستم زیاتوي: دولت باید د ولسي پاڅونوالو ملاتړ وکړي او مشرانو ته په کار ده، چې د طالبانو د دې چلوټې(دسیسې) پر وړاندې یو موټی شي. 

نوموړي زیاته کړې؛ اړتیا وه، چې افغانستان ته له رارسېدو سره سم د شمال جنګي لیکو ته ورغلی وای؛ خو شرایط داسې راغلي، چې دا مبارزه باید په کابل کې له سیاسي مشرانو سره د سلا مشور له لارې تنظیم شي.

مارشال دوستم په بېلابېلو ولایتونو کې ولسي پاڅونه ستایي او وایي: د هېواد په شمال کې په ځانګړي توګه د  فاریاب او جوزجان ځواکونه تلف کیږي؛ خو اړتیا ده، چې داسې قرباني پر یووالي هېرې او د طالبانو پر ضد د مقاومت ولسي لیکه جوړه شي.

مارشال عبدالرشید دوستم په داسې حال کې هېواد ته بېرته را ستون شوی، چې ځینو پخوانيو جنګي او جهادي څېرو د جنګ په لومړیو لیکو کې د طالبانو مخه ډب کړې او نه پرېږدي، چې طالبان  پرمختګ وکړي.

Continue Reading

تازه خبرونه

ولسمشر غني په تهران کې د ایران له غوره شوي ولسمشر سره وکتل

Ariana News

خپور شوی

په

توسط

(Last Updated On: زمری ۱۴, ۱۴۰۰)

ولسمشرۍ ماڼۍ په ډاګه کړې؛ نن سهار پنجشنبه (د زمري ۱۴) ولسمشر غني د تهران په ولسمشرۍ ماڼۍ کې د ایران د اسلامي جمهوریت له غوره شوي ولسمشر ډاکټر سید ابراهیم رییسي سره وکتل.

د ولسمشرۍ د خبرپاڼې له مخې، په دې کتنه کې دواړو لوریو د دواړو هېوادونو ترمنځ د همکاریو او اړیکو پر پراختیا خبرې وکړې.

د غونډې په بهیر کې سید ابراهیم رییسي له افغان حکومت څخه د ملاتړ د دوام او د سولې لپاره پر سیمه ییزې اجماع او هڅو ټینګار کړی دی.

ابراهیم رییسي ویلي: مونږ د مشروع نظام او د افغانانو د حقونو او د سولې د بهیر ملاتړ کوو؛ ګاونډ هېوادونه په ځانګړي توګه افغانستان زموږ په بهرني سیاست کې د ټینګار وړ ځای لري.

دغه راز ولسمشر  غني د ایران له مرستو او همکاریو په ځانګړي توګه د افغان کډوالو له کوربتوب د ستاینې تر څنګ د دواړو هېوادونو ترمنځ د اړیکو پر پراخولي یې ټینګار کړی دی.

ټاکل شوې، چې ولسمشر غني به نن شپه د ایران د غوره شوي منتخب ولسمشر ډاکټر سید ابراهیم رییسي د لوړې په مراسمو کې ګډون وکړي، چې د اسلامي شورا په ودانۍ کې به ترسره شي.

Continue Reading

تازه خبرونه

طالبانو د نیمروز ولایت کنګ ولسوالي ونیوله

Ariana News

خپور شوی

په

توسط

(Last Updated On: زمری ۱۴, ۱۴۰۰)

په ولسي جرګه کې د نیمروز د خلکو استازي ګل احمد نورزاد منلې، چې د پنجشنبې پر سهار د دغه ولایت کنګ ولسوالۍ د طالبانو لاس ته ولویده.

نورزاد ویلي، چې لږ تر لږه ۳۰ امنیتي ځواکونه د طالبانو لخوا مرګ و ژوبله اوښتې او یا یرغمل شوي دي.

هغه زیاته کړې، چې سیمه ییزې ادارې او امنیتي چارواکي د برید په اړه خبرتیا لرله؛ خو په مخنیوي کې یې پاتې راغلي دي.

هغه ویلي؛ طالبانو د پنجشنبې د سهار پر دوه بجو خپل برید پیل او ولسوالي یې په دوه ګړیو کې ونیوله.

کنګ ولسوالۍ د نیمروز ولایت له مرکز زرنج ښار څخه ۱۷ کیلومټره شمال لوري ته پرته ده.

نورزاد زیاته کړې، چې د طالبانو دغه پرمختګ د مرکز امنیتي حالت هم ګواښلی دی.

افغان امنیتي چارواکو تر اوسه پدې اړه څه ندي ویلي؛ خو طالبانو منلې، چې کنګ ولسوالي یې نیولې ده.

Continue Reading

Trending

آریانا نیوز: ټول حقونه خوندي دي