تازه خبرونه
په کابل کې د یوې ډوډۍ وزن له ۲۲۰ ګرام څخه ۱۸۰ ته راټیټ شوی
د وارداتي اوړو د بیو د لوړوالي له کبله په پلازمېنه کابل کې د یوې ډوډۍ وزن له ۲۲۰ ګرام څخه ۱۸۰ ته راټیټ شوی دی.
د مګړۍ په هېواد کې د یوې بورۍ وارداتي اوړو په بیه کې له درې تر څلورسوه افغانیو زیاتوالی راغلی، چې له کبله يي د کسبګرو ملي ټولنه د ډوډۍ په وزن کې څلیریشت ګرامه کموالی راولی.
د کسبګرو ټولني مرستیال نورالحق عمري ويلي، چې دا کار يي له حکومتي بنسټونو سره په همغږۍ کې تر سره کړي.
نوموړي زیاته کړې، چې د یوی بورۍ اوړو بیه په هېواد کې له څوارلس سوه څخه اتلس سوه ته لوړه شوې ده.
د ښاغلي عمري د څرګندونو له مخې: که د اوړو بیه راټیټ شي؛ نو د یوې ډوډۍ وزن به له ۱۸۰ ګرام څخه بېرته ۲۲۰ ته لوړ شي.
هغه په ډاګه کړې؛ افغان حکومت د اوړو او غنمو لپاره هیڅ ډول زیرمې نلري او په وارداتي اوړو کې يي هم په یوه ټن ۱۵ دالر مالیه لوړه کړې، چې د ستونزي اصلي لامل هم همدا دی.
دی وایي: مونږه له دولتي بنسټونو سره هم خبرې رواڼي کړي دي. هیله لرو، چې د اوړو د تولید کورني میلونه فعال شي او دا اقدام له اړوند بنسټونو سره په همغږۍ کې رامنځته شوی. د غنمو ستراتیزژیک ذخایر که شته؛ خو باید میدان ته شي.
د کابل ښار یو شمېر ډوډۍ پخونکي وايي، چې په ټولو بټیاریو(نانوایانو) کې وارداتي اوړه کارول کیږي؛ نو، ځکه ۲۲۰ ګرامه ډوډۍ پخول ورته هیڅ ګټه نلري. د حکومت نه څارنه او خپلسریو زیاتوالی د دې لامل شوی، چې دوی هم د ډوډۍ وزان راټيټ کړي.
ډوډۍ پخونکی نصیر احمد وایي، چې مونږه هم ناراحته یو؛ خو څوک نشته، چې دا بهیر وڅاري د ښاروالۍ مامورین په دې قصه کې ندي، چې څوک په څومره وزن ډوډۍ پخوي. د هغو خبره د یو سلګون خبره ده، چې باید هغوی يې واخلي.
دا په دا سې حال کې ده، چې د کرني وزارت ویلي، چې خورا زیاتې زیرمې لري او زیاتوي، چې د هندوستان له خوا به ۷۵ زره متریک ټنه د نورو غنمو مرسته هم له افغانستان سره تر سره شي.
د کرنې او مالدارۍ وزارت ویاند اکبر رستمی وایي، چې د کرنې او مالدارۍ وزارت د معلوماتو له مخې د افغانستان غنم په روان کال کې یو اعشاریه پېنځه میلیون متریک ټن ته لوړشوي؛ خو بیا هم د وچې ډوډۍ په وزن کې ۴۰ ګرامه کموالی راغلی. دا سې بنسټ نشته، چې دا لړۍ وڅاري.
د ډوډۍ پخوونکیو د کارونو او د ډوډۍ د وزن او بیې د څارنې چارې د کابل ښاروالۍ له دندو او مسوولیتونو څخه ده او دا، چې د کابل ښاروالۍ د دې ستونزې د حل لپاره کوم تدا بیر لري په دې اړه يې له خبرو ډډه کړې ده.
خبریال: اسلم حجاب
تازه خبرونه
ایران او پاکستان د افغانستان په اړه ګډه اعلامیه خپره کړه
ایران او پاکستان په یوه ګډه اعلامیه کې د یو سولهییز، متحد، خپلواک او له ترهګرۍ او نشهیي توکو قاچاق څخه د پاک افغانستان په اړه پخپلو ژمنو ټینګار څرګند کړی دی.
دواړو لوریو د ترهګریزو ډلو شتوالي ته په افغانستان کې نغوته کړې، چې سیمې او نړۍ ته امنیتي ګواښ دی؛ نو پر وړاندې یې پر مبارزه، همکارۍ او متحدې جبهې جوړولو ټینګار کړی دی.
دوی دغه راز د سیمې د امنیت او ثبات د ډاډمنولو لپاره د سیمهییزې او نړیوالې همغږۍ د اړتیاوو پر اهمیت خبرې کړې دي.
دواړه لوري د افغانستان حاکمیت او ځمکنۍ بشپړتیا ته د احترام کولو تر څنګ څرګندوي؛ د دې هېواد ټولې خواوې باید په بنسټیزو پرېکړو کې ونډه ولري، چې په هېواد کې د سولې او ثبات لامل شي.
تازه خبرونه
له ۱۰۰۰ ډېر افغان مهاجرین له پاکستان څخه جبري وایستل شول
د مهاجرینو چارو وزارت ویلي، چې د غویي پر څلورمه د سپین بولدک له فرضي کرښې څخه ۱۰۰۱ افغان مهاجرین پر جبري بڼه خپل هېواد ته راستانه شول.
د کندهار سپین بولدک سرحدي آمریت د راپور له مخې؛ ۱۹۱ کورنۍ، چې ۹۹۸ کسان دي او درې کسان نور، چې له بنده ازاد شوي؛ په جبري توګه له پاکستان څخه هېواد ته راستانه شول.
د مهاجرینو چارو وزارت د څرګندونو له مخې؛ د مهاجرینو چارو له ریاست سره له نوم لیکنې وروسته د نورو مرستو لپاره د ملګرو ملتونو عالي کمېشنرۍ، د مهاجرت او د خوړو نړیوالې ټولنې دفترونو ته ور وپېژندل شول.
دغه راز له ۱۸ کلونو کم عمره دوه کسان، چې بندیان ول د مرستې لپاره OMPO موسسې ته ور پېژندل شوي.
ویل کیږي، چې له هرې کورنۍ سره د حکومت له لوري لس – لس زره افغانۍ نغدي مرسته هم شوې ده.
تازه خبرونه
د ټرانسپورټ او هوايي چلند وزارت چارسمبالي د ازبکستان په شپږ اړخیزه غونډه کې ګډون وکړ
د ټرانسپورټ او هوايي چلند وزارت چارسمبالي حميدالله اخوندزاده پرون (سې شنبه د غویی څلورمه) د يوه پلاوي پر مشرۍ ازبکستان ته سفر کړی او د دې هېواد پر کوبتوب یې د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ په شپږ اړخيزه غونډه کې ګډون وکړ.
د افغانستان پلاوي په دې کتنه کې د نورو هېوادونو له استازیو سره د افغانستان، روسيې، بېلاروس، پاکستان، قزاقستان او ازبکستان هېوادونو ترمنځ د شپږ اړخيز دهليز له لارې د راکړې ورکړې د پراختيا په اړه خبرې وکړې.
د ټرانسپورټ او هوايي چلند وزارت ويلي، چې د دې غونډې په څنډه کې د دغه وزارت چارسمبالي د روسیې او بلاروس د ټرانسپورټ له مرستیالانو سره هم وکتل.
دغه راز د ټرانسپورت او هوايي چلند وزارت چارسمبالي د روسيې او بېلاروس د ټرانسپورټ وزارتونو له مرستيالانو سره د افغانستان او روسيې، افغانستان او بېلاروس ترمنځ د ټرانزيټي لارو د پراختيا او د ټرانسپورټي اسانتياوو د برابرولو په اړه خبرې وکړې.
ویل کیږي، چې د ټرانسپورټ او هوايي چلند وزارت چارسمبالي د افغانستان په چارو کې د ازبکستان د ولسمشر ځانګړي استازي او د ټرانسپورټ له وزیر سره دوه اړخیزې ناستې کړي او د دواړو هېوادونو ترمنځ یې د ټرانزیټ پر پراختیا بحث او خبرې کړې دي.
-
تازه خبرونه2 days ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
نړۍ4 days ago
د جاپان دوه پوځي چورلکې بحر ته وغورځېدې
-
نړۍ2 days ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه4 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی3 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
لوبی2 days ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ
-
تازه خبرونه2 days ago
راشد خان د افغان بیسیم سوداګریز سفیر شو
-
سیمه ییز خبرونه3 days ago
د ایران ولسمشر پر درې ورځني سفر پاکستان ته ولاړ