تازه خبرونه
په کابل کې لاریونکوونکیو د ۳۰۰ زره جنجالي رایو د باطلیدو غوښتنه وکړه
د داکتر عبدالله عبدالله په مشرۍ ټاکنډلې لاریونکوونکيو او اعتراض کوونکيو د جمعې پر ورځ(د لیندۍ ۸) که څه هم کابل ګارنیزیون خنډونه ایښي ول؛ له څو لارو ځانونه تر پښتونستان واټه ورسول او په یو پرېکړه لیک کې یې د ۳۰۰ زره جنجالي رایو د باطلیدو غوښتنه وکړه.
دوی، چې د کابل ښار له لویدیځې، شمالي، سویلي او ختیځې څنډې راروان شوي وه؛ د ټاکنو کمیسیون او ولسمشرغني پر ضد یې شعارونه پورته کړل او څرګندوي؛ که یې غوښتنه، چې د بې بایومتریک شویو رایو باطلیدل دي، ونه منل شي، لاریونونونه به روان وساتي او د ارګ له روازو به هم چاته د تګ راتګ اجازه ورنکړ شي.
د یادې ټاکنډلې دوه یم مرستیال اسدالله سعادتي ویلي؛ دا د ټاکنو کمیسیون ته یو ګواښ دی، چې بېرته خپل لومړني حالت ته وروګرزي او که نه دا د خلکو پرېکړه ده، چې درغل عناصر له ارګه پر زور وباسي.
د دې ټاکنډلې لومړي مرستیال څرګنده کړې، چې مونږ هیچا ته د درغلۍ له لارې حاکمیت ته د لاسرسي اجازه نه ورکوو.
په دې لاریون کې داکتر عبدالله عبدالله، چې د ثبات او همپالنې ټاکنډلې مشر دی؛ ګډون نه درلود، خو مرستیالانو او غړیو یې د خپلو پلویانو مشري کوله.
دوی دا ګواښ هم وکړ که غوښتنه یې ونه منل شي؛ دوه یم ګام به یې د ارګ د دروازو تړل وي.
د دغې ټاکنډلې یو غړي همایون همایون په ډاګه کړې، چې که کمیسیون له قانون سرغړونه روانه وساتي؛ مونږ به هم له قانون څخه سرغړونې ته اړ شو.
د یادې ټاکنډلې یو بل غړي الله ګل مجاهد ګواښ کړی، چې د ارګ څلور دروازې به وتړو او چاته به ارګ ته د وردننه کیدو اجازه ورنکړو.
لاریونکوونکیو ټاکنو خپواک کمیسیونه ته یوازې یوه ورځ وخت ورکړی، چې بې بایومتریک رایې د بیا رای شمېرنې له بهیره وباسي.
د ثبات او همپالنې د ټاکنډلې بل غړي بصیرسالنګي په ډاګه کړې؛ یوه درغله ډله راغلې او د ټاکنو صندوقونه یې د درغلۍ له لارې ډک کړي او ځان پلورونکی کمیسیون ترې هم ساتنه کوي.
د دې ډلې یو بل غړي مجیب الرحمان رحیمې د یو لړ نیوکو تر څنګ ګواښ کړې، چې له ټولو مدني او قانوني لارو به خپلې هڅې روانې ساتو.
د دغه اعتراض او لاریون له کبله د ښار مرکز ته ورغلې ټولې لارې تړل شوې وې او ښاریان له بېلابېلو ننګونو سره مخ شول.
د کابل ښار اوسیدونکې شکریه وایي، چې لیور مې په روغتون کې بستر دی؛ غواړم روغتون ته ولاړه شم. درې ساعته کیږي، چې ولاړه یم، څوک د تګ اجازه نه راکوي.
د کابل ښار اوسیدونکي پرویز نومي ویلي، چې عام ولس د حکومت د مشرانو د ناقانونه غوښتنو قرباني شوي؛ مونږ له حکومته غواړو، چې خلکو ته نورې ستونزې رامنځته نکړي. ټولې لارې تړل شوي او د حکومت دواړه مشران د واک و ځواک د تر لاسه کولو لپاره ښکېل دي؛ خو زمونږ دغه حالت ته پاملرنه نکوي.
دغو ټولو مخالفتونو ته په پاملرنه ټاکنو خپلواک کمیسیون ویلي، چې د رایو بیا شمېرنه روانه ساتي او وروسته به د ټاکنو پایله اعلان کړي. هغه پایله، چې د ثبات او همپالنې ټاکنډلې یې د نه منلو ګواښ کړی دی.
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی4 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ3 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه4 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه4 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ5 days ago
امریکا به پر ایران د اسرائیلو په ځوابي برید کې برخه وانخلي
-
لوبی3 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه3 days ago
سعودي عربستان به په پاکستان کې پر بېلابېلو پروژو پانګونه وکړي