Connect with us

تازه خبرونه

په کابل کې چاودنې د واده د مراسمو ۲۴۵ ګډونوالو ته مرګ و ژوبله اړولې

Avatar

خپور شوی

 په

(Last Updated On: زمری ۲۷, ۱۳۹۸)

د کابل ښار د شپږمې ناحیې د اړوند سیمې د ودونو په یوه تالار کې چاودنې لږ تر لږه له ۶۳ کسانو خوږ ژوند اخیستی دی.

د کورنیو چارو وزارت ویاند نصرت رحیمي ویلي، چې تېره شپه ۱۰:۴۵ د کابل ښار د لویدیځې څنډې د (شهردبۍ) د ودونو په تالار کې چاودنه رامنځته شوې ده.

ویل کیږي، چې یو ځانمرګي برید ګر خپل چاودیدونکي توکي د دغه تالار د میلمنو تر منځ چولي، چې د کورنیو چارو وزارت د څرګندونو له مخې په کې ۶۳ کسانو خپل ژوند له لاسه ورکړی او ۱۸۲ نور ټپیان دي.

ښاغلي رحیمي زیاته کړې، چې په قربانیانو او ټپیانو کې ښځې او ماشومان هم شته.

داعش جنګیالیو د برید مسوولیت پر غاړه اخیستی دی.

طالب ویاند ذبیح الله مجاهد په خپل یوه تویت کې په ډاګه کړې، چې دغه ډول وحشیانه قصدې وژنې او ښځې او ماشومان په نښه کول هیڅ ډول توجیه او جواز نلري.  د ولسمشرغني په ګډون د ملي وحدت حکومت مشرانو، امنیتي بنسټونو، یوناما او په کابل کې د امریکا سفیر جان بس دغه پېښه په سختو ټکو کې غندلې ده.

د چاودنې پر مهال لږ تر لږه ۱۰۰۰ میلمانه د یاد هوتل د واده مراسمو ته راغلي وه.

عیني شاهدانو او ټپیانو ویلي، چې په تالار کې څوک روغ ندی پاتې شوی.

 د یادونې ده، چې د دغې پېښې ټول قربانیان نن یکشنبه( د زمري ۲۷) د کابل ښار په بېلابېلو سیمو کې پر ځانګړیو مراسمو خاورو ته وسپارل شول.

تازه خبرونه

د  دیني عالم ډاکټر ایاز نیازي مړی پر ځانګړیو مراسمو خاورو ته وسپارل شو

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د  افغانستان د وتلي دیني عالم ډاکټر ایاز نیازي مړی نن پر ځانګړیو مراسمو د وزیر محمد اکبرخان لوی جومات په انګړ کې، چې خطیب یې هم و؛ خاورو ته وسپارل شو.

 ایاز نیازی وړم ماښام په وزیر محمد اکبر خان جامع جومات کې دننه په یوه چاودنه کې لومړی سخت ټپي او بیا یې په روغتون کې ساه ورکړه.

هو! هغه رسا غږ، نور د تل لپاره دغلته تر خاورو لاندې شو.

ایاز نیازی، چې د مصر په الازهر کې یې  دوه ماسترۍ او یوه ډاکټري تر لاسه کړې وې؛ نه یوازې یې په تلویزیوني بحثونو کې دیني لارښوونې کولې، بلکې د مرګ تر ګړۍ یې له ولسونه خبله پوه نه ده سپمولې.

د ارشاد، حج او اوقاقو وزارت چارسمبالی عبدالحکیم منیب دا پېښه د نورو دیني عالمانو لپاره د عطف ټکی بولي او وایي؛ دا پېښه په هر اړخیز ډول څېړل کیږي او د حقیقت موندنې د پلاوي مشري به هم زه پخپله کوم.

طالبانو دا پېښه غندلې او  لوی جنایت یې بولي.

د ولسمشر لومړي مرستیال امرالله صالح تازه پخپلې فیسبوک پاڼې څرګنده کړې، چې طالبان نشي کولی په لنډو جملو کې له دا راز پېښو ځان سپین ثابت کړي.

نوموړي زیاته کړې؛ زیاتره هغه عالمان په افغانستان کې پر نښه کیږي، چې له پاکستان پرته نورو هېوادونو کې یې زدکړې کړې وي.

Continue Reading

تازه خبرونه

د روغتونونو ټيټ کیفیت د روغتیایې ننګونو د ډېریدو علت دی

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

 د هېواد روغتونونه  د ټیټ کیفیت پر لرلو ندي توانیدلي، چې خلکو ته پوره روغتیایي خدمتونه وړاندې کړي.

د عامې روغتیا وزارت چارسمبالی

احمد جواد عثماني، چې ولسمشر نوی وګومارلو څرګندوي؛ د روغتونونو ټيټ کیفیت  سبب شو، چې پر کرونا د اخته کسانو درملنه او خوریدنه ننګوونکې شي او دا ویروس هم سم مدیریت نشي.

دا  په داسې حال کې ده، چې اووه سوه اووه اتیا نورې مثبتې پېښې په هېواد کې ثبت شوي او ټول شمېر یې له اتلس زره حخه واوښت.

د عامې روغتیا وزارت د ویاند مرستیال توحید الله شکوهمند ټینګار کوي، چې ۱۲۹۶ بېلګې مو په تېرو ۲۴ ګړیو کې کتلي، چې ۷۸۷ یې مثبتې دي.

په همدې حال کې د عامې روغتیا وزارت د کرونا وېیوس چټکه وده د اندېښنې وړ بولي او خبرداری ورکوي که خلک خپل مسوولیتونه په سم ډول ادا نکړي؛ حالت به له کنتروله ووځي.

Continue Reading

تازه خبرونه

سږکال په بلخ کې د میوو حاصلات ۳۰ سلنه ډېر شوي

Avatar

خپور شوی

په

توسط

(Last Updated On: غبرګولى ۱۵, ۱۳۹۹)

د بلخ د کرنې او مالداري ریاست مسوولینو ویلي، چې سږکال د تېرکال په پرتله د میوو په حاصلات کې ۳۰ سلنه ډېروالی راغلی دی.

د بلخ د کرنې او مالدارۍ مشر محمد سالم ساعي ویلي؛ که څه هم بادونو، ږلۍ او بارانونو میوو او ونو ته  زیان رسولی؛ خو بیا هم د میوو حاصلات د تېر کال په پرتله ۳۰ سلنه زیات شوي دي.

د نوموړي د څرګندونو له مخې؛ دا مهال په بلخ کې پر درویشت زره هکتاره ځمکه بڼونه لرو، چې راز راز پالل شوې میوې ترې راټولیږي.

د بلخ د کرنې ریاست څرګنده کړې، کرونا ویروس بڼوالۍ ته هم زیان رسولی او حکومت نشي کولی میوې نورو هېوادونو ته صادرې کړي.

د بلخ ولایت بڼوال د سړخونو او مارکیټ نشتوالی د خپلو محصولاتو لپاره لویه ستونزه بولي او وایي؛ په بلخ کې د کرنې اوبه لږ دي؛ خو د مارکیټ او سړخونو د نشتوالي له کبله خپل حاصلات په ارزانه بیه بازار ته وړاندې کوو.

د بلخ د کرنې او مالدارۍ ریاست د څرګندونو له مخې؛ په دې ولایت کې د مڼو د ساتنې لپاره شل سړخونې لرو او ټاکل شوې، چې په نورو سیمو کې هم د سړخونو پر جوړولو کار پیل شي.

Continue Reading

Trending