تازه خبرونه
په قطر کې د افغانانو دوه ورځنۍ خپلمنځي ناسته پیل شوه
د ناستې ګډونوالو ویلي، چې د دغې ناستې پر لومړۍ ورځ سولې ته د رسیدو او د جګړې پای ته رسولو لپاره ډاډمنې طرحې او تګلارې وړاندې او پرې بحث او خبرې وشوې.
د روسیې له دوه ناستو وروسته دا ځل د قطر او جرمني پر هڅو په دوحه کې د افغانانو یوه داسې خپلمنځي غونډه جوړه شوه، چې په کې د طالبانو سیاسي استازیو او په نارسمي بڼه د حکومت سیاسي څيرو ګډون کړی دی.
ویل کیږي، چې دا ناسته د دولت او وسلوالو طالبانو ترمنځ رسمي خبرو اترو ته زمینه برابره وي.
د ناستې ګډوال وایي، د ناستې پر لومړۍ ورځ سولې ته د رسیدو پر لارو چارو او د جګړې پر پای خبرې تر سره شوې.
په قطر کې د فغانانو د خپلمنځي خبرو ګډوال غیرت بهیر وایي، چې د ناستې ګډونوالو له درناوي څخه په ډکه فضا کې خپلې طرحې او وړاندیزونه وړاندې کړل.
په قطر کې د افغانانو د خپلمنځي خبرو ګډوال سید حامد ګیلاني ویلي، چې دغه ناسته په داسې حال کې کوړه شوه، چې د طالبانو او امریکایانو د اووم پړاو خبرې تر سره شوې او د دوی په وینا، چې ښه پرمختګونه یې لرل. زما په فکر زمونږ دا ناسته به د نورو خبرو د پیلیدو لپاره یو پیل وي.
د وسلوالو طالبانو سیاسي استازي هم په دې ناسته کې ټینګار کوي، چې له افغانستان څخه د بهرنیو ځواکونو له وتلو سره به جګړه پای ته ورسیږي.
په قطر کې دا فغانانو د خپلمنځي خبرو ګډوال نادر نعیم ویلي؛ هیله من یم، چې د دې خبرو په پای کې به ښه ځوابونه له ځان سره هېوادوالو ته ولرو.
په قطر کې د افغانانو د خپلمنځي خبرو ګډوال طارق نور وایي، چې مونږ اړینې پوښتنې وړاندې کړې او د اړینو ځوابونو تر لاسه کولو ته هیله من یو.
د افغانستان د سولي لپاره د امریکا ځانکړي استازي زلمي خلیلزاد له الجزیرې تلویزیون سره په یوه ځانکړې مرکه کې ویلي؛ ډاډه ندی، چې د وسلوالو طالبانو سیاسي غړي به د دغې ډلې عمومي استازولي وکړای شي.
د افغانستان د سولي لپاره د امریکا ځانکړي استازي زلمي خلیلزاد په ډاګه کړې؛ مونږ پدې نه پوهیږو، چې د دې ځاي طالبان به د دغې ډلې عمومي استازولي وکړای شي اوکنه. مونږ ډاده یو، چې دا د وسلوالو طالبانو واکمن سیاسي غړي دي. ښایې دوی د کوټې له شورا سره په اړیکه کې وي او له هغو اطاعت وکړي.
د دوحې په خپلمنځي خبرو کې د مدني ټولنې، د ښځو د حقونو ساتونکیو بنسټونو، سیاسي ګوندونو او د وسلوالو طالبانو ۱۷ استازیو، چې ټ،ل ۷۰ کسان کیږي ګډون لري.
ټاکل شوې، چې دغه ناسته به د دوشنې پر ورځ د یوې ګډې اعلامې په خپرولو پاي ته ورسیږي.
خبریال: خالد نیکزاد
تازه خبرونه
تېر ۲۰۲۳ کال د افغانستان د خلکو لپاره د سترو ننګونو کال و -راپور
په ۲۰۲۴ کال کې به د افغانستان شاوخوا ۱۵ اعشاریه ۸ میلیون خلک د خوړو د خوندیتوب له بحران او بېړنۍ کچې سره مخ شي.
په افغانستان کې د ملګرو ملتونو ټولنې د ۲۰۲۳ کال د پایلو په کلني راپور کې ویلي، چې په افغانستان کې میلیونونه وګړي له لوږې او خوارځواکۍ سره مخ دي، چې ډېري یې خپلې لومړنۍ اړتیاوې پوره کولی نشي.
ملګرو ملتونو څرګنده کړې، چې بشري ناورین په ۲۰۲۳ کال کې هم دوام درلود او دغه هېواد یوه لسیزه شاه تګ کړی او دا مهال د افغانستان نیمايي وګړي په بې وزلۍ کې ژوند کوي.
د اقتصاد وزارت مسلکي مرستیال عبداللطیف نظري له افغانانو سره د بشري مرستو پر اړتیا ټینګار کوي او زیاتوي، چې دغه وزارت په هېواد کې د فقر او لوږې د ختمولو لپاره مناسب پلانونه لري.
ملګرو ملتونو په راپور کې راغلي، چې له ۲۰۲۱ کال راپدیخوا د اقتصادي تولیداتو کچه یو پر څلورمه راټیټه شوې او د نړیوال بانک د راپور له مخې دا مهال د افغانستان نیمايي نفوس په بېوزلۍ کې ژوند کوي.
دا په داسې حال کې ده، چې ملګرو ملتونو اندېښنه ښودلې او څرګندوي؛ دوی له افغانستان سره د مرستو د دوام لپاره د بودجې له کمښت سره مخ دي.
تازه خبرونه
ملګرو ملتونو تېر کال په افغانستان کې د اوبو ۴۷۰ کیلومټره کانالونه جوړ کړل
د خوړو نړيوال پروګرام ویلي، چې تېر کال يې په افغانستان کې د سيمهييزو ټولنو پر همکارۍ د شاوخوا ٤٧٠ کيلومټرو پر اوږدوالي د اوبو کانالونه جوړ کړي دي.
د دې پروګرام د افغانستان برخې د چارشنبې پر ورځ (د وري نههویشتمه ) په ایکس پاڼه کې لیکلي؛ په افغانستان کې کروندګر اوبو ته له لاسرسي پرته خپل ژوند روان ساتلی نشي.
دغه راز څرګنده شوې؛ د اوبو کانالونو له کروندګرو سره مرسته کړې، چې خپلو کورنیو ته خواړه برابر کړي او خپل اضافي تولیدات او محصولات وپلوري.
د خصوصي سکتورغړي هم وايي؛ د خوړو نړیوال پروګرام لهخوا په هېواد کې د اوبو د مدیریت لپاره د کانالونو له جوړولو هرکلی کوي او څرګندوي، چې د هېواد د اوبو مدیریت کولی شي افغانستان له فقر او اقتصادي بحران څخه وژغوري.
دا په داسې حال کې ده، چې له څو کلونو وچکالۍ وروسته؛ وروستیو اورښتونو د افغانستان کروندګر هیله من کړي، چې راتلونکی کال به ښه حاصلات ولري.
تازه خبرونه
په بیجینګ کې د چین او افغانستان درېیمه اقتصادي ناسته تر سره شوه
په بیجينګ کې د افغانستان اسلامي امارت او د چين ولسي جمهوريت د بهرنيو چارو وزارتونو د اړوند سياسي څانګو پر مشرۍ د بشري مرستو او اقتصادي بيارغونې پر ميکانيزمونو درېيمه ناسته ترسره شوه.
د افغانستان بهرنیو چارو وزارت ویاند عبدالقهار بلخي په ایکس پاڼه کې لیکلي، چې په دې ناسته کې د افغانستان د بهرنيو چارو وزارت پر استازیو سربېره د صنعت او سوداګرۍ، کانونو او پټروليم، د کډوالو او بېرته راستنېدونکیو چارو او د طبيعي پېښو پر وړاندې د امارت وزارت استازو ګډون کړی و.
دغه راز په دې ناسته کې د چين د سوداګرۍ، طبيعي سرچينو، د چين نړيوالې پراختيايي ادارې او نړيوالې همکارۍ ادارو استازو هم برخه اخیستې وه.
د بهرنیو چارو وزارت د څرګندونو له مخې؛ په دې ناسته کې له تېرو دوه نيمو کلونو راپدیخوا د طبيعي پېښو، جبري راستانه شویو کډوالو او روغتيا په برخه کې د مرستو پر میکانیزمونو بیا کتنه وشوه.
افغان پلاوي د چين د مرستو د ګټورتوب لپاره خپل وړانديزونه او سلا مشورې چينايي اړوند لوري ته وړاندې کړل.
چينايي لوري ژمنه کړې، چې له افغانستان سره به د چين بشري مرستې د افغان لوري د اړتياوو او لومړيتوبونو له پام کې نيولو سره تنظيم کړي. دغه راز به له افغانستان سره د جبري راستانه شویو کډوالو د مېشتېدو په برخه کې د چين د سل میلیون يوانو په مرستو کې د افغان لوري وړانديزونه هم په پام کې ونيول شي.
د چين سره صليب ټولنې ژمنه کړې، چې په چين کې به د افغان ماشومانو د زړه ناروغيو د درملنې د بيا پيل زمينه هم برابره کړي.
د عبدالقهار بلخي د څرګندونو له مخې؛ د افغانستان د اقتصادي بيارغونې ميکانيزم په چوکاټ کې د دواړو هېوادونو ترمنځ د سوداګرۍ پر زياتوالي په ځانګړي توګه چين ته د زیاتو افغان توکو د صادرولو د زمينې برابرولو، وړتیا لوړونې او په افغانستان کې د کانونو او معاصرې سوداګرۍ په برخه کې د چين د پانګونې د فرصتونو په اړه هر اړخیزې خبرې وشوې.
دواړو لوريو چين ته د افغانستان د جلغوزو له صادراتو وروسته د انارو د صادراتو زمينې د برابرولو د هرکلی ترڅنګ په افغانستان کې د نفتو د استخراج کچې لوړولو او د لوګر مس عینک کان د استخراج د پيلولو په برخه کې د وروستيو پرمختګونو په اړه خبرې وکړې او ټينګار وشو، چې د چارو د چټکتيا پر طرحو به غور وشي.
افغان لوري د چين پر ملاتړ د افغانستان د حکومت په ګڼو وزارتونو او ادارو کې د ملکي مامورينو د وړتیا لوړونې لپاره له روزنيزو پروګرامونو او افغانانو ته د سکالرشپونو د لړۍ له پراخولو هرکلی وکړ.
ویل کیږي، چې په دې ناسته کې د واخان اقتصادي دهلیز د اهميت او احتمالي ګټو او د دې کوريډور د پرانيستو پر امکاناتو هم بحثونه شوي دي.
-
لوبی4 days ago
د افغانستان اتلانو ليګ د درېيم پړاو سیالیو پچهاچونه پای ته ورسېده
-
ساینس او ټیکنالوژي4 days ago
اپل شرکت د نړۍ د تر ټولو د لوی ګرځند پلورونکي دریځ له لاسه ورکړ
-
نړۍ2 days ago
امريکا او متحدین یې پر ايران د نورو بنديزونو لګولو هڅې کوي
-
تازه خبرونه4 days ago
د کابل په هوايي ډګر کې د ۲۰۲۱ ز. کال ځانمرګی بریدګر عبدالرحمن لوګری و- امریکا
-
تازه خبرونه3 days ago
ازبکستان، سعودي عربستان او قطر پر افغانستان او افغان – ټرانس پټلۍ خبرې وکړې
-
نړۍ4 days ago
امریکا به پر ایران د اسرائیلو په ځوابي برید کې برخه وانخلي
-
لوبی2 days ago
آریانا ټلویزیون د ۲۰۲۴ پاریس المپیک سیالیو د خپراوي حق ترلاسه کړ
-
سیمه ییز خبرونه2 days ago
سعودي عربستان به په پاکستان کې پر بېلابېلو پروژو پانګونه وکړي