تازه خبرونه
په کابل کې موتربم او بریدونو له سل ډېرو کسانو ته مرګ و ژوبله اړولې
کورنیو چارو وزارت ویلي، چې د طالبانو د نن ورځې په چاودنه او یرغلیزو بریدونو کې درې کسان ووژل شول او نږدې سل نور ټپیان شول.
د بریدونو موخه د ملي دفاع وزارت د اکمالاتو او انجینري څانګه وه؛ برید پر یوه موتر بم پیل شو او بریدګرو په ساعتونو له امنیتي ځواکونو سره جګړه وکړه.
کورنیو چارو وزارت وایي، برید د ملي دفاع وزارت د اکمالاتو او انجینري څانګې د دروازې په خوله کې د موتربم له چاودنې وروسته وشو او وروسته څو بریدګرو د دې بنسټ پر ودانۍ یرغل وکړ.
عیني شاهدانو ویلي، برید دومره ځواکمن و، چې خلک یې د ښار په بېلابېلو سیمو کې هک پک او اندېښمن کړل او هر چا له برید د ژغورلو هڅه وکړه. داسې کسان هم ول، چې د تېښتې لار پرې بنده شوه او د برید په اړوند سیمه کې بند پاتې شول.
دا د طالبانو پېچلی برید حسابیږي؛ بریدګرو یې د ملي دفاع وزارت یوه مهمه برخه پر نښه کړه. د بریدګرو شمېرمعالوم ندی؛ خو طالبانو ویلي، چې څو بریدګرو یې د سپکو او درندو وسلو او چاودیدونکیو توکو پر مټ په ساعتونو مقاومت وکړ.
ملي دفاع وزارت د پېښې د احتمالي تلفاتو په باب څه نه وایي.
د کورنیو چارو وزارت ویاند نصرت رحیمي ویلي، چې په دغه برید کې درې کسان وژل شوي او له سل ډېر ټپیان دي.
کورنیو چارو وزارت په ډاګه کړې، چې په کابل کې د ننني موتربم برید پاتې پېنځه وسلوال هم له پولیسو سره په نښته کې ووژل شول.
د پېښې ځای ته د شمشاد تلویزیون نږدې پروت دی. دې تلویزیون ته هم زیان اوښتی او د څو شېبو لپاره یې خپرونې بندې شوې او یو ساتوونکی یې پر ډزو وژل شوی دی.
طالبانو په کابل کې پر پوځي موخو د بریدونو ګواښ عملي کړ؛ خو په دوحه کې له امریکایانو سره د جګړې د پای پر څرنګوالي یې هم خبرې روانې ساتلې دي. دا خبرې اترې، چې اوس هم ښکاره نده دا پوښتنه راپورته کوي، چې د جګړې پدې بل شوي سور اور به اوبه تویې کړای شي او که نه؟
خبریال: شاهپور فرهمند
تازه خبرونه
افغانستان او چین په سیمه کې پوره همغږۍ او همکاریو ته اړتیا لري – امیر خان متقي
د بهرنیو چارو وزارت چارسمبالي ویلي، چې په سیمه کې وروستۍ پېښې او پرمختګونه ښیي، چې افغانستان او چین د ګډو ګټو د ساتلو لپاره پوره همغږۍ او همکارۍ ته اړتیا لري.
امیر خان متقي دغه څرګندونې په کابل کې د چین له سفیر ژاوشینګ سره په کتنه کې کړې دي.
د افغانستان بهرنیو چارو وزارت نن (سې شنبه د غویی څلورمه) په یوه خبرپاڼه کې ویلي، چې دواړو لوریو په سیمه کې د افغانستان او چین ترمنځ پر دوه اړخیزو سیاسي، اقتصادي او فرهنګي همکاریو او وروستیو پرمختګونو خبرې کړې دي.
د بهرنیو چارو وزارت چارسمبالي د دواړو هېوادونو ترمنځ د سیاسي، اقتصادي او فرهنګي اړیکو له پراختیا څخه خوښي څرګنده کړه او وایي، چې اسلامي امارت د سوداګرۍ او پانګونې په برخه کې ښه فرصتونه رامنځته کړي دي.
امیرخان متقي وایي: چین ته د انارو او جلغوزیو د صادراتو زیاتوالی او د مس عینک او واخان دهلیز په پروژو کې پرمختګونه د اسلامي امارت د متوازن اقتصادي سیاست ښکاره بېلګې دي.
د بهرنیو چارو وزارت د خبرپاڼې له مخې؛ د چین سفیر له افغانستان سره په بېلابېلو برخو کې شوي پرمختګونه مثبت وګڼل او زیاتوي: چینايي سوداګر او پانګوال به وهڅوي، چې له افغانستان سره د اوږدمهاله اقتصادي همکاریو په برخه کې خپل رغنده رول ولوبوي.
هغه دا ډاډ هم ډاډ څرګند کړی، چې هېواد به یې د واخان دهلېز د مسلې په اړه د دوه اړخیزو همکاریو لارې چارې او امکانات وارزوي.
تازه خبرونه
راشد خان د افغان بیسیم سوداګریز سفیر شو
د افغان بیسیم مخابراتي شرکت څرګنده کړې، چې راشد خان د دې شرکت د سوداګریز سفیر په توګه ټاکل شوی دی.
یاد شرکت په فیسبوک پاڼه کې څرګنده کړې؛ راشد خان ځوان، ټولنیز او نومیالی شخصیت دی، چې د هېواد د کرکټ په ډګر کې ښه ځلیدلی دی.
راشد خان هم په فیسبوک پاڼه کې د افغان بیسیم د سوداګریز سفیر په توګه د ټاکل کېدو په اړه خوښي څرګنده کړې ده.
هغه افغان بیسیم د یو غوره شرکت په توګه یاد کړی او څرګندوي، چې افغان بیسیم د مخابراتو په برخه کې یو مخکښ شرکت دی.
تازه خبرونه
د اسلامي همکاریو ټولنې پلاوي د اروپايي ټولنې له استازې سره ولیدل
د اروپايي ټولنې او اسلامي همکاریو ټولنې استازو په افغانستان کې د بشري او تعلیمي وضعیت په اړه خبرې وکړې.
په افغانستان کې د اروپايي ټولنې چارسمبالې رافایلا یودیچه په کابل کې د اسلامي همکاریو ټولنې له ځانګړي استازي طارق علي بخیت او مل پلاوي سره وکتل.
میرمن یودیچه په ایکس پاڼه کې لیکلي، چې دوی د افغانستان پر بشري، اقتصادي او تعلیمي وضعیت خبرې کړې دي.
هغې زیاته کړې: بنسټیز ملاتړ اوس هم د خلکو لپاره اړین دی. د ښځو غږ باید په افغانستان کې د هر راز خبرو اترو او رغنده تعامل برخه وي.
له دې مخکې د اسلامي همکاریو ټولنې پلاوي د اسلامي امارت له چارواکو سره کتلي دي.
-
نړۍ3 days ago
د جاپان دوه پوځي چورلکې بحر ته وغورځېدې
-
تازه خبرونه19 hours ago
وروستیو سیلابونو په افغانستان کې ۱۵۰۰ کورنیو ته زیانونه رسولي
-
تازه خبرونه3 days ago
د پاکستان سرحدونو وزیر د افغان کډوالو پر باعزته ستنېدا ټینګار وکړ
-
لوبی2 days ago
عینو مېنې، استقلال کابل او اټکانرژي فوټبال لوبډلې، خدیم افسي مات کړل
-
سیمه ییز خبرونه1 day ago
د ایران ولسمشر پر درې ورځني سفر پاکستان ته ولاړ
-
نړۍ17 hours ago
د مالیزیا بحري ځواکونو د چورلکو په ټکر کې ۱۰ کسان مړه شول
-
تازه خبرونه3 days ago
چینایي سوداګر کابل ته د پنجشېر اوبو لیږدولو په پروژه کې پانګونې ته لیوالتیا لري
-
لوبی18 hours ago
د موج ساحل لوبغاړي د جوانان واحدي لوبډلې پر وړاندې زړهراکښونکی ګول ترسره کړ