Connect with us

تازه خبرونه

په قطر کې د امریکا او طالبانو خبرې له رخصتۍ وروسته بیا پیل شوې

خپور شوی

د

(Last Updated On: لړم ۳, ۱۴۰۱)

د قطر په دوحه کې د طالب استازیو او امریکایي پلاوي تر منځ خبرې د مبارکې روژې د یوې ورځې رخصتۍ وروسته بیا پیل شوې.

له یوې ورځنۍ دمې وروسته طالب او امریکایي استازیو د سې شنبې پر ورځ( د غویی ۱۷) د شپږم پړاو خبرې بیا پیل کړې.

که څه هم د بهرنیو ځواکونو د وتلو نېټه د دواړو خواوو یوه اختلافي برخه وه؛ خو اوس په دوحه کې خبرو سرچینو ویلي، چې دواړه خواوو د بهرنیو ځواکونو د وتلو نېټې ته زړه ښه کړی او هوکړې ته هم نږدې شوي دي.  

سیاسي شنونکی وحید مژده ویلي؛ په دې پړاو کې تمه داده، چې دواړه خواوې وروستۍ هوکړې ته ورسیږي. دمګړۍ په هوکړه لیک کې د طالبانو نومونې ته درېیمه لار لټول کیږي او دواړو خواوو د بهرنیو ځواکونو وتلو ته زړه ښه کړی دی.

یو شمېر سرچینې وایي، چې په دې پړاو خبرو کې د دواړو خواوو د پوځي شتون څېرې ښکاره دي او طالب جنګیالی ملافضل، چې یو وخت په ګوانتانامو کې و په دې خبرو کې د خپل پوځي دریځ لرونکی دی؛ خو افغان حکومت، چې لدې خبرو بې خبره پاتې دی پرې نیوکې کیږي.       

د افغانستان د پیوستون ګوند رییس سید اسحاق ګیلاني وایي؛ ټوله نړۍ پرته له افغان حکومته د قطر له خبرو خبره ده. له همدې کبله تر هغې، چې خپله افغانان د جګړې د پای ته رسولو پرېکړه ونکړي؛ نورڅه به ګټه ونلري.

د اجرائیه ریاست د ویاند مرستیال فریدون خوځون وایي، چې د افغانستان حکومت هم د خبرو لپاره د یوه پراخه پلاوي د جوړولو کار وروستی کړی ندی او اوس هم په کور دننه اجماع نده رامنځته شوې.

په هره توګه د طالبانو او امریکایانو خبرې پېنځمې ورځې ته ورسیدې؛  د دوشنبې پر ورځ په دې اړه د نړیوالې اجماع د رامنځته کولو لپاره خلیلزاد هند ته تلی و.

خلیلزاد د روژې په مبارکه میاشت کې د سولې او هوساینې غوښتونکی شوی او په خپل یو تویت کې څرګندوي، چې افغانان اوږدې جګړې ځورولي او هیله من یم، چې د تاوتریخوالي د پای ته رسولو لپاره یو او بل ته بښنه وکړي.

په قطر کې د طالبانو او امریکایي پلاوو تر منځ له څلور ورځنیو خبرو وروسته پرون د مبارکې روژې په رارسیدو یوه ورځ رخصتي وه.

خبریال: شاهپور فرهمند

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

تازه خبرونه

په تېرو ۶ میاشتو کې ۸ زره ۷۴۷ جنايي پېښې ثبت شوي

Published

on

(Last Updated On: وری ۹, ۱۴۰۳)

د کورنیو چارو وزارت ویاند عبدالمتین قانع د پنجشنبې پر ورځ (د وري نهمه) په یوه خبري ناسته کې د ۱۴۰۲ لمریز لېږدیز کال د وروستیو شپږ میاشتو هڅې او پرمختګونه رسنیو ته وړاندې کړل.

د عبدالمتین قانع د څرګندونو له مخې؛ د ۱۴۰۲ کال په تېرو شپږ میاشتو کې ۸ زره ۷۴۷ جنايي پېښې ثبت شوي، چې ۷ زره ۲۳۳ یې کشف او ۱۵ سوه ۲۵ نورې تر څېړنې لاندې دي.

قانع زیاته کړې؛ ۱۲ زره ۵۴۰ کسان د بېلابېلو جنايي جرمونو پر تړاو نیول شوي دي.

نوموړی وایي؛ په دې موده کې ۲۱ انسان تښتوونکي وژل شوي، ۱۸ کسان یې له منګولو ازاد شوي او ۱۷۲ د انسان تښتونې پر تور نیول شوي دي.

د کورنیو چارو وزارت ویاند د پاسپورټونو د وېش په اړه څرګنده کړې، چې په تېرو شپږ میاشتو کې ۸۳۷ زره پاسپورټونه خلکو ته وېشل شوي او په کابل کې به د وېش درې نورې نوې ادارې جوړې شي.

قانع ویلي: د پاسپورټ رياست له‌خوا هره ورځ لس زره پاسپورتونه هېوادوالو ته وېشل کېږي.

د دوی د څرګندونو له مخې؛ د نشه‌یي توکو کښت، تولید او قاچاق هم صفر ته رسېدلي او په هېواد کې د نشه‌یي توکو د تولید اته ماشینونه او د نشه‌یي توکو د تولید ۳۷۷ کارخونې کشف او له منځه وړل شوې دي. دوی د پولیسو د مسلکي کیدو، له فساد سره د مبارزې او د وسلو په راټولولو کې هم لاسته راوړنې لري.

هغه دا هم ويلي، چې په دې موده کې د هېواد په ډېرو ولايتونو کې کومه امنيتي پېښه نده رامنځته شوې او نه هم کوم امنيتي ضد فعاليتونه ترسره شوي دي.

د قانع د څرګندونو له مخې، امنیتي کچه د تېرو څو لسیزو پر پرتله بې سارې ده.

Continue Reading

تازه خبرونه

د ټاپي ګاز شرکت اجرائیه رییس له وروستیو پرمختګونو خوښي څرګنده کړه

Published

on

(Last Updated On: وری ۹, ۱۴۰۳)

د کانونو او پټرولیم وزارت چارسمبالي شهاب الدین دلاور د پنجشنبې پر ورځ ( د وري نهمه ) د ټاپي پروژې له اجرائیوي رییس او په کابل کې د ترکمنستان له سفیر سره وکتل او د دغې پروژې د پرمختګونو په اړه یې خبرې وکړې.

د ترکمنستان او افغانستان، پاکستان او هند (ټاپي) د ګازو نلیکې د پروژې اجرائیوي رییس مراد امانوف د پروژې له وروستي پرمختګه خوښي وښوده او د پروژې د عملي پیل په اړه یې خبرې وکړې.

د افغانستان د کانونو او پټرولیم وزارت چارسمبالي شهاب الدین لاور ويلي، چې د ټاپي پروژې لومړني کارونه چټک روان دي او په نږدې راتلونکي کې به د دې نلليکې د غځولو چارې پيل شي.

ویل کیږي، چې د ترکمنستان سفیر یاد هېواد ته د افغان پلاوي د وروستي سفر په اړه معلومات وړاندې کړل او څرګندوي، چې په نږدې راتلونکي کې به د دغه هېواد یو پلاوی هرات ولایت ته سفر وکړي.

TAPI د طبیعي ګاز یوه نللیکه ده، چې د آسیا پراختیایي بانک په ګډون د ګالکینیش – TAPI نللیکې شرکت له‌خوا پراختیا مومي.

دغه نللیکه به د ترکمنستان له ګالکینیش ګازو څخه طبیعي ګاز د افغانستان له لارې پاکستان او بیا هند ته لېږدوي.

Continue Reading

Trending

Copyright © 2022 Ariana News. All rights reserved!