Connect with us

تازه خبرونه

په قطر کې د یوناما مشر له ملا برادر اخند سره ولیدل

Ariana News

خپور شوی

 په

(Last Updated On: April 25, 2019)

طالب ویاند ذبیح الله مجاهد په ډاګه کړې، چې د پنجشنبې پر ورځ( د غویی ۵) له غرمې وروسته په افغانستان کې د ملګرو ملتو د استازي دفتر یوناما مشر تدامیچي یاماموتو او ملګري پلاوي یې د قطر هېواد په پلازمېنه دوحه کې د طالبانو  له مرستیال او د سیاسي دفتر له مشر ملا برادر اخند سره لیدنه وکړه.

د نوموړي د څرګندونو له مخې؛ په دې غونډه کې،  چې د طالبانو د مذاکراتي ډلې او سیاسي دفتر یو شمېر غړي هم حاضر ول؛ د مذاکراتو پر روان بهیر، ملکي تلفاتو او د طالبانو تر څارنې لاندې سیمو کې پر بشري مرستو تفصیلي خبرې وشوې.

 هغه زیاته کړې؛ د ښاغلي ملابرادر اخند لخوا د یوناما مشر او ملګری پلاوي يې وهڅول شول، چې د یادو موضوعاتو په اړه بیطرفي مراعت کړي او په نوموړیو برخو کې په ښه ډول خپل مسوولیت ترسره کړي.

 دغه راز ویل کیږي، چې د یوناما مشر تدامیچي یاماموتو مننه وکړه، چې د طالبانو له لوري د ملکي تلفاتو په برخه کې د پام وړ کمی راغلی او ژمنه یی وکړه، چې په اړوند چارو کې به د پرمختګ هڅه کوي او له سیاسي دفتر سره به دوامداره اړیکي ساتي.

دا په داسې حال کې ده، چې نن په مسکو کې د افغانستان د سولې او له امریکایانو سره د طالبانو د خبرو په اړه د چین ، روسیې او امریکا درې اړخیزې خبرې د بندو دروازو تر شا ترسره شوې.

تازه خبرونه

راشد خان غواړي افغانستان د نړۍ له غوره لوبډلو سره ولویږي

Ariana News

خپور شوی

په

توسط

(Last Updated On: October 21, 2020)

د کرکت ملي لوبډلې ستوري راشد خان له اړوند بنستونو غوښتي، چې ده ته دې د افغانستان د لوبو د ښوالي لپاره د نړۍ له غوره لوبډلو سره د لوبو فرصتونه ورکړي.

نوموړي په یوه مرکه کې ویلي؛ د لوبغاړي په توګه د ودې کولو لپاره باید تاسې له غوره لوبډلو پر وړاندې ولوبیږئ.

هغه ویلي: کله، چې زه په ۱۷ کلنۍ کې آی پی ایل ته راغلم؛  ما لوبغاړي، د هغوی روزنه او ځان جوړونه ولیده زه پوه شوم، چې د ښه کیدو او وړتیاوو لپاره باید څومره کار وشي.

راشد خان زیاته کړې؛ مونږ له تېرو پېنځه کلونو راپدیخوا په دوه نړیوال جامونو کې دوه ځله له آسترالیا، انګلند او نیوزیلنډ سره لوبه کړې. زه هیله من یم، چې مونږ د دوی پر وړاندې ولوبیږو او پاتې لوبغاړي هم د پرمختګ ورته فرصت خپل کړي.

راشد خان دا هم ویلي، چې د کرکت لوړې درجې ته د افغانستان له رسیدو حیران شوم؛ خو ډېر ویاړ هم پرې کوي.

د کرکت د ډګر دغه ستوري په ډاګه کړې؛ کله، چې ما څو کاله مخکې نور لوبغاړي ولیدل، ما حتی فکر نه کاوه، چې یوه ورځ به زه د نورو لپاره یوه بېلګه شم.

د نړیوال کرکت بورد له بشپړ غړیتوب وروسته افغانستان د ویست اندیز، آیرلند او بنګله دیش پر وړاندې یوازې څلور تیست لوبې ترسره کړي.

آسترالیا، انګلند، سویلي افریقا او نیوزیلند په کرکت تیست کورنۍ کې څلور غوره لوبډلې دي، چې تر دې دمه یې له افغانستان سره سیالۍ ته ښه راغلاست ندی ویلی.

Continue Reading

تازه خبرونه

حکمتیار په پاکستان کې د سولې بهیر په اړه له قریشي سره خبرې وکړې

Ariana News

خپور شوی

په

توسط

(Last Updated On: October 20, 2020)

د پاکستان د بهرنیو چارو وزیر شاه محمود قریشي د حزب اسلامي له مشر ګلبدین حکمتیار سره په کتنه د افغانستان د سولې په بهیر کې د خرابوونکیو له شتون خبرداری ورکړی دی.

د حزب اسلامي رهبر حکمتیار پرون پاکستان ته درې ورځنی سفر کړی، چې موخه یې له پاکستانيو حکومتي چارواکو سره د افغان سولې پر بهیر بحث او خبرې دي.

د حزب اسلامي له مشر سره په دې کتنه کې د پاکستان د بهرنیو چارو وزیر شاه محمود قریشي د افغانستان د سولې له بهیره خپل ملاتړ یو ځل بیا په ډاګه کړ او وایي، چې په افغانستان کې د جګړې لپاره هیڅ نظامي حل نشته.

د پاکستان د بهرنیو چارو وزارت ویاند زاهد حفیظ ویلي: د بهرنیو چارو وزیر قریشي لد حزب له رهبر  ګلبدین حکمتیار سره د دوه اړخیزو اړیکو په اړه خبرې وکړې. پاکستان تل د افغانستان د سولې له بهیره ملاتړ کړی. مونږ اوس هم په دوحه کې د افغانانو تر منځ خبرو اترو ته هیله من یو.

دغه راز د حزب اسلامي رهبر ويلي؛ اسلام آباد په افغانستان کې د جګړې دوام ته هیله من ندی او چمتو دی، چې د افغانستان د سولې په بهیر کې مثبت رول ولوبوي.

په داسې حال کې، چې د دوحې د سولې خبرو له ناڅرګند برخلیک سره مخ دی او د افغانستان په ځینو برخو کې تاوتریخوالی روان دی؛ نو تمې دا دي، چې اسلام آباد به د دې وضعیت د پای ته رسولو لپاره خپلې هڅې ونسپموي.

پاکستان د افغانستان د سولې په بهیر کې یو له مهمو لوبغاړیو څخه دی او له همدې کبله افغان چارواکي او سیاسي مشران غواړي په افغانستان کې د سولې د خوندي کولو لپاره ورسره ګډ کار وکړي.

Continue Reading

تازه خبرونه

عبدالله او روحاني د سولې بهیر په اړه خبرې تر سره کړې

Ariana News

خپور شوی

په

توسط

(Last Updated On: October 20, 2020)

د ملي پخلاینې عالي شورا مشر د سیمه ییزو هېوادونو د مشرانو د ملاتړ تر لاسه کولو لپاره د دوشنبې پر ورځ د ایران له ولسمشر حسن روحاني سره د افغانستان د سولې د روان بهیر او دوه اړخیزو همکاریو په اړه بحث او خبرې کړې دي.

عبدالله عبدالله د ایران له ولسمشر حسن روحاني سره له کتنې وروسته څرګنده کړې: مونږ د افغانستان د سولې بهیر، په دوحه کې د روانو خبرو او دوه اړخیزو اړیکو په اړه نظرونه تبادله کړل.

داکتر عبدالله د سولې په اړه د ایران د ولسمشر له ملاتړه مننه کړې او وایي، چې ایران د ګاونډ په توګه کولی شي په افغانستان کې د سولې بهیر په پرمختګ کې ارزښتمن رول ولوبوي.

د ایران ایرنا خبري آژانس سره په خبرو کې  عبدالله عبدالله ویلي؛ د افغانستان خلک د ټولو افغانانو لپاره تل پاتې او د منلو وړ سوله او همدارنګه په تېرو ۱۹ کلونو کې د لاسته راوړنو ساتنه غواړي.

هغه دا هم په ډاګه کړې، چې د سیمې هېوادونو ترمنځ همکاري کولی شي د سولې بهیر او روانو خبرو اترو ته وده ورکړي او بریالۍ پایله ترلاسه شي.

د نوموړي د څرګندونو له مخې؛ د ګاونډ هېوادونو مرسته او ملاتړ زمونږ لپاره په سیمه ییزه او نړیواله کچه د مشورې لپاره ډېر ارزښت لري.

د ملي پخلاینې عالي شورا د رسنیو  دفتر څرګنده کړې؛ داکتر عبدالله عبدالله او ورسره پلاوی یې سهار ایران ته له دوه ورخني سفره کابل ته راستانه شول. نوموړي په دې سفر کې د ایران له ولسمشر، بهرنیو چارو وزیر، د ولسي جرګې له مشر او نورو چارواکو سره د سولې د بهیر، د دوحې د خپلمنځي خبرو او دوه اړخیزو همکاریو په اړه بحث او خبرې کړې دي.

د یادونې ده، چې د سولې بهیر ته د سیمه ییزو هېوادونو د مشرانو د ملاتړ تر لاسه کولو په لړ کې د ملي پخلاینې عالی شورا مشر او ورسره پلاوي یې پاکستان او هند ته هم سفرونه تر سره کړي دي.

Continue Reading
Advertisement

Trending