Connect with us

تازه خبرونه

په واشنګتن کې د افغانستان د سولې په اړه مشورې کیږي

خپور شوی

 په

(Last Updated On: وری ۱, ۱۳۹۸)

د افغانستان د سولې لپاره د امریکا د بهرنیو چارو وزارت ځانګړی استازی زلمی خلیلزاد په واشنګتن کې د سولې په اړه د روسیې، چین او اروپایي ټولنې ځانګړیو استازیو ته د سولې په اړه څرګندونې کوي.

د امریکا د بهرنیو چارو وزارت په یوه خبرپاڼه کې څرګنده کړې، چې د افغانستان د سولې لپاره د دوی ځانګړي استازي د افغانستان د سولې مذاکراتو په تړاو د روسیې، چین او اروپایي ټولنې چارواکو ته معالومات ورکوي.

زلمی خلیلزاد د امریکا، ضمیر کابلوف د روسیې، دینګ شیجونګ د چین او رولاند د اروپایي ټولنې ځانګړي استازي دي، چې د افغانستان لپاره ټاکل شوي او د یوه میز تر شا د دغه هېواد د سولې بهیر په تړاو سلا مشورې کوي.

د امریکا د بهرنیو چارو وزارت وایي؛ موخه دا ده، چې د روانې جګړې د پای ته رسولو لپاره سلا مشورې وشي.

د امریکا د بهرنیو چارو وزارت په خبر پاڼه کې راغلي: د افغانستان د سولې په بهیر کې د پرمختګونو په اړه د څرګندونو تر څنګ دغه راز په دې ناسته کې، چې د امریکا د بهرنیو چارو وزارت لخوا جوړه شوې وه؛ پدې موضوع هم خبرې کیږي، چې نړیواله ټولنه څرنګه کولی شي د افغانستان د سولې له بهیر ملاتړ وکړي او د جګړې په پای ته رسولو کې رول ولوبوي.

د افغانستان د سولې په بهیر کې د امریکا بیړه ښیي، چې دا هېواد غواړي خپله اوږده جګړه پای ته ورسوي.

سیاسي بهیرونه هم پدې باور دي، چې سیمه ییزه اجماع کولی شي د افغانستان د سولې په خبرو کې پرمختګ ته لار اواره کړي.

د متحد افغانستان حزب اسلامي مشر وحید الله سباوون پدې باوردی، چې د افغانستان د سولې بهیر ته باید د ګاونډ هېوادونو تر څنګ باید ترکیه، امارات، سعودي امریکا، چین او روس هم داودانګي او دا ډاډ ترلاسه کړي، چې افغانستان به نور مونږ ته ګواښ نه وي.                    

د امریکایانو او طالب استازیو پېنځم پړاو خبرې تر ۱۶ ورځو سلا مشورو وروسته د مارچ پر ۱۲ پای ته ورسیدې او دواړو لوریو وویل، چې په خبرو کې پرمختګ شوی.

جمعیت اسلامي افغانستان ګوند د مشرتابه غړی محمد اسماعیل خان  وایي، چې موقت حکومت د اوسني حکومت ځایناستی کیږي؛ ځکه اوسنی حکومت د روانې څلوېښت کلنې جګړې د پای ته رسولو لپاره د طرحې وړاندې کولو ته چمتوالی نلري.

که څه هم تمه ده، چې طالبان او افغان حکومت د سولې مخامخ خبرې پیل کړي؛ خو طالبان تر اوسه ندي حاضر شوي، چې له حکومت سره د سولې خبرې وکړي.

خبریال: علی اصغري

 

تازه خبرونه

په تاجکستان او ازبکستان کې درول شوې چورلکې افغانستان ته ستنېدلی نشي – امریکا

خپور شوی

په

توسط

(Last Updated On: مرغومی ۲۹, ۱۴۰۰)

د پنټاګون ویاند جان کربي د سې شنبې پر ورځ څرګنده کړې، چې د امریکا حکومت اوس هم په تاجکستان او ازبکستان کې د درول شویو افغان چورلکو پر مسله کار کوي؛ خو افغانستان ته ستنېدلی نشي.

جان کربي یوې رسنیزې ناستې ته ویلي: مونږ اوس هم د دغو درول شویو چورلکو په اړه کار کوو. زما پر اند دا چورلکې به افغانستان ته د دې لپاره وانستول شي، چې طالبان (د افغانستان اسلامي امارت) یې وکاروي.

تېره اوونۍ د افغانستان اسلامي امارت د دفاع وزارت چارسمبالي ملا محمد یعقوب له ازبکستان او تاجکستان څخه وغوښتل؛ د افغان هوايي ځواک هغه الوتکې او چورلکې بېرته ورکړي، چې د تېر کال په اګست میاشت کې افغان پیلوټانو دغو ګاونډ هېوادونو ته وتښتولې.

ملا محمد یعقوب ویلي وه، چې د دوی حکومت به هیڅکله دغو دواړو هېوادونو ته د الوتکې او چورلکو د خپلولو یا کارولو اجازه ورنکړي.

ملا محمد یعقوب په ډاګه کړې وه، چې: زه په درنښت له ازبکستان او تاجکستان څخه غواړم، چې زمونږ د صبر له امتحانولو دې ډډه وکړي او مونږ دې ته اړ نکړي، چې [د الوتکو د بېرته ستنولو لپاره] شوني غچ اخیستونکي ګامونه واخلو.

د امریکا لخوا د افغان هوايي ځواک روزل شويو پیلوټانو د اګست پر ۱۵ د اسلامي امارت لخوا د کابل له بیا نیولو وروسته د ای ـ ۲۹ الوتکو او بلک هاک چورلکو په ګډون له ۴۰ څخه په ډېرو الوتکو او چورلکو کې ځانونه او خپلې کورنۍ ازبکستان او تاجکستان ته بریالي ورسول.

ازبک چارواکو د سپټمبر په لومړیو کې راپور ورکړ، چې دوی سلګونه افغان پیلوټان ​​او د دوی کورنۍ، چې په غیرقانوني توګه په پوځي الوتکو کې راغلي وه؛ شړلي دي.

د راپورونو له مخې؛ دغه افغان وګړي د عربي متحده اماراتو یوې امریکایي پوځي اډې ته د یوې داسې هوکړې له مخې، چې واشنګټن له ازبکستان سره د ۴۵۰ څخه د زیاتو افغانانو د لیږدولو په اړه کړې وه؛ ولیږدول شول.

د یادونې ده، چې د دغو الوتکې او چورلکو برخلیک اوس هم ناڅرګند پاتی دی. د اګست په میاشت کې د حکومت له نسکورېدو مخکې افغانستان له ۱۶۴ ډېرې فعالې الوتکې درلودې، چې ډېر شمېر یې له هېواده وتښتول شوې؛ خو د افغان رسنیو د راپورونو له مخې یوازې ۸۱ یې پاتې دي.

Continue Reading

تازه خبرونه

بريټانيا په ايران کې له افغان کډوالو سره يو ميليون ډالره مرسته وکړه

خپور شوی

په

توسط

(Last Updated On: مرغومی ۲۹, ۱۴۰۰)

په ایران کې د ملګرو ملتونو د خواړو نړیوال پروګرام څرګنده ګړې، چې بریټانیا په ایران کې له زیانمنو افغان کډوالو سره یو میلیون ډالر مرسته کړې ده.

د خواړو نړیوال پروګرام د بریټانیا له یو میلیون ډالرو مرستې هرکلی کړی او څرګندوي، چې دا به له نویو افغان کډوالو سره د مرستې زمینه برابره کړي.

د خبرپاڼې له مخې؛ دغه پیسې به په ایران کې د ۳۱ زره افغان کډوالو د ملاتړ لپاره ولګول شي.

په ایران کښې د خواړو نړیوال پروګرام استازې او مشره نیګار ګرامی ویلي: مونږ په ایران کې د خپلو پروژو د سخاوتمندانه مرستو او ملاتړ لپاره د ګډو ګټو د بهرنیو چارو ادارې او پراختیا له دفتره منندوی یوو. د ژمي ستونزمنې میاشتې، بې روزګاري، د نغدو پیسو نشتوالي او د بیو لوړېدو په افغانستان کې بشري ناورین نور هم پراخ کړی، چې نږدې ۲۴ میلیون وګړي یې د خواړو د نه خوندیتوب له ګواښ سره مخ کړي دي. دا ډیره مهمه ده، چې د خواړو نړیوال پروګرام د کډوالو له ناڅاپي راتګ وروسته هر ډول بېړني حالت ته د ځواب ویلو چمتووالی ولري.

په تهران کې د بریټانیا سفیر سایمن شیرکلیف ویلي، هېواد یې له ایران سره د هغو افغان کډوالو په ملاتړ کې مرسته کوي، چې غواړي له هېواده ووځي.

هغه زیاته کړې، بریټانیا د افغانستان د خلکو او سیمه ییزو شریکانو تر څنګ د دغه هېواد د باثباته او سوله ییز راتلونکي د ترلاسه کولو لپاره ولاړه ده.

خو پر افغانستان د اسلامي امارت له واکمنۍ وروسته ګڼ شمېر افغانانو بهرنیو هېوادونو ته سفرونه کړي دي.

Continue Reading

تازه خبرونه

په بادغیس ولایت کې زلزلې ۳۰ کسانو ته مرګ و ژوبله اړولې

خپور شوی

په

توسط

(Last Updated On: مرغومی ۲۸, ۱۴۰۰)

سیمه ییزو چارواکو څرګنده کړې، چې د دوشنبې پر ورځ د افغانستان په لويدیځ بادغیس ولایت کې زلزلې  ۲۶ کسان مړه کړي، ۴ ژوبل او سلګونه کورونه ویجاړ شوي دي.

رویټرز د سیمه ییزو چارواکو لخوا د خپاره شويو انځورونو له مخې څرګنده کړې، چې د ریښتر پر کچه ۵ اعشاریه ۶ درجې زلزلې له ترکمنستان سره پر ګډه پوله پروت بادغیس ولایت ولړزاوه، چې او له خښتو جوړ شوي سلګونه کورونه یې ویجاړ کړل.

د بادغیس ولایتي ادارې د اطلاعاتو او فرهنګ مشر باز محمد سروري  زیاته کړې: له بده مرغه زمونږ لومړني راپورونه ښيي، چې د پېنځه ښځو او څلور ماشومانو په ګډون ۲۶ کسان مړه شوي او څلور نور ټپیان دي.

نوموړي د اسلامي امارت ځواکونو ته په نغوته کې څرګنده کړې: مجاهدین یو شمېر زیانمنو سیمو ته رسېدلي؛ خو بادغیس یو غرنی ولایت دی ښايي د تلفاتو شمېر له دې هم لوړ شي.

هغه زیاته کړې، چې اوس هم په سیمه کې سخت باران روان دی.

د رویټرز د راپور له مخې؛ د افغانستان د بېړنیو چارو وزارت د بېړنیو عملیاتو مرکز مشر ملا جانان ساقي د وژل شویو کسانو شمېر تائید کړی او ویلي یې دي، چې له ۷۰۰ ډېر کورونه زیانمن شوي دي.

د بادغیس په مرکز کې د مرکزي روغتون د نرسنګ مشر ثناء الله ثابت وایي؛ دوی ته د زلزلې پېنځه ټپیان ورلېږدول شوي، چې د ډېرو یې هډوکي مات شوي دي.

د اروپایي سرچینو د څرګندونو له مخې، یاده زلزله ۳۰ کیلومټره ( ۱۸ اعشاریه ۶۴ میله) ژوروالی لري.

Continue Reading

Trending

Copyright © 2022 Ariana News. All rights reserved!