Connect with us

تازه خبرونه

په فراه کې ولسمشر غنی د طالبانو له توغندیز برید سره مخ شو

خپور شوی

 په

(Last Updated On: کب ۱۸, ۱۳۹۷)

ولسمشرۍ ماڼۍ په ډاګه کړې؛ نن سهار د ( کب ۱۸) ولسمشر غني، د یوه لوړپوړي پلاوي په مشرۍ فراه ولایت ته رسیدلی؛ خو په هوایي ډګر کې له رسیدو سره سم له توغندیز برید سره مخ شو.

د فراه ولایت یو امنیتي چارواکي ویلي؛ د فراه ولایت پر هوایي ډګر دوه توغندي توغول شوي، چې ځاني او مالي زیانونه نلري.

د یادې سرچینې د څرګندونو له مخې دواړه توغندي د پلیګون په اړوند سیمه کې لګیدلي دي.

په خبرپاڼه کې راغلي، چې ولسمشر اشرف غني د وروستیو سیلابونو له زیانمنو سره د لیدو او همدارنګه د امنیتي وضعیت د څېړنو لپاره دغه ولایت ته سفر کری دی.

د ولسمشرۍ خبرپاڼه څرګندوي: ولسمشرغني په داسې حال کې فراه ولایت ته سفر کوي، چې په وروستیو سیلابونو کې لس کسانو خپل ژوند له لاسه ورکړی، سلګونه کورنۍ بې کوره شوي او سلګونه نور مرستو ته اړ دي.

طالبانو د دې برید پړه پر غاړه اخیستې ده.

ولسمشراشرف غني له میرمنو، ځوانانو، د مدني ټولنو له استازیو او دغه راز د یاد ولایت له علماوو، متنفذینو ، مشرانو او سیلاب ځپلیو سره وکتل او د هغوی غوښتنې او وړاندیزونه یې واورېدل.

دوی هیله ښودلې، چې د باعزته سولې له راتګ سره به افغانستان نوي پړاوو ته وردننه شي.

د فراه ولایت متنفذ ښاغلي منشي حبیب د امنیت، بېوزلۍ، بخش آباد بند، برېښنا او نورې اړوندې ستونزې له ولسمشر سره شریکې کړې.

ولسمشر غني په فراه ولایت کې وروستیو سیلابونو ته په نغوته کې وویل: اړوند مسوولینو ته له سیلاب ځپلیو کورنیو سره د بېړنیو مرستو او همدارنګه د سیلابونو د مخنیوي په موخه د عاجلو اقداماتو لارښوونه شوې ده.

ولسمشر له سیلاب ځپلیو سره په لیدنه کې ویلي، چې سیلاب ځپلیو ته بېړنۍ مرستې راټولې شوي او ډېر ژر به وروسپارل شي. دغه راز د ښارجوړونې او اراضۍ وزارت ته یې هم سپارښتنه وکړه، چې سیلاب ځپلیو ته دې د استوګنې زر نوې نمرې ووېشل شي.  

 نوموړي د فراه د امنیتي ستونزو د ارزونې په اړه ویلي، چې یو باصلاحیته امنیتي پلاوی به راولیږل شي او د هغوی د موندنو په رڼا کې به د امنیت د ښه تامین په موخه اقدامات وشي.

ولسمشر دغې ناستې ته پر بخش آباد بند د اساسي کار د پیلیدو ډاډ څرګند کړ او همدارنګه یې د راتلونکي کال د وري له لومړۍ نېټې څخه د جنراتوري برښنا تعرفه له ۳۵ افغانۍ څخه ۱۷ افغانیو ته د راټیټیدو زیری وړاندې کړ او د افغانستان د برښنا شرکت رییس ته یې لارښوونه وکړه، چې د وارداتي برښنا تر راتګ پورې د جنراتوري برښنا ظرفیت له ۴ میګاواته څخه ۶ میګاواته ته لوړ کړي.

تازه خبرونه

د ایران او افغانستان ترمنځ مسافروړونکې الوتنې بیا پیل شوې

خپور شوی

په

توسط

(Last Updated On: وږی ۲۵, ۱۴۰۰)

سرچینو ويلي، چې په افغانستان کې د پخواني افغان حکومت له سقوط او د اسلامي امارت له واکمنېدو وروسته کابل هوایي ډګر ته د ایران لومړۍ مسافر وړونکې الوتکه رسېدلې ده.

د دغو سرچینو د څرګندونو له مخې، د چارشنبې پر سهار(د وږي ۲۴) د کابل هوایي ډګر ته د ماهان هوایي شرکت ایرانۍ الوتکه ورسېده.

دغه راز زیاته شوې؛ دا لومړی ځل دی د اشرف غني د حکومت له سقوط وروسته یوه هوایي الوتکه له ایران څخه کابل ته رادننه کیږي او بریالۍ ناسته تر سره کوي.

سرچینو په ډاګه کړې؛ په دې الوتنه کې ۱۹ مسافر کابل ته لیږدول شوي او دا مسافر وړونکې الوتکه بېرته مشهد ته راستنه شوې ده.

دا په داسې حال کې ده، چې تېره اوونۍ د پاکستان نړیوال هوایي شرکت (پي آی ای) هم  کابل ته د الوتنو د بیا پیل اعلان کړی و.

Continue Reading

تازه خبرونه

د قومي تعصب او امریکایي ډیموکراسۍ د ساتنې پر پلمه هیڅوک د درېدو حق نلري – قطرت

خپور شوی

په

توسط

(Last Updated On: وږی ۲۵, ۱۴۰۰)

د اسلامي امارت لوی درستیز د چارشنبې پر ورځ / د وږي ۲۴ /  یوې ولسي ناستې ته ویلي؛ هیچا ته اجازه نشته، چې د ډیموکراسۍ، قومي تعصب او تېرو شل کلنو لاسته راوړنو د ملاتړ پر پلمه د اسلامي امارت پر ضد ودریږي او که هرڅوک داسې کوم ګام پورته کړي؛ وبه ځپل شي.

د هېواد لوی درستیز قاري فصیح الدین فطرت څرګنده کړې؛ افغانستان به په راتلوونکي کې داسې یو پیاوړی او منظم پوځ ولري، چې په خپلواکه توګه د هېواد له خاورې دفاع وکړي.

قاري فصیح الدین فطرت وایي، چې د پوځ پر جوړښت خبرې او مشورې روانې دي.

دی ټینګار کوي؛ د پوځ منسوبین باید داسې وروزل شي؛ چې وکړای شي له افغانستان دفاع وکړي.

نوموړي زیاته کړې: هغه کسان، چې د امنیت د ګډوډولو او کورنۍ جګړې د پیل په هڅه کې دي؛ وبه ځپل شي.

د ناستې برخوالو هم د افغانستان د خلکو پر یووالي ټینګار کړی دی.

د اسلامي امارت غړي قاري جمال الدین ویلي؛ خلک باید متحد شي او له نظامه ملاتړ وکړي، چې هېواد ودان کړو.

په بدخشان کې د اسلامي امارت مفتي عبدالقدیر غفوري ویلي؛ له اسلامي امارت څخه مو هیله داده، چې بریالیتوب لپاره د نفاق او بدبینئ مخه ونیسي.

د یادونې ده، چې افغانستان څه باندې درې نیم سوه زره وسلوال ځواکونه درلودل، چې د طالبانو لخوا د واک له نیول سره دړې وړې شول. اوس روښانه نده، چې آیا په نوي جوړېدونکي پوځ کې به له دوی کار واخیستل شي او که نه؟!

Continue Reading

تازه خبرونه

د غني تېښتې د واک لېږد وروستی تړون زیانمن کړ – خلیلزاد

خپور شوی

په

توسط

(Last Updated On: وږی ۲۵, ۱۴۰۰)

 د اشرف غني له واکه تېښتې له اسلامي امارت سره د واک لېږد په اړه وروستی تړون زیانمن او ګدوډ کړ.

د امریکا ځانګړي استازي زلمي خلیلزاد فایننسیال ټایمز ته ویلي، چې که څه هم د اسلامي امارت ځواکونه د کابل دروازو ته رسیدلي وه؛ خو د دغه پلان له مخې به غني تر هغه وخت په واک کې پاتې شوی و، چې د راتلونکي حکومت په اړه هوکړه نه وای شوې.

زلمي خلیلزاد ويلي، چې د اګست پر ۱۵ / د زمري ۲۴/ د غني ناڅاپي تېښتې نه یوازې حکومتي خلا رامنځته کړه، بلکې د اسلامي امارت د واکمنۍ سبب هم شو.

خلیلزاد زیاته کړې؛ دغه راز دې تېښتې د بهرنیو ځواکونو د وتلو بهیر له ګډوډۍ سره مخ کړ او د دوحې خبرې هم ورسره پای ته ورسېدې.

خلیلزاد فایننسیال ټایمز ته زیته کړې؛ حتی په پای کې مونږ له طالبانو (اسلامي امارت ) سره هوکړه وکړه، چې کابل ته دې نننوځي.

د خلیلزاد څرګندونې د امریکا د بهرنیو چارو د وزیر انټوني بلینکن له هغو خبرو سره ورتوالی لري، چې په روانه اوونۍ کې یې ولسي جرګې ته وویل: غني د تېښتې پر شپه ډاډ ورکړی و، چې د واشنګټن له پلان سره همغږی دی.

د امریکا ځانګړي استازي ویلي، چې د غني له تېښتې وروسته د کابل امنیتي ځواکونه هم وپاشل شول.

نوموړی وایي: د غني له تېښتې وروسته په کابل کې د عامه نظم مسلې وې؛ طالبانو (اسلامي امارت) ته وویل شول: آیا [اوس] تاسې کولی شئ د کابل د امنیت مسوولیت پر غاړه واخلئ؟ بیا تاسې پوهیږئ، چې  څه پېښ شول، مونږ یې مسوولیت نه اخلو.

ښاغلي خلیلزاد دا هم په ډاګه کړې، چې پر همهغه ورځ یې په دوحه کې د امریکا له سیمه ییز قومندان جنرال فرانک مککنزي او اسلامي امارت لوړ پوړیو مشرانو سره په یوه جوړه شوې ناسته کې برخه اخیستې وه.

خلیلزاد هغه ادعاوې رد کړې، چې ګواکې د امریکا او اسلامي امارت ترمنځ ارګ ته د ننوتلو د اجازې یو ښکاره یا څرګند تړون شوی و.

خلیلزاد وایي: مونږ هغوی ته نه کوم شین څراغ ښکاره کړی اونه هغه ته ورته  کوم بل څه ول. څه، چې مونږ ویلي؛ هغه د امریکایي ځواکونو ماموریت و.

دغه راز فایننسیال ټایمز د امریکایي چارواکو د څرګندونو له مخې په ډاګه کړې، چې خلیلزاد لومړی د اګست پر ۱۲ د کابل له حکومت سره پر یوې هوکړې خبرې وکړې او دوه ورځې وروسته له اسلامي امارت سره هوکړې ته ورسې، چې د کابل ښار ساتنه وکړي.

دا له عقل لرې خبره وه، چې غني دې د راتلونکي حکومت یوه برخه وي؛ ځکه، چې د هغه استعفا د اسلامي امارات یو شرط و.

د یادونې ده، چې اسلامي امارت د زمري پر ۲۲ / د اګست پر ۱۳د هېواد د نورو برخو له نیولو وروسته کابل محاصره کړی و.

Continue Reading

Trending

آریانا نیوز: ټول حقونه خوندي دي