Connect with us

تازه خبرونه

په کابل کې د افغانستان، چین او پاکستان استازیو د ګډې مبارزې هوکړه لیک لاسلیک کړ

خپور شوی

 په

(Last Updated On: ليندۍ ۲۵, ۱۳۹۷)

د شنبې پر ورځ( د لیندۍ ۲۴) له غرمې مخکې په کابل کې د افغانستان، چين او پاکستان د بهرنیو چارو وزیرانو تر منځ د سیمې د سولې او ثبات په اړه د همکاریو دوه یمه درې اړخیزه ناسته تر سره شوه او له ترهګرۍ سره د ګډې مبارزې نوی هوکړه لیک یې لاسلیک کړ.

د افغانستان د بهرنیو چارو وزیر صلاح الدین رباني څرګنده کړې، چې زمونږ غوښتنه  د سولې له بهیر ملاتړ دی؛ ځکه، نو د ترهګرۍ پر ضد پر مبارزه، په افغانستان کې د روانې جګړې پر پای ته رسولو او د سیمې د ثبات په اړه پر ګډو همکاریو خبرې او بحث وشو.

نوموړي دا ټینګار هم څرګند کړ: اوس د دې وخت را رسیدلی، چې پاکستان د سولې په بهیر کې همکاري او عملي اقدامات وکړي او افغانستان یې پایله وویني.

په افغانستان او سیمه کې د سولې او ثبات په اړه د چین د بهرنیو چارو وزیر په ډاګه کړې، چې مونږ(درې واړو هېوادونه) د ترهګرۍ پر وړاندې ګډې مبارزې ته ژمن یو او په دې اړه یو هوکړه لیک هم لاسلیک شو.

هغه دغه راز وویل: د افغانستان خلکو ۴۰ کاله جګړه تجربه کړې ده؛ ځکه، نو د افغانستان د خلکو هیله سوله ده او چین په دې اړه له خپلو مرستو ډډه نکوي.

د افغانستان او پاکستان د ګډې همکارۍ په اړه د پاکستان د بهرنیو چارو وزیر شاه محمود قریشي وویل: زه د افغانستان او پاکستان تر منځ د باور رامنځته کولو لپاره راغلی یم؛ ځکه که د دواړو هېوادونو تر منځ ډاډ او باور رامنځته نشي، دغه ناستې به ښکاره پایلې ونلري.

نوموړي د خبري ناستې د یوې پوښتنې په ځواب کې زیاته کړه، چې پایلې ته د رسیدو لپاره باید په خپلو اندونو کې بدلون رامنځته کړو. تاسې اوږدې او بېلابېلې جګړې تجربه کړې؛ پر تورلګولو موخې ته نه رسیدی شو او نه د سولې په اړه کډه هوکړه کولی شو. د دې لپاره ګډو هڅو او ژمنو ته اړ یو.    

د سولې درې اړخیزو خبرو لومړی پړاو د ۲۰۱۷ کال پر دسمبر د چین، افغانستان او پاکستان تر منخ د چین په پلازمېنه بیجنګ کې تر سره شو، چې درې واړه هېوادونه هغه مهال د ترهګرۍ پر وړاندې ګډې مبارزې ته ژمن شول.  

د یادونې ده، چې درې واړه هېوادونه په سیمه کې د سولې او ثبات، د سیمه ییزې مرستې د پیاوړتیا، اقتصادي همکارۍ او د سیمې د امنیت لپاره ګډو هڅو ته بیا ژمن شول او دا ډاډ رامنځته شو، چې د کابل او اسلام آباد  د باور پل هغه مهال د ډاډ وړ دی، چې د پاکستان ژمنې پایلې ولري.

Continue Reading
Advertisement

تازه خبرونه

په هرات کې د ا.ا.ا ځواکونو ۴ انسان تښتوونکي ووژل

خپور شوی

په

توسط

(Last Updated On: تله ۳, ۱۴۰۰)

د هرات امنیتي چارواکو منلې، چې څلور انسان تښتوونکي نن سهار د ښار په څوارلسمه ناحیه کې د اسلامي امارت د ځواکونو لخوا ووژل شول.

په هرات کې د څوارلسمې امنیتي حوزې قومندان ويلي، چې سړي تښتوونکیو له ۱۲ ناحیې څخه یو پلار او زوی تښتولي او څوارلسمې حوزې ته یې وړي دي.

د څوارلسمې امنیتي حوزې قومندان مولوي جلالي ويلي، چې دا کسان څلور کسان ول، چې د اسلامي امارت له ځواکونو سره په نښتو کې وژل شوي دي.

د چارواکو د څرګندونو له مخې؛ تښتول شوي پلار او زوی دواړه خوشې شوي دي.

Continue Reading

تازه خبرونه

په ننګرهار کې چاودنې اته کسانو ته مرګ و ژوبله اړولې

خپور شوی

په

توسط

(Last Updated On: تله ۳, ۱۴۰۰)

نن سهار شاوخوا اته بجې د جلال آباد ښار د لومړۍ ناحيې اړوند “سراج العمارت ” باغ ته نږدې د اسلامي امارت پر يو موټر د سړک غاړې ماین چاودنه شوې.

د ننګرهار د رسنیو چارواکي چاودنه او په کې مرګ و ژوبله تائيدوي؛ خو وايي؛ تر دې دمه د تلفاتو جزئيات معلوم ندي.

د پېښې عيني شاهدانو ويلي؛ د طالبانو يو نظامي کاروان له سيمې څخه د تېريدو په حال کې و، چې په ګلدان کې د ځاي پرځاى شویو چاودېدونکیو توکو له چاودنې مرګ و ژوبله رامنځته شوې ده.

د ننګرهار د حوزوي روغتون سرچينې وايي، د پېښې له ځايه روغتون ته د يوه امنیتي کس مړى او ” اووه ” ټپيان رالېږدول شوي، چې په ټپيانو کې درې عام وګړي او يو د ښاروالۍ کارکوونکى دي.

تر دې دمه د چاودنې پره چا پر غاړه نده اخیستې.

Continue Reading

تازه خبرونه

امریکا د مرستو د آسانولو لپاره پر افغانستان دوه بندیزه لرې کړل

خپور شوی

په

توسط

(Last Updated On: تله ۳, ۱۴۰۰)

امریکا ویلي، چې د طالبانو تر کنټرول لاندې افغانستان ته د بشري مرستو آسانه تر سره کولو لپاره یې پر افغانستان خپل دوه بندیزه لرې کړي دي.

د امریکا د خزانې وزارت په ډاګه کړې: نادولتي بنسټونه، نړیوالې ټولنې او ملګري ملتونه اجازه لري، چې له اسلامي امارت او حقاني شبکې سره که څه هم تر بندیزونو لاندې دي؛ بیا هم افغانستان ته د بشري مرستو د رسولو لپاره اړیکې ټینګې کړي.

یاد وزارت زیاته کړې، چې دوی افغانستان ته د خواړو، درملو او نورو توکو صادراتو ته هم اجازه ورکوي.

د متحده ایالاتو د خزانې وزارت د بهرنیو شتمنیو کنټرول دفتر رییس ، اندریا ګاسکي ویلي، چې څانګه له مالي بنسټونو، نړیوالو ټولنو او نادولتي بنسټونو سره کار کوي، چې اړمنو خلکو ته د کرنیزو توکو، درملو او نورو توکو لیږدول آسانه کړي.

د خزانې وزارت زیاته کړې، چې دوی د افغانستان خلکو ته د بشردوستانه مرستو او نورو فعالیتونو د ترسره کولو لپاره ژمن دی او لومړنۍ بشري اړتیاوې به یې پوره کړي.

د افغانستان د سوداګرۍ او پانګونې خونه وايي، چې په ډې مواردو کې د خصوصي سکتور نږ دې دوه نیم میلیارده ډالر، چې د افغانستان د حکومت له پیسو سره بندې وې؛ هغې ته هم اجازه ورکړ شوې ده.

د خصوصي سکتور غړي وايي، د دې مواردو په لري کیدو به اوس د هېواد په مارکیټونو کې کمښت رامنځته نشي.

د خصوصي سکتور د خونو د فډراسیون مرستیال خاجان الکوزی وایي: د خصوصي سکتور څه کم دوه میلیارډ ډالر کولی شي د یو معین پرو سیجر له  مخي انتقال پیدا کړې او خصوصي سکتور د امریکا له دې کړنې هرکلی کوي او هغه بنسټونه، چې خیریه بنسټونه دي؛ هغه هم مهم دي.

د خصوصي  سکتور غړي د امریکا له متحده ایالاتو غوښتنه کوي، چې له دوی  سره هغه نوري پیسي، چې ور سره بندې دي؛ آزادې کړي، چې په هېواد کې بېرته اقتصادي فعالیتونه له سره پیل شي.

د چارو پوهان هم د امریکا لخوا روستۍ هڅې ستايي.

اقتصادي کارپوه تاج محمد تلاش ویلي: فکر کوم، چې امریکا هغه سخت بندیزونه او تحریمونه کرار کار لری کړي؛ ځکه، چې د بندیزونو زیان مطلق ولس ته رسېده؛ نو د بندیزو نو له کموالو سره به د هېواد پر اقتصادي نظم مثبت اغېز رامنځته شي.

د خصوصي سکتور غړي د افغانستان له اسلامي امارته غوښتنه کوي، چې د اقتصادي تحریمونو د کمولو لپاره دې له نړیوالې ټولني سره خپلي اړیکې تنظیم کړي، چې هېواد له اقتصادي بحران سره مخ نشي.

ملګرو ملتونو هم ویلي، چې د افغانستان شاوخوا نیمايي خلک بشري مرستو ته اړتیا لري.

دا په داسې حال کې ده، چې افغانستان دا مهال له مخ پر ودې اقتصادي بحران سره مخ دی؛ د خواړو او سوند توکو بیې چټکۍ لوړې شوي او د نغدو پیسو کچه هم راټیټه شوې ده.

Continue Reading

Trending

آریانا نیوز: ټول حقونه خوندي دي