Connect with us

بلخ @ps

په فاریاب کې د ملي اردو کاروان د طالبانو له کمین سره مخ شوی

Ariana News

خپور شوی

 په

(Last Updated On: وږی ۵, ۱۳۹۷)

د شاهین قول اردو چارواکو ویلي، چې نن سهار د فاریاب ولایت په غورماچ ولسوالۍ کې د ملي اردو یو کاروان د طالبانو له کمین سره مخ شوی دی.

سرچینې دا هم ویلي، چې د لومړنیو څرګندونو له مخې په دې پېښه کې د دوه طالب قومندانانو ملا شاولي او ملا قیوم (صداقت) په ګډون ۵۴ طالبان وژل شوي او ۱۵ نور ټپیان دي.

په بلخ کې د ۲۰۹ شاهین قول اردو قومندان امان الله مبین وايي، په پام کې ده، چې غورماچ ولسوالی بیرته بادغیس ولایت ته وسپارل شي.

هغه زیاتوي، دا ځواکونه له غورماچ ولسوالې وتلي او قیصار ولسوالی ته رسیدلي دي.

شاهین قول اردو دا هم ویلي، چې په دې جګړه کې د ملي او امنیتي ځواکونو درې سرتېري وژل شوي او ۵ نور ټپیان دي.

د سرچینې د څرګندونو له مخې؛ یاد کاروان لومړی د یوه ماین چاودنې سره مخ شو، چې په کې یو شمېر موتر ویجاړ شول. وروسته د طالبانو یو لس کسیز ګروپ، چې غوښتل یې د امنیتي ځواکونو یو هاموی او یو ډي سي توپ له سیمې څخه کلي ته وردننه کړي؛ تر هوایي برید لاندې راغلل او ټول وژل شوي دي.

د فاریاب امنیه قومندانۍ ویاند عبدالکریم یورش ویلي، چې د ملي اردو ۳۰۰ کسیز کندک نن سهار د فاریاب ولایت غورماچ ولسولي پریښوده؛ خو تر دې دمه د دغې ولسوالۍ د پریښودو علت څرګند شوی ندي.

د فاریاب ولایتي شورا رییس په ډاګه کړې؛ دغه ملي امنیتي ځواکونه د قیصار ولسوالۍ په اړوند سیمه کې د طالبانو له کمین سره مخ شول، چې په کې دواړو خواوو ته درانده تلفات اوښتي دي.

هغه دغه راز ویلي، چې د امنیتي ځواکونو کاروان د ګواښ له سیمې تېر شوی او قیصار ته رسیدلي دي.

طالب ویاند ذبیح الله مجاهد د دغه کمین د پخلی تر څنګ څرګنده کړې، چې په نښته کې لسګونه سرتېري وژل شوي، یو شمېر وسایط او مهمات یې هم ترلاسه شوي دي.

نوموړي د خپلو تلفاتو په اړه په خپل تویت کې څه نه دي ویلي.

د ملي اردو ځواکونه په داسې وخت کې له غورماچ ولسوالۍ وځي، چې څه موده مخکې په دې ولسوالې کې د افغان سرتېرو چینایي نومی کمپ وسلوالو طالبانو نیولی دی.

بلخ @ps

د آسیا پراختیایي بانک د مزارشریف ګازي برښنا پروژې ته پور ور کوي

Ariana News

خپور شوی

په

توسط

(Last Updated On: غبرګولى ۳۰, ۱۳۹۹)

د آسیا پراختیايي بانک او د افغان برښنا تولیدي شرکت(غضنفر ګروپ) تر منځ د ۱۰ میلیون ډالرو پر ارزښت د پور ورکړه لاسلیک شوه.

د آسیا پراختیايي بانک د څرګندونو له مخې؛ دغه لس میلیون ډالر د پور هغه برخه ده، چې د مزارشریف ګازي برښنا پروژې لپاره د مالي مرستې په توګه په پام کې نیول شوې، چې د کورنیو سرچینو له لارې د دایمي انرژۍ د ترلاسه کولو لپاره وکارول شي.

دا بانک وایي، د افغانستان په خصوصي سکتور کې دا د ګازي برښنا لومړنۍ پروژه ده، چې بودجه یې د مالي پراختیا موسساتو لخوا برابریږي.

د آسیا پراختیايي بانک څرګندوي؛ دا تر ۲۰۳۰ کال پورې د ستراتیژۍ په نوم د بانک د اوږدې مودې بېخبنایي ستراتیژي ده، چې د افغانستان په جنګي حالاتو کې د خصوصي سکتور له لارې ترې ملاتړ کیږي.

دوی په ډاګه کړې: د آسیا پراختیایي بانک ۱۰ میلیون ډالره نوره قرضه، چې خصوصي بېخبنایي صندوق چمتو کړې هم دې پروژې ته منظوروي. دغه اوږدمهاله پور د افغانستان د مزارشریف په اړوند سیمه کې د۵۸.۵۶ میګاولټه ګازي برښنا د باوري کولو لپاره برابریږي.

د دې بانک د اعلامیې له مخې؛ دا پروژه سره له دې، چې طبعیي ګاز کاروي؛ خو ۸۹ میلیون ډالره لګښت پرې راځي، چې د کال ۴۰۴ میګاولټه ګړۍ انرژي به رامنځته کړي.

د آسیا پراختیایي بانک د بېخبنایي چارو مالي مدیرچکربورټي وایي: دا پروژه مونږ ته ډاډ راکوي، چې له طبیعي ګازو څخه د برښنا تولید به نه یوازې په افغانستان کې د وارداتي برښنا کچه راټيټه کړي، بلکې د انرژۍ امنیت هم ورسره خوندي کیږي.

هفه زیاته کړې؛ د دې هېواد بریالي کیدل بازار ته یو اړین پیغام رسوي، چې د افغانستان د برښنا صنعت اوس په خصوصي سکتور کې د پانګې جذبولو ته چمتو شوی دي.

 د افغان برښنا تولیدي شرکت( غضنفرګروپ) مشر اسماعیل غضنفر وایي: دا د غضنفر ګروپ په پلان کې لومړنی ګام دی، چې له نړیوالو پراختیایي بانکونو، سیمه ییزو، نړیوالو شرکتونو او افغان حکومت سره د همکارۍ له لارې په افغانستان کې د ۵۰۰۰ میګا ولټه انرژۍ د تولیدي تاسیساتو په جوړولو کې مرسته کوي.

ویل کیږي، چې افغانستان لږ تر لږه ۷۵ سلنه د اړتیا وړ برښنا انرژي له بهره واردوي.

Continue Reading

بلخ @ps

نږدې ۱۰۰۰ کوترې د دانې کموالي له کبله مړې شوي دي – بلخ

Ariana News

خپور شوی

په

توسط

(Last Updated On: غبرګولى ۲۰, ۱۳۹۹)

د مزار شریف ښار کې د روضې په زیارت کې نږدې زر کوترې د دانې کموالي له کبله تلف شوي دي.

کرونا وبا نه یواځې چې د انسانانو ژوند له ګواښ سره مخ کړی، بلکې مزار شریف ښار کې یې د روضې  کوترو دانه هم پرې کمه کړې، ځکه چې خلک دې ځای ته نه ورځي.

سپینې کوترې چې د آزادي پیبغام رسوي، په مزار شریف ښار کې د هر چا سترګې پرې لګیږي. له کرونا مخکې هره ورځ روضې ته زرګونه کسان ورتلل، او له کوترو یې د لیدنې تر څنګ کوترو ته دانې اچولې.

درې میاشتې کیږي چې د کرونا وبا پراختیا دې ځای ته ورتګ بند کړی دی. همدې چارې د کوترو ژوند له ګواښ سره مخخ کړی، ځکه کوترې دانې نه لري.

د مزار شریف ځینې اوسېدونکي د کرونا وبا له پیلېدو سره سم پر ورځ درې بورۍ غنم او جوار کوترو ته اچوي، وایي، که نور خلک او حکومت دې برخه کې پام ونه کړي، د کوترو حالت به نور هم خراب شي.

د زیارت مسوولین وایي، د روان حالت په اړه یې له سیمه ییزو چارواکو او د ارشا، حج او اوقافو وزارت له مسوولینو سره خبره شریکه کړې، خو تر اوسه یې څېړنه نه ده شوې.

دوي له سوداګرو او خلکو غواړي چې د نورو کوترو د تلف کېدو مخنیوی وکړي.

د کوترو کره شمېره نشته، خو مسوولین وایي، شمېر یې له لس زرو ډېر دی.

Continue Reading

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Ariana News

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading

Trending