Connect with us

تازه خبرونه

په فراه کې ۲۸ وسلوالو طالبانو ته مرګ و ژوبله اوښتې

خپور شوی

 په

(Last Updated On: غبرګولى ۳۱, ۱۳۹۷)

د فراه ولایت پر لویه لار د ناتو او افغان ځواکونو په ځمکنیو او هوایي عملیاتو کې څه نا څه ۲۰ وسلوال طالبان وژل شوي او ۸ نور ټپیان شوي دي.

د فراه امنیتي ځواکونه وسلوالو طالبانو ته له درندو تلفاتو او د هغو د نقلیه وسایطو له ویجاړیدو خبر ورکوي.

د فراه ولایت د امنیه قومندانۍ ویاند محب الله محب ویلي؛  دغو وسلوالو طالبانو غوښتل، چې د بلا بلوک ولسوالۍ په اړوند سیمه کې د افغان ځواکونو پر پوستو بریدونه وکړي؛ خو ولایت ته پر ورغلې لویه لار د افغان او ناتو ځواکونو تر هوایي او ځمکنیو بریدونو لاندې راغلل.

د نوموړي د څرګندونو له مخې؛ په دې بریدونو کې ۲۰ وسلوال طالبان وژل شوي او ۸ نور ټپیان دي.

هغه زیاته کړې، چې په دې عملیاتو کې د طالبانو ۱۵ نقلیه وسایط ، یو شمېر مهمات او وسلې هم له منځه وړل شوي دي.

هغه دا هم وبلي، چې په دې عملیاتو کې امنیتي ځواکونو ته زیان ندی اوښتی.       

دغه راز نوموړی د پولیسو له تجهیز او دغه ولایت ته د ځانګړیو ځواکونو له وررسیدو هم خبر ورکړی دی.

دی څرګندوي، چې د د دغه ولایت په امنیتي کمربندونو کې د ځانګړیو ځواکونو څای پر ځای کیدو نه یوازې د طالبانو د بریدونو مخه نیولې، بلکې وسلوال مخالفان به هم  تر بریدونو لاندې ونیول شي.

له بلې خوا د فراه ولایتي شورا غړي د نښتو او ځاني زیانونو له ‌ډېریدو اندېښمن شوي دي.

د فراه ولایتي شورا غړی داد الله قانع وایي، چې وسلوال طالبان د شپه نیزو لرلیدونو او ۸۲ ملي متره توپونو پر مټ امنیتي پوستې نیسي.

هغه له مرکزي حکومته غواړي، چې د امنیتي ځواکونو تلفاتو ته بشپړه پاملرنه وکړي.

دا په داسې حال کې ده، چې په دې ولایت کې د اختر له درې ورځني اوربند وروسته د طالبانو په پراخو بریدونو کې د حکومت شل سرتېري وژل شوي او یو شمېر نور ټپیان دي؛ خو امنیتي ځواکونه وایي، چې په دغو نښتو کې وسلوالو طالبانو ته هم ځاني زیانونه رسیدلي دي.

خبریال: خوشحال ځلاند

تازه خبرونه

د امریکا او قطر بهرنیو چارو وزیرانو د افغانستان په اړه خبرې وکړې

خپور شوی

په

توسط

(Last Updated On: تله ۲۶, ۱۴۰۰)

د امریکا بهرنیو چارو وزیر انټوني بلینکن د یکشنبې پر ورځ د قطر د بهرنیو چارو له وزیر محمد بن عبدالرحمن ال ثاني سره د افغانستان په اړه خبرې وکړې.

سرچینې پدې اړه نور جزئیات ندي ورکړي؛ خو بلینکن د امریکایي وګړیو او افغانانو د خوندي لیږد پر مهال د قطري چارواکو له مرستې مننه کړې ده.

د اګست پر ۱۵ کله، چې کابل د اسلامي امارت لاس ته ولوید ؛ په زرګونو کسان په دوه اوونیو کې د کابل له هوایي ډګر څخه دوحې ته ولېږدول شول.

دا په داسې حال کې ده، چې قطر په افغانستان کې یو له مهمو لوبغاړیو څخه ګڼل کیږي.

Continue Reading

تازه خبرونه

د افغانستان پولې ته نږدې د روسیې په مشرۍ پوځي روزنه پیل شوې

خپور شوی

په

توسط

(Last Updated On: تله ۲۶, ۱۴۰۰)

رویټرز څرګنده کړې، چې نن دوشنبه د تلې ۲۶ د افغانستان پولې ته نږدې د روسیې په مشرۍ د ډله ییز امنیت تړون ټولنې غړیو په تاجکستان کې پوځي روزنیزې هڅې پیل کړي دي.

دا په داسې حال کې ده، چې په دې وروستیو کې د تاجکستان او د افغانستان اسلامي امارت ترمنځ تاوتریخوالی ورځ تر بلې ډېر شوی دی.

د افغانستان اسلامي امارت تاجکستان د افغانستان په کورنیو چارو کې پر لاسوهنه تورن کړی دی.

پرته له تاجکستان څخه د افغانستان ټول شمالي ګاونډ هېوادونه له افغانستان سره ښې او نیکې اړیکې غواړي.

د روسیې او تاجکستان دفاع وزارتونو زیاته کړې، چې دغه روزنیزې پوځي هڅې د ډله ییز امنیت تړون ټولنې غړیو لخوا پیل شوي، چې په کې ۵۰۰۰ سرتېري ونډه لري او نیمایي یې روسیان دي.

دا پوځي روزنې به شپږ ورځې روانې وي.

رویټرز زیاته کړې، چې روسیه د منځنۍ آسیا هېوادونو ته د افراطي ډلو د نفوذ په اړه اندېښنه لري او دا خپل امنیت ته ګواښ ګڼي.

مسکو، چې په تاجکستان کې پوځي اډه لري؛ دغه هېواد ته ډاډ ورکړی، چې د ګواښونو پر وړاندې به له دوی سره همکاري کوي.

دغه راز ټاکل شوې، چې د اسلامي امارت یو پلاوی، چې مشري یې د افغانستان د لومړي وزیر مرستیال ملا عبدالسلام حنفي کوي؛  د مسکو په ترویکاغونډه کې ګډون وکړي.

د افغانستان لپاره د روسیې د ولسمشر ځانګړي استازي ضمیر کابلوف ویلي؛ په دې ناسته کې به د روسیې، امریکا، چین او پاکستان استازي ګډون وکړي او له دې ناست مخکې به د افغانستان په اړه یو څو ناستې ولري، چې د افغانستان په اړه روښانه دریځ رامنځته شي.

Continue Reading

تازه خبرونه

د تښتیدلي ولسمشر اشرف غني له ۱۰۰ دېر دروغ وشمېرل شول

خپور شوی

په

توسط

(Last Updated On: تله ۲۵, ۱۴۰۰)

خلکو ویلي؛ له هېواده د جمهوریت تښتیدلي ولسمشر د خپلې واکمنۍ پر مهال له سل ډېر دروغ ویلي او له زر ډېرې داسې ژمنې یې افغان ملت ته وړاندې کړي، چې یوه یې هم پلې شوې نده.

افغانان وايي، چې اشرف غني د ولسواکۍ داسې یو ولسمشر و، چې له هېواده پر تېښتې سربېره یې ملت ته ګڼ دروغویلي او غولولی یې دی.

اشرف غني د کمال خان بند د پرانیستې په مراسمو کې ویلي وه، چې افغانستان به په پېنځه کلونو کې پاکستان او هند ته برښنا صادره کړي او په زغرده به  یې ویل، چې له هېواده نه تښتي؛ خو د خلکو د څرګندونو له مخې همدا یې ستر دروغ ول.

خلک وايي، چې اشرف غني له ملت سره سلګونه ژمنې وکړې، چې یوه یې هم عملي نکړه او ولسونه یې تېرېستي دي.

په دې رپوټ کې د اشرف غني د درغو ژمنې په لاندې ډول مستندې شوې دي:

– یو میلیون کاری فرصتونه رامنځته کول؛ خو پېنځه میلیون خلک بې کاره شول.

– د باغیس په سفر کې یې یو کال مخکې په ټولو ولسوالیو کې د یوـ یو مسلکي او تخنیکي ښوونځي جوړول.

– په شپږ میاشتو کې ټولو ښوونکیو ته د یوې نمرې ځمکې ورکول.

– په دوه کلونو کې د هېواد ټولو ولسوالیو ته د برښنا رسول.

– په پېنځه کلونو کې پاکستان او هند ته د برښنا صادرول.

– په هېواد کې د وینې تویېدنې مخه نیول.

– په دوه کلونو کې د  ۶۰۰۰ ښوونځيو جوړول.

– د ملت په دسترخوان کې د مثبت بدلون راوستل او …

د کابل اوسیدونکي محمد مسیح د نوموړي د دروغو په اړه ویلي؛ د اشرف غني ټولې خبرې دروغ وې. د افغانستان خلک یې وغولول. له ملت سره د ژمنو یوه یې هم پلې نکړه.

دغه راز د اشرف غني دې ورته لسګونه نورې له دروغو ډکې ژمنې، چې پلې شوې ندي.

ځينې افغانان وايي؛ اشرف غني د هېواد داسې یو کړتن ولسمشر و، چې له ښکرورو دروغو پرته یې بل څه خپل ولس او خلکو ته وړاندې نکړل. لکه:

که ایران ته یې په یوه ورځ کې د مرمرو قاچاق بند نه کړ، دی به د … زوی وي.

د ښوونکیو لپاره د ۱۵۰۰۰ بلاکونو جوړول.

بي بي ګل غلګنه نده.

د معافیت فرهنګ ختمول.

تر یوه کاله له خپله جیبه دولتي مامورینو ته معاش ورکول.

د کابل ښار یو بل اوسیدونکي روحید نومي ویلي: غني خلک وغولول او له سل دېر دروغ یې وویل او بریالۍ تېښته یې وکړه.

اشرف غني دا هم ویلي، چې په شپږ میاشتو کې به افغانستان پر دوه یمه ترکیه بدلوي او په کابل کې به مترو بس فعالوي.

دغه راز یې د کابل بانک د قضیې د حل کولو او د سلیقوي مقرریو د ختمولو ژمنې هم کړې وې، چې د واکمنۍ تر پایه یې عملي نکړې.

د سولې پر مهال ترې پلرني کور ته د تګ او علمي کار ژمنې هم ترې پاتې شوې.

ویل کیږي، چې نوموړي د دغو دروغو تر څنګ ډېرې نورې ژمنې هم د افغانستان خلکو ته وړاندې کړي، چې یوه یې هم د پلي کېدو له برکته برخمنه نشوه او په پای کې یې تېښته پر پاتې کېدو غوره وګنله.

Continue Reading

Trending

آریانا نیوز: ټول حقونه خوندي دي