Connect with us

تازه خبرونه

په اووه ولایتونو کي د رایو بیا شمېرلو ته چمتوالی پیل شو

Ariana News

خپور شوی

 په

(Last Updated On: December 14, 2019)

د ټاکنو خپلواک کمیسیون په پاتې اووه ولایتونو کې د رایو د شکمنو محلونو د بیا شمېرنې لپاره چمتووالی پیل کړی دی.

په اووه ولایتونو کې د شکمنو محلونو د رایو د بیا شمېرنې د څو اوونیو له ځنډ وروسته د ثبات او همپالنې ډلې مشر داکتر عبدالله عبدالله خپلو پلویانو ته سپارښتنه وکړه، چې په اړوند ولایتونو کې ټاکنو خپلواک کمیسیون ته د رایو د بیا شمېرنې اجازه ورکړي.

د ټاکنو خپلواک کمیسیون هم وايي، چې دوی په پاتې اووه ولایتونو کې د رایو د بیا شمېرنې لپاره چمتووالی پیل کړی دی.

د ټاکنو خپلواک کمیسیون غړي اورنګزیب وايي، چې د دغو ولایتونو د رایو بیا شمېرنه سبا ته پیلیږي او په دوه یا درې ورځو کې به بشپړه شي او وروسته به د ولسمشریزو ټاکنو لومړنۍ پایلې اعلان شي.

د ثبات او همپالنې ډله اوس هم د درې سوه جنجالي رایو پر باطلیدو ټينګار کوي او وايي، چې دا رايې تقلبي دي.

د ثبات او همپالنې ډلې ویاند فریدون خوځون ټینګار کړی، چې د نامعتبرو رایو د باطلولو په اړه د ټاکنیزو شکایتونو کمیسیون پرېکړه باید پلې شي.

د ټاکنیزو شکایتونو کمیسیون مرستیال  محمد رضا فیاض وايي، چې د لومړنیو پایلو له اعلان وروسته به د شکایتونو په اړه خپلې قانوني څېړنې بشپړې او بیا به پرې خپله پرېکړه اعلان کړي.

د ملګرو ملتونو عمومي منشي انتونیو ګوتریش د افغانستان د ټاکنو په اړه ویلي، چې پایلې باید روښانه او د ټولو لپاره د منلو وي.

د نوموړي د څرګندونو له مخې؛ معتبرې ټاکنې، چې د خلکو واقعي اراده تمثیل کړي او پایلې یې ټولو ته د منلو وړ وي، د سوله ییزه افغانستان زیری له ځان سره لري.

 که څه هم په پاتې اووه ولایتونو کې د شکمنو محلونو د رایو د بیا شمېرنې لپاره زمینه برابره شوې؛ خو اوس هم معلومه نده، چې د لومړنیو پایلو او شکایتونو له اعلان او څيړلو وروسته به معترضې ډلې قناعت وکړي او که نه؟

د افغانستان د آزادو او عادلانه ټاکنو د بنسټ مشر یوسف رشید وایي، چې مونږ دا یو پرمختګ بولو او ان شاالله کمیسیونونه به هم د خپلو قوانینو پر پلي کولو کې هڅې وکړي.

دا په داسې حال کې ده، چې ټاکنیزو کمیسیونو د راپورته شویو لانجو د غوڅولو لپاره له ټاکنیزو ډلو او څارونکیو سره دوه مشورتې غونډې درلودې؛ خو له کومې روښانه پایلې پرته پای ته ورسیدې.

تازه خبرونه

په کابل ښار کې له دوه چاودنو درې کسان وژل شوي

Ariana News

خپور شوی

په

توسط

(Last Updated On: January 21, 2021)

د کورنیو چارو وزارت څرګنده کړې، چې پنجشنبې پرماسخوتن د کابل ښار د کوټې سنګي  او دارالامان په اړوند سیمو کې د ملي اردو او شخصي موټرو د طالبانو په برید کې لږ تر لږه درې کسان وژل شوي دي.

دغه راز همهاله د دارالامان په درې لاري کې پر یوه شخصي کرولا د نښلیدونکي ماین چاودنه شوې، چې یو ملکي وګړی یې وژلی او دوه نور ټپیان شوي.

پولیسو دا چاودنه هم تائيد کړې؛ خو د قربانيانو د هويت په اړه يې جزئيات ورنکړل.

دغه دوه پېښې د یو ساعت په دننه کې د ټولنیزو رسنیو وکاروونکیو تر منځ سخته اندېښنه راپورته کړې او د ناامنیو پړه یې پر امنیتي ادارو وراچولې ده.

د فیسبوک کاروونکیو پوښتلي، چې د دې مهال په ګڼه ګوڼه کې څنګه له چاودنې دوه کسان وژل کیدلی شي؟ خو پولیس نشي کولی د چاودنو د عاملینو مخنیوی وکړي.

دا چاودنې له هغې وروسته رامنځته کیږي، چې د اروپا د بشري حقونو سفیرانو په یوه ګډه اعلامیه کې د افغانستان پر ملکي وګړیو د چاودنو غندنه وکړه.

دوی ویلي، چې د پام وړ تلفات د طالبانو او بېلابېلو تروریستي سازمانونو لخوا ملکي وګړیو ته اوښتي دي.

د دوی د څرګندونو له مخې؛ د بشري حقونو د مدافعینو، قاضیانو، ژورنالیستانو، د رسنیو د کارمندانو او د مدني ټولنې د مخکښانو موخه ییزې وژنې د منلو وړ ندي.

دوی د حساب ورلونې او د ټولو بریدونو د بشپړې څېړنې او پلټنې غوښتنه وکړه او زیاتوي، چې ټول مجرمین باید محاکمه شي.

په کابل کې د موخه ییزو وژنو له زیاتوالي وروسته د ولسمشر اشرف غني لومړي مرستیال امرالله صالح ویلي؛ هغه مجرمین، چې نیول شوي باید اعدام شي.

د بندیانو د اعدام په اړه د امرالله صالح څرګندونو ته په غبرګون کې طالبانو خبرداری ورکړی که د دوی بندیان اعدام شي؛ نو دوی به یې غچ واخلي.

د طالبانو ویاند ویلي؛ ټول طالب بندیان، چې د افغان حکومت د محکمو لخوا پر مرګ محکوم شوي؛ د خوشې شویو ۵۰۰۰ بندیانو پرته له نورو بندیانو سره بد چلند به د سولې بهیر ته زیان ورسوي.

Continue Reading

تازه خبرونه

د افغانستان د بحران د حل لپاره به نړیواله تاریخي ناسته راوغوښتل شي

Ariana News

خپور شوی

په

توسط

(Last Updated On: January 21, 2021)

د اسلامي نړۍ د اړیکو مشر محمد بن عبدالکریم عیسی د پنجشنبې پر ورځ( د سلواغې ۲) د افغانستان د بهرنیو چارو وزیر حنیف اتمر سره په لیدنه کې نوموړي ته ډاډ څرګند کړ، چې د افغانستان روان کړکېچ  ته د حل لارې د موندلو لپاره به د اسلامي نړۍ نومیالي دیني عالمان او شخصیتونه راټول او یو تاریخي کنفرانس جوړ شي.

سعودي عربستان ته په درې ورځني رسمي سفر کې اتمر او شیخ ال عیسی په افغانستان کې د وینو تویېدو او تلپاتې سولې او همدارنګه د افراطیت او تروریزم پر وړاندې د مبارزې پر لارو چارو بحث او خبرې کړې دي.

د بهرنیو چاروزارت د څرګندونو له مخې؛ دواړو لوریو د افغانستان پر روان حالت په ځانګړي توګه په افغانستان کې د وینې توئیدنې د درېدو، د سولې ټینګښت، له ترهګرۍ او بنسټ پالنې سره د مبارزې او د اسلامي نړۍ د دیني عالمانو د رول په اړه هر اړخیزبحث او خبرې وکړې.

د بهرنیو چارو وزیر په افغانستان کې کرکې ، جنګ او وحشت ته په نغوته کې څرګنده کړې؛ نه یوازې دوی له اسلامي عقیدې او لارښوونو سره تضاد لري، بلکې له هیڅ مذهب او دین سره جوړ ندي.

هغه دا هم ویلي، چې د بېلابېلو هېوادونو او سازمانونو افراطیان د ځانګړیو اهدافو د تر سره کولو لپاره افغانستان د مسلمانانو د جګړې پر ډګر( دارالحرب) بدل کړی.

حنیف اتمر زیاته کړې؛ له اوسنۍ روانې ناروا جګړې څخه د افغانستان ژغورل په حقیقت کې له تاوتریخوالي، نړیوال تروریزم او د مخ پر وده بنسټپالنې څخه د اسلامي نړۍ او انساني ټولنې ژغورل دي.

هغه په ډاګه کړې: د سولې بهیر له لارې مونږ غواړو، چې طالبان په سیمه کې له نورو بهرنیو افراطي ډلو رابېل شي او په خپل هېواد کې سوله ییز او سیاسي ژوند ته راستانه شي.

د بهرنیو چارو وزارت په خبرپاڼه کې راغلي، چې اتمر د اسلامي نړۍ د همکارۍ غوښتنه وکړه.

شیخ عیسی ډاډ څرګند کړی، چې جرم او تروریزم په اسلام کې هیڅ ځای نلري او جنایي او تروریستي اعمال باید اسلام ته منسوب نشي.

هغه زیاته کړې: دا زمونږ مسوولیت دی، چې په افغانستان کې د جګړې د پای ته رسولو او د سولې په خوندي کولو کې مرسته او همکاري وکړو.

شیخ عیسی ژمنه وکړه چې په نږدې راتلونکي کې به د اسلامي نړۍ نفوذ لرونکي عالمان، مفکرین، پوهان او مفتیان سره راټول او د افغانستان کړکېچ ته بنسټیزه حللاره ومومي.

د اسلامي نړۍ د اړیکو مشر څرګنده کړې، چې د کنفرانس پایله باید تاریخي او پرېکنده وي. د کنفرانس د پرېکړو او پایلو د څارنې او پلي کولو لپاره به ځانګړی میکانیزم په نظر کې ونیول شي او د دې لپاره، چې کنفرانس ټولګډونه او ډاډمن شي؛ طالبانو ته به هم بلنه ورکړو، چې په دې ستر تاریخي او دیني کنفرانس کې ګډون وکړي.

Continue Reading

تازه خبرونه

وسلوالو طالبانو په بدخشان ولایت کې له پاڅونوالو یو شمېر کلي نیولي

Ariana News

خپور شوی

په

توسط

(Last Updated On: January 21, 2021)

د بدخشان ولایت د ارګو ولسوالۍ پر ځینو برخو د وسلوالو طالبانو په برید کې یو شمېر کلي د سیمه ییزو ځواکونو له واکه وتلي دي.

د بدخشان د پولیسو ویاند ثناالله روحاني منلې، چې په ارګو ولسوالۍ کې پېنځه کلي، چې تازه تر څارنې لاندې راغلي وه او سیمه ییزو پاڅونوالو ترې ساتنه کوله؛ پرون بیا د طالبانو لاس ته لویدلي دي.

ثنا الله روحاني زیاته کړې؛ د افغان ځواکونو او طالبانو تر منځ په نښتو کې دوه پاڅونوال وژل شوي او د یوه پولیس په ګډون درې نور ټپیان دي.

هغه دا هم ویلي، چې امنیتي ځواکونو د ولسوالۍ مرکز ته شاتګ کړی دی.

دغه راز طالبانو ویلي، چې تېره شپه په ارګو ولسوالۍ کې یو ملکي وګړی د افغان ځواکونو لخوا وژل شوی دی.

ځايي چارواکو تر دې دمه پدې اړه څه ندي ویلي.

Continue Reading

Trending

آریانا نیوز. کلیه حقوق محفوظ است