Connect with us

تازه خبرونه

په حکومت کې د فساد سترې دوسیې څېړل شوې ندي

Ariana News

خپور شوی

 په

(Last Updated On: December 10, 2019)

د افغانستان رونټیا څار بنسټ څرګنده کړې، چې د پخواني او د اوسني حکومت د وزیرانو دوسیې څېړل شوې ندي او دغه راز د مالي بودیجې په ځانګړي توګه په ۹۱ اختیارې کود کې، چې کومې غلاوې شوي هم له پاملرنې پاتې دي.

ولسمشر اشرف غني د فساد پر وړاندې د جهاد له اعلانولو سره سمه خپله حکومتداري پیل کړه؛ پېنځه کاله وروسته اوس هم د فساد سترې دوسیې څېړل شوې ندي او یا که څېړل شوي نیمګړې پاتې دي. لکه د کابل بانک دوسیه، چې د تېر حکومت د وزیرانو د فساد دوسیې او د افغانستان د روڼټیا څار په وینا هغه دوسیې، چې د اوسنيو وزیرانو پر ضد پرانیستل شوي؛ خو تراوسه څېړل شوې ندي.

د افغانستان رونټیا څار بنسټ اجرائیه مشر اکرام افضلي زیاته کړې، چې د حکومت د فساد ضد اکثره اقدامات د کاغذ کې پر مخ پاتې دي.

نیوکې دا دي چې حکومت د افغانستان له مالي بودیجې څخه د سلګونه میلیون افغانیو د ورکیدو اسناد ندي وړاندې کړي.

په ولسي جرګه کې د کابل استازي رمضان بشردوست زیاته کړې؛ سلګونه میلیون افغانۍ له بودیجې څخه په ځانګړي توګه له ۹۱ اختیارې کود څخه، چې د کارولو واک یې ولسمشر لري، لګول شوي؛ خو حکومت د پیسو د ملګښت پر څرنګوالي سند نه وړاندې کوي.

د لویې څارنوالۍ ویاند جمشید رسولي ویلي د فساد سترو او وړو قضیو ته پاملرنه شوې؛ خو په وینا یې په مالي او تدارکاتي دوسیو کې څېړنه وخت غواړي او یو شمېر لویې دوسیې څېړل شوې ندي.

که څه هم حکومت ویلي، چې له فساد سره یي جدي مبارزه پیل کړې؛ خو د افغانستان روڼتیا څار څرګنده کړې، چې اوس هم سلګونه دوسیې ندي څېړل شوي او د حکومت د فساد ضد اقدامات ډیري د کاغذ پر مخ پاتې شوې دي.

تازه خبرونه

په خوست کې ۹ ساعته وسلوال برید د لس بریدګرو په وژل کیدو پای ته رسیدلی

Ariana News

خپور شوی

په

توسط

(Last Updated On: October 27, 2020)

په خوست ولایت کې د پولیسو ځانګړیو ځواکونو پر مرکز سهارني موتر بم برید له ۵ پولیسو ژوند اخیستی او د ۱۰ ملکي وګړیو په ګډون ۳۵ نور ټپیان دي.

 کورنیو چارو وزارت ویاند طارق آرین څرګنده کړې، چې نن سې شنبه سهار سهار مهال د خوست ولایت د ځانګړیو پولیسو مرکز ته نږدې موتر بم چاودنه او نښته رامنځته شوې ده.

نوموړي زیاته کړې، چې مرکز ته د بریدګرو د وردننه کیدو مخنیوی شوی دی.

اوس د خوست امنیتي چارواکو وروسته له ۹ ګړیو خبر ورکړ، چې برید د بریدګرو په وژل کیدو پای ته رسیدلی دی.

د خوست امنيه قومندان مل پاسوال غلام داود تره خېل ویلي؛ بريدګر لس کسان ول، چې درې کسانو یې ځانونو ته چاودنه ورکړې او اووه نور له افغان ځواکونو سره په جګړه کې ووژل شول.

 تره خېل زياتوي، چې په دې بريد کې د پوليسو د ځانګړې قطعې ۵ پولیس وژل شوي او د لس ملکي وګړی په ګډون ۲۵ نور ټپيان دي.

د خوست والي ویاند طالب منګل ویلي، چې په خوست کې د پولیسو د ځانګړي قطعې پر دیوال د موتر بم چاودنه شوې ده.

هغه زیاته کړه، چې امنیتي ځواکونو د پیښې ځای ته نږدې یو بل موتر بم  شنډ او له منځه وړی دی.

تر دې دمه د پېښې مسوولیت ته هیچا غاړه نده ایښې ا؛ خو امنیه قومندان داود یې پړه پر حقاني شبکې وراچوي، چې مشر یې د طالبانو مرستیال دی. 

Continue Reading

تازه خبرونه

په کابل کې له دوه چاودنو درې کسان وژل شوي او یوولس نور ټپیان دي

Ariana News

خپور شوی

په

توسط

(Last Updated On: October 27, 2020)

نن له غرمې وروسته د کابل ښار د لسمې حوزې د چهار قلای وزیرآباد په اړوند سیمه کې نښلیدونکي ماین چاودنې درې ملکي وګړي وژلي او لس نور ټپیان دي.

دغه راز پر موتر سایکل سپرو وسلوالو غلو د کابل ښار د درېیمې امنیتي حوزې د پل سرخ په اړوند سیمه کې له یوه صراف څخه درې میلیون او پېنځه سوه زره افغانۍ د خلکو په مخ کې چور کړې او صراف یې پر ډزو  ټپي کړ.

د سې شنبې له غرمې وروسته د کابل ښار د لسمې حوزې د چهار قلای وزیرآباد په سیمه کې د مقناطیسي ماین چاودنې درې تنه ووژل او لس نور ټپیان کړل. ټول وژل شوي او ټپیان ملکیان دي.

د کابل والي محمد یعقوب حیدري ویلي، که پولیس دې پېښې ته پاملرنه نه وي کړې، باید وپوښتل شي.

نږدې یوه اوونۍ کیږي، چې د ولسمشر لومړي مرستیال د کابل د امنیت ساتنې مسوولیت پر غاړه اخیستی  او د کابل په بېلابېلو سیمو کې یې تر څارنې لاندې کسانو انځورونه ځړولي او له خلکو غوښتنه شوې، چې له امنیتي ځواکونو سره د دوي په نیولو کې همکاري وکړي.

Continue Reading

تازه خبرونه

د ۲۰۲۰ کال په لومړیو ۹ میاشتو کې ۵۹۳۹ ملکي وګړي زیانمن شوي – یوناما

Ariana News

خپور شوی

په

توسط

(Last Updated On: October 27, 2020)

په افغانستان کې د ملګرو ملتونو مرستندویه پلاوي (یوناما)په یوه نوي راپور کې، چې د سې شنبې پر ورځ خپور شو په ډاګه شوي، چې د سږکال په لومړیو ۹ میاشتو کې د ملکي تلفاتو شمېر د تېر کال د ورته مودې په پرتله شاوخوا ۳۰ سلنه راټیټه شوې؛ خو دا، چې ملکي وګړیو ته په کې زیان اوښتی؛ غونی ځیږوونکې ده.

یوناما پخپل وروستي درې میاشتني راپور کې څرګنده کړې؛ د جنورۍ له لومړۍ د سپتمبر ۲۰۲۰ پورې ۵۹۳۹ ملکي وګړي ځاني زیانم شوي؛ ۲۱۱۷ وژل شوي او ۳۸۲۲ نور ترې ټپیان دي.

یاد مامریت په خپل وروستي راپور کې ښيي: د تاوتریخوالي لوړې کچې پر ملکي وګړیو ویجاړونکې اغېزې کړي او افغانستان د نړۍ ترټولو وژونکې سیمه پاتې شوې ده.

یوناما ویلي؛ پداسې حال کې، چې د ملکي تلفاتو شمېر د ۲۰۱۲ کال په لومړیو نهو میاشتو کې ترټولو ټیټه ده، خو ملکي وګړیو ته زیان رسول ټکان ورکوونکی پاتې دی.

یوناما یوځل بیا د جګړو له اړخونو، چې تاوتریخوالی پای ته ورسوي. دوی ویل، چې ښکېلې خواوې کولی شي د تاوتریخوالي کچه ډېره راټیټه او د ملکي زیانونو مخه ونیسي.

 یوناما په ګوته کړې؛ د ملکي تلفاتو په مستند شمېر کې کوم کمښت ندی راغلی، چې د سولې په اوسنيو خبرو کې د ښکیلو خواوو له امله رامنځته شوي؛ ځکه، چې په سپتمبر کې یې د افغانانو ترمنځ خبرې پیل شوې دي.

یوناما په هلمند کې د جګړې د شدت په اړه خپله اندېښنه راپورته کوي او وایي؛ په ننګرهار، لغمان او غور کې بریدونه شوي او په تخار کې هوایی برید  او یو ځانمرګي برید، چې د کابل د کوثر ښوونیز مرکز زدکوونکیو تر سره شوي، چې په دغو بریدونو کې له ۴۰۰ ډېر ملکیان مړه او ټپیان دي.

په دغه برید کې، چې د کوثر ښوونځي پر زدکوونکیو تر سره شوی ۳۰ زدکوونکې وژل شوي او ۷۰ نور ټپیان دي.

د دغه برید ډېري قربانیان هغه ردکوونکي دی، چې له اطرافي سیمو د کانکور آزموینې لپاره یې زدکړې تر سره کولې.

د یوناما راپور ښيي، چې د تېرو ۹ میاشتو د زیانونو ۳۱ سلنه ماشومان او ۱۳ سلنه ښځې دي.

په دې راپور کې د ۵۸ سلنې ملکي تلفاتو پړه پر وسلوالو مخالفانو اچول شوې ده.

دغه راپور په تېرو ۶ میاشتو کې د طالبانو لخوا د مرګ و ژوبلې ډېروالی ښيي؛ خو د دوی لخوا اوس د ملکي تلفاتو په رامنځته کولو کې ۳۲ سلنه لږوالی راغلی دی.

په دې ګزارش کې راغلي؛ ملکي زیانونه په ناپېژاندو بریدونو کې زیاتوالی ښيي؛ خو د داعش په بریدونو کې کموالی راغلی دی.

ملګرو ملتونو د ۲۸ سلنې ځاني زیانونو پړه پر دولت پلوه ځواکونو اچوي، چې د تلفاتو په کچه کې یې ۳۴ سلنه کموالی راغلی دی.

د دغه راپور په پای کې ملګرو ملتونو ویلي؛ چې د حکومتي ځواکونو پر هوایي بریدونو د ملکي وګړیو په ځاني زیانونو کې ۷۰ سلنه ډېروالی راغلی دی.

  دا په داسې حال کې ده، چې لږ تر لږه په ۲۰ ولایتونو کې د حکومتي ځواکونو او طالبانو تر منځ جګړه روانه ده، چې عام وګړي په کې زیانمن کیږي او طالبانو د یوناما راپور ته په نغوته کې ویلي، چې د یوناما خپور شوی راپور د حکومتي سرچینو له معلوماتو  جوړ شوی، چې رښتینې بڼه نلري او  ځاني زیانونه د حکومتي ځواکونو په هوایي او ځمکنیو بریدونو کې ډېر رامنځته شوي دي.

Continue Reading
Advertisement

Trending