Connect with us

تازه خبرونه

له خلیلزاد سره یوې نوې او څرګندې کاري هوکړې ته رسیدلي یو- اشرف غني

Ariana News

خپور شوی

 په

(Last Updated On: سلواغه ۲۹, ۱۳۹۷)

د افغانستان ولسمشر اشرف غني او د افغانستان د سولې لپاره د امریکا ځانګړی استازی زلمی خلیلزاد د سولې د خبرو په اړه یوې نوې او څرګندې کاري هوکړې ته رسیدلي دي.

ولسمشرۍ په ډاګه کړې، چې د افغانستان ولسمشر اشرف غني پرون ماښام د افغانستان د سولې لپاره د امریکا د بهرنیو چارو وزارت ځانګړي استازي داکتر زلمي خلیلزاد سره د افغانستان د سولې په اړه وکتل.

د ولسمشرۍ د خبرپاڼې له مخې؛ په دې کتنه کې، چې په دلګشاه ماڼۍ کې وشوه، د سولې د مشورتي بورد غړیو، د مذاکره کوونکي پلاوي یو شمېر غړیو، ځینې سیاسي شخصیتونو او د سیاسي ګوندونو استازیو، د مدني ټولنې غړیو، د علماوو، ځوانانو، ښځو، خصوصي سکتور او ملي شورا یو شمېر استازیو او ځینې لوړپوړیو دولتي مقاماتو حضور درلود.

په خبرپاڼه کې راغلي، چې ولسمشر غني د ناستې ګډونوالو ته څرګنده کړې، چې: مونږ له داکتر خلیلزاد سره د کار پر نوې او واضح طریقې هوکړې ته رسیدلي یو، چې د هغې په چوکات کې معلومات وړاندې او د مشخصې اجنډا په اړه  به دوامدارې مشورې او د هغو په رڼا کې به اقدام کیږي.

ولسمشر زیاته کړې، چې د سولې په اړه سیمه ییز، نړیوال، اسلامي او ملي چاپېریال ته د پاملرنې له مخې ډېرو بحثونو ته اړتیا ده، چې یو چوکات جوړ او شته اجماع  پیاوړې شي. دغه راز په ځینو مواردو کې، چې اجماع نشته، اجماع دې رامنځته شي.

ولسمشر غني دا ټینګار هم وړاندې کړی، چې: طالبان دې له پاکستان او پاکستان دې له طالبانو سره خپلې اړیکې واضح کړي، چې پر کوم اساس استوارې دي، دغه راز له تروریستي شبکو، جرمي او حرام  اقتصاد سره دې د طالبانو اړیکې ښکاره شي.

دغه راز ولسمشر په دې ناسته کې د لومړي ځل لپاره په راتلونکیو ورځو کې د هېواد د ۳۴ ولایتونو د ښځو له مشورتي جرګې هم خبر ورکړ.

د افغانستان د سولې لپاره د امریکا د بهرنیو چارو وزارت ځانګړي استازي داکتر زلمي خلیلزاد ویلي؛ د امریکا موخه له افغانستان سره په بېلابېلو برخو کې د ګډو همکاریو ترڅنګ له د‌ډيپلوماتیکو لارو په افغانستان کې د تلپاتې سولې لپاره د هڅو زیاتوالی دی، چې د دواړو هېوادونو ګټې خوندي او د جګړې لګښت کم شي.

خبرپاڼې څرګنده کړې، چې داکتر خلیلزاد ویلي؛ مونږ د افغان حکومت او افغانانو پر محوریت په افغانستان کې د سولې لپاره جدي یو؛ خو داسې تلپاتې او پایداره سوله غواړو، چې په کې ټول ارزښتونه خوندي او څلوېښت کلن بحران پای ومومي.

ښاغلي خلیلزاد د سولې په بهیر کې د سیمې ارزښت ته په نغوته کې ویلي، چې مونږ د سولې په لټه کې یو؛ ځکه زمونږ موخه د جګړې ختمول دي او د هر ډول سولې پلوي هم نه یو.

د یادونې ده، چې ښاغلي خلیلزاد د افغانستان د سولې لپاره ۱۸ ورځنی سفر پیل کړی او د طالبانو او امریکایي پلاوو تر منځ د خبرو بل پړاو به د فبرورۍ پر ۲۵ د قطر په دوحه کې رامنځته شي.

تازه خبرونه

ملي اردو په تېرو ۶ میاشتو کې له ۴۰۰۰ ډېر ماینونه کشف او شنډ کړي- دفاع وزارت

Ariana News

خپور شوی

په

توسط

(Last Updated On: وږی ۳۰, ۱۳۹۹)

هېواد ملي دفاع وزارت ویلي؛ د طالبانو د روان ۱۳۹۹ لمریز لیږدیز کال په شپږ میاشتو کې ۴۷۷۶ ماینونه د خلکو د استوګنو سیمو ته نږدې او د هېواد د یو شمېر ولایتونو د لویو لارو په اوږدو کې ځای پر ځای کړي وه، چې د هېواد ملي، دفاعي او امنیتي ځواکونو کشف او شنډ کړي دي.

د افغانستان دفاع وزارت څرګنده کړې، چې طالبانو د لویو لارو په اوږدو کې له چاودیدونکیو توکو څخه په ګټه پورته کولو تل زمونږ هېوادوالو ته زیان رسولی؛ خو ملي، دفاعي او امنیتي ځواکونو کشف او شنډ کړي دي.

دفاع وزارت دا هم په ډاګه کړې، چې طالبانو د چاودیدونکیو توکو او ماینونو پر چاودنو نه یوازې ملکي وګړي زیانمن کړي، بلکې په یو شمېر ولایتونو کې یې عمومي لارې، څلور لارې او د هېواد بېخبناوې هم ویجاړې کړي دي.

دفاع وزارت وایي، چې د ۱۳۹۹ کال په شپږ میاشتو کې د ۴۷۷۶ ماینونو پر کشف او شنډولو سره سربېره د سلګونه کیلو متره لارو, پلونو او پلچکونو د زیان او ویجاړۍ مخه هم نیول شوې ده.

ویل کیږي، چې د قطر په دوحه کې د حکومت او طالبانو د پلاوو ترمنځ د خپلمنځي خبرو له پیلیدو سره سم د ښکېلو خواوو لخوا عامو خلکو ته د زیان رسولو او تاوتریخوالي کچه لوړه شوې ده.

Continue Reading

تازه خبرونه

ولسمشر غني په بامیان ولایت کې د حکومت د رهبرۍ ځانګړې امنیتي ناسته ترسره کړه

Ariana News

خپور شوی

په

توسط

(Last Updated On: وږی ۳۰, ۱۳۹۹)

ولسمشر اشرف غني نن سهار د یو لوړپوړي حکومتي پلاوي په مشرۍ د بامیان ولایت د عمومي وضعیت د ارزولو په موخه یاد ولایت ته سفر وکړ. 

په دغه سفر کې د ولسمشر لومړي مرستیال امرالله صالح، د جمهوري ریاست دوه یم مرستیال استاد سرور دانش، د ملي امنیت سلاکار داکتر حمدالله محب او یو شمېر نور لوړپوړي امنیتي چارواکي د ولسمشر متلیا کړې ده.

ولسمشر اشرف غني او ورسره مل پلاوي ته په شهید مزاري هوایي ډګر کې د بامیان والي، ټولو سیمه ییزو مسوولینو او د ولایتي شورا غړیو هرکلی کړی دی.

وروسته د حکومت د رهبرۍ ځانګړې امنیتي ناسته، چې په کې د ملي امنیت سلاکار او د امنیتي سکتور مسوولینو حضور درلود، جوړه شوه.

په دې غونډه کې د هېواد عمومي امنیتي وضعیت وارزول شو او پر امنیتي پلانونو، عملیاتو، د دښمن د ګواښونو د دفع کولو، د امنیتي او دفاعي ارګانونو پر شته ننګونو او وړتیاوو بحث او خبرې وشوې.

د امنیتي او دفاعي ارګانونو مسوولینو د ځواکونو د ځای پرځای کولو په اړه خپل راپورونه وړاندې کړل او د ولسوالیو په سطحه یې د حکومتولۍ د پراختیا او د لازیاتو خدمتونو وړاندې کولو غوښتنه وکړه.

ولسمشر اشرف غني پر امنیتي او دفاعي لومړیتوبونو د ټینګار تر څنګ ویلي، چې د خلکو ساتنې او د انکشافي پروژو امنیت ته دې جدي پاملرنه وشي او د امنیتي او دفاعي ارګانونو انکشافي او اصلاحي برنامې دې پلې شي.

 نوموړي همدا راز د لویو لارو د امنیت پر خوندي کولو، د دښمن د اخاذیو پر مخنیوي او په امنیه قومندانیو کې د وړتیا او معیار پر بنسټ پر بدلونونو له ټینګار سره – سره څرګنده کړې: هغه امنیتي او دفاعي منسوبین دې تقدیر شي، چې په خپلو هڅو کې یې له ځانه وړتیا ښودلې ده.

Continue Reading

تازه خبرونه

په هند کې پر کرونا د اخته کسانو شمېر ۵.۴ میلیون څخه پورته شو

Ariana News

خپور شوی

په

توسط

(Last Updated On: وږی ۳۰, ۱۳۹۹)

په هند کې د کرونا ویروس ۹۲۶۰۵ نوې مثبتې پېښې ثبت شوي، چې ورسره پر دې ناروغۍ د اخته کسانو ټول شمېر له ۵.۴ میلیون ډېر شوی دی.

هندوستان د روان کال له اګست راپدیخوا هره ورځ د دغې ناروغۍ د مثبتو پېښو له ډېریدو خبر ورکړی دی.

د هند روغتیا وزارت د څرګندونو له مخې؛ په تېرو څلیریشت ګړیو کې ۱۱۱۳ کسان له کرونا ویروسه مړه شوي دي، چې له دې سره د مړو ټول شمېر ۸۶۷۵۲ کسانو ته رسیدلی دی.

د هند یو حکومتي ساینس پوه بي بي سي ته ویلي، چې په ټول هېواد کې د کرونا ناروغي مخ په ډېریدو ده.

له ۱۷۰ ورځو راپدیخوا په هند کې پر کرونا ویروس د اخته کسانو شمېر یو میلیون ته لوړ شوی؛ خو په وروستیو ۱۱ ورځو کې یو میلیون مثبتې پېښې ثبت شوې دي.

بي بي سي راپور ورکړی، چې تر دې دمه په هندوستان کې له ۵۰ میلیون د ډېرو خلکو د کرونا ویروس پېښې کتل شوي او هره ورځ له یو میلیون ډېرې بېلګې په دغه هېواد کې کتل کیږي؛ خو اوس هم په نړۍ کې دا ټیټ ثبت شوی شمېر ګڼل کیږي.

د راپورونو له مخې؛ اپیدمیولوژیسټانو ویلي، چې په هند کې پر کرونا ویروس د اخته کسانو شمېر له دې ډېر لوړ دی.

Continue Reading

Trending