Connect with us

تازه خبرونه

له امنیتي تړون سره مخالفت به افغانستان زیانمن کړي- افغان سیاستوال

Ariana News

خپور شوی

 په

(Last Updated On: وږی ۲۵, ۱۳۹۷)

یو شمېر افغان سیاستوال وايي، چې د کابل ـ واشنګتن د امنیتي تړون بیا ارزونه او یا هم لغوه کول به افغانستان ته سخت زیان واړوي.

نړیوال او امریکايي سرتېري له یوې نیمي لسیزې ډېر په افغانستان کې دي او نړیوالو له دوه زره لومړي کال را وروسته د افغان امنیتي ځواکونو بنسټ کيښود او له افغانستان سره یې په بېلا بېلو برخو کې میلیاردونه دالر مرسته وکړه؛ ښوونځي پرانیستل شول، سلګونه کیلومتره سړکونه پاخه شول او د پولیسو جوړښت رامنځته شو. اوس هم افغانستان پخپلو پښو نه دی ولاړ او د خپلو ځواکونو کلنی لګښت، چې څلور میلیارد دالره کیږي، د امریکا او نړیوالو مرستندویانو په غاړه دی.

پوځي کارپوهان وايي، که امریکايي سرتېري له افغانستان څخه ووځي؛ نو ستونزمنه به وي، چې د افغان ځواکونو لګښتونه پوره شي.

پوځي کارپوه جاوید کوهستانی وایي، چې د امنیتي تړون په اړه باید یو نوی حکومت پرېکړه وکړي. په اوسني وخت که د دغه تړون د ارزونې او لغوه کولو نه وخت لرو او نه ممکنه ده؛ ځکه دواړه کاره د افغانستان د خلکو پر زیان دي.

د ملي امنیت شورا پخواني سلاکار حنیف اتمر له امریکا سره د افغانستان امنیتي تړون لاسلیک کړ؛ خو اوس هغه کسان هم د دغه تړون مخالفت کوي، چې یو وخت یې په لاسلیکولو سخت ټينګار کاوه او د بیا ارزونې غوښتنه یې کوي.

سیاسي کارپوهان وایي، چې امنیتي تړون د افغانستان لپاره ګټور دی؛ خو که د دوی په وینا افغان حکومت وکولی شي، دغه تړون ته عملي بڼه ورکړي.

سیاسي کارپوه احمد سعیدي وایي، د امنیتي تړون په بدل کې امریکایانو د ټولو امنیتي ځواکونو لګښتونه ته غاړه ایښې او له دې پرته بل بدیل هم نلرو.

د کابل واشنګتن امنیتي تړون که څه هم د هوايي ځواک په برخه کې د افغان پوځ اړتیاوې یو څه راکمې کړي؛ خو له افغانستان څخه د جګړې لمن نده ټوله شوې او جګړه د پراخیدو په حال کې ده.

د افغانستان د ملي مشارکت ګوند رييس نجیب الله کابلی وایي، چې امریکا باید افغان ملي او دفاعي ځواکونه نور هم تجهیز او پیاوړي کړي.

اوس په افغانستان کې شاو خوا څوارلس زره امریکايي او څو زره نور د ناتو سرتېري پراته دي، چې د وسلوالو طالبانو او نورو سخت دریځو ډلو په ضد مبارزه کې له افغان ځواکونو سره د مرستې، همکارۍ او ملاتړ دنده تر سره کوي.

خبریال: باعث حیات

تازه خبرونه

د ملګرو ملتونو امنیت شورا د افغانانو له خپلمنځي خبرو هرکلی څرګند کړ

Ariana News

خپور شوی

په

توسط

(Last Updated On: وږی ۲۸, ۱۳۹۹)

د ملګرو ملتونو امنیت شورا د افغانانو د خپلمنځي خبرو له پیل کیدو هرکلی کړی دی،

امنیت شورا په یوه اعلامیه کې د افغانستان حاکمیت، خپلواکي، ځمکنی بشپړتیا او ملي یووالي ته خپله پوره  ژمنتیا بیا ډاډمنه کړه.

په خبرپاڼه کې راغلي: تلپاتې سوله یوازې د افغانانو په مشرۍ د یو هراړخیز بهیر له لارې ترلاسه کیدلی شي، چې موخه ترې د دوامداره او هر اړخیز اوربند ترلاسه کول او په افغانستان کې د جګړې پای ته رسولو لپاره یوه هراړخیزه سیاسي هوکړه ده.

د امنیت شورا غړیو هم په مذاکره کوونکیو غږ وکړ، چې نه یوازې د باور رامنځته کولو لپاره ګامونه واخلي، بلکې تاوتریخوالی کم او په ښه نیت هڅې تر سره کړي.

د امنیت شورا غړیو په افغانستان کې د سولې او ثبات په وده کې د ملګرو ملتونو د رول پر اهمیت ټینګار وکړ او د افغانانو تر منځ د خبرو اترو د آسانه کولو او د سولې له بهیر سره د مرستې لپاره د افغانستان د ټولو سیمه ییزو او نړیوالو همکارانو له هڅو هرکلی وکړ.

Continue Reading

تازه خبرونه

پاکستان له افغانستان سره ۱۲ سرحدي بازارونه جوړوي

Ariana News

خپور شوی

په

توسط

(Last Updated On: وږی ۲۸, ۱۳۹۹)

پاکستان له افغانستان او ایران سره د خپلو پولو په اوږدو کې ۱۸ بازارونه جوړوي.

د پاکستان حکومت ویلي، چې د بازارونو له جوړولو موخه د درې واړو هېوادونو ترمنځ د سوداګرۍ وده او د قاچاقي توکو مخنیوی دی.

دا پرېکړه تېره ورځ د پاکستان د لومړي وزیر عمران خان په مشرۍ په یوه ناسته کې رامنځته شوې ده.

د عمران خان د دفتر په یوه څرګندونه کې راغلي: په دې ناسته کې ویل شوي، چې له افغانستان سره د پولې په اوږدو کې ۱۲ او له ایران سره پولې ته نږدې به شپږ بازارونه جوړ شي.

د یاد دفتر د څرګندونو له مخې؛ لومړي وزیرعمران خان په بلوچستان کې د دوه سرحدي بازارونو او په خیبر پښتونخوا کې د یوه سرحدي هغه جوړول د یوې ازمایښتي پروژې په توګه منظور کړي، چې د فبرورۍ په میاشت کې به بشپړ او فعال شي.

د عمران خان دفتر زیاته کړې، چې د قاچاقي توکو د مخنیوي لپاره به نورې هڅې هم تر سره شي.

د سرحدي بازارونو رامنځته کولو په اړه د پاکستان لومړي وزیر ویلي، چې دا بازارونه باید په داسې یو ځای کې جوړ شي، چې د سرحدي سیمو اوسیدونکي په ځانګړي توګه ځوانان د سرحدونو له دیوال جوړولو وروسته غوره سوداګریز فرصتونه ولري.

ویل کیږي، چې پاکستان خپلو ځانګړیو موخو ته د رسیدو لپاره له دې مخکې د دیورند د فرضي کرښې په اوږدو کې د خپلې خوښې اغزن تار زغلولی دی.

Continue Reading

تازه خبرونه

په پېژپاڼه کې د مور نوم لیکل ومنل شول

Ariana News

خپور شوی

په

توسط

(Last Updated On: وږی ۲۹, ۱۳۹۹)

ولسمشر محمد اشرف غني د نفوسو د ثبت په قانون کې د تعدیل فرمان لاسلیک او توشیح کړ، چې نور به په پېژند پاڼه ( تذکره) کې د مور نوم د نورو فردي ځانګړتیاوو سره لیکل کیږي.

د ولسمشرۍ ویاند صدیق صدیقي د پنجشنبې پر ورځ په یوه تویت کې په ډاګه کړه، چې د ولسمشر د فرمان له مخې به د مور نوم له نورو ځانګړتیاوو سره په رسمي بڼه په پېژند پاڼه کې لیکل کیږي.

له دې مخکې د هېواد په پېژند پاڼو کې له نورو فردي ځانګړتیاوو سره یوازې د یوه شخص د پلار او نیکه نوم لیکل کیده.

د دې میاشتې په پیل کې د ولسمشر دوه یم مرستیال سرور دانش په مشرۍ په یوه جوړه شوې غونډه کې د قانون کمیتې په پېژند پاڼه کې د مور نوم له نورو ځانګړتیاوو تئید کړی و.

د ښاغلي دانش دفتر په یوه خبرپاڼه کې ویلي، چې دا تعدیل د ښځو حقونو د هڅاندو د غوښتنې په ځواب کې شوی، چې د تابعیت په تذکرو کې یې د مور نوم لیکل غوښتي وه.

د افغانستان په پلار واکه ټولنه کې د ښځینه وو نوم کارول نامناسب ګڼل کیږي او ان په پېژند پاڼه کې د  مور نوم هیڅ نښه نلري.

د یادونې ده، چې یوې کوچنې مدنې ډلې په ۲۰۱۷ کال کې د ( زما نوم چرته دی ) تر سرلیک لاندې په رسمي اسنادو کې د مور د نوم لیکلو لپاره مبارزه پیل کړې وه.

Continue Reading

Trending