Connect with us

تازه خبرونه

له سیمه ییزې اجماع پرته به له طالبانو سره سوله وځنډیږي- اشرف غني

Ariana News

خپور شوی

 په

(Last Updated On: غبرګولى ۲۴, ۱۳۹۸)

ولسمشر اشرف غني د شانګهای هېوادونو ۱۹ سرمشریزې ته د وینا پر مهال څرګنده کړه، چې له سیمه ییزې اجماع پرته له طالبانو او د هغوی له پلویانو سره هوکړې ته رسیدل به وځنډیږي.

د افغانستان ولسمشر د جمعې پر ورځ( د غبرګولي ۲۴) د قرغیزستان په پلازمېنه بیشکیک کې د شانګهای د همکاریو سازمان ۱۹ سرمشریزې ته دا هم په ډاګه کړه، چې افغانستان د سولې په اړه  د نړیوالې اجماع د رامنځته کولو لپاره سیمه ییزې همغږۍ او هوکړې ته اړتیا لري.

هغه که څه هم د کوم هېواد نوم یاد کړی ندی؛ خو ټینګار یې وکړ، چې له طالبانو سره باید د یو شمېر هېوادونو خواخوږي او تړاو له منځه ولاړ شي.

ولسمشر اشرف غني په بشپړ ټینګار څرګنده کړه، چې مونږ د سیاسي حل د رامنځته کولو لپاره د امریکا ژمنه غوره بولو او په دې اړه د نړیوالې اجماع د رامنځته کولو لپاره د همغږۍ په درشل کې یو؛ خو د سولې لپاره له سیمه ییزې اجماع او له طالبانو سره د خواخوږۍ او ملاتړ د له منځه وړلو پرته به هره هڅه ډېره وځنډیږي.

نوموړي دا ټینګار هم وړاندې کړ، چې له طالبانو سره د سولې خبرو ته باید داسې یو چوکات رامنځته شي، چې پر سیمه ییزو او نړیوالو اړتیاوو راوڅرخول شي.

هغه زیاته کړې، چې د شته ګواښونو او فرصتونو سره سره مونږ وړاندیز کوو، چې: که غواړو د سولې پر څو اړخیزو ستونزو بریالي شو؛ نو د سولې لپاره باید سیمه ییز او نړیوال ائتلاف رامنځته شي، چې بیا همدا ائتلاف د خبرو لپاره د اړتیا وړ چوکات غوره کړي.

ښاغلي غني دا هم ویلي، چې تروریزم، جګړه او مخدره توکي نه یوازې افغانستان، بلکې د شانګهای د همکاریو سازمان غړي هېوادونه هم ګواښي.  د افغانستان امنیتي ځواکونو په دې وروستیو کې د مخدره توکو ډېرې کارخونې له منځه وړې دي.

ولسمشر غني د افغانستان جګړه څو اړخیزه یاده کړه او وایي، چې د افغانستان جګړه څو اړخیزه او له طالبانو سره هوکړې ته رسیدل هم د تاوتریخوالي د کمولو یوه مهمه برخه ده.

ولسمشر غني دا خبرې په داسې کال کې کوي، چې نه یوازې په افغانستان کې د ښکېلو اړخونو له زندانونو سلګونه بندیان راخوشې شوي،. بلکې د هېواد په یو شمېر سیمو کې امنیتي ځواکونه او طالبان هم ښکېل پاتې دي او د افغانستان سیاسیونو هم دوه ځله په مسکو کې له طالبانو سره د سولې په اړه خبرې کړې دي.

د یادونې ده، چې د افغانستان د سولې لپاره د امریکا ځانګړي استازي زلمي خلیلزاد د سیمې او نړۍ له استازیو سره په خبرو کې سولې ته لومړیتوب ورکړی او تر دې دمه یې له طالبانو سره شپږ پړاوه خبرې هم تر سره کړې دي.

تازه خبرونه

په غزني کې موتر بم برید ۲۳ کسانو ته مرګ و ژوبله اړولې

Ariana News

خپور شوی

په

توسط

(Last Updated On: زمری ۱۹, ۱۳۹۹)

کورنیو چارو وزارت د یکشنبې پر ورځ ومنله، چې په غزني ولایت کې د عامه محافظت قطعې مخې ته د موټر بم په چاودنه کې ۳ پولیس او د عامه محافظت قطعې ۴ سرتېري وژل شوي او ۱۶ نور ټپیان دي.

سیمه ییزو چارواکو څرګنده کړې، چې تېره شپه ماښام شاوخوا ۷:۴۵ د غزنی ښار د کوتل روضه په اړوند سیمه کې رامنځته شوه.

د والي ویاند وحیدالله جمعه زاده زیاته ګړې، چې له چاودنې وروسته برید کوونکيو هڅه وکړه، چې اړوند قطعې ته وردننه شي؛ خو د امنیتي ځواکونو له ټینګار سره مخ او شاتګ ته اړ شول.

هغه وایي، چې د چاودنې موخه د عامه محافظت قطعه وه.

د غزنې ملکي روغتون ویلي، چې تر دې دمه د پېښې ۷ مړي او ۱۴ ټپیان روغتون ته رالیدول شوي دی.

ویل کیږي، چې برید کوونکیو په دې چاودنه کې هاموی موتر کارولی؛ خو هیچا تر دې دمه د پېښې مسوولیت ندی منلی.

Continue Reading

تازه خبرونه

حکومت د طالبانو پاتې ۴۰۰ ناندریز بندیان خوشې کوی

Ariana News

خپور شوی

په

توسط

(Last Updated On: زمری ۱۹, ۱۳۹۹)

د سولې مشورتي لویې جرګې غړیو د یکشنبې پر ورځ د زمري ۱۹ د طالبانو د پاتې ۴۰۰ بندیانو خوشې کول تائید کړل.

ولسمشرغني د سولې مشورتي لویې جرګې په پای کې په ډاګه کړه، چې د پاتې ۴۰۰ طالب بندیانو د خوشې کولو حکم به نن لاسلیک کړي.

ولسمشر غني طالبانو ته په خپلو خبرو کې په ډاګه کړه؛ انتخاب د طالبانودی. نن باید طالبان وښیي، چې د سرتاسري اوربنده نه وېریږي او د اوربند لپاره د لویې جرګې غوښتنه پلې کوي.

ولسمشر غني د حکومت د هغو بندیانو د خوشې کولو غږ هم پورته کړ، چې په دنده کې د بې پروایۍ له کبله نیول شوي وه.

د ملي پخلاینې عالی شورا مشر ویلي، چې جرګې خنډونه لیرې کړل؛ نور، نو د خبرو د پیل لپاره کوم خنډ نشته او مونږ د خبرو د پیل په درشل کې یو.

پخواني ولسمشر حامد کرزي ویلي: د ۴۰۰ طالب بندیانو له خوشې کیدو وروسته، چې هیله من یو ولسمشر یې پلی کوی او مرکچي پلاوی مو د معصوم ستانکزي په مشرۍ خبرې پیلوي. خبرې حوصله غواړي؛ وخت او تدبیر غواړي، چې اوس ټول چمتو شوي دي.

په کابل کې د سولې مشورتي لویې جرګې د ۳۴۰۰ استازیو په ګډون له درې ورځو خبرو او بحث وروسته خپل پېنځه ویشت ماده ییز پرېکړه لیک اعلان کړ، چې په کې د افغانستان دولت، وسلوالو طالبانو او نړیوالې ټولنې ته د ټینګار وړ سپارښتنې او وړاندیزونه شوي دي.

په پرېکړه لیک کې راغلي:

 

۱ . د مشورتي لويې جرګې غړي تلپاتې او با عزتې سولې ته د رسویدو په خاطر د سوولې له بهیر څخه، چې په هېواد کې د امنیت او ثبات لامل ګرځي؛ هرکلی او ملاتړ کوي.

۲. جرګه د سولې مذاکراتو د پیل په وړاندې د شته خنډونو د لیرې کولو، د وينوله تويدلو څخه د مخنیوي او همداراز د وګړیو د مصلحت او خیر لپاره، د طالبانو ۴۰۰ بنديانو د خوشي کیدو نظر تائیدوي.

۳. که  د بنديانو په منځ کې بهرني اتباع وي، د بهرني بنديانو له هېوادونو څخه له معتبرو ضمانتونو وروسته خپلو اړوند هېوادونو ته وسپارل شي.

۴. بايد ډاډ ترلاسه شي، چې د دغو بنديانو له خوشي کېدو سره سم؛ مستقیم مذاکرات له کومې پلمې پرته ژر تر ژره پیل کېږي.

۵. جرګه په جدي توګه په هېواد کې د دوامداره او فوري اوربند د ټینګښت غوښتونکې ده او له نړيوالې ټولنې په ځانګړې توګه د امريکا متحده ايالتونو څخه غواړي، چې د افغانستان له خلکو سره پر خپلو کړيو ژمنو عمل وکړي.

۶. د افغانستان ملت او د افغانستان اسلامي جمهوري دولت ته دې ډاډ ورکړ شي، چې له بند څخه خوشي شوي بنديان بیا ځل د جنګ ډګر ته نه ستنیږي او د دوی کړنې دې وڅارل شي.

۷. دې ته په پاملرنه د افغانستان اسلامي جمهوري دولت د طالب بنديان خوشي کولو لپاره اقدام کوي، جرګه له طالبانو څخه غواړي، چې د دولت د ټولو ملکي او نظامي بنديانو په وړاندې خپل مکلفیت ادا او بنديان دې ژر تر ژره خوشي کړي.

۸. د غوښتنې په صورت کې د هغو کسانو حق العبدی دې خوندي وي، چې د خوشي شويو طالبانو لخوا متضرره شوي دي.

۹. مونږ له نړيوالې ټولنې څخه غواړو د هغو هېوادونو له لاسوهنوڅخه، چې د هېواد په بې ثباتۍ کې په مستقیمه او يا غیر مستقیمه توګه ښکېل دي او يا له تروريستي ډلو څخه ملاتړ کوي، مخنیوی وکړي.

۱۰. په داسې حال کې، چې د سولې هلې ځلې دوام لري؛ د دې جرګې غړي د افغانستان اسلامي جمهوري دولت او له طالبانو څخه غواړي، چې وسلوال تاوتريخوالی ودروي او ټول اختلافات دې د خبرو اترو له لارې حل او فصل کړي. د افغانستان ملت به د هغه لوري په وړاندې، چې د تاوتريخوالې پر روان ساتلو ټینګار کوي؛ پرېکنده پرېکړه کوي.

۱۱. د سولې په بهیر کې بايد اسلامي ارزښتونه، د عالمانو رول، د دولت اساسي بنسټونه، ولسواکي او په تېرو دوه لسیزو کې د افغانستان د خلکو لاسته راوړنې خوندي او پیاوړې شي.

۱۲. د سولې په مذاکراتو کې د ولسواکۍ او جمهوريت اصول او د اتباعو اساسي حقونه، په ځانګړي توګه د قومي، ديني او مذهبی لږکیو سیاسي موقعیت او حقونه، چې د اساسي قانون په دوم فصل او د دې قانون په نورو مواردو کې تسجیل شوي، تر پښو لاندې نشي.

۱۳. د سولې مشورتي لويې جرګې غړي ټینګار کوي، چې په هېواد کې ښځي د وګړیو د نیمې برخې په توګه له خپل حقوقي او سیاسي دریځه برخمنې وي او د سولې بهیر په ټولو پړاوونو کې رغنده رول او ونډه ولري.

۱۴. د مشورتي لويې جرګې غړي په دې عقیده دي، چې اساسي قانون يوه ملي وثیقه ده او بايد خوندي شي؛ خو د اړتیا په صورت کې اساسي قانون د همدې قانون د تعديل د میکانیزم پر بنسټ د تعديل وړ دی.

۱۵. د لويې جرګې غړي وړانديز کوي، چې د ملي پخلاینې عالي شورا په جوړښت کې د ملي مشارکت اصول رعايت او د دې شورا په ترکیب کې ملي شخصویتونه، سیاسي رهبران، ديني عالمان، قومي مشران، ښځې، ځوانان، مدني ټولنې او نور قشرونه شامل شي. د سولې بهیر د ولسي کولو په موخه د دې بهیر فعالیتونه دې د ولايتونو په کچه وغزول شي.

۱۶. جرګه د سولې بهیر پر روڼتیا ټینګار کوي او تمه لري، چې د ملي پخلاینې عالي شورا او خبرې کوونکی پلاوی د افغانستان خلکو ته د دې بهیر په اړه پر وخت معلومات وړاندې کړي.

۱۷. د هېواد امنیتي او دفاعي ځواکونه، چې د هېواد د ملي حاکمیت او ځمکنۍ بشپړتیا د ساتونکیو په توګه پېژندل کیږي بايد نور هم پیاوړي او ترې ډېر ملاتړ وشي. په ورته وخت کې دې د امنیتي ادارو د شهیدانو ورثه او د تروريستي پېښو قربانیانیو ته رسیدته وشي.

۱۸. جرګه ټینګار کوي؛ له طالبانو سره د مذاکراتو په لړ کې دې پر روښانه میکانیزمونو، چې د اجتماعي نظم، د تاسیساتو او بېخبناوو د امنیت او ثبات باعث ګرځي؛ همغږي رامنځته شي، چې د خلکو اندېښنې له منځه ولاړې شي.

۱۹. د هېواد امنیتي او دفاعي ځواکونو ته، چې د افغانستان د ملت وياړ دي، د درناوي په موخه دولت ته وړانديز کوو ترڅو دولت دې پرته د وطن سره د خیانت په جرم د هغو امنیتي او دفاعي منسوبینو د حبس پاتې موده وبښي، چې د جمهوري رياست د عالي مقام په صلاحیت کې وي. سربیره پر دې هغه کسان، چې له طالبانو سره د اړيکو د اتهام په جرم محکوم شوي د بښنې په فرمان کې شامل شي.

۲۰. د افغانستان اسلامي جمهوري دولت موظف دی، چې د ملي منافعو په رڼا کې ځانګړې لارښوونې وړاندې او د مذاکره کوونکي پلوي د پیاوړتیا او ښه والي لپاره لازم اقدامات ترسره کړي. د سولې د بهیر په ټولو پړاوونو کې دې د ښځو حضور تقويه شي.

۲۱. جرګه ټینګار کوي، چې د افغانستان اسلامي جمهوريت او طالبانو تر منځ دې د مذاکراتو لپاره لازم شرایط په هېواد کې دننه برابر شي؛ ځکه، چې دواړه لوري افغانان دي، کنه پرته له دې  دې مذاکرات په درېيم بې پرې هېواد کې ترسره شوي. مذاکرات بايد مستمر او دوامداره وي او په هیڅ دلیل دې د دغې لړۍ مخه نه نیول کېږي.

۲۲. د جرګې غړي د نړيوالې ټولنې او بیا په ځانګړي توګه د امريکا له مرستو او ملاتړه مننه کوي. په عین وخت کې د جرګې غړي له هېوادونو او نړیوالو بنسټونو څخه غوښتنه کوي، چې پخپلو ژمنو عمل وکړي او خپل ملاتړ او مرستو ته د مذاکراتو په بهیر کې او د سولې له تړون څخه وروسته روانې وساتي.

۲۳. له اسلامي هېوادونو او د اسلامي همکاريو له سازمان، په ځانګړې توګه د افغانستان له ګاونډ هېوادونو څخه هیله لرو، چې د افغانستان له خلکو سره د تلپاتې سولې او ثبات په ټینګښت کې مرسته وکړي او خپله اسلامي وجیبه د افغانستان د مجاهد ملت د بې سارو قربانیو په وړاندې تر سره کړي.

۲۴. د مشورتي لويې جرګې غړي د سولې په بهیر کې د اړينو مشورو او همکاريو د وړاندې کولو لپاره بشپړ چمتوالی لري او دولت بايد د سولې د بحثونو د دوام لپاره، چې لومړيتوب لري د سولې د مشورتي لويې جرګې له موجوده ظرفیت څخه سمه ګټه پورته کړي.

۲۵. څرنګه، چې د جرګې غړيو په خپلو کمیتو کې په مختلفو برخو کې مشخص او تفصیلي وړانديزونه کړي، چې دولت لپاره په راتلونکې کې ګټور دي، دغه وړانديزونه دې د دې پرېکړه لیک د ضمېمې په توګه د جمهوري رياست عالي مقام ته واستول شي، چې د دغو وړانديزونو په اړه اړوند ادارو ته لازمې لارښونې وشي.

پر مقدمې سربېره دغه پرېکړه لیک ۲۵ بندونه لري، چې د ۱۳۹۹ لمريز کال د زمري پر ۱۹ د سولې مشورتي لويې جرګې د غړیو لخوا صادر شو.

د  سولې مشورتي لویې جرګې غړي تمه لري، چې پرېکړه لیک به یې د سولې او مذاکراتو لپاره د لارې د نقشې په توګه ګام په ګام عملي کیږي.

Continue Reading

تازه خبرونه

امریکا به په افغانستان کې د سرتېرو شمېر له ۵۰۰۰ هم راټیټ کړي

Ariana News

خپور شوی

په

توسط

(Last Updated On: زمری ۱۹, ۱۳۹۹)

د امریکا دفاع وزارت ویلي، چې د روان کال د نوامبر تر پایه به په افغانستان کې د خپلو سرتېرو شمېر له ۵۰۰۰ هم راټیټ کړي.

د امریکا دفاع وزیر مارک ایسپر فاکس نیوز ته په خبرو کې ویلي: مونږ به د نوامبر تر پایه د خپلو سرتېرو شمېر له ۵۰۰۰ هم لږ کړو.

ایسپر ویلي، چې پنټاګون باید کانګرس ته په دې اړه بشپړ معلومات ورکړي او امریکا باید ډاډه ورکړي، چې د افغانستان له خاورې به د هیڅ ترهګرې ډلې لخوا هم تر ګواښ لاندې نه راځي.

تېره اوونۍ د امریکا ولسمشر دونالد ترمپ څرګنده کړې وه، چې هغه به د نومبر په ۳ د ولسمشریزو ټاکنو په بهیر کې د خپلو عسکرو شمېر د ۴۰۰۰ او ۵۰۰۰  تر منځ کسانو ته ورسوي.

په تېرو شپږ میاشتو کې امریکا د خپلو عسکرو شمېر له ۱۴۰۰۰ څخه ۸۰۰۰ ته راټیټ کړی او له پېنځه اډو وتلي دي.

د سرتېرو د شمېر راټیټیدل د طالبانو او امریکایانو تر منځ د دوحې د هوکړې له مخې تر سره شوي دي.

دا په داسې حال کې ده، چې امریکايي چارواکو ویلي؛ له افغانستان څخه د امریکایی ځواکونو د وتلو دوه یم پړاو له حالاتو سره تړاو لري.

Continue Reading

Trending