Connect with us

تازه خبرونه

په افغانستان کې اووم کس هم پر کرونا ویروس اخته شو

Ariana News

خپور شوی

 په

(Last Updated On: March 10, 2020)

د عامې روغتیا وزارت ویاند وحید مایار ویلي، چې په هرات ولایت کې یوه او په سمنګان کې دوه مثبتې پېښې ثبت شوې دي.    

د نوموړي د څرګندونو له مخې؛ د کرونا ۵ مثبتې پېښې په هرات کې او دوه نورې په سمنګان کې ثبت شوې دي. دا هغه کسان دي، چې له ایران څخه راستانه شوي دي.

یاد وزارت په ډاګه کړې، چې تر دې دمه په افغانستان کې دغه ویروس خبءیدونکې بڼه نلري او اخته کسان ټول له ایران څخه افغانستان ته راستانه شوي دي.

افغان دولت د کرونا ناروغۍ د تشخیص او تداوۍ لپاره د افغان جاپان روغتون ځانګړی کړی دی.

په کابل کې د افغان جاپان روغتون مسوولین وايي، چې هره ورځ له یو نیم سل ډېر کسان د کرونا ویروس د ازمایښت لپاره دغه روغتون ته ورځي؛ خو تر اوسه یې کومه مثبته پېښه نده ثبت کړې.

داکترمحمد نعیم اکبري وايي، چې دغه روغتون هره ورځ تر ۱۶۰ کسان مراجعه کوي او د کرونا ناروغۍ ازموینه کوي؛ خو تر اوسه یې کومه مثبه پېښه نده ثبت کړې.

د دغه روغتون داکتر رحمت الله وزیري وايي، چې افغانان باید د کرونا ویروس جدي وګڼي او پر روغتیايي لارښوونو عمل وکړي.

د مشرانو جرګې غړی حسیب الله کلیمزي  له ټولو دولتي بنسټونو غوښتي، چې د کرونا ناروغۍ د خوریدو د مخنیوي لپاره لاسونه سره ورکړي او چارې همغږې کړي.

په افغانستان کې خلک د کرونا ویروس له خوریدو او د اووه مثبتو پېښو له ثبتیدو وروسته سخت اندېښمن شوي دي.

د کرونا ویروس نږدې په ټوله نړۍ کې خور شوي او تر اوسه یې واکسین او درمل ن دي موندل شوي؛ خو روغتیايي مسوولین وايي، چې د مخنیوي لپاره یې وقایوي چارو ته یې پوره پاملرنه  ډېره اړینه ده، چې په دې توګه د ویروس خوریدو مخه تر یوه بریده ډب کیږي.  

تازه خبرونه

طالبانو په میدان وردګ کې ۲۸ ملکي وګړي تښتولي – پولیس

Ariana News

خپور شوی

په

توسط

Photo from social media
(Last Updated On: November 25, 2020)

د میدان وردګ پولیسو ويلي، چې وسلوالو طالبانو په دې ولایت کې لږ تر لږه ۲۸ ملکي وګړي تښتولي دي.

د میدان وردګ امنیه قومندانۍ په ډاګه کړې، چې طالب جنګیالیو نن سهار د جلریز ولسوالۍ د سیاه پیتاب  او پُل مهراب په اړوند سیمه کې ملکي موتر ودرول او ۲۸ ملکي وګړي یې ترې له ځان سره یوړل.

د پولیسو په وینا، د حصه اول بهسود د ولسوالۍ مسافر د کابل پر لوري روان ول.

پولیسو د دې کسانو د برخلیک په اړه نور جزئیات ندي ورکړي.

طالبانو تر دې دمه په دې اړه څه ندي ویلي؛ خو هغه سیمه، چې دا پېښه په کې رامنځته شوې د طالبانو تر څارنې لاندې ده.

Continue Reading

تازه خبرونه

په تورخم کې د مالي فساد په تور ۲۰ کسان نیول شوي

Ariana News

خپور شوی

په

توسط

(Last Updated On: November 25, 2020)

د کورنیو چارو وزارت منسوبینو په روانه اوونۍ کې د ننګرهار ولایت د تورخم ګمرګ اړوند یو شمېر مامورین او کمیشنکاران د فساد پر تور نیولي دي.  

د ننګرهار والي وياند عطاالله خوږياڼي ویلي؛ د روانې اوونۍ له پيل څخه تر اوسه د کورنيو چارو وزارت د کشف او  جرمونو پر وړاندې د مبارزې ریاست منسوبینو د ننګرهار ولایت په تورخم ښارګوټي کې څو کشفي عملیات ترسره کړي دي.

د نوموړي د څرګندونو له مخې؛ په دې کشفي عملیاتو کې د تورخم ګمرک د موظفینو او کمېشن کارانو په ګډون ۲۰ کسان د مالي فساد او له سوداګریزو مالونو د باج اخیستنې په تړاو نیول شوي دي.

هغه زیاته کړې،  له نيول شويو کسانو څخه یو اندازه پیسې هم ترلاسه شوې دي.

په ننګرهار کې سوداګرو له دې کاره هرکلى کړی؛ خو وايي، د تورخم په ګمرک کې نور ورته مفسِدين هم شته.

ویل کیږي، چې د لومړنيو څېړنو او اسنادو له مخې؛ نيول شويو کسانو له کلونو راپدیخوا په تورخم کې فساد او غلا کړې ده.               

Continue Reading

تازه خبرونه

په افغانستان کې د ښځو پر وړاندې تاوتریخوالی مخ په ډېرېدو دی

Ariana News

خپور شوی

په

توسط

(Last Updated On: November 25, 2020)

په هېواد کې د روان کال په شپږ لومړیو میاشتو کې له ښځو سره د تاوتریخوالي دوه زره ۵۸۲ پېښې ثبت شوي دي.

په کابل کې د ښځو چارو وزارت له ښځو سره د تاوتریخوالي د مخنيوي د ۱۶ ورځني کمپاین په لومړۍ ورځ ویلي، د تېر کال په پرتله تاوتریخوالی ډېر شوی دی.

د ښځو چارو وزارت سرپرسته حسینه ساپۍ وایي، په تېرو څلورمیاشتو کې د جدي تاوتریخوالي څلوردېرش پېښې په دې وزارت کې ثبت شوي، چې اتلس یې د وژلو، اووه د ځان وژلو، اته د شدیدو ټپي کېدو او یوه د صحرایي محکمې ده.

د نوموړې د څرګندونو له مخې؛ د تاوتریخوالي ټولې پېښې دوه زره پېنځه سوه دوه اتیاو ته رسیږي.

هغه د  ښځو د وژنې او پرې د جنسي تېري علت جګړه او ناامني یادوي.

حسینه ساپې د دغې سروې په اړه وایي: د ښځو چارو وزارت دغه درې میاشتنۍ سروې په ۳۴ ولایتونو او ۲۵۰ ولسوالیو کې تر سره شوې، چې له لږ تر لږه ۲۰۰۰ کسانو سره له مرکو په ډاګه شوې، چې ښځې د دغه تاوتریخوالي پر وړاندې د قانون د پلي کیدو غوښتونکې دي.   

د ښځو چارو وزارت مرستیاله سپوږمۍ وردګ وایي: سږکال د تاوتریخوالي ډېرې بدې پېښې لرو؛۱۱۹ یې جنسي تېري دي، چې دتېر په پرتله ۵۹ سلنه ډېروالی ښیي، چې لامل یې ناامني او جګړه ده.

د افغانستان عدلي او قضایي بنستونه  په دې اړه دوسیو ته له لاسرسي ډاډ څرګندوي.       

د افغانستان د بشر حقونو خپلواک کمیسیون له ښځو سره د تاوتریخوالي پر زیاتېدو اندېښنه ښیي او وایي، باید د تاوتریخوالي دوسیې وڅېړل شي.

دا په داسې حال کې ده، چې د پکتیا د ښځو چارو ریاست هم د ښځو پر حقه حقوقو ټینګار کړی او وایي، چې په سویل ختیځ زون کې د ښځو پر وړاندې تاوتریخوالی ډېردی.

Continue Reading
Advertisement

Trending