Connect with us

تازه خبرونه

په افغانستان کې د بشري حقونو وضعیت د اندېښنې وړ دی- امریکا

خپور شوی

د

(Last Updated On: لړم ۲, ۱۴۰۱)

vlcsnap-2017-03-04-17h15m59s201

د امریکا  بهرنیو چارو وزارت په خپل تازه رپوټ کې د افغانستان د بشري حقونو وضعیت د اندېښنې وړ ښودلی او ویلي یې دي، چې له مجازاتو د فاسدینو او بشري حقونو د سرغړونکیو بښنه(معافیت)، له قضا پرته وژنې او د افغان ځواکونو لخوا ربړول، د طالبانو لخوا په ملکي او پوځي کسانو بریدونه او پر ماشومانو جنسي تېري په ۲۰۱۶ کال کې د بشري حقونو د نقض موارد دي، چې په افغانستان کې را منځته شوي دي.

د امریکا د بهرنیو چارو وزارت رپوت په درې سوه پاڼو کې لیکل شوی، چې په کې په ۲۰۱۶ کال کې د نړۍ د دوه سوه هېوادونو د بشري حقونو وضعیت څېړل شوی، چې افغانستان په کې د اندېنې وړ ځای لري.

په رپوت کې لیکل شوي، چې د قانون حاکمیت ته په پراخ ډول بې پامي، د بشر حقونو د سرغړونکیو نه ځواب، د جګړو پراختیا او د وسلوالو لخوا د ملکیانو په نښه کول په افغانستان کې د بشري حقونو د وضعیت له ترینګلتیا سره مرسته کړې ده.

وسلوالو طالبان په بې پروا او ړندو( ځانمرګو او موتر بم چاودونو) بریدونو ملکیان، دولت پلوه ځواکونه او حتا خبریالان په نښه کوي. وسلوال مخالفین دغه راز په خپلو لیکو کې ماشومان استخداموي او ور څخه په ځانمرګو بریدونو او د وسلو په لیږد کې ګټه اخلي.

په رپوت کې یاغیان تورن شوي، چې ملکي کارکوونکي او د روغتیايي او نادولتي بنسټونو مارموین تښتوي.

د خپور شوي رپوت په یوې بلې برخې کې راغلي، چې: له قضا پرته وژنې او د پوځي موخو لپاره د ماشومانو استخدام او د امنیتي ځواکونو لخوا ربړول په افغانستان کې د بشري حقونو په برخه کې جدي ننګونې دي. فساد، د چارواکو فشار، سیمه ییز زورواکي او نا مسوولو وسلوالو پورې تړليو کسانو په افغانستان کې قضایي نظام تر پوښتنې لاندې راوستی؛ ناامنو سیمو کې د څارنوالانو حضور لږ شوی او فاسدین مجازات شوي  نه دي.

د ولسمشر مرستیال ویاند دوا خان مینه پال وایي، په عدلي او قضایي بنسټونو کې  به سمونونه راولي او له مجازاتو څخه به د بشر حقونو د ناقضانو معافیت ته د پای ټکی کیښودل شي.

د نوموړي په وینا؛ نوره بښنه پای ته رسیږي او هیڅوک د قانون له څارنې ځان خلاصولی نشي.  

د بشر حقونو د خپلواک کمیسیون کمیشنر محمد موسی محمودي هم د بشري حقونو وضعیت د اندېښنې وړ بولي او وایي، د بشري حقونو د نقض زیاتره موارد د وسلوالو ډلو په ځانګړې توګه طالبانو  لخوا کیږي او افغان ځواکونه هم  له قضا پرته وژنې کوي او له ربړونې او بد چلند ګټه پورته کوي.

د افغانستان د بشر حقونو د سازمان رییس لعل گل لعل وایي، له بشري حقونو څخه سرغړوونکي دې نړیوالې محکمې ته جلب او وغوښتل شي.          

د امریکا د بهرنیو چارو وزارت په دې رپوت کې پر افغان دولت  له دې کبله نیوکه شوې، چې د ولسي جرګې ټاکنې یې تر سره کړي نه دي؛ فساد، جبري او د ټیټ عمر ودونه او له ماشومانو جنسي ګټه د بشري حقونو د نقض موارد ګڼل کیږي.

خبریال: فواد ناصري

Advertisement

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!