Connect with us

تازه خبرونه

له اوسني کړکیچ څخه د وتو یوازنۍ لار رڼې او عادلانه ټاکنې دي

Ariana News

خپور شوی

 په

(Last Updated On: July 26, 2019)

که څه هم د ټاکنیز کمپاین پیل ته یو څو ورځې پاتې دي؛ خو د حزب اسلامي مشر انجنیر ګلبدین حکمتیار او د ولسمشریزو ټاکنو یو نوماند خپلو پلویانو ته په خبرو کې له اوسني کړکیچ څخه د وتو یوازنۍ لار رڼې او عادلانه ټاکنې وبللې.

ښاغلی حکمتیار د سولې خبرو ته په نغوته(اشاره) کې وایي، د سولې هوکړې ته د رسیدو لپاره باید د طالبانو برحقه غوښتنې په پام کې ونیول شي. سوله یوازې هغه مهال راتللی شي، چې پرېکړې یوازې افغانان وکړي، نه بهرنیان.

حکمتیار همدا راز وایي، له بهره تپل شوې سوله نه عملي کیدی شي او نه ستونزې پرې حا کیږي.

د حزب اسلامي مشر ګلبدین حکمتیار افغانستان په بشپړ ډول اشغال شوی بولي او وایي، د حکومت مشران د سولې او ټاکنو په ګډون په هیڅ ملي بهیر کې واک نلري.

هغه خبرداری ورکوي؛ که بهرنیان د افغانستان ملي حاکمیت ته درناوی ونکړي او د ټاکنو او سولې په بهیر کې لاسوهنې بندې نکړي، اړینه ده، چې له طالبانو سره د سولې لار غوره کړو.

ښاغلی حکمتیار ټینګار کوي، چې د سولې هوکړې ته د رسیدو لپاره باید د طالبانو برحقه غوښتنې په پام کې ونیول شي.

دی له افغانستان څخه د بهرنیوځواکونو پر وتلو ټینګار کوي او وایي، بهرني هېوادونه باید افغانستان ته د یوه خپلواک هېواد په توګه درناوی وکړي.

حکمتیار وایي، د ولسمشرۍ، ولایتي شوراګانو، د ولسوالیو شوراګانو او غزني ولایت د ولسي جرګې ټاکنې باید په یوه وخت تر سره شي؛ خو په وینا یې اوس هم د ولسمشرۍ ټول نوماندان د ټاکنو پر سر اجماع ته ندي رسیدلي.

تازه خبرونه

په کابل کې موخه ییزې چاودنې ملي پولیسو ته مرګ و ژوبله اړولې

Ariana News

خپور شوی

په

توسط

(Last Updated On: January 16, 2021)

 شنبې پر ورځ( د مرغومي ۲۷) په کابل کې د ماین چاودنې له پېښې دوه ملي پولیس وژل شوي دي.

د پولیسو د څرګندونو له مخې؛ دغه ماین چاودنه نن سهار د کابل ښار درېیمې امنیتي حوزې د دهبوري په اړوند سیمه کې رامنځته شوې ده.

پولیسو زیاته کړې، چې د کابل پولیسو د مرکزي دفتر پر اړوند لنډکروزر موټر نن سهار د سړک غاړې ماین چاودنه شوې دوه ملي پولیس وژل شوي او یو بل ټپي دی.

تر دې هیچا د برید پړه نده منلې.

دا په ټول داسې حال کې ده، چې نه یوازې د هېواد پلازمېنه له موخه ییزو وژنو او بریدونو سره مخ ده، بلکې د ولایتونو ملکي وګړي، ولسي شخصیتونه، دولتي کارمندان، ژورنالیستان او د مدني ټولنې غړي هم ورسره مخ دي.

Continue Reading

تازه خبرونه

د طالبانو بې پیلوټه الوتکو پر پامیر ۲۱۷ قول اردو بمونه غورزولي

Ariana News

خپور شوی

په

توسط

(Last Updated On: January 16, 2021)

د پامیر ۲۱۷ قول اردو قومندان ویلي، چې الوتکو په قول اردو کې د ننه د فوټبال پر ډګر بمونه وغورزول؛ خو چاته یې زیان ونه رساوه او نږدې نیم ساعت پر قول اردو وګرزېدې.

په تېرو شل کلونو کې افغان – امریکايي سرتېرو د وسلوالو طالبانو د وژلو لپاره له بې پيلوټه الوتکو کار اخیسته؛ خو اوس طالبانو دا ډول وړې الوتکې خپلې کړي او پر افغان ځواکونو بریدونه کوي.

په کندوز کې  د پامیر ۲۱۷ قول اردو مسوولینو څرګنده کړې، چې نن سهار( د مرغومي ۲۶) د طالبانو دوه بې پيلوټه الوتکو د قول اردو پر سر نیم ساعت پروازونه وکړل او په قول اردو  کې د ننه یې د فوټبال په ډګر کې دوه بمونه وغورځول. په دغه بمبارد کې افغان سرتېرو ته زیان ندی اوښتی.

دغه راز طالبانو په کندوز کې پر افغان سرتېرو ځمکني وسلوال بریدونه هم کړي دي.

د کندوز د سرحوزې په اړوند سیمه کې وسلوالو طالبانو د افغان ځواکونو دولس سرتېري وژلي او پېنځه یې ټپیان کړي او لس یې له ځانه سره لېږدولي دي.

د کندوز د ولایتي شورا مشر محمد یوسف ایوبي ویلي؛ د دې ولایت په امام صاحب ولسوالۍ کې هم د طالبانو په برید کې لس سرتېري وژل شوي او همدومره نور یې ټپیان کړي دي.

د غزني د والي ویاند وحید الله جمعه زاده ویلي طالبانو د غزني د ناکراره ولایت په اندړ ولسوالۍ کې له چاودیدونکیو توکو ډک موټر ته چاودنه ورکړې، چې یو ولسي وګړي یې وژلی او اووه سرتېري پپیان دي.

د نوموړي د څرګندونو له مخې، طالبانو د غزني پر پېنځه نورو سیمو هم وسلوال بریدونه کړي دي.

د ملي دفاع وزارت د ویاند مرستیال فواد امان وايي، چې په غزني کې له موټر بم برید وروسته افغان سرتېري او طالبان په نښته کې ښکېل شول، چې د هوايي ځواک پر ملتیا یې طالبان شاتګ ته اړ کړل او اته طالبان ووژل شول.

په وروستیو کې وسلوالو طالبانو د افغان پوځ او پولیسو پر مرکزونو بریدونه ډېر کړي دي.

د پوځ پخوانی لوی درستیز شېرمحمد کریمي ویلي، چې طالبان غواړي له دې سره په دوه یم پړاو خبرو کې امتیاز واخلي.

له بدخشان، تخار او کندهاره هم د جګړو راپورونه تر لاسه شوي، چې په کې افغان سرتېرو او طالبانو ته تلفات اوښتي دي.

Continue Reading

تازه خبرونه

د امریکايي سرتېرو له وتو وروسته طالبان د حکومت نیولو هڅه کوي- حمدالله محب

Ariana News

خپور شوی

په

توسط

(Last Updated On: January 15, 2021)

د افغانستان د ملي امنیت سلاکار حمدالله محب په ډاګه کړې؛ طالبان پر خبرو وخت ضایع کوي او پر زور واک ته د رسیدو نیت لري.

په دوحه کې د طالبانو او امریکا د هوکړې له مخې؛ تر راتلونکیو څلور میاشتو په افغانستان کې د نړیوالو سرتېرو شمېر صفر کیږي. د افغانستان د ملي امنیت شورا سلاکار ويلي، چې طالبان له افغانستان څخه د نړیوالو سرتېرو وتو ته شېبې شماري او غواړي پر وچ زور حکومت ونیسي.

د بي بي سي آزادې جرګې په پروګرام کې حمدالله محب ویلي، چې که د سولې خبرې ناکامې شي، دولت له طالبانو سره جګړې ته چمتو دی.

د ملي امنیت شورا سلاکار حمدالله محب په ډاګه کړې: تر دې دمه، چې مونږ ګورو طالبان پر خبرو وخت ضایع کوي او په دې فکر کې دي، چې د بهرنیو ځواکونو له وتلو وروسته به دوی ته د پر زور د حکومت نیولو موکه تر لاسه شي او دلته پرزور خپل حاکمیت جوړ کړي؛ خو دا عملي نده.

له بلې خوا له دوحې ترلاسه شوي راپورونه ښیي؛ د طالبانو د مرکچي پلوي غړي ټول دوحې ته رسیدلي او داسې ښکاري، چې په راتلونکې اوونۍ کې به د اجندا پر سر خبرې بیا پیل شي.

په پاکستان کې آزاد خبریال طاهر خان ویلي؛ د هغو ستنېدل په دې معنا دي، چې خپلمنځي خبرې روانې دي اوکومه دمه رامنځته شوې نده؛ خو ستونزې پاتې دي.

په دوحه کې دوه یم پړاو خبرې د اجندا پر ځانګړي کولو راټولې شوي او ویل کیږي، چې د دواړو خواوو تر منځ د نظر ډېر واټن دی.

پخوانی طالب چارواکی سیداکبر آغا په دې اند دی، چې: فکر کوم، چې طالبان پر اسلامي دولت خبرې غواړي او حکومت هم پر اوربند ټینګار کوي؛ دا به ل. څه ستونزمنه وي؛ ځکه د دواړو تر منځ واټن ډېر دی.   

څه باندې یوه اوونۍ مخکې په دوحه کې دوه یم پړاو خبرې د تخنیکي ډلو لخوا پیل شوې او تر دې دمه یې درې غونډې کړي؛ خو د اجنډا پر سر هوکړې ته ندي رسیدلي.

د افغانستان جمهوریت پلوي پلاوي طالبانو ته روښانه کړې، چې لومړی غواړي پر اوربند خبرې وکړي؛ خو تر اوسه طالبانو په رسمي توګه د خپل لومړیتوب خبره نده کړې.

طالبانو هم ویلي، چې په دوحه کې د دواړو خواوو غونډې؛ ځکه هره ورځ نه کیږي، چې اوس د تخنیکي ډلو لخوا خبرې روانې دي.

Continue Reading

Trending

آریانا نیوز. کلیه حقوق محفوظ است