Connect with us

تازه خبرونه

په افغانستان کې د القاعده او داعش هڅې ډېرې شوي- سکات میلر

Avatar

خپور شوی

 په

(Last Updated On: غویی ۳۱, ۱۳۹۸)

په افغانستان کې د ناتو د پرېکنده ملاتړ ماموریت قومندان په افغانستان کې د القاعده او داعش د هڅو له ډېریدو خبر ورکوي.

په افغانستان کې د ناتو د پرېکنده ملاتړ ماموریت قومندان آستن سکات میلر د آریانانیوز د پوښتنې په ځواب کې، چې دغه جګړه مار څنګه افغانستان ته راځي او شمېر یې څومره دی، په روښانه توګه څه نه وايي؛ خو د القاعده تر څنګ د داعش جګړه مارو حضور تائیدوي او نه یوازې سیمې، بلکې نړۍ ته یې هم خطر بولي.

نوموړی وایي، چې: مونږ له افغان امنیتي همکارانو سره یو ځای داعش څارو او پر هغوی به فشارونو ته دوام ورکوو. مونږ هغه د کابل د یو شمېر برخو په څېر د هېواد په یو شمېر سیمو او ولایتونو کې وینو او پرې فشارونه واردوو.

جنرال سکات میلر له وسلوالو طالبانو سره د سولې له خبرو، ټاکنو او د امنیتي ځواکونو له پرمختګ هم ملاتړ څرګندوي.

قومندان میلر ویلي، چې: مونږ د پرمختګ په حال کې یو او سوله یو بهیر او یو مزل دی او د خلکو اراده هم همدا ده، چې سوله افغانستان ته راشي. زمونږ اړیکې له افغانستان سره اوږدمهالې دي او هم د دغه بهیر یوه برخه ده.

دا په داسې حال کې، چې د روسیې د فدرالي استخباراتو یوه چارواکي الکساندر بارتینکوف په افغانستان  کې داعش ته د منسوبو جګړه مارو شمېر ۵ زره بللی او ویلي یې دي، چې داعش ډله د افغانستان په شمالي ولایتونو کې ځای پر ځای شوې او ځان یې مرکزي آسیا او د روسیې پولو ته نږدې کړی دی.

تازه خبرونه

د پریمیر لیګ لوبغاړو ډله ییزې فزیکی روزنې تصویب شوې

Avatar

خپور شوی

په

توسط

(Last Updated On: غبرګولى ۷, ۱۳۹۹)

د سکای سپورټ د راپور په وینا، د پریمیر لیګ لوبډلو ډله ییزې فزیکی روزنې د دغه بنسټ له خوا تصویب شو، چې دا کار د سیالیو د بیا پیل کولو لپاره یو بل مهم ګام په نښه کوي.

د پریمیر لیګ لوبغاړو تیره اونۍ دمخه، د ټولنیز واټن ساتلو په پام کې نیولو سره، په کوچني ډلو کې روزنه له سره پیل کړې وه، خو اوس دغه بنسټ ډله ییزې روزنې هم تصویب کړې.

پریمیر لیګ په یوه خبروینا کې ویلي: “د پریمیر لیګ شریکانو نن د لوبغاړو د روزنې بیا پیلولو لپاره په متفقه توګه رایه ورکړه، چې د پریمیر لیګ سیالۍ بیا پیل کولو په لور بل ګام په نښه کیږي.”

په خبروینا کې زیاته شوې: “ټرینران اوس ددې وړتیا لري چې د یوې ډلې په توګه روزنه ورکړي پداسې حال کې چې غیر ضروري نږدې اړیکې کمې کړي.”

د پریمیر لیګ ټینګار وکړ چې د دوی لومړیتوب د ټولو برخه اخیستونکو روغتیا او هوساینه ده.

همداراز ویل شوي: “سخت طبي پروتوکول شتون لري ترڅو ډاډ ترلاسه شي چې د روزنې ډګر ترټولو خوندي چاپیریال دی او لوبغاړي او کارمندان به یې په اونۍ کې دوه ځله د کوویډ-۱۹ لپاره معایناتو ته دوام ورکړي.”

په ورته وخت کې، په پریمیر لیګ کې د کروناویروس ازموینو لومړي دوه پړاوونو کې؛ له ۱۷۴۴ بېلکو څخه اته مثبتې قضیې راپور شوې. د مثبت ازموینې اخیستونکي د اوو ورځو لپاره ځانته قرنطین شوي.

ویل کیږي چې د کروناویروس د دریم پړاو ازموینې پایلې به د چهارشنبې پر ماسپخین څرګندې شي.

د یادونې وړ ده چې د پریمیر لیګ لوبې د جون پر لومړې نېټه بیا پیل کیږي.

Continue Reading

تازه خبرونه

عبدالله د پخلاینې عالي شورا د غړو د ټاکلو په هڅه کې دی

Avatar

خپور شوی

په

توسط

(Last Updated On: غبرګولى ۷, ۱۳۹۹)

عبدالله ته نږدې سرچینې وایي چې دی غواړي د پخلاینې عالي شورا په جوړښټ کې اغیزناکې څېرې راټولې کړي.

 د جوړجاړي د هوکړې تر لاسلیک او عبدالله ته د پخلاینې عالي شورا د مشرۍ تر سپارلو لس ورځې تیریږي، خو د دغې هوکړې لومړی پرېکړه لاهم نه دی عملي شوې؛ تراوسه د مصالحې شورا د تشکیل او برنامو په اړه خبر نشته او عبدالله هم په دې اړه څه نه دي ویلي.

عبدالله قرلق، د جنبش ګوند مرستیال، وایي چې عبدالله نن سبا د یادې شورا د جوړښت په هڅو کې بوخت دې او غواړي چې اثرلرونکې څېرې دغه بنسټ ته وټاکي.

د هوکړې بله برخه په کابینه کې د اشرف غني او عبدالله پنځوس سلنه ونډه ده، په دې برخه کې هم دواړو لورو خپل کارونه نه دي ټکني کړي.

سیاسي شنونکی شهزاده مسعود ویلي چې د اختریزو رخصتیو وروسته باید ټول ګډونه کابینه جوړه شي.

ولسمشرۍ او د عبدالله دفتر نه غواړی د مصالحې شورا د جوړښت او د کابینې د غړو په اړه څه ووایي.

د پخلاینې عالي شورا خپلواکه بودجه او تشکیل لري، ترڅو د سولې په برخه کې ټولې برنامې مدیریت کړي، د مرکچي پلاوي کاري کرښې وټاکي او د سولې په اړه برنامه چمتو کړي. خو دا چې د سولې بهیر یو حساس پړاو ته داخل شوې، د پخلاینې عالي شورا په جوړېدو کې ځنډ د خلکو له نیوکو سره مخ دی.

Continue Reading

تازه خبرونه

د محرقې خوریدا چې کرونا رنځ ته ورته نښې لري اندیښنې راپارولي

Avatar

خپور شوی

په

توسط

(Last Updated On: غبرګولى ۷, ۱۳۹۹)

 د محرقې په نوم یوه موسمي ناروغۍ چې کرونا ته ورته نښې لري د خلکو او د روغتیايي چارواکو د اندیښنې لامل ګرځیدلې.

په داسې حال کې چې کووید-۱۹ ناروغي په چټکتیا سره خپریدو په حال کې ده، خلک یوې بلې ناروغۍ اندیښمن کړي چې د کرونا په شڅیر نښې نښانې لري او په یو شمېر ولایتونو کې په خلکو کې خپره شوې ده.

په ننګرهار کې د آریانا نیوز خبریال وایي دا ناروغي د ډاکټرانو په وینا له محرقې سره ډېر ورته والی لري او ښایي یوه داسې ناروغي وي چې په اوړي کې ډېره شي.

 ویل کیږي په کابل او هلمند کې هم محرقه په خلکو کې خپره شوې ده، خو په هلمند کې ډاکټران وایي دا محرقه نه بلکې هماغه د کرونا ویروس دی.

د دی ترڅنګ، د عامې روغتیا وزارت د  نورو موسمي ناروغیو د خپریدو په اړه هم اندیښنه لري چې کرونا ته ورته نښې لري. وحید مجروح، د عامې روغتیا وزارت مرستیال، وایي ننګرهار ته یې پلاوی استولی چې دا موضوع له نیژدې وڅيړي.

د روغتیا نړیوال سازمان هم له دې مخکې خبرداری ورکړی و چې په کرونا ویروس ډېر تمرکز به د یو شمېر نورو ناروغیو د ودې لامل و ګرځي.

Continue Reading

Trending