Connect with us

تازه خبرونه

په افغانستان کې اداري فساد د سولې راتلونکی او د قانون حاکمیت زیانمن کړي- م.م

Ariana News

خپور شوی

 په

(Last Updated On: May 20, 2019)

ملګري ملتونه وايي، چې اداري فساد په افغانستان کې د قانون حاکمیت کمزروی او د سولې راتلونکی له خطر سره مخ کړی دی.

په افغانستان کې د ملګرو ملتونو مرستندویه دفتر یوناما په افغانستان کې له اداري فساد سره د مبارزې په اړه په خپل درېیم راپور کې څرګنده کړې، چې له فساد سره د مبارزې په برخه کې د افغان دولت هڅو مثبته پایله نده ورکړې.

دغې ادارې له اداري فساد سره مبارزه نومي تازه راپور کې په ډاګه کړې، چې له فساد سره د مبارزې په برخه کې د افغان دولت هڅو په ځينو برخو کې د افغانانو پر ژوند هیڅ مثبته اغېزه نده کړې.

په راپور کې د افغانستان ملي شورا د داسې یوه بنسټ په ټوګه یاده شوې، چې له قانون څخه سرغړونو او له مجازاتو څخه له تښتې سره یې مرسته کړې ده.

په افغانستان کې د ملګرو ملتونو ځانګړی استازی تادامچی یاماموتو وایي: له اداري فساد سره د مبارزې په برخه کې د افغان دولت هڅو د افغانانو د ژوند له ښه کولو سره هیڅ ډول مرسته نده کړې. مونږ ته څرګنده شوه، چې په حقوقي برخو او پالیسو کې له ځينو اصلاحاتو سره سره اوس هم اداري فساد، سولې او ښه ژوند ته د افغانانو د رسیدو په برخه کې ستر خنډ دی.

د ملګرو ملتونو په دغه راپور کې راغلي، چې اداري فساد د قانون واکمني کمزروې کړې او جنایتونو ته یې زمینه برابره کړې ده.

نوموړی زیاتوي: اداري فساد د قانون واکمني کمزورې کړې او ډېرو جنایتونو ته یې زمینه برابره کړې ده. دغې چارې یوه خبیثه کړۍ رامنځته کړې، چې له مجازاتو څخه د تیښتې کلتور یې پیاوړی کړی. تر ټولو مهمه دا، چې اداري فساد د سولې راتلونکی هم له خطر سره مخ کړی دی.

په دغه راپور کې د افغانستان ملي شورا د یوه داسې بنسټ په توګه یاده شوې، چې له قانون څخه د معافیت کلتور ته یې وده ورکړې. ملګرو ملتونو ویلي، چې افغان دولت له اداري فساد سره د مبارزې او د ولسمشریزو ټاکنو له لویو آزموینو سره مخ دي.

Continue Reading
Advertisement

تازه خبرونه

په افغانستان کې سوله به د سیمې سوداګرۍ ته وده ورکړي -عمران خان

Ariana News

خپور شوی

په

توسط

(Last Updated On: October 30, 2020)

د پاکستان لومړي وزیر عمران خان ویلي، چې په افغانستان کې سوله او ثبات به د ټولې سیمې لپاره ګټور وي او ورسره به نور اقتصادي فرصتونه هم رامنځته شي.

نوموړي د پنجشنبې پر ورځ د افغانستان د سوداګرۍ او صنایعو وزارت له چارسمبالی نثار احمد فیضي غوریاني سره په کتنه کې ویلي: په افغانستان کې سوله به د سیمه ییزو اړیکو د پراختیا او د اقتصادي همکاریو د نويو فرصتونو په برابرولو کې د ټولې سیمې لپاره ګټوره وي.

د پاکستان لومړي وزیر څرګنده کړې؛ پاکستان او افغانستان ښه ډېر اقتصادي فرصتونه لري، چې په ​​وینا یې  یوازې د اقتصاد او سوداګرۍ په برخو کې د همکارۍ له لارې ترلاسه کیدی شي.

عمران خان همدارنګه په افغانستان کې د سولې او ثبات لپاره د پاکستان دوامداره ملاتړ تکرار کړ او د خبرو اترو د سیاسي جوړجاړي پر اړتیا یې ټینګار وکړ.

دغه راز نثار احمد فیضي غوریاني د سولې له بهیره څخه د پاکستان له ملاتړ او د دواړو حکومتونو تر منځ د اقتصادي او سوداګریزو اړیکو د پراختیا له هڅو مننه وکړه.

غوریاني، چې د پاکستان – افغانستان ۲۰۲۰ د سوداګرۍ او پانګونې په ناسته کې د ګډون لپاره اسلام آباد ته تللی؛ د دغه هېواد له لوړ پوړیو چارواکو سره یې لیدلي او د دواړو هېوادونو پر ترانزیتي مسلو او سوداګرۍ یې هر اړخیزې خبرې کړي.

Continue Reading

تازه خبرونه

د سولې خبرو بنسټ باید قرآن کریم او اسلامي شریعت وي – اشرف غني

Ariana News

خپور شوی

په

توسط

(Last Updated On: October 29, 2020)

ولسمشر اشرف غني د اسلام د ستر پیغمبر د زوکړې نمانځغونډې ته په خبرو کې ویلي؛ طالبان څلوېښت کاله د دین په نامه وجنګېدل، خو اوس یې د اسلامي شریعت د احکامو پر ځای له امریکا سره تړون د سولې خبرو بنسټ ګرزولی دی.

ولسمشر غني د اسلام د ستر پیغمبر د زوکړې نمانځغونډې ته، چې په کې یو شمېر دیني عالمانو او امنیتي ځواکونو برخه اخیستې وه ویلي؛ د افغان حکومت بنسټ اسلامي شریعت دی او طالبان باید قرآن او اسلامي شریعت د افغانستان د سولې خبرو اترو بنسټ وګرزوي.

ولسمشر اشرف غني وايي: هغو، چې ۲۰ کاله د دین پر نوم جګړه وکړه؛ اوس وایي، د امریکا تړون. رادې شي د هېواد له دیني عالمانو سره دې خبرې وکړي او نظرونه دې تبادله کړي.

اشرف غني زیاته کړې؛ له سولې پرته، هیڅ څیز د جګړې له لارې تر لاسه کیدی نشي او په اوسني وضعیت کې د افغانانو د وینو تویول جایز ندي.

ولسمشر غني د تاوتریخوالي دوام ته په نغوته او اشاره کې خپل دا ټینګار هم څرګند کړی، چې د افغان حکومت د وېش هره هڅه به ناکامه وي.

 

دغه راز د میلاد نبې نمانځغونډې ته د ارشاد، حج او اوقافو وزارت چارسبمالی قاسم حلیمي ویلي، اسلامي نړۍ د افغانستان اوسنۍ جګړه حرامه نومولې او د دې جګړې پر وړاندې یې د افغان سرتېرو مبارزه شرعي جګړه ګڼلې ده.

په هېواد کې د تاوتریخوالي پېښې دوام لري، چې قرباني یې ملکیان او افغان ځواکونه ورکوي. په داسې حال کې، چې دیني عالمان سولې ته د رسېدو او د شخړو د پای لپاره د پیغمبر (ص) د سنتو پر ځای کول لړین بولي.

Continue Reading

تازه خبرونه

ځوان افغان کرکت لوبغاړی نور احمد د آسترالیا بیګ باش لیګ ته غوره شو

Ariana News

خپور شوی

په

توسط

(Last Updated On: October 29, 2020)

د افغانستان ځوان کرکت لوبغاړي نوراحمد د آسترالیا د میلبورن رنیګدز له کلب سره د لوبیدو تړون لاسلیک کړی او بیګ باش لیګ ته غوره شوی دی.

یاد کلب د دې اوونۍ په لومړیو کې له محمد نبي سره بیا قرار داد کړی و او دادی دغه کلب نن په ډاګه کړه، چې ۱۵ کلن نور احمد هم ورسره له کابله یوځای کیږي.

د میلبورن رنیګدز مشر روزونکي مایکل کلینګر د نور احمد په اړه ویلي؛ مونږ هغه له تېر یو کال راپدیخوا له نږدې څارو، که څه هم هغه د خپل اړوند کار په لومړیو پړاوونو کې دی، خو د داسې وړتیاوو او مهارتونو لرونکی دی، چې د توپ وهونکي هڅې ستونزمنوي.

نوراحمد د کیڼ لاس توپوهونکی دی، چې په ټوله نړۍ کې د ستاینې وړ ګرزیدلی دی.

نوموړي د دې کال په پیل کې له کارایب غوره لیګ سره تړون لاسلیک کړی او په ۲۰۱۹ د محمد نبي پر سپارښتنه یې د تی ۲۰ جام هم خپل کړ.

افغان کرکت لوبغاړي محمدنبي ویلي؛ د رنیګدز پلویان او د بیګ باش مینوال کیدی شي په دې پړاو کې کې د نور احمد په اړه ډېر څه ونلري؛ خو زه تاسې ته ډاډمنوم، چې هغه د ښې او په زړه پورې وړتیا لرونکی دی. زه احساس کوم، چې یوه روښانه راتلونکې به ولري.

د یادونې ده، چې په دې لیګ کې به دی د شپږم افغان په توګه لوبیږي.

Continue Reading
Advertisement

Trending