Connect with us

تازه خبرونه

په تېرو پېنځه کلونو کې نوي زره جنايي پېښې رامنځته شوي

Ariana News

خپور شوی

 په

(Last Updated On: غویی ۲۲, ۱۳۹۸)

د کورنیو چارو وزارت سرپرست وايي، چې په تېرو پېنځه کلونو کې نوي زره جنايي پېښې رامنځته شوي او دمګړۍ هم له جنايي جرمونو سره په مبارزه کې پولیس له نیمګړتیاوو سره مخ دي.

په کابل کې جنايي پېښې مخ پر زیاتیدو دي او ښاریان یې سخت اندېښمن کړي؛ خو د کورنیو چارو وزارت مسوولین وايي، چې د پېښو په مخینوي کې د خلکو مرستې ته اړتیا لري.

د کورنیو چارو وزارت وايي، چې له تېرو پېنځه کلونو راپدیخوا په ټول هېواد کې نوي زره دوه سوه دولس جنايي پېښې رامنځته شوي دي او اووه اویا زره دوه سوه اته اویا پېښې څېړل شوې دي.

د کورنیو چارو وزارت له جنايي جرمونو سره د مبارزې د ارکان رييس امان الله چمتو وایي؛ په دې پېښو کې وژنې، غلاوې او انسان تښتونې د ټینګار وړ دي، چې په اړه یې ۱۱۴۹۸۹ کسان نیول شوي او عدلي ارګانونو ته سپارل شوي دي.

د کورنیو چارو وزارت سرپرست مسعود اندرابي وایي، چې موږو ته ورته کله له یوې سوړې سرراوباسي او کله له بلې او په همدې توګه په تېښته کې دي. پولیس پرې شپه و ورځ بریدونه کوي او پرې برلاسي هم لري

د کورنیو چارو وزارت لخوا د خلکو رابلل شویو استازیو خپل وړاندیزونه چارواکو ته وسپارل.

د خلکو استازي اندېښنه لري، چې ورځ تر بلې جرایم ډېریږي او له چارواکو غواړي، چې وړاندیزونو ته یې باید پاملرنه وشي.

د کابل اوسیدونکی حبیب وایي، چې غلا روانه ده، تښتونې کیږي او د خلکو وژنې د اندېښنې وړ دي.

د کابل اوسیدونکی احمد شاه وایي، چې د خلکو وړاندیزونه دې پلې شي.

د خلکو په باور؛ که د پېښو مخنیوی ونشي، له ترهګریزو بریدونو به یې خلکو ته زیان ډېر وي.

کورنیو چارو وزارت ډاډ څرګندکړی او وایي، چې د دغه وزارت د نوې تګلارې له مخې به د جنايي پېښو په مخنیوي کې د پام وړ پرمختګونه رامنځته او له مجرمینو سره به جدي او قانوني چلند وشي.

تازه خبرونه

عبدالله عبدالله د خپلو نوماندانو نوملړ ولسمشرۍ ته وسپاره

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په کابینه کې د داکتر عبدالله عبدالله د ونډې نوماند وزیرانو نوملړ ولسمشرۍ ماڼۍ ته رسیدلی دی او عبدالله ته نږدې سرچینې وايي، چې اوس هم د ملي پخلاینې عالي شورا له مشر سره د هغه ملګري د وروستي شوي نوملړ په اړه اختلاف لري.

د ملي پخلاینې عالي شورا د مشر عبدالله عبدالله د کابینې نوماند وزیران له دوه میاشتو خبرو او مشورو وروسته ځانګړي او ولسمشرۍ ماڼۍ ته یې نوملړ استول شوی دی.

مسعود اندرابي د کورنیو چارو، فضل احمدي معنوي د عدلیې، انوارالحق احدي د کرنې، نور رحمان اخلاقي د کډوالو چارو، محب الله صمیم د قومونو او قبایلو چارو وزارتونو لپاره نوماند شوي دي.

مصطفی مستور د سولې په برخه کې د دولت وزارت، معصومه خاوري د مخابراتو، نثار احمد غوریاني د سوداګرۍ، منصور سعادت نادري د اقتصاد، بشیر احمد ته ینج د کار او ټولنیزو چارو، کنشکا ترکستاني د لوړو زدکړو، عباس بصیر د ترانسپورت او نجیب آقا فهیم د شهیدانو او معلولینو په چارو کې د دولت وزارت لپاره نومول شوي دي.

داسې معلومات هم  تر لاسه شوي، چې د عبدالله عبدالله په مشرۍ د نوماند وزیرانو له نوملړ سره د هغه متحدین مخالف دي.

عبدالله ته نږدې سرچینو ويلي، چې ملي جنبش ګوند په کابینه کې د درې وزارتونو غوښتنه کوي. په داسې حال کې، چې په نوملړ کې دوه وزارتونه ونډه ورکړ شوې ده.

دغو سرچینو څرګنده کړې، چې ملي جنبش ګوند، بشیر احمد ته ینج د کرنې ، قدرت الله ذکي د ترانسپورت او کنشکا ترکستاني د کډوالو چارو وزارت لپاره وړاندیز کړي وه.

ځينې نورې سرچینې بیا وايي، چې د نوماند وزیرانو د نوملړ په اړه هیڅ اختلاف نشته.

د سیمه ییزو ارګانونو خپلواکې ادارې ویاند احمد شاه سقیم ویلي، چې ولسمشر محمد اشرف غني د یوولس ولایتونو لپاره والیان معرفي کړي دي.

ولسمشرۍ او سپیدار ماڼیو تر اوسه د دغه نوملړ په اړه څه ندي ويلي.

Continue Reading

تازه خبرونه

د ګمرکونو ټول عایدات د حکومت خزانې ته نه سپارل کیږي

Ariana News

خپور شوی

په

توسط

(Last Updated On: چنګاښ ۲۰, ۱۳۹۹)

په ګمرکونو کې د تعرفو په نوم اخیستل کیدونکې پیسې ټولې د دولت خزانې ته نه لویږي؛ ځکه، چې په ګمرکونو کې اداري فساد بیخي ډېر شوی دی.

تورخم په ننګرهار کې، اسلام کلا په هرات کې، حیرتان په بلخ کې، آقینه په فاریاب کې، سپین بولدک په کندهار کې، شېرخان بندر په کندوز کې او انګور اډه په پکتیکا کې د هېواد له عایداتي سرچینو څخه شمېرل کیږي، چې اوس په دغو ګمروکونو او بندرونو کې د مالي فساد د زیاتیدو ګڼ راپورونه ورکول کیږي.

د بلخ د سوداګرۍ او پانګوالۍ خونې مشر آرش یونسي ویلي؛ په دغو ګمرکونو کې له خلکو د تجارتي تعرفو په نوم اخیستل شویو پیسو ډېره برخه د زورواکو او ټوپکوالو جیبونو ته لویږي.

د افغانستان د شفافیت بنسټ هم په عوایداتي سرچینو کې د شفافیت د نشتوالي او بيځایه ګومارنو له کبله د فساد له ډېروالي خبر ورکوي.

 د افغانستان د رڼښت بنسټ مشر سید اکرام افضلي ويلي، چې په کمرکونو کې بیځایه او غیر شفافو ګومارنو او د اصلاحاتو لپاره جدي ګام نه اخیستو پراخ مالي تنظیم شوي فساد ته لار اواره کړې ده.

د مالیې وزارت مسولین وايي چې د عوایدو راټولول په جدي توګه څاري او هڅه کوي د مالي فساد مخه ونیسي.

د مالیې وزارت ویاند شمروز خان مسجدي ويلي، چې په ګمرکونو کې د مالي فساد مخنیوي او په چارو کې پر شفافیت یې تمرکز کړی دی.

له دې مخکې د هرات والي ویلي وه، چې د اسلام کلا ګمرک ډېره برخه عواید د زورواکو او مافیا جیبونو ته لویږي.

Continue Reading

تازه خبرونه

په پکتيا کې ۱۲ وسلوال طالبان وژل شوي

Ariana News

خپور شوی

په

توسط

(Last Updated On: چنګاښ ۱۹, ۱۳۹۹)

په پکتیا ولایت کې له امنیتي ځواکونو سره په نښته کې د یوه سیمه ییز قومندان په ګډون ۱۲ وسلوال طالبان وژل شوي دی.

د ۲۰۳ تندر قول اردو وياند ايمل مومند آريانانيوز ته څرګنده کړې، چې نن سهار ۵ بجې وسلوالو طالبانو په شاه محمد او شګۍ نومو سيمو کې د افغان ځواکونو پر پوستو ډله ییز بریدونه پیل کړل، چې له امنیتي ځواکونو سره په نښته کې د طالبانو د يوه قومندان آباسين په ګډون لس وسلوال وژل شوي او اووه نور ټپيان دي.

مومند زیاته کړې، چې په دې نښته کې افغان ځواکونو ته کوم ځاني زیان ندي اوښتی.

طالب وياند ذبيح الله مجاهد ويلي، په اريوب ځاځي ولسوالۍ کې جګړه شو؛ خو افغان ځواکونو ته ځاني زیانونه اوښتي دي.

همدارنګه نوموړي په ډاګه کړې، چې تېره شپه ناوخته وسلوالو طالبانو د پکتیا ولایت د څمکنۍ ولسوالۍ اړوند د نوزې خولې په اړوند سیمه کې د ملي امنیتي ځواکونو پر گزمه برید کری، چې د ملي امنيتي ځواکونو لخوا د چمتو قطعی په مرسته له شاتګ سره مخ شول او په پايله کې یې (۲)  وسلوال طالبان وژل شوي او (۲) نور ټپيان دي.

له بده مرغه په دغه نښته کې د ملي امنيتي ځواکونو یو تن هم ټپي شوی دی.

مومند زياتوي، چې په وژل شويو طالبانو کې يو يې پاکستانی دی.

طالبانو د دغې مرګ و ژوبلې په اړه څه ندي ویلي.

Continue Reading

Trending