Connect with us

تازه خبرونه

په افغانستان کې له نري رنځ څخه زرګونه کسان مري

Ariana News

خپور شوی

 په

(Last Updated On: وری ۱۱, ۱۳۹۸)

په افغانستان کې د نري رنځ د نړیوالې ورځې په نمانځغونډه کې چارواکو اندېښنه ښودلې، چې په افغانستان کې هر کال د نري رنځ له کبله زرګونه کسان ژوند له لاسه ورکوي.

 اجرائيه رييس عبدالله عبدالله وايي، چې د نري رنځ د درملنې لپاره روانې هڅې بسنه نه کوي.

د نوموړي د څرګندونو له مخې؛ د نري رنځ ناروغۍ د له منځه وړلو بهیر ښیي، چې د دغې ناروغۍ د ناروغانو درملنه چټکه شوې؛ خو له درملنې څخه د پاتې کسانو شمېرهم د اندېښنې وړ دی، چې پر وړاندې یې باید مبارزه وشي او په دې اړه نړیوالو ګډو هڅو ته اړتیا ده.

د بشري حقونو خپلواک کمیسیون څرګندونې ښیي، چې په تېرو اووه لس کلونو کې د افغانستان پېنځه سوه زره کسان پر نري رنځ اخته شوي دي.

یاد کمیسیون دا هم ویلي، چې که د دغې ناروغۍ د خوریدو مخه ونه نیول شي؛ له جګړو او تاوتریخوالي به د نري رنځ تلفات ډېر وي.

د بشري حقونو خپلواک کمیسیون ريیسه سیما سمر وایي، چې که د نري رنځ ناروغۍ درملنه ونشي؛ د  جګړې په پرتله به یې تلفات ډېر وي؛ ځکه دا ساري ناروغي ده او د له منځه وړلو لپاره یې باید د مرستندویو هېوادونو مرسته روانه وساتل شي.

د عامې روغتیا وزیر وايي، چې د نري رنځ ناروغۍ د درملنې د هڅو په لړ کې دغه ناروغي په افغانستان کې پنځوس په سلو کې راټیټه شوې ده.

د عامې روغیتا وزیر فیروزالدین فیروز وایي، چې په افغانستان کې هر کال شاو خوا درویشت زره کسان د نري رنځ له کبله مري. سږکال مونږ نهه زره تلفات لرو، چې د تېر په پرتله پنځوس سلنه لږوالی ښیي.

د نوموړي د څرګندونو له مخې؛ مونږ د هېواد په نهه لویو ښارونو کې د درملنې دوه زره شپږ سوه اووه ویشت مرکزونه لرو، چې لدې ناروغۍ سره مبارزه وکوي.

د روغتیا نړیوال سازمان او د امریکا پرمختیايي اداره د افغانستان د روغتیا له برخې سره تر ټولو ډېره مرسته کوي؛ خو د نري رنځ ناروغي اوس هم د افغانانو د ژوند لپاره د جدي ګواښ په توګه پاتې ده. افغان چارواکي ويلي؛ د نړیوالو مرستو په لړ کې به وتوانیږو، چې تر دوه زره دېرشم میلادي کال پورې په افغانستان کې د نري رنځ ناروغي له ریښې وباسو.

خبریال: سمیع جهش

Continue Reading
Advertisement

تازه خبرونه

په ننګرهار زندان کې له روان بریده تر دې دمه ۲۱ کسان وژل شوي او ۴۳ نور ټپیان دي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار پر محبس په روان وسلوال برید کې تردې دمه ۲۱ کسان وژل شوي او ۴۲ ټپیان دي.

د ننګرهار له زندان څخه له ۱۴ ګړیو وروسته هم د سپکو او درندو وسلو ډزې اوریدل کېږي. د دې ولایت د والي ویاند عطاالله خوږیاڼی ويلي؛ تراوسه د دې برید له کبله ۲۱ مړي او ۴۳ ټپیان روغتونو ته لیږدول شوي.

نوموړي زیاته کړې؛ بریدګرو په محبس او ورته مخامخ په شرق نومې پلازه کې سنګرونه نیولي دي.

هغه  وايي، تراوسه ۷۰۰ تښتیدلي زندانیان، د امنیتي ځواکونو له خوا بېرته نیول شوي او خوندي ځایونو ته لیږدول شوي دي.

له محبس څخه راوتلی اسلام الدین نوم آریانانیوز ته ویلي؛ شپږ بریدګر، چې پر سرونو یې تورې ټوټې تړلې وې او ژوندی دې وي اسلامي خلافت چغې یې وهلې؛ زندان ته را د ننه شول.

تښتیدلي بندي دا هم ویلي، چې بریدګرو د امنیتي ځواکونو لباس اغوستی و او زندانیانو ته یې ویل، ژر له زندان څخه ووځي کنې وبه وژل شئ.

د ننګرهار د عامې روغتیا ریاست ویاند ظاهرعادل ويلي؛ د ښار په روغتونو کې بېړنی حالت اعلان شوی.

هغه وايي، تراوسه ورته ۵۰ ټپیان وروړل شوي، چې د ۱۳ هغو روغتیايي حالت د اندېښنې وړ دی. په قربانیانو کې امنیتي سرتېري، زندانیان او ملکي وګړي شته او  ځېنې کسان په کورونو کې هم ژوبل شوي.

د برید له کبله د تښتېدلیو زندانیانو شمېر خورا مهمه ده؛ خو تر دې دمه کره شوی ندی.

د ننګرهار والي ویاند عطاالله خوږیاڼی تائيدوي، چې یوشمېر زندانیان تښتېدلي  خو وايي کره شمېره یې نه ده معلومه.

یوې امنیتي سرچینې د نوم د نه ښودلو پر شرط آریانانیوز ته ویلي، چې سلګونه زندانیان پر تېښته بریالي شوي، چې په کې وسله وال طالبان، د دعش اړوند جنګیالي، انسان تښتوونکي او نور جنايي بندیان شته.

داعش د دې برید مسوولیت پرغاړه اخیستی او څرګندوي، چې د برید له کبله د دوی یو شمېر کسان پر تېښته بریالي شوي دي.

د محبس د ننه یو شمېر بند پاتې زندانیان وايي، بریدګر پر اردو ژبه خبرې کوي او ښه مجهز دي.

کورنیو چارو وزارت تېر ماښام په ډاګه کړې، چې مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره په نښته کې ښکېل شوي دي.

Continue Reading

تازه خبرونه

د ننګرهار پر زندان د داعش د برید پر مهال ۵۰ بندیان تښتیدلي

Ariana News

خپور شوی

په

توسط

(Last Updated On: زمری ۱۳, ۱۳۹۹)

د ننګرهار ولایت د جلال آباد پر زندان د داعش جنګیالیو د برید پر مهال لږ تر لږه ۵۰ بندیان  تښتیدلي دي.

د یو شمېر سرچینو د څرګندونو له مخې؛ ۱۵ تښتیدلي بندیان بېرته نیول شوي دي.

کورنیو چارو وزارت منلې، چې نن ماښام یو شمېر وسلوالو بریدګرو د ننګرهار ولایت پر محبس برید کړی دی.

د یاد وزارت د خبرپانې له مخې؛ نن مازیګر شاوخوا ۶:۴۵ وسلوالو بریدګرو د ننګرهار ولایت د جلال آباد ښار د محبس په ور کې یو موتر بم چاودنه کړې او بیا له امنیتي ځواکونو سره یې نښته وکړه.

د ننګرهار والي ویاند عطاالله خوږیاڼي ویلي، چې په دې پېښه کې دوه تنه وژل شوي او ۲۴ نور ټپیان دي او روغتونونو ته لیږدول شوي دي.

داعش د برید مسوولیت منلی دی.

دا په داسې حال کې ده، چې د افغانستان ملي امنیت عمومي ریاست ځانګړيو ځواکونو پرون جلال آباد ښار ته نږدې د عبدالله اورکزي په نوم د داعش ډلې یو پوځي مشر وژلی دی.

Continue Reading

تازه خبرونه

د ننګرهار پر محبس ډله ییز وسلوال برید مرګ و ژوبله رامنځته کړې

Ariana News

خپور شوی

په

توسط

(Last Updated On: زمری ۱۲, ۱۳۹۹)

د ننګرهار والي ویاند عطاالله خوږیاڼي ویلي، چې د نن شپې د زندان په برید کې دوه تنه وژل شوي او ۲۴ نور ټپیان دي.

د ننګرهار ولایت د جلال آباد ښار د څلورمې امنیتي حوزې یوې امنیتي سرچینې د نوم د نه ښودلو پر شرط آریانانیوز ته ویلي، چې بریدګرو لومړی د زندان مخې ته موتربم برید چاودنه کړې او وروسته څو بریدګر زندان ته د ننه شول او نښته را منځته شوه.

د ننګرهار د عامې روغتیا ریاست ویاند ظاهر عادل ویلي، چې تر دې دمه د پېښې له ځای څخه د جلال آباد حوزوي روغتون ته له شپاړس ډېر ټپیان او یو مړی رالیږدول شوي؛ خو د ځینو پپیانو روغتیایي حالت د اندېښنې وړ دی.

د پېښې  لیدونکیو څرګنده کړې؛ د زندان مخې ته د پولیسو له یوه ټانک سره د یو تن موتر ټکر شو، چې دستي درز پورته شو.

دغه راز همهاله د ننګرهار پر هوايي ډګر توغندي لګیدلي او په شاوخوا کې  د ډزو غږونه هم  اوریدل کیږي.

امنیتي مسوولین پر هوايي ډګر توغندي او پر زندان ډله ییز وسلوال برید تائيدوي؛ خو نور معلومات نه ورکوي.

د چارواکو دا هم ویلي، چې د برید پرمهال ۵۰ ډېر بندیان تښتیدلي؛ خو ځینې بېرته نیول شوي دي .

داعش د ننګرهار ولایت پر محبس د ډله ییز برید پړه پر غاړه واخیسته .

د ننګرهار محبس د جلال آباد ښار په څلورمه ناحیه کې موقعیت لري.

Continue Reading

Trending