Connect with us

تازه خبرونه

په افغانستان کې یو نوی حکومت جوړیږي- عمران خان

Ariana News

خپور شوی

 په

(Last Updated On: کب ۲۵, ۱۳۹۷)

د پاکستان لومړي وزیر عمران خان په  دوحه کې د طالب استازیو او امریکایانو د خبرو وروستي پړاو ته په نغوته کې ویلي، چې جګړه پای مومي او سوله دې جګړه ځپلې هېواد ته راځي.

عمران خان دا خبره کړې او وایي؛ په افغانستان کې نوي حکومت جوړیږي، چې  په خبره یې د ټولو افغانانو استازیتوب به وکړي.

د پاکستان لومړی وزیر عمران خان وایي، جګړه پای مومي او سوله راځي او د سولې بهیر د سوداګرۍ او اقتصاد د پیاوړتیا لپاره ډېر مهم دی.

هغه وایي: له طالبانو سره د سولې خبرې کیږي او که الله غوښتي وي په افغانستان کې به زمونږ وروڼه د یو او بل تر څنګ په سوله کې ژوند وکړي.

په کابل کې بیا بهرنیو چارو وزارت د پاکستان سفارت مستشار احضار کړ او په دې اړه یې ترې وضاحت وغوښت.

بهرنیو چارو وزارت د عمران خان دا خبرې کورنیو چارو کې څرګنده لاسوهنه ګڼي.

د طالبانو د رژیم د امر باالمعروف وزیر مولوي قلم الدین وایي، چې د نوي او زوړ حکومت جوړیدل نه د عمران خان خوښه ده او نه  ورپورې اړه لري؛ خو داکتر غني بېځایه منډې وهي او بېځایه ټاکنې کوي، د نوي حکومت جوړیدل یو اړتیا ده.

ځینې ګوندونه وایي، د عمران خان دا خبرې ښیي، چې د افغانستان په سوله او جګړه کې دا هېواد لوړ لاس لري.

د ولسمشرۍ ټاکنو احتمالي نوماند عنایت الله  حفیظ وایي، چې د سولې بهیر باید له خلکو پټ نه وي. هغه خبرې، چې باید حکومت یې وکړي؛ پاکستان یې په ډاګه کوي. دا ښي، چې پاکستان د افغانستان په جنګ کې پراخ لاس لري.

په وروستیو کې د ملي امنیت سلاکار حمد الله محب له طالبانو سره د امریکا د سولې پر خبرو کلکې نیوکې وکړې او ویې ویل، چې په دې خبرو کې هیڅ روڼتیا نشته او افغان حکومت وروستۍ مرجع ده، چې له دې خبرو خبریږي.

خبریاله: افسون محمدي

تازه خبرونه

په افغانستان کې پر کرونا ویروس ۳۷۵۰۶ کسان اخته شوي

Ariana News

خپور شوی

په

توسط

(Last Updated On: زمری ۲۵, ۱۳۹۹)

د عامې روغتیا وزارت په تېرو څلیریشت ګړیو کې د ۴۰۸ شکمنو پېښو له لیدلو ۷۵ نوې مثبتې پېښې په ډاګه کړې دي.

د روغتیایي چارواکو د څرګندونو له مخې؛ له تېرې یوې شپې او ورځې راپدیخوا په کابل کې ۴، په هرات کې ۳۶، په بلخ کې ۳، په پکتیا کې ۱، په بامیان کې ۴، په ننګرهار کې ۲، په بادغیس کې ۵، په لوګر کې ۲، په غزنی کې ۱۲، په کونړ کې ه، په دایکندي کې ۵ کسان پر کرونا اخته شوي دي.

روغتیا وزارت ویلي، چې تر دې دمه د کووید -۱۹ په کتنځیو کې د  کرونا ویروس ۹۸۱۹۹ پېښې کتل شوي، چې ۳۷۵۰۶ مثبتې وې.

یاد وزارت ويلي، چې دا مهال په هېواد کې پر کرونا ویروس ۹۳۴۷ د مثبتو پېښو لرونکي ناروغان لرو.

له بلې خوا، په تېرو ۲۴ ګړیو کې له کرونا ویروسه شپږ کسان مړه شوي، چې پېنځه یې په هرات او یو بل په لوګر کې ثبت شوي دي. دغه راز ۴۵۲ کسان له درملنې وروسته ښه شوي دي.

په هېواد کې تر دې دمه له دې ویروسه ۱۳۶۹ کسان مړه شوي او ۲۷۱۶۶ نور رغیدلي دي.

دغه راز د عامې روغتیا وزارت دوه اوونۍ مخکې په ۳۴ ولایتونو کې د خپلې تر سره شوې سروې له مخې ویلي وه، چې د هېواد یو پر درېیمه برخه وګړي پر کرونا ویروس اخته شوي دي.

د روغتیا وزارت په وینا، د ټول نفوس ۳۱.۵ سلنه، چې لس د؛ ر دې ناروغۍ اخته شوي، چې اوس یې ډېررغیدلي دي.

د روغتیا وزارت چارسمبالی جواد عثماني ویلي: ۳۴ ولایتونه پر ۹ زونونو وېشل شوي؛ د کابل زون د ټولو وګړیو ۵۳ سلنه، ختیځ زون ۴۲.۹ سلنه، مرکزي ولایتونه ۳۶.۳ سلنه، په غربي ولایتونو کې ۳۴.۱ سلنه او ختیځ سهیل ولایتونه ۳۲.۴ سلنه پر کرونا ویروس اخته شوي دي.

 تېره میاشت سره صلیب خبرداری ورک، چې افغانستان له کووید – ۱۹ ناروغۍ څخه د رامنځته کیدونکي احتمالي روغتیایي ، ټولنیز او اقتصادي ناورین په څنډه کې دی؛ ځکه، چې دا د نړۍ د ۱۰ ترټولو زیان منونکي هېوادونو پر اوږه یو دروند بار پریباسي.

دې ادارې زیاته کړه، چې د ساري ناروغۍ اصلی شمېر د محدودو ازموینو او ضعیفو روغتیایي سیستمونو له کبله د افغانانو ترمنځ خورا ډېر دی.

په ټوله نړۍ کې، د کرونا ویروس د مثبتو پېښو شمېر ۲۰۹۶۰۴۲۴رسیدلی، چې لږ تر لږه ترې ۷۶۰۳۷۱ کسان ترې مړه شوي او ۱۳۰۲۸۸۲۹ یې بېرته رغیدلي دي.

Continue Reading

تازه خبرونه

حکومت د ۴۰۰ ناندریزو طالب بندیانو د خوشې کولو بهیر پیل کړ

Ariana News

خپور شوی

په

توسط

(Last Updated On: زمری ۲۴, ۱۳۹۹)

حکومت د ۸۰  طالب بندیانو له خوشې کولو سره د پاتې۴۰۰ ناندریزو بندیانو د خوشې کیدو بهیر پیل کړ.

د ملي امنیت شورا د دفتر د څرګندونو له مخې؛ پرون پنجشنبه د پاتې ۴۰۰ طالب بندیانو د خوشې کیدو بهیر د سولې مشورتي جرګې د پرېکړې او ترې یوه ورځ وروسته د ولسمشر اشرف غني د فرمان له مخې پیل شوی دی.

له څلور سوه طالب بندیانو څخه اتیا یې پرون د پنجشنبې پر ورځ د څرخي پله له زندان څخه آزاد شول. خوشې شوي طالبان، چې ملي امنیت شورا ترې انځوریزې مرکې خپرې کړي وایي؛ د وژنو، تښتونو او اخلاقي رسولۍ په تورونو نیول شوي وه.

یو آزاد شوی طالب بندي محمد شریف وایي: د طالب کیدو او قتل په جرم بندي شوی وم . غواړم، چې په هېواد کې سوله او تلپاتې اوربند رامنځته شي.

یو آزاد شوي بندي محمد انور نومي ویلي، چې د انسان تښتنونې پر جرم بندي وم؛ له مشرانو غواړم، چې تلپاتې سوله رامنځته کړي.

د دغو بندیانو ډېر پر اعدام محکوم دي؛ حق العبد دوسیې لري، د نشه یي توکو د قاچاقو تور پرې لګېدلی، د حکومت او د ځینو متحدو هېوادونو په تور نوملړ کې راغلي او په اخلاقي رسوایۍ کې هم ګرم پېژندل شوي دي.

پخواني طالب سید اکبر آغا ویلي، چې د بندیانو د خوشې کولو د خپلمنځي خبرو پیلیدو ته هیلې ډېرې کړي دي.

ویل کیږي، چې د بندیانو له خوشې کیدو یوه اوونۍ وروسته به خپلمنځي خبرې پیل او اوربند رامنځته شي.

د حکومت مرکچي پلاوي غلام فاروق مجروح ویلي؛ چمتووالی مو وروستی شوی او د روانې اوونۍ په نیمایي کې به قطر ته سفر وکړو.

له دې مخکې حکومت ویلي وه، چې له دغو بندیانو څخه یوشمېر یې پر اعدام محکوم شوي، چې په څرخي پله او بګرام زندانونو کې ساتل شوي دي.

د څلور سوه طالب جنګیاليو د خلاصون مساله د افغانانو د سولې خبرو د پیل یو لوی خنډ یادیده؛ ځکه، نو ولسمشر د سولې مشورتي لویه جرګه را وبلله او د سولې مشورتي لویې جرګې د پرېکړې له مخې یې د دې ۴۰۰ نالنړدریزو بندیانو د خوشې کولو حکم لاسلیک او تېره ورځ یې د خوشې کیدو لړۍ پیل شوه.

طالبانو تر دې دمه د خوشې شویو ۸۰ بندیانو په اړه څه ندي ویلي.

Continue Reading

تازه خبرونه

روسیې د کرونا ویروس له ۵۰۰۰ ډېرې نوې مثبتې پېښې ثبت کړي

Ariana News

خپور شوی

په

توسط

(Last Updated On: زمری ۲۴, ۱۳۹۹)

روسیې د جمعې پر ورځ په ټول هېواد کې د کرونا ویروس د ۵۰۶۵ مثبتو پېښو له ثبتیدو خبر ورکړی دی.

د دغو نویو مثبتو پېښو له شمېر سره په روسیه کې د کروناویرس د ناروغانو شمېر ۹۱۲۸۲۳ ته ورسید، چې دا هېواد یې په نړۍ کې پر دغې ناروغې د اخته هېوادونو په څلورمه لیکه کې ودراوه.

په روسیه کې د کرونا ویروس ځواب ورکوونکي مرکز څرګنده کړې؛ له تېرو څلیریشت ګړیو راپدیخوا په دې هېواد کې د دې ناروغۍ ۱۱۴ ناروغان مړه شوي، چې له دې سره د مړینې رسمي شمېر یې ۱۵۴۹۸ ته رسیدلی دی.

دا معلومات په داسې حال کې خپریږي، د روسیې ولسمشر ولادیمیر پوتین د اګست پر ۱۱ وویل، چې روسیې له کرونا ویروس سره د مبارزې لپاره د واکسین پر جوړولو بریالی شوی دی.

پوتین په یوه حکومتي ناسته کې څرګنده کړې وه؛ تر هغه ځایه، چې زه پوهیږم نن سهار د کرونا ویروس پر وړاندې د نړۍ لومړی واکسین ثبت شوی دی.

که څه هم پوتین ویلي، چې دغه ثبت شوی ویروس یې پر لور آزمویلی؛ خو د روسیې دغه جوړ شوی واکسین باید د جواز ترلاسه کولو لپاره وروستی پړاوونه ووهي.

په نړۍ کې د کرونا ویروس د ناروغانو شمېر۲۰۹۲۴۶۰۳ ته رسیدلی، چې امریکا د ۵۲۵۲۱۷۱ پېښو په لرلو لومړی، برازیل د ۳۲۲۴۸۷۶ شمېر په لرلو دوه یم، هند د ۲۴۶۱۱۹۰ پېښو په لرلو سره درېیم  هېواد شمېرل شوی دی.

د یادونې ده، چې په نړۍ کې له دې ناروغۍ ۷۵۹۷۱۶ تر دې دمه مړه شوي شوي او ۱۲۹۹۹۲۲۸ نور ترې رغیدلي دي.

سرچینه: رویترز

Continue Reading

Trending