Connect with us

بلخ @ps

په شمال کې د څو ولایتونو مرکزونه د سقوط له ګواښ سره مخ دي

Ariana News

خپور شوی

 په

(Last Updated On: وږی ۸, ۱۳۹۷)

د امنیتي بنسټونو په خبره؛ دا مهال د ټول هېواد په لس ولایتونو کې جګړه روانه ده؛ د فاریاب، سرپل او جوزجان ولایتونو مرکزونه له لوړ امنیتي ګواښ سره مخ دي.

د هېواد په شمال کې د څو ولایتونو اوسیدونکي امنیتي بنسټونه د شته ګواښونو په وړاندې په بې پروایۍ تورنوي او وایي، طالبانو د بریدونو لپاره چمتوالی نیولی دی.

د شبرغان ښار اوسیدونکی عتیق الله وایي، طالبان د ښار په شاوخوا نږدې سیمو کې فعال حضور لري او له شبرغان پرته نورې ټولې سیمې ناامنه دي.

په فاریاب کې د سولې شورا د دفتر رییس مولوي جلالي وایي، چې مونږ له ښکېلو خواوو د سولې غوښتنه کوو؛ ځکه د امنیتي ځواکونو تلفات ډېر دي او هر یو یې پلار او مور لري.

امنیتي او دفاعي مسوولینو، چې کله شمال ته سفرونه کړي، تل یې د پوځي عملیاتو د پیل کیدو او پوځي ګواښونو د له منځه تلو خبره کړې؛ خو اصلي پوښتنه دا ده، چې که څه هم استخبارات له وړاندې د ګواښونو په تړاو خبرتیا لري، خو د ګواښونو د مخنیوي په تړاو ناوخته اقدام کوي!

پخواني پوځیان د دې ګواښونو په وړاندې د امنیتي ځواکونو سرسري چلند او د پوځي عملیاتو په اجرا کې ځنډ د پوښتنې وړ موارد بولي.

پخوانی پوځي محمدآګل مجاهد وایي: ستونزې شته؛ د امنیتي ځواکونو امکانات تر هغه حده ندي، چې د هېواد په ټولو برخو کې جګړه وکړي او د دغې جګړې لپاره لوژستیکي چمتوالی هم ستونزه ده.

دا باور هم شته که امنیتي بنسټونه په دغو سیمو کې په بیړه عملیات تر سره نکړي؛ دا ولایتونه به هم د غزني پر برخلیک واوړي؛ خو دفاع او کورنیو چارو وزارتونه وایي، ژر به د طالبانو د ځپلو لپاره ځمکني او هوايي عملیات پیل شي.

د کورنیو چارو وزارت ویاند نجیب دانش وایي: مونږ پخپل ټول ځواک د طالبانو پر وړاندې ولاړ یو او دا ډله به خپلو موخو ته ونه رسیږي.

د ملي دفاع وزارت د ویاند مرستیال محمد رادمنش وایي:  همدا اوس د لوی درستیز مرستیال په فاریاب کې  دی او له مخالفانو څخه د سیمو د پاکولو پر عملیاتو کار کوي.

په داسې حال کې، چې د امنیتي ځواکونو او وسلوالو مخالفانو تر منځ د هېواد له بېلابېلو سیمو څخه د نښتو راپورونه ورکول شوي؛ د پکتیا ولایتي شورا، ان پر ګردیز ښار د طالبانو د ډله ییز برید له چمتووالي خبر ورکړی دی.

خبریال: شاهپور فرهمند

بلخ @ps

د آسیا پراختیایي بانک د مزارشریف ګازي برښنا پروژې ته پور ور کوي

Ariana News

خپور شوی

په

توسط

(Last Updated On: غبرګولى ۳۰, ۱۳۹۹)

د آسیا پراختیايي بانک او د افغان برښنا تولیدي شرکت(غضنفر ګروپ) تر منځ د ۱۰ میلیون ډالرو پر ارزښت د پور ورکړه لاسلیک شوه.

د آسیا پراختیايي بانک د څرګندونو له مخې؛ دغه لس میلیون ډالر د پور هغه برخه ده، چې د مزارشریف ګازي برښنا پروژې لپاره د مالي مرستې په توګه په پام کې نیول شوې، چې د کورنیو سرچینو له لارې د دایمي انرژۍ د ترلاسه کولو لپاره وکارول شي.

دا بانک وایي، د افغانستان په خصوصي سکتور کې دا د ګازي برښنا لومړنۍ پروژه ده، چې بودجه یې د مالي پراختیا موسساتو لخوا برابریږي.

د آسیا پراختیايي بانک څرګندوي؛ دا تر ۲۰۳۰ کال پورې د ستراتیژۍ په نوم د بانک د اوږدې مودې بېخبنایي ستراتیژي ده، چې د افغانستان په جنګي حالاتو کې د خصوصي سکتور له لارې ترې ملاتړ کیږي.

دوی په ډاګه کړې: د آسیا پراختیایي بانک ۱۰ میلیون ډالره نوره قرضه، چې خصوصي بېخبنایي صندوق چمتو کړې هم دې پروژې ته منظوروي. دغه اوږدمهاله پور د افغانستان د مزارشریف په اړوند سیمه کې د۵۸.۵۶ میګاولټه ګازي برښنا د باوري کولو لپاره برابریږي.

د دې بانک د اعلامیې له مخې؛ دا پروژه سره له دې، چې طبعیي ګاز کاروي؛ خو ۸۹ میلیون ډالره لګښت پرې راځي، چې د کال ۴۰۴ میګاولټه ګړۍ انرژي به رامنځته کړي.

د آسیا پراختیایي بانک د بېخبنایي چارو مالي مدیرچکربورټي وایي: دا پروژه مونږ ته ډاډ راکوي، چې له طبیعي ګازو څخه د برښنا تولید به نه یوازې په افغانستان کې د وارداتي برښنا کچه راټيټه کړي، بلکې د انرژۍ امنیت هم ورسره خوندي کیږي.

هفه زیاته کړې؛ د دې هېواد بریالي کیدل بازار ته یو اړین پیغام رسوي، چې د افغانستان د برښنا صنعت اوس په خصوصي سکتور کې د پانګې جذبولو ته چمتو شوی دي.

 د افغان برښنا تولیدي شرکت( غضنفرګروپ) مشر اسماعیل غضنفر وایي: دا د غضنفر ګروپ په پلان کې لومړنی ګام دی، چې له نړیوالو پراختیایي بانکونو، سیمه ییزو، نړیوالو شرکتونو او افغان حکومت سره د همکارۍ له لارې په افغانستان کې د ۵۰۰۰ میګا ولټه انرژۍ د تولیدي تاسیساتو په جوړولو کې مرسته کوي.

ویل کیږي، چې افغانستان لږ تر لږه ۷۵ سلنه د اړتیا وړ برښنا انرژي له بهره واردوي.

Continue Reading

بلخ @ps

نږدې ۱۰۰۰ کوترې د دانې کموالي له کبله مړې شوي دي – بلخ

Ariana News

خپور شوی

په

توسط

(Last Updated On: غبرګولى ۲۰, ۱۳۹۹)

د مزار شریف ښار کې د روضې په زیارت کې نږدې زر کوترې د دانې کموالي له کبله تلف شوي دي.

کرونا وبا نه یواځې چې د انسانانو ژوند له ګواښ سره مخ کړی، بلکې مزار شریف ښار کې یې د روضې  کوترو دانه هم پرې کمه کړې، ځکه چې خلک دې ځای ته نه ورځي.

سپینې کوترې چې د آزادي پیبغام رسوي، په مزار شریف ښار کې د هر چا سترګې پرې لګیږي. له کرونا مخکې هره ورځ روضې ته زرګونه کسان ورتلل، او له کوترو یې د لیدنې تر څنګ کوترو ته دانې اچولې.

درې میاشتې کیږي چې د کرونا وبا پراختیا دې ځای ته ورتګ بند کړی دی. همدې چارې د کوترو ژوند له ګواښ سره مخخ کړی، ځکه کوترې دانې نه لري.

د مزار شریف ځینې اوسېدونکي د کرونا وبا له پیلېدو سره سم پر ورځ درې بورۍ غنم او جوار کوترو ته اچوي، وایي، که نور خلک او حکومت دې برخه کې پام ونه کړي، د کوترو حالت به نور هم خراب شي.

د زیارت مسوولین وایي، د روان حالت په اړه یې له سیمه ییزو چارواکو او د ارشا، حج او اوقافو وزارت له مسوولینو سره خبره شریکه کړې، خو تر اوسه یې څېړنه نه ده شوې.

دوي له سوداګرو او خلکو غواړي چې د نورو کوترو د تلف کېدو مخنیوی وکړي.

د کوترو کره شمېره نشته، خو مسوولین وایي، شمېر یې له لس زرو ډېر دی.

Continue Reading

بلخ @ps

د اختر لمونځونه دې له روغتیايي سپارښتنو سره سم ادا شي- عالمان

Ariana News

خپور شوی

په

توسط

(Last Updated On: غبرګولى ۳, ۱۳۹۹)

د بغلان ولایت دیني عالمانو له هېوادوالو غوښتي، چې د اختر لمونځونه دې د حج او اوقافو او عامې روغتیا وزارتونو له سپارښتنو سره سم ادا او تر سره شي.

د بغلان ولایت د حج او اوقافو ریاست چارواکي او دیني عالمان له عامې روغتیا وزارت سره د همغږۍ له مخې په هېواد کې د کروناویروس پر خوریدو اندېښنه ښیي او غواړي، چې هېوادوال د اختر لمونځونه له روغتیایي سپارښتنو سره سم ادا کړي.

دوی په یو پرېکړه لیک کې د جوماتونو له ملاامامانو هم غوښتي، چې تبلیغ او خطبې دې د سولې په اړه رالنډې او له کرونا ویروس څخه د خلاصون پر لارو چارو را وڅرخوي.

دیني عالمانو له کرونا ویروس سره د مبارې په موخه وقایوي ګامونه پورته کړي او د هغو جوماتونو ضد عفوني پیل شوي، چې د اختر لمونځ پکې ترسره کیږي. دغه راز سپارښتنې کوي، چې لمونځ دې په پرانستي ځای کې ادا،  واټن او ماسک کارول دې مراعت شي.

د بغلان د حج او اوقافو ریاست مشر نقیب الله سجاد ویلي، چې پر کرونا ویروس اخته او شکمن کسان دې د جماعت لمانځه ته نه راځي او خپل لمونځونه دې په کورونو کې کوي.

دغه راز د بغلان امنیه قومندان محمد ویس صمیمي هم په اختر کې د جوماتونو، ښار او لویو لارو د خوندیتوب ډاډ څرګند کړی دی.

د بغلان دیني عالمانو د هیواد له اوسیدونکو څخه وغوښتل، چې اختر له خپلو کورنیو سره ولمانځي اوله کورونا ویروس سره مبارزه پوره مبارزه وکړي او د خوریدو مخه یې ونیسي؛ له ګډط ناستې، ښکلولو، غېږ کې نیولو او روغبړ څخه دې ډډه وکړي.

Continue Reading
Advertisement

Trending