Connect with us

تازه خبرونه

په افغانستان کې دې د لنډ مهالي مشروط حکومت طرحه پلې شي

Ariana News

خپور شوی

 په

(Last Updated On: March 8, 2018)

یو شمېر سیاسي فعالینو ملګرو ملتونو ته وړاندیز کړی، چې په افغانستان کې دې د لنډ مهالي( موقت) مشروط حکومت طرحه پلې شي.

ځینو سیاسي فعالینو له کړاوونو څخه د افغانانو د وتلو لپاره ملګرو ملتونو ته داسې طرحه وړاندې کړې، چې له مخې یې شپږ میاشتنی لنډ مهالی حکومت جوړ او د ملي وحدت حکومت رهبران به واک پریږدي. دوی وايي، چې ملګري ملتونه دې د ثور په وروستیو کې دا طرحه پلې کړي او لنډ مهالی حکومت به په شپږ میاشتو کې ټاکنو ته زمینه برابروي.

دوی وايي، چې حکومت د ټاکنو لپاره اراده نلري؛ نو، ځکه مو د لنډ مهالي مشروطه حکومت طرحه وړاندې کړې.

سیاسي فعال برنا صالحي وایي؛ د لنډ مهالي حکومت دنده به یوازې ټاکنو ته زمینه برابرول وي، پر اساسي قانون نه راڅرخي او ستونزوې به هم نه جوړوي.

دغو سیاسي فعالینو د لنډ مهالي حکومت د جوړښت طرحه ملګرو ملتونو ته سپارلې او یو شمېر سیاسي ډ‌لې یې هم پرې خبرې کړې دي.

دغه فعالین وايي، چې حکومت د ټاکنو اراده نلري؛ نو د ستونزو د حل لپاره یې په دغه طرحه کار کړی دی.

سیاسي فعال شیوا شرق وایي، د لنډ مهالي مشروطه حکومت طرحې د ملګرو ملتونو ۶۰ سلنه قناعت تر لاسه کړی دی.

اجرائيه ریاست بیا وايي؛ ملي وحدت حکومت ژمن دی، چې ټاکنې تر سره کړي او په سوله ییز ډول واک نورو ته ولیږدوي.

د دغه ریاست ویاند مجیب الرحمان رحیمي وايي، چې له نظام، حکومت او اساسي قانون بهر د هر ډول طرحې منل به ستونزې ډېرې کړي.

دا، چې آیا د لنډ مهالي حکومت طرحه د افغانستان له اساسي قانون سره اړخ لګوي او یا ور سره په ټکر کې ده، د حقوقپوهانو د ټولنې غړی یې په اړه وايي.

د حقوقپوهانو د ټولنې غړی وحیدالله فرزه یي وایي؛ دا طرحه به کار ورکړي او حقوقي مشروعیت به هم لري، ځکه ملي وحدت حکومت د اساسي قانون له مخې جوړ شوی نه دی.

دغه طرحه، چې د رستاخیز تغییر جنبش لخوا جوړه شوې؛ په کې راغلي: د لنډ مهالي یا موقتې دورې رييس به ولسمشریزو ټاکنو کې د کاندید په توګه ګډون نشي کولی.

خبریال: باعث حیات

تازه خبرونه

په افغانستان کې د امریکايي ځواکونو ډېرول شوني دي – امریکا

Ariana News

خپور شوی

په

توسط

(Last Updated On: April 17, 2021)

امریکایي چارواکو ویلي، چې له افغانستان څخه د ټولو بهرنیو سرتېرو د ډاډمنو وتلو لپاره ښایي په شمېر کې یې ډېروالی رامنځته شي.

د امریکا د دفاع وزارت ویاند جان کربي د جمعې پر ورځ یوې خبري غونډې ته څرګنده کړې؛ دا به غوره وي، چې تر سپټمبره د لنډې مودې لپاره د سرتېرو د ډاډمنو وتلو لپاره په وړتیاوو کې ډېروالي رامنځته شي.

نوموړي د سرتېرو د رارسیدو او څرنګوالي په اړه پوره څه ندي ویلي.

هغه په دې اړه زیاته کړې؛ لکه څنګه، چې مونږ عراق پریښود، دغه راز په افغانستان کې هم مونږ لوژیستیکي او انجنري مرستې ته اړتیا لرو.

هغه دا هم ویلي، چې د امریکا دفاع وزارت اوسمهال له افغانستان سره د راتلونکیو کلونو پر امنیتي اړیکو کار کوي.

جان کربي زیاته کړې، چې امریکا به له تروریزم سره په مبارزه کې خپلې هڅې روانې ساتي او د ترهګرو د پټنځي د جوړولو مخنیوی به کوي.

کربي زیاته کړې: مونږ په دې برخه کې ډېر ظرفیتونه لرو  او زه نه غواړم پدې اړه تفصيلاتو ته لاړشم، چې مونږ دا ظرفیتونه څنګه کاروو.

هغه دا هم ویلي، چې له افغانستان څخه د بهرنیو ځواکونو وتل د اړیکو د پرې کولو معنی نلري؛ خو امریکا به د افغان ځواکونو ملاتړ روان ساتي.

دغه راز امریکايي چارواکو ژمنه کړې، چې د افغان امنیتي او دفاعي ځواکونو معاشونه به ورکوي.

طالبانو تر دې دمه په دې اړه څه ندي ویلي؛ خو مخکې یې د دې اعلان په غبرګون کې، چې د سپټمبر تر یوولسمې به امریکایي سرتېري له افغانستان څخه وځي ویلي، چې د امریکا دا کړنې به طالب جنګیالي پوځي ټینګار او مقاومت ته اړ کړي، چې مسوولیت به یې د امریکا پر غاړه وي.

Continue Reading

تازه خبرونه

په نیمروز ولایت کې د طالبانو له زندانه ۲۰ امنیتي سرتېري خوشې شول – دفاع وزارت

Ariana News

خپور شوی

په

توسط

(Last Updated On: April 17, 2021)

ملي دفاع وزارت په ډاګه کړې، چې تېره ورځ د نیمروز ولایت په خاشرود ولسوالۍ کې افغان ځواکونو د طالبانو یو زندان مات او  ۲۰ امنیتي سرتېري یې د طالبانو له بنده خوشې کړي دي.

ملي دفاع وزارت په ډاګه کړې؛ د کومانډو ځواکونو په دغو عملیاتو د اردو ۱۷ سرتېري او درې پولیس افسران د طالبانو له بند څخه خوشې شوي دي.

دغه وزارت زیاته کړې، چې په دې عملیاتو کې د طالب قومندان مولوي بشیر په ګډون اووه طالبان وژل شوي دي.

د دفاع وزارت د څرګندونو له مخې، بندیان د طالبانو لخوا ډېر ځورول شوي دي.

طالبانو تر دې دمه رسنیو ته په دې اړه څه ندي ویلي.

Continue Reading

تازه خبرونه

افغان دولت د سقوط له خطر سره مخ ندی- اشرف غني

Ariana News

خپور شوی

په

توسط

(Last Updated On: April 17, 2021)

د افغانستان ولسمشر اشرف غني د جمعې پر ورځ د آذربایجان په باکو ښار کې د ګنجوي نړیوال پوځي مرکز ته د انلاین ناستې له لارې جوړې شوې ناستې ته څرګنده کړې، چې د بهرنیو سرتېرو له وتلو وروسته د دولت او حکومت د سقوط خبره ناسمه ده او تر هغې، چې افغان کومانډو ځواکونه وي؛ هیڅ ګواښ به ورته ته متوجه نشي.

ولسمشر اشرف غني وایي: مونږ د سقوط له خطر سره مخ نه یو؛ د نظام د پاشل کېدو روایت یو ناسم روایت دی. زموږ کومانډو ځواکونه د سیمې په کچه څو برابره پیاوړي دي. تر هغې، چې دا ځواکونه شتون ولري؛ د پاشل کېدو او سقوط هیڅ نشته.

د ښاغلي غني په باور دا مهال ډېر عملیات افغان ځواکونه په خپلواک ډول تر سره کوي او مشري یې په غاړه لري. بهرني ځواکونه یوازې د مشورې او زدکړو رول لري.

ولسمشر غني په ډاګه کړې؛ که جګړه شدیده شي د ۳۵۰ زره وسلوالو پوځونو تر څنګ خلک هم مسلح دي او چمتو دي، چې دفاع  ترې وکړي.

ولسمشر ویلي: مونږ خبرو اترو ته ژمن یو؛ توپ اوس د طالبانو په میدان کې دی. مونږ استانبول ته په بشپړه توګه چمتو یو. په دې اړه ملي او حکومتي اجماع شتون لري. اوس وینو، چې طالبان کومه لار ټاکي. موضوع دا ده، چې د طالبانو سیاسي کمېټه د پوځي کمېټې استازیتوب نکوي او د طالبانو قومندانانو اوس هم سوله ټولنیزه کړې نده.

دغه راز د امریکا د بهرنیو چارو وزیر هم کابل ته له سفر او له افغان چارواکو سره د ځواکونو د ویستو د پلان تر شریکولو وروسته پدې اړه له پاکستانيو چارواکو سره هم خبرې کړې دي.

اشرف غني په ډاګه کړې: په دې شېبه کې غوراوی د طالبانو خوښه ده؛ آیا هغوی سوله غوره کوي، چې د ميز پر سر ده یا تاوتریخوالی؟ د پاکستان لپاره هم د غوراوي ښه شېبه ده، چې آیا نړیوال مشارکت او سیمه ییزه همکاري غوره کوي او که له ترهګرو ډلو ملاتړ کوي.

طالبانو د امریکا لخوا له افغانستان څخه د ځواکونو د ویستو نوې نېټې ته په غبرګون کې خبرداری ورکړی، چې دا کړنه به یې د پوځي عملیاتو له سره پیلېدو ته لار پرانیزي او مسوولیت به هم د امریکا په غاړه وي.

Continue Reading

Trending

آریانا نیوز: ټول حقونه خوندي دي