Connect with us

تازه خبرونه

په روان کال کې به د هېواد ټوله فضا تر څارنې لاندې راشي- حبیبي

Avatar

خپور شوی

 په

(Last Updated On: سلواغه ۲۳, ۱۳۹۶)

د افغانستان د هوايي چلند خپلواکې ادرې مسوولین وايي، د هوايي ترانزیت له لارې د عوایدو د زیاتید لپاره به په روان کال کې د هېواد ټوله فضا د را دارو له لارې تر څارنې لاندې راشي.

د هوايي چلند د خپلواکې اداري چارواکي وايي؛ تر هغې، چي ټوله فضا مو تر خپلې څارنې لاندې رانشي؛ د عوایدو ډېریدل هم ناشوني دي.

د هوايي چلند د خپلواکې ادارې رییس محمود شاه حبیبي وایي؛ د کابینې لخوا د هېوا د هوايي ډګرونو لپاره ۱۵۰ میلیون  دالر منظور او له یوې فرانسوي کمپنۍ سره د رادار جوړولو په اړه خبرې  روانې دي، چې ښه نوي او وروستي جوړشوي رادارو نه ترې واخلو.

هغه زیاتوي، د افغانستان د دې سترې بېخبنایي پروژې لپاره به مونږ د نړي تر ټولو نوي او معیاري  رادار د هېواد د ټولي فضا څارنې ته وپېرو، چې له دې سره به مو هم هوایي خدمتونه نه یوازې سم شي، بلکې عواید مو هم ورسره ډېریږي.

ښاغلی محمود شاه حبیبي دا هم په ډاګه کړې، چې د هېواد د فضایي څارنې لپاره له ۱۲- ۱۵ پورې رادار وړاندیز شوي دي.

د اقتصادي چارو کارپوهان د افغان حکومت لپاره د هوايي ډګرونو د رادارونو پروژه مهمه بولي او وایي، چې حکومت باید دا کار ډېر پخوا کړی وای.

د اقتصادي چارو شنونکی تاج محمد تلاش واي؛ که مونږ دې پروګرام ته ډېر پخوا پام کړی وای، اوس به مو د هېواد ټوله فضا تر خپلې څارنې لاندې وه او په ملکي او پوځي برخو کې به مو خورا مهم رول لوبه ولی شو.

د هوايي چلند خپلواکه اداره وایي؛ تر یوه بریده اوس هم د کارګو او هوايي ترانزیت په برخه کې ستونزه شته، چې د دغو رادارو له فعالیدو سره به زمونږ ټولې اړوند  ستونزې په ټوله معنا حل شي.

خبریال: اسلم حجاب

تازه خبرونه

د افغانستان د وګړیو شمېر نږدې ۳۳ میلیون اټکل شوی- مرکزي احصائیه

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

د مرکزي احصائې ادارې د څرګندونو له مخې؛ په روان لمریز کال کې د افغانستان د وګړیو شمېر نږدې ۳۳ میلیون اټکل شوی دی.

دوی دا هم په ډاګه کړې، چې د تېر کال په تناسب د هېواد وګړي څه باندې اووه سوه زره زیات شوي دي. د مرکزي احصائې د راپور له مخې، یو اویا سلنه وګړي په کلیو کې او پاتې نور په ښارونو کې ژوند کوي. دغه راز د کوچیانو شمېر هم یو نیم میلیون ښودل شوی، چې څلوراعشاریه شپږ سلنه کیږي.

په دې راپور کې له ۱۵ کلونو ټیټ عمره کسانو شمېر ۱۵نیم میلیون ښودل شوی دی.

د ملي احصائې او معلوماتو ادارې ویانده روبینا شهابي وایي، د دغو وګړیو یو پنځوس سلنه نرینه دي، چې له ۲۳ میلیون ډېر یې په کلیو کې ژوند کوي.

د یادې ادارې د څرګندونو له مخې؛ د نفوسو ۱۶ میلیون او اته سوه زره نرینه او ۱۶ میلیون او سل زره ښځینه دي.

 د نرینه وو نفوس له ښځینه وو څه باندې یوه سلنه ډېر دی.

د مرکزي احصائې په راپور کې په ډاګه شوې، چې د هېواد د نفوسو څه باندې څلور پنځوس سلنه وګړي د بېوزلۍ تر کرښې لاندې ژوند کوي او د نفوسو له ډېریدو سره بېوزلي هم پراختیا مومي.

ټولنپوه عبدالقیوم سجادي وایي، وړاندې شوې احصائيه له تخنیکي ستونزو سره مخ ده.

خلک وایي؛ پرلپسې جګړو له حکومت دا موقع اخیستې، چې د طالبانو په تر واک لاندې سیمو کې خلک وشمېري.

Continue Reading

تازه خبرونه

په افغانستان کې د کرونا مثبتو پېښو ډېریدو اندېښنې راپورته کړي

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په افغانستان کې د کرونا ویروس چټکه خوریدنه ټکان ورکوونکې ده او عامې روغتیا وزارت ویلي؛ که  روغتیایي سپارښتنو ته پاملرنه ونکړو، هېواد به له لوی ناورین سره مخ شي.

 د عامې روغتیا وزارت د څرګندونو له مخې، په تېرو څلیریشت ګړیو کې یوولس سوه اته شپېته بېلګې کتل شوي، چې ۵۴۵ یې مثبتې را وتلي دي.

د عامې روغتیا وزارت مرستیال وحبد الله مجروح زیاته کړې؛ د کرونا ویروس له دې پېښو سره د ټولو مثبتو هغو شمېر۱۵۷۵۰ ته رسیدلی، چې په همدومره وخت کې ترې ۸ کسان مړه شوي دي.

د عامې روغتیا وزارت مرستیال د کرونا کنټرولولو لپاره د خلکو همکاري اړینه او له دې حالت څخه د وتو یوازنۍ لار بولي او خبرداری ورکوي که روغتیایي سپارښتنې رعایت نشي؛ هېواد به له لوی ناورین سره مخ کړو.

کرونا ویروس د نورې نړۍ په څیر افغانستان هم ځپلی او زیاترو خلکو، چې اقتصادي ستونزې یې درلودې؛ د کرونا له اړخه لګیدلو محدویتونو یې ژوند نور هم تریخ کړ. که څه هم د عامې روغتیا وزارت له خلکو څخه په بیا بیا غوښتي، چې په کورونو کې پاتې او روغتیایي سپارښتنې عملي کړي؛ خو د کابل په ګډون په لویو ښارونو کې ډېر خلک پر ټولنیزو کارونو اخته تر سترګو کیږي.

Continue Reading

تازه خبرونه

حکومت ۳۰۰۰ نه، بلکې ۲۲۸۴ طالب بندیان خوشې کړي- شاهین

Avatar

خپور شوی

په

توسط

(Last Updated On: غبرګولى ۱۲, ۱۳۹۹)

په قطر کې  د طالبانو د سیاسي دفتر غړي او ویاند سهیل شاهین ویلي؛ حکومت د درې زره طالب زندانیانو د خوشي کولو خبره کوي، خو په وینا یې تر دوه نیم زره کم طالب بندیان خوشي شوي دي.

د ده په خبره حکومت تر دې دمه له خپلو زندانونو د طالبانو ۲۲۸۴ بندیان خوشي کړي دي.

شاهین زیاته کړې، چې د بندیانو د خوشي کولو بهیر باید روڼ وي او په دې لړ کې دې ګډوډي نه رامنځته کېږي.

د افغانستان امنیت شورا ویلي، چې په درې ورځو کې یې د طالبانو زر بندیان خوشې کړي دي.

د ملي امنیت شورا ویاند جاوید فیصل ویلي، چې له اختر مخکې ۱۰۰۰ طالب بندیان خوشې شوي دي.

د نوموړي د څرګندونو له مخې؛ په اختر کې ولسمشر په ډاګه کړه، چې دوه زره نور بندیان دې هم خوشې شي، ۱۰۰۰ یې د اختر په ورځو کې خوشې شول.

۷۱۰ کسان په تېرو درې ورځو کې خوشې شول او ټاکل شوې، چې ۲۹۰ نور هم خوشې شي، چې له دې سره به ټول ۳۰۰۰ پوره شي.

پخواني طالب سید اکبر آغا ویلي؛ د یو شمېر ډاډمنو سرچینو د څرګندونو له مخې، د بندي طالبانو د آزادولو په بهیر کې د نشه یي توکو ځینې قاچاق وړونکي هم خوشې شوي دي.

طالبانو هم له څلور ۴۰۰ ډېر بندیان آزاد کړي دي، چې حکومت ویلي و؛، ځینې یې ملکیان دي.

د حکومت د سولې خبرو مرکچي پلاوی له طالبانو غواړي، چې په سملاسي توګه د افغانانو خپلمنځي خبرو ته حاضر شي.

د حکومت د سولې مرکچي پلاوي غړی فاروق مجروح ویلي؛ ځینې هېوادونه د دې خبرو اترو کوربتوب ته چمتو شوي دي او څومره، چې ژر کیدای شي، حکومت او طالبان دې د دې خبرو د ځای پر سر هوکړې ته ورسیږي.

د ملي پخلاینې شورا، چې د سولې خبرو اترو د پر مخ بیولو په برخه کې واک لرونکې اداره ده، پخپل اداري جوړښت له کار کولو خبر ورکوي.

د حکومت د مرکچي پلاوي غړې فوزیه کوفي وایي، چې د دې شورا د مشرتابه په کچه کې باید ښځې ټاکوونکی رول ولري.

د ولسمشر له فرمان سره سم د دوو زرو طالب بندیانو د خلاصولو بهیر د یکشنبې پر ورځ بشپړ شو؛ خو حکومت ندي ویلي، چې دا بهیر غزوي او که نه؟ خو د طالبانو تخنیکي ډله، چې د خپلو بندیانو پېژندنې لپاره کابل ته راغلې، اوس هم په کابل کې ده.

مخکې سرچینو آریانا نیوز ته ویلي وه، چې د جون پر لسمه یا ۱۵ ښایي د افغانانو خپلمنځي خبرې پیل شي؛ خو طالبانو او حکومت  په دې اړه په رسمي بڼه څه ندي ویلي.

حکومت تمه لري، چې د زندانیانو له خوشي کولو سره د افغانانو خپلمنځي خبرې پيل او د تاوتریخوالي کچه راټيټه شي؛ خو طالبانو د تولو ۵۰۰۰ بندیانو له خوشې کیدو وروسته د سولې خبرو د دوه یم پړاو یا خپلمنځي خبرو پر پیلولو ټینګار ښکاره کړې دي.

Continue Reading

Trending