Connect with us

تازه خبرونه

په روان نوي کال کې د جګړې د زور اخیستنې وړاندوینه شوې

خپور شوی

د

(Last Updated On: لړم ۲, ۱۴۰۱)

د بحران نړیوال سازمان ویلي، چې په روان میلادي کال کې به په افغانستان کې هوایي او ځمکني بریدونه نور هم سخت شي او زور به واخلي.

 د دغې ډلې په باور اوس امریکا خپل ټول تمرکز پر پوځي عملیاتو کړی او نیت لري، چې د جګړې په ډګر کې د وسلوالو طالبانو مخه ډپ کړي او هغوی په سیاسي بهیر کې برخه اخیستو ته اړ کړي.

د بحران نړیوال سازمان وایي؛ د افغانستان لپاره د امریکا د متحده ایالاتو نوې جنګي تګلاره به د دې سبب شي، چې د طالبانو پر ضد د امریکایي ځواکونو عملیات په ځانگړي توګه هوایي بریدونه نور هم ډېر شي.

دغه سازمان زیاته کړې، چې په ٢٠١٨ کې به افغان ځواکونه د طالبانو او نورو ډلو پر ضد ډېر یرغلیز بریدونه وکړي.

د دغه سازمان د ارزونو له مخې؛ د یرغلیزو بریدونو ډېرول د طالبانو د خوځښتونو مهارول آسانه کوي. د افغانستان لپاره د امریکا روانه ستراتیژي یوازې پر پوځي عملیاتو راڅرخي، چې په باور یې د دې ستراتیژۍ پر وړاندې جدي ستونزې هم شته.

د افغانستان د دفاع وزارت ویاند دولت وزیري وایي، په روان ژمي کې به وسلوال مخالفین له درندو تلفاتو سره مخ شي؛ عملیات مو روان ساتلي او مخالفین به په ۲۰۱۸ کال کې د جګړې ځواک ونه لري او متحده ایالات هم پر پاکستان فشار ډېروي.

د امریکا د پوځ د مرکزي قومندانۍ قومندان جوزف وتل سپارښتنه کوي، چې په روان ژمي کې باید افغان ځواکونه پر وسلوالو طالبانو پوځي فشارونه ډېر کړي. د امریکا د نوې ستراتیژۍ له مخې به وسلوالو طالبانو ته فرصت برابر نه شي، چې په ژمي کې خپلې دمې جوړې کړي.

پوځي کارپوه عتیق الله امرخېل په دې اند دی، چې افغان ځواکونه باید پر بشپړې همغږۍ او یووالي د ترورستانو په وړاندې د ژمي عملیات پراخه کړي.

امریکايي سرتېري یو ځل بیا د افغانستان جګړې ته ستانه شوي او لومړی یې په هلمند کې د نشه يي توکو د تولید پر لویو کارخونو هوايي بریدونه پیل کړل. فکر کیږي، چې وسلوال طالبان د نشه يي توکو له درکه ډېري پیسې تر لاسه کوي.

وروستي راپورونه وايي، چې امریکايي الوتکو په بدخشان کې هم د نشه يي توکو ځينې کارخونې ویجاړې کړې دي.

تازه خبرونه

د داعش خراسانی مشر د پاکستان په بلوچستان کې دی – رویټرز

Published

on

(Last Updated On: وری ۹, ۱۴۰۳)

رویټرز خبري اژانس راپور ورکړی، چې د داعش د خراسان څانګې مشر د پاکستان په بلوچستان ایالت کې ژوند کوي.

د دغه خبري آژانس د راپور له مخې: ۲۹ کلن ثناالله غفاري، چې شهاب المهاجر هم یاد شوی؛ دا ډله یې د داعش پر تر ټولو وېرونکې څانګې بدله کړې ده.

رویټرز دا هم څرګنده کړې، چې ثناالله غفاري په ۲۰۲۰ ز. کال کې د داعش خراسان څانګې مشري پر غاړه واخیسته او د ده د مشرۍ پر مهال دغې ډلې سخت بریدونه وکړل او یو شمېر کسان یې ځان ته جلب هم کړل.

رویټرز زیاته کړې، چې د غفاري په اړه د ۲۰۲۱ کال د کابل پر هوايي ډګر د داعش له وژونکي برید مخکې، چې ۱۷۰ افغان ملکي وګړي او ۱۳ امریکايي پوځیان ووژل شول؛ ډېر لږ معلومات خپاره شوي وه.

د داعش د خراسان څانګې بحث وروسته له هغې ګرم شو، چې د تېرې جمعې ورځ مسکو ته نږدې د کنسرت په یوه تالار کې خونړۍ ډزې وشوې او لږ تر لږه ۱۳۹ کسان په کې ووژل شول.

له دې مخکې پاکستانيو چارواکو اعلان کړی و، چې غفاري د تېر کال په جون میاشت کې د افغانستان په کونړ ولایت کې وژل شوی؛ خو اوس رویټرز خبر ورکوي، چې نوموړی پاکستان ته تښتېدلی او د بلوچستان په ایالت کې اوسېږي.

د افغانستان کورنیو چارو وزارت ویاند عبدالمتین قانع وايي، داعش له څه باندې دوه کلونو راپدیخوا په افغانستان کې ځپل شوی او خپلې عملیاتي وړتیاوې یې له لاسه ورکړي او ګواښ پېښولی نشي.

ویل کیږي، چې داعش په افغانستان کې وروستی برید د کندهار ولایت د کابل بانک پر دفتر وکړ، چې ۳ کسان یې ووژل او ۱۲ نور ټپیان دي.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: وری ۹, ۱۴۰۳)

د هند د زلزلې ملي مرکز څرګنده کړې، چې نن (پنجشنبه د وري نهمه) له غرمې وروسته د رښتر پر کچه ۵.۲ درجې زلزلې افغانستان ولړزاوه.

دا زلزله د ځمکې په ۷۰ کیلومټره ژوروالي کې رامنځته شوې او مرکز یې د بدخشان ولایت د اشکاشم ولسوالۍ شمال ختیځه غرنۍ سیمه ده.

دغه زلزله پر افغانستان سربېره په تاجکستان، ازبکستان او قرغزستان کې هم احساس شوې ده.

تر اوسه د دې پېښې د ځاني او مالي زیان په اړه څه ندي ویل شوي.

تېر اکټوبر په هرات ولايت کې د رښتر پر کچه شپږ اعشاريه څلور درجې زلزلې له دوه زره زيات کسان مړه او ډېر کلي ویجاړ کړل.

Continue Reading

تازه خبرونه

د بیات بنیاد د روژې مرسته د بلخ ولایت اړمنو ته ورسېده

Published

on

(Last Updated On: وری ۹, ۱۴۰۳)

بیات بنیاد د روژې د مرستو په لړ کې د بلخ ولایت لسګونه اړمنو کورنیو ته خوراکي توکي ووېشل.

د بیات بنیاد د روژې د مرستو په لړ کې دا ځل د بلخ ولایت لسګونه اړمنې کورنۍ تر پوښښ لاندې راغلې. په بلخ ولایت کې د بیات بنیاد استازی یافث ثاقب وایي؛ په دې مرسته کې اوړه، غوړي او وريجې شته، چې پر اړمنو کسانو وېشل شوې دي.

نوموړي زیاته کړې؛ د هېواد په بېلابېلو سیمو کې د بیات بنیاد د روژې د مرستو لړۍ روانه ده.

هغو کورنیو، چې دغه مرستې ترلاسه کړې د دې بنسټ له مرستو خوښ دي او له نورو مرستندویه بنسټونو هم غواړي، چې له اړو کسانو سره مرستې وکړي.

بیات بنیاد یو له هغو خیریه بنسټونو څخه دی، چې په تېرو ۲۰ کلونو کې یې پر اړمنو کورنیو د مرستو د وېش ترڅنګ یې د هېواد په بېلابېلو برخو کې رغنیزې پروژې هم پلې کړې دي.

Continue Reading

Trending

Copyright © 2022 Ariana News. All rights reserved!